肥姐小食店

营业中

休息中

喺旺角掃街一定會食肥姐😋😋 皇牌套餐必叫👍🏻👍🏻 墨魚🦑好爽口彈牙 配甜醬食好正🤤🤤 生腸亦都好爽口 處理得唔錯 唔會有怪味 加分😆😆 火雞腎係最入味 食到滷水汁嘅香 但又唔太鹹 正😛

✨旺角呢間人氣小店［肥姐小食店］，我相信唔洗我點樣介紹大家都識佢😂，我真心超鍾意食‼️...🙈.💬 佢哋有個皇牌套餐係大墨魚、生腸同火雞腎，特別係大生腸夾埋啲醬勁爽勁好味！係我一直既至愛！無得輸！🥺.📌但係大家有幾耐無食佢？🤨係咪每次想買或者經過既時候都係大排長龍......！?如果你地未試過既話，絕對值得一試！會有驚喜！！👏🏻..📍 肥姐小食店 (旺角)旺角登打士街55號地下4A號舖..

黎到旺角，一定要試下肥姐小食店。雖然旺角都算多野食，但係約左frd又未夠鐘，真係要黎呢間到試下佢既小食，佢或者會成為一個你願意企定定係路邊食野既小食店。.佢最出名最多人嗌係雞腎、生腸同墨魚。佢有個名叫大皇牌，方便大家嗌。最正就係個汁，有甜醬同芥末醬，同平時食開既味道有啲唔同，應該調教過。另外，佢啲雞腎、生腸同墨魚都好juicy，凍凍地咁，食過番尋味。.不過提下大家，食之前記得準備定紙巾，費時啲汁滴到周圍都係。

從前一直只聽聞肥姐小食店很出名，疫情前經常會出現人龍排隊購買的場面。最近經過開旺角登打士街，終於可以品嚐到聞名不如一見的皇牌套餐！套餐裡面有生腸、墨魚和雞腎各一串，男友和我都只喜歡點黃芥末醬，嘩～黃芥末醬很攻鼻，但就真係越食越滋味，好食到停唔到口呀！我是第一次食生腸，入口的感覺很爽脆，好好趙口，食完也不會感到特別口渴，相信秘製滷水汁是真材實料。以後經過開登打士街都可以買來淺嚐。謝謝男友經常帶我去食好東西呢！

肥姐係我兒時回憶，以前賣緊$5一串，依家賣緊$9一串，啲人仲要好串，好似唔優做咁😭😭經過旺角咪食下囉叫咗一串細生腸，雞腎唔知係咪雪櫃唔夠凍又凍同室溫之間，滷味正常係凍食㗎嘛變咗室溫邊度好味嘅啫而且啲嘢又小左，大不如前

很久沒吃過肥姐，以前好愛吃，難得經過就買來過下口癮，點知好失望😭😫生腸串 $9退步了很多，生腸偏韌，食完有d哽胃，醬汁偏鹹，食完好口渴，好多味精，jo唔會再幫襯了好食指數：🤢🤢

好耐之前經過旺角就見到呢間肥姐小食店好多人排隊啦！每次都想試下係唔係真係咁好味！🤗呢次終於有機會，一於買份細皇牌套餐試下啦！😋細皇牌套餐有墨魚、生腸、雞腎，對於選擇困難症嘅我嚟講好啱我！😉可以一次過食曬三款，我最鐘意食墨魚同雞腎，墨魚爽口鮮味，雞腎都好好味！😄加埋醬汁甜豉油、甜醬、黃芥辣，味道好夾！😍

去到旺角，呢間野永遠都大排長龍，佢最出名就係佢嘅生腸，我每次食都要多芥末醬，因為佢嘅生腸同埋佢嘅芥末醬好夾，喺第二道食唔到呢隻感覺，呢度員工手腳好快，效率好高，雖然大排長龍，但係好快就已經有得食，都唔錯㗎！

細細個去旺角入去好景睇遊戲碟前後，必定掃下街食吓D地道小食。而肥姐是一間我很少放過的地方，她的鹵味雖然不便宜，但加上她的秘製汁，令到鹵味升上另一個層次。今次我叫了大皇牌加串豬脷，共有3串不同的鹵味，有火雞腎，大墨魚和大生腸，配上黃芥辣，那種的爽醒，算是絕配！

去開旺角想食小食一定會黎返廣華醫院隔離既呢間肥姐小食店,未結婚同老婆拍拖時已經係人山人海大排長龍.今次陪老婆覆完診,見差唔多開舖就諗住買黎食,點知門口已經拍緊隊,真係估唔到一間細細既小食店個吸引力咁勁.今次買左大三寶,就係墨魚 大腸同埋火雞腎,我再加多串細腸,加埋甜醬同芥辣.味道咁耐都冇變,出邊食既有時會淋左唔夠咬口,有時又會太硬,就咁1張紙幾支竹簽已經可以食到好滿足.單單賣果幾樣小食可以做到咁出色,抵佢地長期好天落雨都咁多人.

年青時，金聲戲院走鬼檔食到至今，雖然已搬離旺角一段長時間，久不久經過，都會來過一過口癮。水準還算保持接近，服務大家就唔好有要求先啦！此終街邊小食檔，盡量避免畀人鬧，唔好阻住人做生意就算今日冇龍，就排一排，吃個大皇牌。大皇牌有《 墨魚＋大生腸＋火雞腎$35》最緊要係混醬，麻油香味＋流質甜醬滲透＋ 攻鼻的黃芥辣，這樣配搭吃，才能體會風味。大墨魚是我至愛，有點兒像港式sashimi(這類型用花紅粉滷水檔冷盤，肥姐都算做得最出色了。)十分滿分形 8色 8香 8味 9速度 10態度 6裝修 6整潔 7性價比 7回頭指數 9Total：78分

每次出旺角都必定要掃街，而肥姐鹵味係必食之選👍🏻每次都叫好多串，差唔多食齊咁多款咁滯😋今次去到，因為疫情嘅關係真係冇乜人，從未試過唔使排隊就可以買到嘢食🤩因為唔係個個都食甜醬同芥抹，佢地好勁咁摺開2格放醬👍🏻通常都唔會叫套餐，因為計過數其實同散叫一樣價錢，生腸同墨魚都係$13 ，其他都係$9，所以只係for啲唔想諗食乜或第一次食嘅人😆每次必食大生腸（夠曬爽）、落雨（夠煙韌）、豬潤（一啲都唔鞋好滑）、火雞腎（夠爽脆）、豬脷（夠林）、火雞心 （煙煙韌韌）。

每次行經登打士街轉角位也會見到一條長龍，每次也趕時間沒機會試，今天來到便買外賣回家慢慢嘆，以往看電視也知道這個滷味店有很多人推介，試過之後真係覺得冇得彈！終於明白長龍的原因。生腸新鮮爽口，沒有怪味，腎爽口入味；八爪魚軟硬度剛剛好。豉油、甜醬及芥辣分開包好非常細心。紅腸也好味！與家人分享很快便吃完，覺得唔夠喉！

旺角小食多，經常行行下街都想搵野食，但一行到登打士街，自動就會掛住肥姐小食的味道，因為佢d凍滷味，加埋汁真係好食。以前食過下其他鋪的手勢，但都係肥姐味道最正宗。我通常都係貪快、唔想諗太多，就會叫大皇牌有火雞腎、大生腸、墨魚！當然最好食一定係墨魚配埋甜豉油、甜醬、黃芥辣，個味太夾了其實仲有其他不同種類的，自己可自由配搭有墨魚、鴨脷、紅腸、大生腸、細生腸、火雞腎、豬脷、豬膶、豬耳、豬心、豬頸肉、豬頭肉等等！

肥姐我細細個就食佢啦，重記得果時佢係銀城廣場對面嘅一個小角落，肥姐一個親自落場，佢嘀八爪魚特別肥美，唔係切定㗎！係叫嘅時候，佢就會拎起肥嘟嘟到好似一棵肥珊瑚咁嘅大八爪魚當面切俾你，一嘀都唔硬，烚得啱啱好，又新鮮，又甜，又煙韌！你知啦！一耐嘀野就上神枱，硬係覺得以前好，其實我都重係好鍾意食肥姐，但總覺得以前嘅八爪魚大隻嘀，淋嘀，不過話說回頭，而家衛生同有效率好多！你買夠一百蚊唔洗排隊，可以直接係隊頭寫紙買，同佢嘀大腸，生腸，腎都好好食，又新鮮！嘀豉油呀甜醬，芥辣分開袋起哂！好窩心