脆意雞 (已結業)

黃店 💛 脆意雞今日去朋友屋企開party，又點可以冇炸雞同pizza呢！喺筲箕灣返工嘅朋友就推介咗脆意雞比我哋，話呢間黃店嘅雞超好食。🟡 脆意雞表明黃色立場🟡 全店內外都超多文宣🟡 多次罷工同撐示威我哋叫咗個大胃A餐（$193），入面有一個普通批、兩款意粉/焗飯/小食/炸雞、三客飲品/餐湯或一客蒜蓉包。🍕 9” 千島海鮮批呢個係一個厚底嘅批，上面偏佈咗滿滿嘅食物，超多der！每一種食材都份量超足夠，千島醬嘅味道同時都好突出，鍾意千島醬嘅我好愛呢個pizza哦😚🍗 炸雞6件果然好似朋友介紹嘅咁，炸雞超脆超好食！係會令平時炸雞唔食皮嘅人都想食埋佢咁正！而且佢超大舊、啖啖肉，特別係上髀位置，咁大舊肉得超細舊骨🥳🥖 蒜蓉包（大槪有6件）未打開袋已經聞到超香嘅蒜蓉味🤩 而且仲係超脆嘅，正😋

煮足2個月，偷懶是常識吧～ 今晚就叫pizza啦～ 老公話想食辣肉腸批，其餘我自己決定6點响ubereat揀咗大胃A餐，有一個普通批，2個主食，3罐汽水或湯我地㨂咗🍕薄辣肉腸批🍝露筍蘑菇長通粉🍗炸雞3件🥤汽水3罐食開都知外賣係要早啲嗌，因為呢間真係好爆～～ 結果7:45終於送到嚟～ 由於好肚餓所以相機搶唔到食頭啖湯🤣薄辣肉腸批，芝士比得十分慷慨～ 辣肉腸雖然一件得一片，但都好夠味～ 重點係非常薄脆～👍🏻👍🏻👍🏻 唔會食到成咀都係油每次都被秒殺的炸雞～ 唔會有雪味，仲炸到好脆好juicy💦好好味～ 係連肉都好味，唔係得層皮有味露筍蘑菇長通粉露筍比阿仔秒殺，如果可以多幾條更好

想食經濟pizza唔一定要去pizza hut phd， 想食炸雞唔一定要幫襯kfc。主打平民意大利菜，有多款意粉焗飯pizza炸雞小食。老實講食物質素唔算好好不過勝在夠抵食！即使一個人食定成班人食價錢都好貼地，枱櫈數量都好足夠，可能係室內環境焗左少少。💛黃店認證：黃到金！多次fb文宣表態支持發送中運動；6.12、8.5罷市；11.13考大學所以有限度服務；8.11接受蘋果訪問支持逆權運動。；餐廳內有問文宣、日曆義賣、連豬頭大胃C餐 $283 適合4-5人👓千島醬底 千島海鮮 大批有洋蔥/青椒/菠蘿/蟹柳/蝦/魷魚/蜆仔薄餅即叫即整所以都要等候一段時間約30分鐘。薄餅材料係足料嘅，靈魂人物芝士係足夠，係厚批麵包底好厚，不過有少少似食緊烘麵包感覺餅邊唔夠香脆可口，係比較平民版嘅 薄餅正正常常。評分：6.5/10👓香辣雞翼八件炸雞反而幾正，同樣即叫即炸熱辣辣，肉質嫩滑juicy，炸粉唔厚幾香脆，好香牛油味所以好香脆，不過變相同時有少少滲油有啲油膩，不過係邪惡好食！香辣醬自由加配，唔算太辣點完會更惹味，但即使雞翼就咁原味食調味已經好足夠。評分：8/10👓夏威夷豬柳焗飯蕃茄汁底配有蕃茄粒和菠蘿

*** 如果要食下午茶，切記要說明係叫下午茶***久仰，第一次去，2位，平日下晝三點幾，先叫咗個意粉加一件pizza連嘢飲，打算睇吓咩樣先再叫另一份，以為係下午茶時間，就自然係下午茶餐，俾完錢先意識到好似貴咗$12喎，十幾秒內即問多次店員係下午茶？店員話：因為你無講明要下午茶，所以唔係下午茶，唔好意思，已經整緊，唔可以改。响下午茶時間自己無講明要「下午茶」餐，要自己負返責任，Er...OK~ 本身我真係以為係即整，就無計啦... 但個意粉嚟到，擺明係已經一早整好咗，再現成上碟嘅，你同我講話整緊，呢點有啲唔合理，同隔離枱叫嘅下午茶組合($37)係一樣，目測只係個意粉多咗1/4左右($49)，而本來諗住叫多個餐都即刻唔使考慮lu~ 咖啡係ok，食物就真係麻麻，所謂嘅卡邦尼個汁係無乜味，似普通白汁？意粉係煮到淋哂嗰啲質地，唔合我何尺；Pizza料係足，只係個批底似普通麵包烘底，可以接受嘅~ 價錢的確係大眾化，或者唔應該有期望，明白小店經營困難，盡量要增加收入，但相信都應該可以靈活啲處理，嗯。

呢度係賣焗飯、意粉、pizza同炸雞嘅😋 有時會突然間好想食啲肥膩野，食呢間就啱啦😆晏晝有幾款焗飯麵揀，$40都幾平，加多$9就有小食，真係好滿足🤩 兩款焗長通粉嘅味道正正常常，份量都幾多，一個人都未必食得晒🙈 小食我哋就試咗pizza同雞翼🍕 pizza味道ok啦，我本身唔係咁鍾意厚批，麵包感較重😛 不過同行嘅包控覺得冇問題🤣 我幾鍾意個檸檬蜜糖雞翼，甜甜地，做小食真係啱啱好👍🏽新年就到啦如果大家會開party嘅話而你又住附近，不妨嗌到會或者外賣🤪 價錢平啲又好食啲，唔好再叫Pizza Hut或者phd喇🤓▫️白汁烤雞長通粉 + pizza $49▪️香草汁龍脷柳長通粉 + 雞翼 $49

環遊世界pizza ＆ 原味炸雞我地叫左個3人套餐 ard ＄200 包一個普通批、任選兩款（意粉／焗飯／炸雞／小食）、選一（飲品3客／餐湯3客／蒜蓉包1客）環遊世界pizza： 超好味的pizza，熱辣辣，芝士拉絲好香，d配料好食份量亦剛好，個皮係我最愛的厚底面包皮原味炸雞：香脆juicy，好夠味（我記得我有4件炸雞 唔知係邊個套餐）（無相）雜菌露荀長通粉：無咩特別，意粉無pizza 炸雞咁出色（無相）羅宋湯：味道好岩我，而且食到好多舊牛肉，足料（無相）朱古力芝士蛋糕（＋＄10）：抵食亦不錯總結：pizza ＆ 炸雞 真係好好味，一定會再encore＄200 我地3人食到飽飽，抵食！係黃店來嫁～～～ 唔洗諗啦 食佢啦

Pizzapie is a local go-to, and not only for its pizza. In fact, their best is definitely the fried chicken. It's fresh, hot, juicy, and beats out KFC next door tastewise for sure.The pizza is also pretty decent, by Hong Kong standards. A bit pricey but worth it if you're in the mood.Only downside is the wait time, which is around 15-20 mins. But that also speaks to the freshness, so no big deal.

4-5人餐只需280蚊，包大批、三樣小食、餐汽水或湯。Pizza 即叫即焗，厚底，餅底似麵包個種，邊邊脆口，口感好正。我地叫左五十五十（兩種味各一半），要加$12，分別係千島海鮮同啖啖肉。千島海鮮：好香千島醬！有大量菠蘿同少少海鮮。啖啖肉：實至名歸，有大大粒雞肉，好過癮！其他小食都係即整，良心小店，值得支持

一直聽人講呢間嘅pizza 好食, 今日終於有幸一試5點幾黎到仲有下午茶餐, $30-40 有意粉 + 小食 + 湯/飲品叫左個肉醬意粉, 小食有pizza(一件)當然要試店員好快端上餐湯 - 粟米湯, 粟米味濃郁!!pizza來到, 令人垂涎欲滴, 忍唔住咬左淡先記得要比相機食Pizza 係厚底, 皮脆內軟, 口感一流, 有菠蘿粟米火腿等餡料肉醬意粉味道正常, 肉醬酸甜開胃

星期五放工，諗住食好啲，路過見到脆意雞就去左睇有咩食，入到去人唔算多，見menu好多野食最後叫左個大胃C餐（$293）叫左特色燒烤BBQ pizza，二set炸雞，小食併盤同五個粟米湯。特色燒烤BBQ pizza 好足料豬肉、雞肉、蘑菇同芝士佈滿成個pizza表面，另外燒烤醬亦都好多，唯一缺點係個皮唔夠脆，唔知係咪因為外賣返屋企太長時間淋左。小食拼盤方面，好多款野食份量亦好多有各4件（春卷，咖哩角，雞翼，雞寶），全部都炸到好脆又唔會太油，配埋個泰式辣醬好惹味炸雞方面 好大件比某連鎖店大好多同埋無咁油，即叫即炸d雞食果時仲好熱，咬落d肉亦都好嫩唔會好乾身。粟米湯方面，都幾濃同埋好多粟米。埋單293 5個人食 人均60度。

好耐無黎呢間餐廳食野，早幾日再黎幫親，叫咗每日套餐：肉醬意粉配熱華田😊間餐廳水準都仲keep到👍肉醬意粉份量唔算多，不過都幾入味，幾好食👍我最鍾意呢間餐廳既店員態度好nice.幾有禮貌😊😊👍

上星期返工前去咗呢間餐廳食個tea， 見到個環境都幾乾淨企理😊 店員都幾nice😊 我叫咗碟 肉醬意粉配甜酸雞翼，再加一杯熱飲，都係$35左右😍好抵食。啲雞翼香脆可口，配上酸酸甜甜嘅醬料，好正😍下次再試下其他款既下午茶😋

接完女友放工問佢想食咩神奇地一向唔鍾意食肥膩嘢嘅佢竟然突然間話想食炸雞一般人聽到食炸雞都係會諗起KFC或者韓式炸雞但係女友話屋企附近開咗間炸雞pizza餐廳好耐都未試過咁咪去試下囉入到去見到座位唔多但係坐得舒服叫左個A餐一個迷你批+三件炸雞+薯絲炸蝦+兩罐野飲埋單$137抵唔抵就食過先知因為好食就係抵唔好食就$13.7都太貴等左十分鐘首先上咗薯絲蝦先跟泰式辣醬不過不失嘅一款小食下次可以試下其他嘢之後就上炸雞首先我要講一講呢度嘅炸雞同KFC嗰啲唔係同一個次元呢度係大件厚肉好多所以炸完之後外面係超脆但係入面依然鮮嫩多汁熟度啱啱好非常好食食到一半就上個迷你千島海鮮批雖然係迷你批 但係一啲都冇揸流灘由個餅底去到醬汁再去到上面啲配料都好過啲連鎖pizza店醬料嘅份量啱啱好唔會淨係食到啲千島醬味食唔到餅底同埋配料嘅味道我平時淨係鍾意食薄批但係呢個厚批真係好食所以都好快速咁清咗碟總括嚟講呢個同KFC差唔多嘅價錢食到呢啲咁嘅質素係超值一定會再嚟食

我每次喺筲箕灣返工前，都好鍾意去呢間餐廳食下午茶，我叫咗一碟肉醬意粉，加甜酸雞翼， 再加一杯熱華田，都只係$35，好抵食😋😍😍佢嘅甜酸雞翼好入味， 酸酸甜甜嘅醬料，加埋辣辣地，真係好開胃，好好食👍👍店員都好友善，好有禮貌👍👍 服務態度好好， 所以我都好鍾意幫襯呢間鋪頭😍😍

由於第一次食完真係唔錯，所以決定食第二次。又係叫大胃王A餐加個小食，3個人岩岩好!蝦沙律pizza - 今次試下薄批（因阿媽鐘意薄），個邊好脆，料都足。 6件pizza每件都有蝦，菠蘿，蟹柳~ d蝦唔算細隻又唔會“梅”，算係咁。。炸雞 - 保持水準，唔太油又夠脆，又唔“孩”。 超正，食完仲好想食多件吞拿魚螺絲粉 - 我唔太好吞拿魚，不過我幾欣賞d汁。。 同埋又係勁足料迷你薯餅 - 炸得都脆，其實都係普通薯餅而已，但係唔洗自己開爐炸咁麻煩。 三十幾蚊6條算係咁。個餐有3罐汽水，買滿200就送多兩罐， 咁樣叫就二百多少少又可以多兩罐汽水，幾抵! 同埋keep到準時到，真係唔錯!