肥姐小食店

营业中

休息中

本人好鐘意食生腸或者墨魚成日睇食評望見肥姐 都好想試下但耐何本人好少出旺角 一直都冇咩機會試下一天同朋友行過肥姐 就整了串墨魚一食之下 竟是凍的(因其他地方大都是熱食) 但這樣竟令墨魚更爽加埋佢排得整整齊齊ge醬 真係唔野少...第時行過真係要試下其他@

當第一次見到勁多人排隊,無咩時間於是放棄左無試~ 之後有一次路過時間比較早唔洗點排隊,所以就決心買黎試~最後買左生腸~鴨腎~ 加曬所有醬後~ 味道一流~好食又好咬~ 唔似得出面果D... 咬極都咬唔開...食落又有怪味~仲之~ 只可以用2個字形容就係 好食下次去都會再買黎食

今天經過 , 見到排晒隊, 當然要試下先啦.她是賣凍食鹵味食品、墨魚、生腸等.吃了~1. 大生腸 $10: 唔爽口. (下次食$5果D 得ga la) 2. 豬心 $ 5 : 干了點. 3. 豬耳 $ 5 : 無味, 鹵唔入味. 但脆口. $ 5普通貨色, 所有鹵味無 mug味, 豬耳無鹵水味.全靠甜鼓油, 介醬,甜醬 提味.我覺得她日日奇門如市原因系~沙士後街邊, 講求衛生. 無人敢賣 '凍'食鹵味-生腸, 墨魚果 d.熱食生腸, 墨魚成個旺角都系, 但呢 d 熱食, 泵左熱水淋晒,一定無'凍'食咁好食.街頭小食檔, 無人敢賣.所以肥姐成功全憑夠大胆-敢賣! 排晒隊, 只因罕有. 獨市生意, 賣 '凍'食鹵味. 同埋賣得平!

落旺角時間中都會揾肥姐買番一兩串過下癮,我最鍾意就係豬心以前睇雜誌介紹都試過豬頭肉,但我覺得比較肥麻麻地,都係豬心咬落啖啖肉好味D~尤其加埋甜醬.芥辣食落更滋味,凍得來刺激又爽甜真係過足晒口癮啊~~~

朋友介紹完~~搞到次次行開旺角都必食 ga~~~太正喇 !! 但次次都排好長 d 隊~~~但都好快~~生腸最正~~好爽~~~雞腎又好好好味~~~真係去食過番尋味~~

一向行開旺角都忍唔住食一兩串無他既,又平又唔會太飽肚食左都唔驚影響正餐既胃口雖然次次見到條隊都幾長但去流量都好快,通常唔使5分鐘都有得食個人推介腎同埋生腸兩樣都係超爽口加上佢D去得咁快肯定新鮮五蚊一串有咁既質素,正

由細到大，由後生到老都好鍾意食街邊小食，年紀漸大仲響街邊立食成何體統，所以近年已經有所收斂但從來末間斷，最喜歡係牛什同潮州滷水小食。舊時D阿伯會將D滷水小食放響籐籃到周街叫賣，而家就已經入晒鋪。有日經過見到人氣極旺嘅肥姐，應該係肥媽至啱，食指大動，立即幫襯番兩串，要咗大墨魚同大生腸，每串$10，其實兩樣本身都無乜味但係一味夠爽，加咗豉油、甜醬同辣醬就完全無同晒，變得好好味。一路食一邊望吓隔籬左右，原來嚟幫襯嘅真係

2009年1月15日 ( 4 ) ( 肥姐小食店 ) 旺角的小吃在(萬家燒餅皇)吃過(武大郎)燒餅後，再往隔壁的(肥姐小食店)，此小食店是Open Rice得獎熱店，評分有3.5分，是不錯的分數，大多數食友推介的是生腸與墨魚，小時候對腸類食物有點抗拒，但年長了，口味亦在變，也喜歡吃好味嘅腸類食物，今天在這裡選吃了一串生腸，生腸非常爽口，咬感不錯，配上芥辣及甜醬，爽甜美味!

朋友遲到, 大把時間去排隊, 排一排肥姐先~~其實真係好快, 排第十個, 3分鐘已經到左~~生腸加墨魚, 十蚊攪掂左~~甜醬加芥辣....食得~~~味道: 生腸有d味, 係腸味唔係屎味~~haha~~不過對於唔食腸既人都係怪味~~haha~~墨魚味道唔突出, 每一啖都要提自己係食緊墨魚......不過兩樣野既口感都好好, 爽口彈牙......五蚊串就真係抵食.......

食左好多次,但第1次俾食評第1次食生腸就俾左肥姐我吾敢試其他店既生腸驚好難食><肥姐d生腸好爽,加咪芥末同甜醬仲好食~其他果d吾太敢試,所以次次刀係叫生腸同墨魚就算好多人排隊刀要照買^^

又去掃街，不過今次一行4人 (其中一人唔食內臟)。排長龍，真係好多人！買咗7串！上次買咗兩串兩個人食，食到到喉唔到肺。今次一人兩串。我仲買多串, ie. 3串。要了腎、生腸同豬脷。真係超正！腎同生腸唔洗多講，個幾禮拜前先食完。至於豬脷，唔係好記得之前有無食過。不過原來豬脷都好正！入味之餘亦都能做到爽口之感，仲有鮮味添！

食完杯仔蛋糕，仲有位，就去排隊食啦~一串心一串脷係必叫既~其他地方唔會有得賣既心，又彈牙又有肉味，個汁又香甜加埋個MUSTARD，好PERFECT MATCH呀!雖然要排隊，但係佢地好手快，包得仲好靚，即使你排左成十個人係前面，都係等五分鍾唔駛，排隊有咩所謂呀!每串都係賣五蚊，咁既質素，人地無得跟啦!

噚晚去好景整d野, 終於見到肥姐小食店開咗舖. 果然名不虛傳, 買野食既要排大隊. 不過效率都快, 排咗陣就到我. 試咗肥du du既大生腸同紅腸. 兩樣都好入味. 生腸大而爽脆, 唔似有d地方賣果d咁會咬唔開. 必食推介. 正!

我每次經過，都好想食　每次看這兒，都很多人但每次來到，都已經飽了不過今次留返個肚食，所以是第一次來吃的食左大生腸同大墨魚，店員幫我加了芥辣，剛剛好好彈牙，爽口，有咬勁！感覺上非常新鮮！不過拎個時唔小心流到成件衫都係汁，所以食的時候要小心了

去旺角行街.行到登打士街好耐冇食過呢間肥姐小食店, 心思思想食當時只係好少人排隊.條人龍唔係好長今次食既係生腸同雞腎生腸，咬落夠凍夠爽口，加上甜醬芥辣真係好味雞腎鹵水汁味幾重.加上適量既甜醬芥醬味道就一流總括黎講肥姐呢度嘅小食真係好掂