影片
更多
2009-05-22
111 浏览
今日去新城市廣場一田百貨買被套，又話乜鬼金融風暴~呢度迫爆人呀!..迫完好肚餓，3隻餓鬼走落地下KFC食新嘢...厚燒雞腿包。我地叫咗2個厚燒雞腿包至尊套餐$31.8x2+$7配炸魚粒，其中一個餐飲加$5.8轉芒果菠蘿賓治，另外因為八達通消費過$70可以免費要多杯青檸菠蘿特飲。厚燒雞腿包至尊套餐包括芬達汽水、炸薯格、2件炸雞翼及厚燒雞腿包。厚燒雞腿包入面有沙律醬、蕃茄、生菜、薯餅及煎雞扒；雞扒幾好食又多汁，唔知係咪有芥末，感覺係芥辣汁。今次製作算幾有誠意，起碼外表個樣見得吓人，不過我比較喜歡之前雞腿魚柳包。炸雞翼一般，炸魚粒冧晒唔好食，薯格ok難得夠新鮮。芒果菠蘿賓治幾好飲，係細杯咗啲。青檸菠蘿特飲唔使錢，屋企人話有啲酸味，當然啦...有青檸喎。呢個舖來過好多次，櫃面服務普通，唯獨檯面清潔效率較差，幾次要等樓面阿姐出場推車執檯。
迫完好肚餓，3隻餓鬼走落地下KFC食新嘢...厚燒雞腿包。
我地叫咗2個厚燒雞腿包至尊套餐$31.8x2+$7配炸魚粒，其中一個餐飲加$5.8轉芒果菠蘿賓治，另外因為八達通消費過$70可以免費要多杯青檸菠蘿特飲。
厚燒雞腿包至尊套餐包括芬達汽水、炸薯格、2件炸雞翼及厚燒雞腿包。厚燒雞腿包入面有沙律醬、蕃茄、生菜、薯餅及煎雞扒；雞扒幾好食又多汁，唔知係咪有芥末，感覺係芥辣汁。今次製作算幾有誠意，起碼外表個樣見得吓人，不過我比較喜歡之前雞腿魚柳包。
炸雞翼一般，炸魚粒冧晒唔好食，薯格ok難得夠新鮮。芒果菠蘿賓治幾好飲，係細杯咗啲。青檸菠蘿特飲唔使錢，屋企人話有啲酸味，當然啦...有青檸喎。
呢個舖來過好多次，櫃面服務普通，唯獨檯面清潔效率較差，幾次要等樓面阿姐出場推車執檯。
张贴
