胡爐 (已結業)

第三次黎過胡爐，今次係帶朋友們黎食。訂左7點鐘，但尖沙咀好難泊車，打電話去問接受留枱幾分鐘，職員有禮地回答「點都會留比你，一係幫你改7:30都可以」但我們最後分批到餐廳。因為不限時，所以我相信他是不回枱趕客的湯底叫左個龍蝦鍋，新鮮生猛既龍蝦，雖然分屍左放入煲，但放酒時還在郁！！放完酒後，焗一陣就放濃郁既龍蝦湯煲一煲就可以飲啖試味，開頭是偏咸，加第兩轉清湯就好好多了。另外叫左 本地手砌牛、牛胸爽（好少地方有得食）、聖子、雜菜盤、貴花螃、冰豆腐、手打蝦滑...等等。中途小意外，有一小職員打翻左盤子弄到隔離枱的客人背部，好彩是凍盤，三位職員即是不停道歉及立刻清理，我的朋友都差點點弄到腳，最後資深職員送上白酒給他們及送上餐飲，甜品等以補償不足之處。處理的很好，更加上他們遇到好有品的客人（隔離枱被弄髒的客人），是不幸中的大幸，否則很難收科。