肯德基家鄉雞 (KFC) (已結業)

KFC新餐$35有幾多野食個餐包薯粒, 薯格, 包, 紅豆葡撻, 同汽水其實幾抵主角個包係ok 的多醬多汁有菜又有肉, 仲有塊薯餅夾埋入去'食完好飽肚, 不過好heavy 味道唔係超好味, 但也有好味的水平其他的食物薯粒同薯格都夠熱, 所以好好味但有少少燶個紅豆葡撻同普通葡撻好似一樣味咁, 唔係好食到紅豆味而就唔係好夠熱, 所以中規中矩anyway $35 好抵食

中午想同朋友是但食D野諗住KFC多位就去左點知Weekend都幾多人座係度唔郁!等左一陣先有位未食野就唔安落啦周圍都好污濁買左2個餐都係$34.5有一件雞加個大Size飯同百事但D 雞既size真係愈黎愈細靠lee樣先飽總括黎講不過不失啦雞腿係最好食的薯格同個飯用黎塞住個胃但d質素真係每況愈下同埋好似冇人執野咁

幫人補完習十分肚餓，沙田食店夜晚都十分多人，一個人很不容易找位，所以選擇了久未光顧的ＫＦＣ聖誕節期間有限定的蜂蜜雞塊，配朱古力軟心萄撻，不猶豫便試食了其實ＫＦＣ的雞就食得多啦，不過加上蜂蜜都便有一番風味的，甜甜地辣辣地味道幾好啊不過最令凡驚喜的係個朱古力軟心萄撻，表面上睇落同一般萄撻冇咩分別，但食落去真係有朱古力流出黎，相當不錯的味道，驚喜！第一次食ＫＦＣ令我有驚喜，不錯！

午飯選餐時，多種食品欠奉。俾錯食品冇表示歉意，又唔俾餐具。最重要係serve嗰位係manager 級。叫咗嗰zinger 包餐跟蘑菇飯，個包超乾又韌，中間塊雞又乾。 叫蘑菇飯又上錯雞皇飯。 仲唔俾羹，叫人點食？店員態度惡劣， 唔想serve 就唔好做啦。 唔笑都唔係問題， 都唔好黑面。 快餐店都唔可以差成咁掛。

趁著放假，特地獨個兒早早乘車來到這附近，打算到「香港文化博物館」觀看期待已久，早想到來一看的「彼思動畫展」。因為文化博物館在早上10時才開門的關係，所以決定先在附近吃過悠閒的早餐，然後才入場參觀。可是在新城市廣場裡面和附近商場的食肆，不是還未開門，便是早餐不夠吸引，結果在兜兜轉轉之下，最後終於在這曾經過門不入，但發覺已是其中一個相對較佳選擇的「家鄉雞」吃個早餐。這早餐其實沒甚特別的地方值得大書特書，當中的內容都是「家鄉雞」日常供應的大路食品，無論是家鄉雞件、烘鬆餅以至腸仔，都是只要幫襯過「家鄉雞」，便能想像得到的味道，味道不會太差，但也不會令人感到有任何驚喜。這一頓早餐，食物方面雖然無甚特別，幸好坐在靠近落地玻璃窗旁的坐位上，可看見窗外怡人的風景，這風景，可比這一餐的食物更為吸引呢！

在晚上經常吃九龍塘分店的KFC，實在是十分不行，沒有一次有正常水準，之後吃過華蘭路的也只是平平，今次心癮起，下午茶的時間去了沙田的分店吃一次。想不到這兒的炸雞不錯呢，很久沒吃過炸得外脆內嫩滑肉汁豐盛了。加五元要多一隻狂惹燒雞，肉汁也多，還夠惹味呢。我想來想去，是做法的問題還是時間人流的問題，令分店的分別可以這樣大。(上次九龍塘的哭臉http://www.openrice.com/restaurant/commentdetail.htm?commentid=2123763)其實買個餐，服務也沒什麼可說，收銀姐姐不太友善也不是最重點，慢手慢腳要大家等候多時就是問題了。寫得多，就會知道什麼會寫，什麼會放棄一談，但不會假設其他人也知道而不寫，只要不是經常在同一間食店評論就可以了。如何努力也追不到OPENRICE的食評 : http://kingofseeker.blogspot.com

口痕想食炸野~ kfc幫到你~不過如果你想食炸胸/側胸~ sorry~佢地既答案永遠都係無由唔知幾時開始, 叫親要炸胸都一定係答無今次係一個新回答~我想食到一個大飯夾一件炸雞我就叩左唔知係F定G餐~要辣炸胸佢就答我小姐唔好意思,呢個餐只可以跟下脾~下?????????咁無計啦~你個SET SET死左~我就轉叫第2隻餐~ 個餐係2件炸雞加一個細飯~咁2件炸雞~一年炸胸同一件下脾得啦掛佢再答~ 小姐唔好意思無曬炸胸下? 你地無賣炸胸拿?不如你地貼出黎話左大家聽啦~其實想唔食去食第2樣~可惜PARTNER想食~只好焗食~結果買左上脾同下脾係食食下個時,我見到佢有一張好大既POSTER, 寫佢有個89蚊套餐~3隻唔同味既炸雞, 一共6件而我係下面好細行字個度睇到佢寫呢個SET 既所有炸雞都是係包括上脾同下脾我好想問~ 咩而家佢地養個D雞個胸發育不健全毀縮曬呀?????我呢D係為左佢件炸胸/側胸無~即係叫我唔好再幫襯~FINE

今日做完物理治療好肚餓, 所以就去咗 "肯德基家鄉雞"...食咗個 $20 晚飯精選 我叫了一個 "2 件香辣脆雞 + 辣汁磨菇飯" - 脆雞好干而且又唔辣 辣汁磨菇飯...啲飯太林啲汁又唔夠 估唔到肯德基啲野食差咗貢多

五月上旬‧有雨不是師姐的推介，也真的不會留意到這個新推出的檸辣脆雞。看了師姐在fb的食評，另外專兄也讚好，那我也買一件來吃。單買，要雞上脾。炸雞皮的表面有些青黃色的粉末，辣及酸的味道，是來自這裡吧。雞皮炸得乾身鬆脆，真的好。味道真的是幾辣（當然了，連專兄都說辣，對我來說，那有不辣的道理？），但就沒有什麼的酸味。不過配上超酥脆又帶油香的雞皮，好吃。雞肉也不錯，不乾身，有肉汁流出的。很久沒吃家鄉雞了，是意料之外的滿意。十一元八角一件，不便宜，但吃得過。

在新城市廣場逛街, 行到有點腳軟, 剛好經過KFC, 知道有新產品, 找個位吃個下午茶, 補充體力再繼續行。狂惹香燒雞 - 味道可以, 但未夠香濃, 相比另外兩隻味道, 雞肉比較多汁, 未試過不妨一試。

我平時都有食開「至醒盤」！唉！我昨日同我男朋友去食「至醒盤」，唉！真係無咁好食呀！我昨日在食個陣時，d飯係硬嫁，而且d飯又唔係好多，好彩我叫佢多汁，如果唔係我都唔知點食呀！而個隻雞腿都唔係咁好食，唉！隻腿都唔脆，油咗少少！支粟米又唔係好多汁，又細咗！又無牛油！要問佢先有！唉！d嘢食唔係咁熱！又無人執嘢！唉！

知道有至醒餐$19.8就來試上次黎既時候都有poster..今日去唔見餐牌有..但冇理由咁快收左果餐見前面幾個都點左$19.8唔知佢唁放餐牌係咪想人點d貴餐果飯既汁不夠...雞皇飯好食d栗米太諗..冇比牛油..係要問佢先會比懶得出去拎..但一點都不甜..冇咩味雞...ok

今日去新城市廣場一田百貨買被套，又話乜鬼金融風暴~呢度迫爆人呀!..迫完好肚餓，3隻餓鬼走落地下KFC食新嘢...厚燒雞腿包。我地叫咗2個厚燒雞腿包至尊套餐$31.8x2+$7配炸魚粒，其中一個餐飲加$5.8轉芒果菠蘿賓治，另外因為八達通消費過$70可以免費要多杯青檸菠蘿特飲。厚燒雞腿包至尊套餐包括芬達汽水、炸薯格、2件炸雞翼及厚燒雞腿包。厚燒雞腿包入面有沙律醬、蕃茄、生菜、薯餅及煎雞扒；雞扒幾好食又多汁，唔知係咪有芥末，感覺係芥辣汁。今次製作算幾有誠意，起碼外表個樣見得吓人，不過我比較喜歡之前雞腿魚柳包。炸雞翼一般，炸魚粒冧晒唔好食，薯格ok難得夠新鮮。芒果菠蘿賓治幾好飲，係細杯咗啲。青檸菠蘿特飲唔使錢，屋企人話有啲酸味，當然啦...有青檸喎。呢個舖來過好多次，櫃面服務普通，唯獨檯面清潔效率較差，幾次要等樓面阿姐出場推車執檯。

尋晚做完野，就黎呢度食個宵夜先返屋企啦。去到已經十點幾，商場人流冷清，同平日人山人海既景象真係天淵之別。個晚餐就食個炸壽司套餐加個香蜜鬆餅。雞下髀辣味係好食過原味好多，辣辣地食落好開胃架。炸薯格呢個就差啦，唔熱都唔緊要，但薯格係好硬架。可能係放左好耐既緣故。辣汁蘑菇香飯個汁都幾多多，而蘑菇片既份量都可以接受既。我覺得個汁剛剛好，足夠撈飯有餘。炸壽司可能夜晚無乜人食，所以個壽司都要等既。但等得黎都值得，因為新鮮炸先好食。而壽司飯整得剛剛好，而配料都算幾新鮮既。呢個配搭夠哂創新。香蜜鬆餅味道都可以既，甜甜地又好鬆軟。夜晚食飯真係幾好，靜靜地唔錯架。

自從新推出了公司雞捲後一試便愛上，不管是我自己一人，還是跟他在一起，當想不到吃什麼之際，《KFC》總會成為我倆近期的「必然之選」。我們兩人總是各來一客公司雞捲餐（$29.8，包括雞捲、家鄉雞、墨西哥脆脆、小磨菇飯及汽水），今次還另加兩個葡撻（一個是以coupon換的另一個則是加$5買的）。同是新推出的墨西哥脆脆嘛，其實是跟坊間蛇店內伴以蛇羹同吃的「脆卜卜」之味道及質感均差不多。把墨西哥脆脆蘸上附送的芝士醬，挺特別的，只可惜芝士味不濃。以中東烤餅包著炸雞柳、煙肉、生菜、蕃茄、蛋沙律及芥醬的雞捲，比zinger burger那兩塊「硬崩崩」的麵包少了一份飽滯感。還有小磨菇飯呢！很飽…亦很抵吃…尚有更多照片於blog內：　http://www.pangsy.com/read.php?237