肥姐小食店

营业中

休息中

«放假食好西 3 -  肥姐小食店»食店: 肥姐小食店食品: 豬潤 豬心 生腸（$21）《肥姐》好食就係人都知 我特別鍾意食呢3款小食豬潤🐖📢鍾意佢粉粉地得來唔會死死實實 係啱啱熟 有滑既感覺豬心🐖📢豬心爽口又夠味生腸🐖📢夠爽夠脆綜合來講佢既內臟都比較新鮮 清洗乾淨 加上有冰鎮或雪凍 所以食落去有涼浸浸同爽口既口感 再加上佢淡淡略帶甜既滷水 令到食內臟都有點點清新既感覺 加埋甜醬同芥辣醬真係好食到想再叫多幾串所以雖然已經食左十幾年 比起從前當然水準略有下降 （個人認為可能因為本食攞新鮮內臟問題）但每當行過都會叫2串 回味無窮

好耐無食過，經過就黎食下，呢期唔太駛排隊喎👀，即叫即有。叫左個王牌combo（$35）：墨魚：肥美又彈牙，大大串👍🏼無小腸轉左大腸：質感同小腸好唔同，大大舊，軟身啲，都ok腎：薄過舊時，同埋無咁爽口，但味道都係一樣

今日連續寫三個post呀，最後一個係呢間肥姐小食，好出名嘅滷味店，本地人同遊客都會去食。其實我當初點解知道有呢間店呢，唔喺度講，有機會同大家分享下個背景肥姐開下午兩點，以前就排哂長龍，依家大家知咩環境，所以一定冇以前咁多人。呢度有皇牌同大皇牌兩個餐叫，因為我唔食大生腸，但細生腸我食，唔好問我點解生腸係豬的輸卵管，腸的大細就視乎豬的體型我叫左皇牌$31，加散叫一串豬潤皇牌有細生腸、墨魚同火雞腎我個人鍾意按喜好食邊串先，最鍾意食就擺最後，咁第一串我食雞腎先，唔係唔鍾意，但鍾意程度係最後入口好爽脆，唔會有啲怪味，食得出雞腎個原味，加埋啲甜醬芥辣，好食跟住到細生腸，都係食落索索聲，冇怪味，想提下呢肥姐個滷水汁係秘製，電視睇過佢地將每串滷味放入桶透明水入面，串野就有味架喇當然佢地唔會話俾你聽有咩材料好！到墨魚，好有墨魚鮮味，唔un，配埋啲醬料又係一流架呵呵到my favourite 的豬潤喇大家可能會話豬潤有咩特別呀？周圍都有得食啦，但我可以同大家講，肥姐嘅豬潤食落去係爽、淋、脆，一啲都唔老，好夠味包你食過你眼望我眼好喇，肥姐小食嘅分享到呢度，今日3/5嘅食評呢篇亦係最後一篇，聽日我會同個朋友食

今日又來到旺角，所以一定要去搵肥姐，諗住今日係平日應該冇咁多人，點知一樣大排長龍😂,我點左雞腎和八爪魚，味道冇變仲好似好食左😋唔夠喉添，想再排隊已經找不到龍尾了。

皇牌套餐😘香港必食小食😚肥姐小食絕對係榜上有名👍每次食起碼都要兩份皇牌套餐😉仲要多醬🤣生腸非常爽口，雞腎亦都好食，魷魚夠新鮮😛每次食完都非常之滿足😎就算見到排長龍，我都會去排😂反正15分鐘之內點都排得到🙃肥姐小食店 (旺角)旺角登打士街55號地下4A號舖

每次去旺角必食之食物.而且長期都要大排長龍！雖然條隊好長但係都好快就排到！因為職員全部都好快手，一排到就已經問要啲咩！所以大家排隊期間一定要諗定食咩，唔好拖延後面嘅人.喺門口排隊已經聞到好香嘅五香滷水味！店舖有推出大皇牌小皇牌.大皇牌：大生腸、墨魚、火雞腎小皇牌：細生腸、墨魚、火雞腎大生腸唔夠入味，食唔到滷水汁嘅咸香味！而且無細皇牌咁有爽脆嘅口感！細皇牌相當之入味.口感好爽口.墨魚係成間鋪最好味嘅食物！極之入味.火腎雞唔算太入味，但口感好紮實.記得配合埋黃芥辣同甜醬食.

今日岀泥旺角拎口罩，拎完之後突然好想食肥姐，買左佢既皇牌，生腸，墨魚，雞腎水準一d都冇變，真係保持得好好我平時就最鐘意食墨魚，們今日發覺雞腎岀色左，可以再食31蚊既價錢係值既

食過無數次, 不過今日先知原來買滿110用盒上係可以用紙剔, 唔使排隊, 方便好多,因為真係好多好多人, 雖然食過好多次, 不過每次都只係食墨魚同紅腸, 其他野係無試過, 既然今次叫夠110 就加0左大生腸同豬頸肉。墨魚 - 一如以往好有口感, 彈牙, 好味紅腸 - 厚切, 都不錯大生腸 - 第一次食, 好似有少少味, 腸洗得唔太乾淨??豬頸肉 - 都係平時食開0個0的燒豬頸肉好味0的, 下次可以唔叫

紅極一時的「肥姐小食店」清一色賣滷味😛小編都吃了好幾年人流很誇張 長期排幾個圈😂去年因為減肥的關係好久沒吃這天家裡沒做飯 剛好經過就買回家「加料」遊客少了 今天只有幾個人排在前面😳發現價格不變呢 讚👍🏻到我啦 熟客仔純熟流利地點菜「外賣 大腸 細腸 兩墨魚 一(豬)潤 走甜走辣」共$57🤪🤪拿回家跟媽媽分享滷汁被包裝紙吸了大部分可以理解味道有所影響變淡了還是當場立馬吃最好😞全部內臟沒有異味👍🏻處理一級棒大腸表現最差 一點都沒入味😅失望大墨魚一如既往 爽口彈牙 吃起來脆脆的😛大推！建議大家點菜時 請店員將甜醬芥末分開放這樣就可以試到原味跟沾醬的分別啦！

由讀書時間已經好鍾意食呢間街頭小食店，過左咁多年人氣依然咁旺～當日下午5:00 ，門口排咗起碼10個人～今次試左佢combo ($29)，有墨魚、細生腸同雞腎，非非非常好食！全部都好彈牙爽口，配埋芥末甜醬，食得過癮，人生無憾了😆我個人就最鍾意墨魚同埋雞腎，因為大大塊，夠抵食，難怪佢咁多人支持！.👅好食：⭐️⭐️⭐️⭐️⭐️💰抵食：⭐️⭐️⭐️⭐️⭐️🖼環境：⭐️⭐️⭐️🙇🏻‍♀️服務：⭐️⭐️⭐️（最高為五粒星）

唔好以為我好女仔，其實我最鍾意食麻辣嘢！今日就捉咗我男友去我最喜歡食嘅肥媽小食都試吓！呢一間真係由細食到大嫁！主要都係食內臟為主！當男友成日咁應該要食咩好嘅時候，我就立即叫咗個大王牌！呢度一共有三串，包括墨魚、細生腸、火雞腎，合共$29 ！其實以前我細個食嘅時候都只不過係$20咋！冇辦法啦而家啲嘢越嚟越貴真係貴左30%我一叫完之後就即刻到喇！個生腸好有咬痕，個腎好有趙口！去到個墨魚真係好鮮味啊！下次真係要再嚟試一次！

有朋自遠方來，#小秘書 又點可以唔帶佢去「掃吓街」、認識吓 #香港人嘅口味 呢😋 話時話我都好耐無幫襯 #肥姐小食店😆 估唔到門口條人龍依然咁長... 好在 #肥姐 都算 #快手快腳，#三扒兩撥 就整好份「大皇牌」比我🥳咩嘢係「大皇牌」？咪就係 #肥姐推介 嘅#墨魚、#火雞臀、#大生腸 囉。大家出自同一煲 #滷水汁，所以單憑味道，似乎難分高吓😅 不過講到口感，#火雞臀 就比教突出... 咬落去有實感😋 反而 #大生腸 就無咗嗰種應有嘅 #爽脆口感... 不過 #靈魂所在 都係要撈埋啲 #甜醬、#芥辣 一齊食，先至別有風味😌☺️ 只係要比$34仲要企街搞到咁 #論盡... 係認真要過到呢個 #心理關口 先好過嚟呀😉

比人放飛機後怒食街頭（籍口黎架姐）＜-係唔係好熟口面呢句野，因為炸大腸都用ne句，掃街沒理由淨食一間架嘛，順便過埋隔離ne間店食（其實主次係調轉左）唔係重點，重點係食架姐～ 諗住食豬脷（沒曬bo) 咪轉豬頸肉＋豬頭肉＋墨魚,多謝$29切記：一定一定要走甜醬！！！被放飛機友2號遲左講佢已經落完lu事關俺愛食食材原味,而今次最大受害者係墨魚兄，雖則唔影響佢爽的口感同大細（都幾大塊），但係蓋過曬佢原本應有的甜味（所以墨魚兄味道方面我評唔到價）；而相對地豬頸肉味本身比較重，所以影響程度沒咁高，佢都幾厚肉地同算多汁。但論是日冠軍之選非豬頭肉莫屬，既厚肉地又有汁之餘有種爽脆（形容好似怪怪地，所以請閣下自行體會算啦）

剛剛和朋友吃完飯路經旺角花園街，見到這間店人龍依舊，又勾起想吃生腸的念頭，雙腿不其然地就行了去排隊買生腸吃，店員快手幫我將生腸用紙包著，加入少少豉油和甜醬，淨係生腸的橙色色水已經好靚，不知會不會比以前沒有那麼好吃呢？咬一口 ，疑慮盡消，完全同以前一樣的好吃，生腸很爽脆，我選了大的生腸，咬口非常好，不會吃到生腸入面不乾淨的味道。雖然它由西洋菜街推車檔做到入舖經已很久，但沒有因為地點的不同而令食客減少。這裡還是當年的肥姐小食店，當年的味道，當年的人情味！

今日經過肥姐小食店, 為食男朋友👦🏻又忍唔住話:不如買一串滷味嚟食囉🙊🙈😆☺️😋~ 於是我地就走左去排隊🤭🤣🤣, 結果我地買左個細皇牌👑嚟食, 店員包裝得幾好, d醬汁唔會好易漏出嚟整到成手都係👍🏻 滷味嘅份量唔算好多, 入面有細生腸, 火雞腎同墨魚🦑! 上面加左甜醬, 芥末醬同自家制嘅醬汁, 味道唔錯☺️, 細生腸同墨魚爽口彈牙, 火雞腎爽脆有嚼勁, 芥末嘅味道同食材幾夾, 不過略嫌有少少唔夠凍❄!