肥姐小食店

营业中

休息中

見到有300幾個笑臉，於是路經旺角就特登慕名而來，來到門口，又有成10幾個人排緊隊，不其然令我更加期待。但完全係false hope，叫左1串腎，好處係夠乾淨，但除此之外都無野好，串腎味道好淡好淡，完全無醃過滷過咁濟，僅有既味道係甜醬同芥辣醬既，唔係屬於串腎既。雖然用甜醬同芥辣醬配腎食係幾新鮮既配搭，但老實講，真係好九唔搭八，比芥辣刺激下味蕾係幾過癮，不過唔見得吊到腎既味出黎，其實配落呢間鋪既其他小食，eg墨魚、紅腸，我相信都唔會起到咩化學作用。串腎係既彈牙既，但係腎本身就彈牙架啦，所以我唔會因此特別加分。總結就係，我覺得完全係過譽啦！

呢排發癲..係咁黎肥姐;搞乜??今朝食左個咁好味O既芝士包,又唱完K之後口痕上旺中食完冷麵之後就過左肥姐繼續食!因為要ZIP時間等睇拆彈雄心{再次感謝OR}今日同男朋友叫左4串;兩串墨魚,1串生腸同埋1串腎!今日要排隊牙!!叫左佢多甜醬都係冇理到我..定係聽錯?芥辣好似多過平時咁O既?今日O既肥姐依然爽口彈牙!要繼續牙!!哈~~聽聞有豬心??下次可以試下!

I was curious about this place because it's currently top 10 rated in Open Rice. I was a bit disappointed when I tried it last night - I think this place has too much hype. You can get the same things elsewhere and the taste was typical, nothing special. In my opinion, it's worth a try, but don't expect a life-changing experience worthy of top 10 in Open Rice. Adjust your expectations accordingly. If you see a long line, move along, it's not worth the wait.

去完土屋順便黎呢度試下佢出哂名既墨魚 可能都仲未好晏所以得幾個人排隊揀左墨魚同埋雞腎打開個袋聞覺得唔係太討好 甚至..有少少臭 可能係D醬(應該係源至芥辣)既問題啦撇開D醬都唔算差既 至少都幾爽口 不過食物本身好似無咩味 尤其墨魚 得個爽字見到周圍都幾多人係生腸 奈何由細到大都對呢樣野無咩好感 熒光橙色感覺麻麻地

三月十四日 (星期日)還覺有點肚餓,於是和老公仔到隔壁的肥姐幫襯四時許,一如所料的排了長長的龍,連隔壁的飲品店也遮住本想剩吃大生腸的,看見前面的人點了豬舌...決定試一次大生腸一如以往的爽脆,配上豐富的醬料永遠都是推介豬舌都不錯,只售$5比起牛舌,較厚肉,味道較清...都不錯今日登打士街掃街之旅結束

係旺角流連，每每經過登打士街也會見到肥媽這個生招牌，真是招徠客人的象徵! 因為她已經在旺角開檔很久很久了，從她以前在推車仔時已幫襯過她，到後來她又消防失了，那時怎也想不到隔了一段時間她又再開檔口了!今天突然想吃墨魚，所以就去排排隊，離遠已經見到人龍，隔離間奶茶店真係唔知多謝佢定話佢阻住好。大家買完就企在一邊吃吃吃，真有另一番風味。叫了一串生腸一串墨魚，買完後又在旁邊吃吃吃。它的芥辣真的有點辣，是很攻鼻那種，吃得我差點流眼淚! 感覺墨魚較生腸好，墨魚爽口彈牙，有點煙靱，吃到墨魚的鮮味，不錯。生腸凍凍地好涼爽好爽口，佢D生腸無咩異味，不過更什既係我覺得基本上無咩味，好似食緊一舊無味既食物咁，所以覺得墨魚比生腸好!下次又想吃時會再幫襯的。=)

其實我食過好多次喇不過之前冇打食評ja ma1.乾淨,好少街邊店會咁整潔企理令人安心地食街邊小食*2.快.呀姐真係整得勁快.收錢又快.基本上真係唔洗排好耐就有得食.3.d野雖凍但fresh,因為佢多人買嘛,去野去得快,佢洗乜賣隔野野食俾你?4.d芥辣5.勁推生腸同腎!!!!

上次經過想來幫襯，係年初七，誰不知肥媽可能賺得太多，太好生意嘞，年初九先再開門營業，無法啦，唯有等下次經過附近先來食啦。終於呢日來旺角食完Doraya後，行來登打士街搵肥媽。買左一串大生腸同一串大墨魚，每串$10，其實都唔平，賣一串佢真係賺唔少呢，不過實在好食，又真係抵俾佢賺嘅。大生腸冰凍爽脆、大墨魚煙韌得來有鮮甜味，配埋呢度的甜辣醬汁，確係好味，難怪生意滔滔，食過總係令人番尋味啦！

三月三日(星期三)是日放工後,陪老公仔等家人外出吃飯!到了旺角-一個比較多小食的地點老是行到肥姐附近,腳就好像被磁石吸了去!吃大腸加了芥辣和甜醬,雖然每次吃芥辣是有點辛苦....但不加又好像少了點味道.....無論如何她的大腸是最好吃的!

朋友推薦下今日終於試到肥媽小食...真係估唔到有驚喜...d生大腸同豬心好正!同以往食過既差好完,可能佢用好多冰雪左好耐,食落去好爽口,唔會有霉既感覺,加埋d介辣...wow...值得一試~講下講下,而家都想食

補完習. 男朋友突登行去食咁見到好多人排隊, 就嘩左一聲- -咁要食都要排隊~咁到揀野食果時就睇下有咩食啦其中一個好肥既女人就好惡咁話跟住我地好無奈咁揀左生腸同墨魚其實我知咁樣等左揀野食係唔係幾好但係果度D野食咁多, 都要小小時間睇同埋個女人可以話後面揀先嫁MA唉, 生腸真係唔錯, 但係食得唔開心

今日掃街之旅又到肥姐;今日比上次多人左好多!因為肥姐係第1站所以就同男朋友1人買左兩串兩串墨魚;1串雞腎;1串生腸依舊都係吾夠凍;但係好有口感!今日甜醬吾係好夠;芥辣依然好味!繼續支持肥姐 =)

今日去左旺角整一整部手機 出符意料咁快搞惦咁我就諗住行下街 食下野先走啦xd我第一時間就諗起佢 因為之前都食過幾次 次次都讚好 但果陣先係兩點半 我記得好似係三點先開個波=]唔理 去到睇睇先 果然佢地開左鋪 仲有幾個人排隊 我都唔執輸,去排隊先叫左大墨魚+大生腸 我覺得今次唔夠凍 因為最記得第一次食 好凍好爽口 yummyps:當我叫大墨魚果陣 因為佢冇哂 佢會即場親手切 都幾fresh 同埋好少見咁少人排隊買 好開心=]

旺角頭號小食店, 如果不是友人提議來掃街也未必會主動來吃。友人說這裡的雜類 (即是內臟, 是不是這樣叫的?) 做得不錯, 主要是沒有那種內臟味 (即是臊味)。攤位上方大大個招牌, 中英雙語寫著不准拍照, 唉算啦又不是有什麼特別好影, 兼落雨濕濕, 太麻煩, 不影相了。友人埋檔要了生腸和雞腎各兩串 (共 $20)。小時候媽媽一定不讓我吃這種東西 （因為生腸橙色的好恐怖）所以無論味道如何, 都有一種放縱的快感 。買東西的工作已由友人代勞，我只要站在路旁等吃就可以了。不過那時正在下雨，也吃得有點狼狽。凍凍的內臟挺爽口，果然是沒有異味，加上惹味的甜醬和頗辛辣的芥辣，其實是幾有風味的。

同男朋友O係旺角街頭掃街~梗係吾少得有肥姐啦!掃左1串腎,1串生腸;再追加1串墨魚個沙依然係我覺得最好味O既一環!但係我發現今日食O既肥姐有少少吾同牙!芥辣好似比以前辣左;但係D食物就冇以前咁凍;甜醬味道亦都好似淡左咁;雖然肥姐係好味;但似乎都係少食好 =)