肥姐小食店

营业中

休息中

唔理仲有幾篇froyo食評等緊，點都要插隊寫左呢篇先，因為真係好失望，點解可以退步成咁？食左肥姐都兩三年，每次去都會食豬頭肉/豬心/豬脷，至少都食2串，肥姐已經係我出旺角必訪的地方。是日有事出旺角，原本喪食之旅係打算試完大蕃薯、crumbs、funky同雲桂香就已經食飽，點知最後兩站實在頗失望，所以打算去肥姐度補償下，點知更加傷心是次叫左2串，豬頭肉+豬脷各一，食豬頭肉時已覺得唔多妥，今日所食比平日食的較硬和脆，好聽是爽口，唔好聽是硬！到想食豬脷的時候，看看手中一串，點解會有一粒一粒、疑似「生o野」的形狀？就著昏黃街燈一看，holy cow！！點解d豬脷的脷苔無刮乾淨，成層皮仲"痴"係度？！唔怪之得好似異形咁樣啦！！點解d咁核突的脷苔，肥姐可以洗都唔洗，煮熟左就賣比人？睇到樓下幾篇食評提到豬生腸有臭味，可能呢個係個人味覺，但呢個脷苔係眼見為憑、無花無假！！唔通生意好到已經無時間洗？？肥姐唔係一向出名在有心機，幾蚊串的小食都努力處理好的嗎？？？？如果連脷苔都唔刮，唔怪之得有人食到生腸有異味啦！一發現果d係脷苔，我當場食慾全無，匆匆食左其中無脷苔的2件之後，我就成串丟左啦！！我諗我以後應該

唔洗排隊又好似好出名個個話正就去試下 其實食小食我都只係會食炸大腸未食過生腸叫左2串生腸同墨魚 多謝10蚊吖^^佢d醬感覺上唔似平時個d.幼細好多落醬好快手~望落好乾淨生腸都ok爽+埋芥辣n甜醬~正!生腸應該大既有口感d.細既冇乜口感墨魚比生腸遜色左d.咬落個感覺好似好多水份咁但係都係好味既不過收錢個陣佢好似有d唔耐煩我而為1串10蚊,所以比左廿蚊佢諗住行開架啦佢拎住張10蚊fing住咁話 係你呀!

見咁多人讚好就睇下有咩咁把炮去到都有7, 8個人排緊隊.我本身好少食豬內臟~見到佢有啲切開小塊的好似腸的物體, 咪問佢係咩嚟囉.個中年男人答咗我"生腸". 跟住我話原來呢啲都係架?點知佢好唔耐煩咁講: "唔係你以為咩呀~?!"我要咗小串生腸同小串雞腎.等收錢嗰陣佢重好唔耐煩咁攤大手板咁fing=_=個格使唔使咁衰?!!生腸都ok的. 幾爽, 冇怪味.雞腎好一般~ 唔值得食.經過呢次咁好"招呼", 加上食物唔係十分好味, 唔會再幫襯~~

其實之前已經久聞大名嫁喇..去到又見到人龍咁岩係添好運食完晚飯見到條人龍無咁長..去買左1串墨魚同1串雞腎黎食.. 墨魚: 好好食 雞腎: 呢個掂..真係未食過咁爽ge腎

係旺角掃街 發覺好耐冇食之後就去左肥姐度諗住買大墨魚去到見冇乜人排都幾開心既但買完之後發覺有一個小問題就係唔夠凍因為佢d食物係放係個雪櫃度保鮮既所以如果唔夠凍 我就會諗可能唔係咁新鮮同埋口感都冇咁好啦

早前在旺角分頁知道這店一直高居十名之內，加上有不少離誌介紹過它，不過我一直沒機會拜訪，直到昨天才有緣見識。我點了一串鷄腎及一串豬肝(淨芥末)。兩者都很爽口，不錯！不過稍嫌一串只有三片，好像少了些。另外芥末夠蹌口，夠辣，好！是很好吃，不過沒什麼特別令我有再回頭的動力，可能它不是我那杯茶吧。

六月廿七日(星期日)老公仔想吃肥姐的大生腸,話時話都有一段日子沒有吃過了!今日等吃板前下午茶時段,於是去吃串大生腸!今日不停的下著雨,時大時細...行人真的不好受>.<在登打士街路過,見到所有店舖都不用排隊,做生意的也多得這天氣不少吧!連肥姐都不用排隊點了串大生腸,味道依舊,不用排隊,特別的好吃!!

都聽聞此食店出曬名...今日行過見條隊唔太長..姐妹又想食就排隊買啦本身只係聽朋友講好食,之前都冇試過.!因為自己本身其實都唔係好食LEE類型既野!買左 生腸,墨魚,雞腎,猪閏 2個女仔一齊食生腸, - 好爽好彈..感覺好新鮮 好味墨魚, - 好味雞腎,- 爽爽爽猪閏 - 感覺幾好..唔似平時食既咁..唔識形容 不過都好食..另外佢地D 介辣 好好食.!!唔怪得真係咁多人排隊啦!

昨日行經見到都幾多人等 ,以為咩事 ,,原來係肥姐....駛問,即刻試下串大腸 不過水準比上次我食爭少少 不過都ok ge再來一串大墨+,雞腎,醬汁真係一流,好香好正 下次行過再來一次不過最嬲就係的人打尖.不過冇所謂

每次行經旺角都會光顧的街邊小食!每次都會食腎, 腸, 魷魚, 凍凍地, 配甜醬, 芥末醬好開胃!!腎好爽口! 令人食唔停!!!今次去食, D生腸好臭味ge.....可能太多人, 唔夠時間洗....希望下次冇事啦....-.-之後食過豬心, 覺得無咩味! 唔爽又唔腍咁...有點怪...其實大墨魚, 大生腸真係好味D!! 不過貴一倍~~所以而家都係食$5~~哈哈!!聽閒內臟食得多對身體不好...大家都應該節制一點

四月二十四日 (星期六) 同老公仔再吃到肥姐,每次到登打士都必到的今日的人龍比之前的長當然啦,不用多等就買到了今次就一試雞腎上次吃過的豬利,是encore!還有必吃的大腸呢雞腎可以的,但是不特出豬利也沒有上次的好吃呢!上次的比較入味豬大腸就依然的好吃很滿足.....

晚上9:30约了別人在旺角DHL 交收, 很久也沒有踏足旺角, 見到少了很多金毛銀毛, 但是ロ靚 模打扮的就成街都係。 台北有士林夜市, 難到夜遊旺角, 怎不逛逛港版 咦！咁多人排隊......串串$5, 大生肠、大墨魚 $10/串, 而且寫明每款只限買一串...... 哇！咁串!!, 我就睇吓有幾串 终於排到我(心想有幾特別)我叫了每樣一串, 共$40(大腸、大墨魚、豬心、豬潤、雞腎、豬脷)全加(每串約有4至5大舊)。開动, 先放一件豬潤入口, 嘩！質地好滑, 咬落好軟(像生的感覺)但其實是熟到透, 我估應該是浸熟的。那麽好味便不由自主地左一串右一串的放入口中, 卤水汁纯, 沒有刺痛神經的感覺, 芥辣、甜酱各有好處而且互補長短, 混合味道一流, 味精不知道有没有落, 因為吃完一點也不口喝。肥姐, 本人甘拜下風, 你串得起, 我們下次再見

19了,目標還好遠..繼續食評補完,嗯我真的真的好想試這一間好久了,因為他在這兒的好評實在太多了!!這一天就是我和肥姐第一次相見的日子.我真的好想好想試一次好久了,但時間總是不合,原因是肥姐太遲起床了,我又太早行動了,所以時間總是不合,嗯所以為了這次相見,特地約了朋友吃晚餐,這就可以在吃晚餐前過來試一試了,嗯其實我都是第一次吃這些東西,因為爸媽一向都不喜歡吃街邊小吃,說的都是離不開「dirty」這個詞,不過看它的環境都還可以的,嗯叫了好多人都叫的生腸和雞腎,都是店內的招牌呢,吃下去真的不錯,是爽口的,加止醬汁提升了味道,整個的組合可說是天衣無繨.嗯當然你也可以是說我無知,嘛,畢竟這是我和肥姐第一次的相見,也可以說我是第一次食這些東西

本身不太愛吃街邊小吃, 跟見人多, 好, 又去試吓先叫左生腸, 墨魚2樣都ok, 但唔覺有咩咁值得出名深水步有間賣墨魚正得多喎

因為昨日上左open rice 到睇旺角有咩好食,, 點知就睇到呢間野係小食界好出名啵, 所以今日經過就黎試下啦!!5:30pm 左右有好多人排隊啦, 大約15個人左右啦!! 但係唔洗10分鍾就輪到我買啦, 買左一串細生腸 & 細墨魚2串都只係$10, 唔算太貴!! 但係食完之後覺得好咩特別, 無咩鮮味.. 口感都唔錯, 而且又夠凍啵!! 都幾乾淨.. 唔會怕食左會肚痛整體黎講... 都只係一般~~