肥姐小食店

营业中

休息中

收工後有些少口痕，決定同男朋友去排一排肥姐。雖然條人龍都幾長，但員工手腳好快，好快就買到。我每次去都係點果款 (唔想用腦) ，就係皇牌啦，今次點了大皇牌：大生腸、墨魚、火雞腎。芥末好攻鼻 大腸無臭味 雞腎有d暖，唔夠凍，但味道ok。墨魚彈牙正呀！間中食一次好滿足。

好耐冇寫飲食誌 我覺得寫翻個#最值得推薦的街頭小食系列#試試再次燃起自己內心個團對飲食分享店火分享噶第一間「肥姐小食店」呢間紅佐幾十年由擺小販做到開舖頭噶知名老店，聽落係咪覺得好犀利呢～鹵水·以前不是太擺得上大台的平民美食，經過特殊處理之後變得乾淨衛生，隨著時間流逝慢慢已經成為香港人的美食之一。其實老闆娘噶原名叫餅姐，後來開舖想改個令人朗朗上口噶名字，距身形有點幸福肥，所以招牌名改佐叫佐肥姐小食店。說了一大堆..我還是直接入主題分享美食吧，我專登係對面街影過去俾大家睇睇究竟有幾旺，舖頭開係繁華鬧市區域，勁多人排隊囉👇現場做到唔停手噶 賣到排曬長龍想唔洗排隊噶話大家可以去幫襯#第三代肥仔小食店#（拒個仔開噶 人氣當然冇呢度咁熱鬧 基本唔洗排隊囉）特製冰櫃 冰鎮住d滷味串串 買套餐抵食d囉來張街景照 呢個角度「地址就在這」我最愛混醬（黃芥末醬+甜醬）食唔到辣 可以叫店員不要芥末醬喔細生腸+火雞腎+墨魚以我噶食量 一份點夠喉嘠 所以我排佐幾次隊 時間多 自己又為食 冇計啦～ 我自己而言最愛食墨魚墨魚墨魚串當然蘿蔔青菜各有所愛，想好似我咁指定食墨魚串嘠話 12蚊／串 所以咪話套餐抵食d囉 平

喺油麻地做完野出左旺角又搵肥姐。雖然最近港島都開左間類似嘅食店，但食完都係覺得肥姐最好食，重點係佢所有內臟都真係本身有味，而唔係齋靠醬汁味！所以每次過親旺角都一定會黎幫襯！個人私心推薦細生腸，但咁岩果日缺貨唯有食第二啲，不過都好正❤️大生腸第一次食，比較實身。墨魚都係必叫架啦，好爽好脆口！有啲地方嘅火雞腎會煮到好硬，有啲又浸到好淋，肥姐嘅火雞腎就真係岩岩好，一咬就咬得開，但亦都好有口感。肥姐冇得輸❤️

每次去到旺角掃街都一定要食呢間食肥姐小食店, 就算大排長龍都要食。 上個週末同男朋友去開旺角行街, 突然之間又少少肚餓, 又再一次嚟到呢間肥姐小食店食佢嘅芥辣墨魚! 轉個彎來到見到又係打曬蛇餅, 不過呢度嘅好處係基本上其實佢入面內部係流水作業咁樣, 由落單去到畀錢再去到攞嘢食。其實每一個客人係一分鐘之內大概都會搞掂, 所以都唔使等太耐。佢比較出名嘅係一個叫做皇牌套餐, 但係呢我就唔食生腸, 所以我一般都淨係會食大墨魚。大墨魚個味道好鮮美, 一絕嘅係佢嘅芥辣汁拼埋一齊食簡直係絕配! 超級好味!

每逢去到旺角，點到會食串肥姐皇牌先每次去到，到見到條人龍係好長，但等候時間卻又吾會好耐。細生腸-我個人比較中意細生腸多過大生腸。肥姐既鹵水汁出哂名與別不同，食過番尋味大墨魚-每次必叫，真係好好食！細腎-又係醃得勁入味。所以話，真係名乎其實扺距有咁多粉絲！

已經唔知第幾次食肥姐了，每次來親旺角，就算唔係經個肥姐果頭，都一定要兜過去，為咗就係要食肥姐。肥姐條龍依然係咁長，不過都幾快，只係等左大概5分鐘就可以嗌嘢食啦！食親肥姐，我就必定嗌個細王牌，一邊有火雞腎啦、細腸啦同埋墨魚，但我今次加多左一樣嘢，佢亦都係我近排至愛，就係豬頭肉啦！豬頭肉真係勁好食，佢有少少肥膏，再加埋佢啲爽爽地嘅肉，咬落去油嘅甘香充滿住個口腔，加埋啲醬（記得要加芥末喎），簡直像食個味道昇華左上個腦度（事關個芥末真係好勁）！

窮小姐和KY昨晚係旺角搵小食,窮小姐腦海第一刻閃出’肥姐‘!!肥姐既大生睇超級好食!!好爽口而且凍凍地!!配上介辣同甜醬真係無得輸!!我和KY叫了個大皇牌套餐,其中一串一定係大生腸(好味!!!),而另外有2串唔記得係咩,只記得都係好爽而且好味!!

每一次經過旺角，都會來肥姐度朝聖，因為他的滷水豬什真的很好食，😋每一次見到也是大排長龍的，還要打蛇餅，真狠誇張😱😱😱而我每一次都會一定會叫全餐走簽，因為我發覺買返屋企之後將啲汁到晒落去一個大碗入面，再放入雪櫃雪一晚，張d湯汁入晒味的時候,滷水便超級好食, 大家不妨試試

黎到登打士街有一樣嘢一定走唔甩，就係食肥姐😂因為自己腸胃差，所以就算幾鍾意食動物內臟都好，我都唔咁四圍亂食野尤其係內臟🤦🏻‍♀️不過親身試過肥姐無數次，食咁多次都無肚瀉，證明佢將內臟處理得真係幾乾淨😛👁‍🗨 細皇牌（墨魚 + 細生腸 + 火雞腎）💲26一如以往都係叫細皇牌，全部都好爽口彈牙，個人偏愛有咬口既墨魚同火雞腎，因為始終生腸間唔中都仲係會有佢獨有既微腥🙈而醬汁就有芥末醬同埋甜醬，佢地會將成件事昇華，惹味得多👅🔛 整體評分（7.5/10）

每次路經此地也是長龍一條,本人很怕排隊,但為了食肥姐鹵味也一次又一次破例。在排隊時已想定吃甚麼,免阻礙他人,今次是肥姐任主帥,女兒做副手,今次用盒上,副手便給我溫馨提示,若帶回家食便幫我醬料用獨立包裝,回家也可原汁原味。回家後品嚐鹵味都係咁爽脆,醬料一樣咁好味。

每次朋友問我香港有咩好吃，我首先推薦肥姐小食。有多好吃真的不用多說，看每天客似雲來就知道。每個朋友吃完都讚無介紹錯，包括我自己在內也十分喜歡！希望能一直經營下去！

喜歡食小食既朋友係理由唔識呢間，就算次次去到都要排隊都要排，因為排得好快就有，唔使等好耐，而且係香港超級地道小食。次次食都係要生腸同雞賢，不二之選，因為自己鍾意食，個人口味轉唔到～

今日訓醒忽然好想食肥姐滷味，所以山長水遠都要搭車去旺角掃街。自從番工之後都好少黎旺角，見到新開左好多食店，連旺中都變左第二個葵芳，但係有一樣野咁耐都無變，就係肥姐一樣係山人山海！自從第一次食過肥姐，就俾佢深深吸引住，之後去其他同類型食店，都係覺得肥姐既滷味最好味。今日點了細生腸和大墨魚。肥姐既大墨魚和細生腸非常爽口彈牙，而且即使係夏天，都保持住冰凍，配上秘制鼓油，芥茉和甜醬，就是跟別人不一樣，特別的爽口，芥茉特別的辣。大生腸我亦很喜歡，口感較細生腸多肉，最重要感覺清洗乾淨，沒有怪味，令人安心食用。雖然較以往加價，但價錢尚算合理，難怪每天都排長龍，還有遊客慕名而來。

已經很久沒有到旺角，星期日旺角街上人頭湧湧，想起良久沒光顧的肥姐小食，以往最喜歡肥姐的“生腸”、“墨魚”、“火雞腎”加上甜醬和介苿是人間美食，食完可以再食，回味無窮的街頭小食。來到檔口依然人頭湧湧，很多人排隊等待肥姐的美食，我依舊點了“細生腸”、“墨魚”、“火雞腎”，美食來到手中，每一串也比昔日細串了，份量亦少了，入口沒有往日的爽口，生腸、墨魚唔夠爽，甜醬亦沒以往的美味，真有點失色，雖則未至於難食，但比起往日未出名時真的有分別，真有點失望，希望香港的食店不要在出名後水準就走下坡，好希望再食到肥姐初開店的食物水評，希望能回覆昔日的水準。

成日見呢度排晒隊，今次一於排隊試下（肥姐）雖然條隊幾長，不過都算好快，嘅然第一次食，梗係叫個大皇牌先啦！其實細細個都好鐘意食呢啲小食，不過真係好耐無食過好食嘅，之前試過幾間都好失望，唔係無味就唔係好新鮮，完全食唔返以前嘅味道。好，試下先，有腸，腎，尤魚，居然三款都好出色，款款入味，完全有細細個街邊樘嘅風味，食完都想再食，限於差不多要食飯，唯有下次再試，有咁多人排隊果然係有料，下次再嚟一定要試埋小皇牌先👍