肥姐小食店

营业中

休息中

肥姐小食真係好出名，次次經過都勁多人排隊，我亦都食過好多次，次次好好食，保持到水準！🍴皇牌 (墨魚，細生腸，火雞腎) $31 3串墨魚好爽口彈牙，入面有大大條墨魚腳，身，鬚，細生腸都好爽口，冇異味，火雞腎都係好爽口，食得出係新鮮整，夠曬凍啊！加埋甜醬芥辣，甜甜辣辣，真係好perfect!推薦指數: 8/10Keep到水準嘅港式滷味，暫時未揾到一間好食過佢！

尼間都成日幫襯因為佢d滷味真系十分爽脆同新鮮！我地每次都會食佢個皇牌同細皇牌，差異就在於細生腸同大生腸。我本身都唔系好敢食細生腸，所以今次就買左個皇牌試下。雞腎爽脆，啖啖肉！滿滿既醬汁毫不吝嗇。八爪魚爽脆有咬口，但唔會好似膠甘，好易咬，條條都肥美。大生腸都系好爽脆，無腥味，食左又覺得唔錯，接受到既！唯一唔好就系系街度食真系好麻煩，太多醬汁hi到周圍都系。不過都系我自己問題haha!歡迎大家都去試下！

無論餓唔餓，行街有時候都想拮兩串小食食🍢成日聽肥姐小食店個名，今次都係第一次試，住喺旺角嘅朋友話佢由細食到大~~ 呢間旺角人氣舖頭，應該最出名係墨魚？見到都幾多款，唔餓嘅我就揀咗一串墨魚同一串豬頭肉，味道正常，又唔覺得好出色，我諗大家係食童年回憶？加芥末食幾正，可惜我唔記得走甜醬，下次一定要走！有冇人都係唔鍾意食甜醬 🙈🤣肥姐小食店地址：旺角登打士街55號地下4A號舖 (油麻地出口都近，就喺舊h&m附近)

呢間鋪頭正正係我公司對面。所以我一餓就會落去買黎食，真係好好食。經常要排隊。好多人都會特登過黎排隊食。最鍾意食佢既套餐，買落冇咁貴而且可以食3款🤣真係食過之後番唔到轉頭，成日心思思想食🤤

🦑港式冰鎮滷味🦑推介指數 ❤️❤️❤️❤️🤍去旺角登打士街掃街，一定見過大大個橙色招牌賣港式滷味嘅肥姐小食店大排長龍，冰鎮嘅墨魚、生腸、火雞腎，加上甜醬同黃芥醬就成為港式街頭小食。每次去完油麻地或者旺角都不其然咁買返兩串過吓口癮，無特別心水就會買皇牌套餐，有墨魚、細生腸同火雞腎，而且價錢相宜！食材新鮮爽口彈牙，最緊要當然要全醬啦～雖然响附近都有好多唔同特色嘢飲同小食，但港式小食係first priority！.··餐廳：肥姐小食店 (旺角)地址：旺角登打士街55號地下4A號舖

呢間舖係旺角真係已經好多年，我由中學到而家每次經過都見大排長龍，但我一直無試，因為硬係覺得有啲污糟。今次同朋友一齊，佢話好味咁我就試下啦！嗌左2串墨魚同1串豬耳。甜醬，甜豉油同芥末醬都要曬。係食落好彈牙既，但其實都係靠啲醬吊味詐嘛，如果唔落醬應該好似食緊rubber咁😅大家經過都可以一試既。

皇牌（墨魚+細生腸+火雞腎）Price：$31📌旺角掃街既必食之選🤩相信大家都唔陌生，次次都大排長龍🥲記得要加埋芥辣醬🥰凍食既墨魚同生腸真係超級爽口彈牙，雞腎好有咬口🤤賣類似街頭小食既地方都唔少，但多數都係熱食，甚至唔夠凍係暖既，感覺超怪🤢呢間真係令人一試難忘！食過翻尋味😋

大多時候都有人排隊, 但轉流好快都唔需要太多時間就可以食到入味就唔再講,有咬口,最重要新鮮.經開食過好多次水準都穩定, 俾到人信心.唯一一樣嘢要反映下, 希望個紙盒深少少更好.有時大風汁會濺到自己d衫 xx一路行一路食, 係我自己衰;)

Geo條👅評分：⭐️⭐️⭐️⭐️(5⭐️最高）大皇牌套餐 $35好耐冇喺旺角食肥姐滷味，都係叫番大皇牌套餐！大生腸，墨魚同火雞腎配埋豉油，甜醬同芥末醬味道依舊咁好食🤤大生腸仲係咁爽口👍🏻

如果有日係旺角突然想食生腸，墨魚既話，相信大家都會記得呢間老字號 ”肥姐小食店”，畢竟呢度有唔少既人都曾經留低過啲腳毛。😝每次去都會有勁多人排隊，有次無意發現原來買滿 $100 蚊就可以排特快專線，所以依家每次都會買三份大皇牌 😋 今日再去買既時候，發現依家原來只係 $70 蚊就已經可以排特快專線唔洗等，真心超級正。😝大皇牌 ($35) : 其中一盒大皇牌，有火雞腎、墨魚同大生腸，外賣會跟三種醬汁，根據個人喜好加多減少 🥰 每款食物都可以用爽口、彈牙、啖啖肉嚟形容，相信食過既朋友仔大部分都會覺得唔錯。

講到旺角掃街小食不得不提肥姐其實我唔係食家 唔識分啲腸新唔新鮮但佢啲醬汁配合得一流！食先一串會再想食多串！停唔到口！我最鍾意食嘅就係雞賢！ 好爽口！ 自己試過整係整唔到咁既肉感！ 所以有啲錢都係要比人賺下😂

肥姐小食出名就係人都知，但今次行過竟然冇人排隊！ ！所以就二話不說，要第一時間衝去買！但因為之後都要食飯，所以今次只係買咗少少，一串細大腸同一串墨魚就算數。要食得出風味嘅就當然要加芥辣啦！

肥姐小食店一定算是旺角的地標之一了，也是我和男朋友每次來旺角不能錯過的美食之一，想想也正是這些有特色的小店豐富了香港的文化，增添了它的無限魅力，增厚了它的底蘊，是讓人特別特別安心的存在，希望它一直都在。每次必點的絕對是皇牌啦，吊桶，大腸等王牌搭配，再加上獨家醬汁的加持、味道爆棚～～香港的驕傲

好耐都唔出一次旺角，嚟到就當然一定會食吓街邊小食啦！😝見到有條小小嘅人龍排緊肥姐，我即刻都去排😆排吓排吓都好快，唔洗5分鐘就排到。咁遠嚟到就叫佢地嗰皇牌套餐啦(大墨魚+細生腸+火雞腎)！❤️ 皇牌套餐 $32食第一啖就知點解開咗咁多年都仲要排隊😂佢地啲醬汁好好味，望落只係普通嘅豉油，黃芥辣，甜醬，但加埋一齊真係無得輸！🤤大墨魚筒生腸都好爽口彈牙，但火雞腎我就食到有少少雪味。好食度：⭐️⭐️⭐️⭐️(4/5)餐廳推薦度：⭐️⭐️⭐️✨(3.5/5)香港有特色嘅街邊小食已經少之又少，呢間算係數一數二咁好食，食物好食之如價錢又親民！

係旺角行街 行行下經過肥姐 講真 都有成年無食過 咁就拿拿臨排隊整番個皇牌套餐 我的至愛就係爽脆的生腸 一食落口都feel到舊生腸係彈牙爽口的 真係成個都滿足哂 另外 火雞腎都值得一讚 咬落去都非常爽口 加埋少少芥辣 簡直無得彈