肥姐小食店

营业中

休息中

🍢🍢經常都會見到有人排隊就知到佢既人氣有幾高，好多人黎到旺角都會黎食肥姐既冷盤滷味，果然今次都唔例外，條隊長到打蛇餅。🔽大皇牌（雞腎、大生腸，大墨魚）（$32）呢個價錢唔算平，飯都差唔多食到個，但係呢個大皇牌味道係唔錯既。幾樣野食都幾爽口，最爽脆一定係雞腎，而生腸同墨魚都好爽口彈牙，可能因為夠凍既關係，唔會霉同同un,加埋甜醬同芥末醬，甜中帶辣，為口感同味覺都帶黎左一點既樂趣。🔽📍肥姐小食店（🤤8/10）📍旺角登打士街55號4A鋪

I order a  the signature here, which consists of small intestine , squid tentacles and turkey kidney. I also enjoyed their liver , pork head meat , pork heart tip meat  and large intestine . The foods is cold enough with some sweet sauce.Besides, It's quite chewing.   

皇牌：墨魚+細生腸+火雞腎排隊⋯⋯係排成個鋪位咁長既隊，本來都心大心細排唔排好，真係無後悔排隊呀！👍🏽樣樣都夠爽口，又夠新鮮😋個芥辣醬真係一流，辣到標眼水😂

今次過黎特登黎食 6點幾左右排隊時 前面有十幾個人左右， 都係等左3-4分鐘左右 佢地啲服務好快啊 （唔該俾份皇牌套餐）眨下眼就遞左黎面前喇 加埋芥末先係一流啊 滴墨魚好好食 下次試下其他單點 推薦一定要黎試下

每次去到旺角 就算幾唔順路我都會走過來 揾下肥姐因為他們的滷味太出色la而我就order皇牌(墨魚+細生腸+火雞腎)但我係走mustard今次我去時 都係得幾個人排隊你地都知 排隊人數好飄忽好似股市咁 可以一下子有10 個人排 仲要轉晒彎所以人少少就order雞腎--唔會太厚 好爽滑墨魚--主要係d腳 唔軔 一咬就斷生腸--無臭味 所有野都好match如果有多一個人同我share我會食埋個「潤」因為係好有油ge甘香味 唔會太生同太熟

美味子從來都唔食內臟，做左XX年人都未食過豬大腸，令O先生大為震驚😮！於是帶左我去呢間只此一家既旺角小吃名店初體驗下。呢度長期大排長龍，不過好彩都唔算排好耐，O先生叫左個抵食既皇牌套餐：墨魚+細生腸+火雞腎串。一次過試晒三款滷味名物估唔到呢d冷盤滷味可以咁好味，尤其加埋芥末同甜醬真係絕佳配搭美味子覺得三款入面最好食既係生腸，因為係最入味同最match 到芥末同甜醬！墨魚都好味，口感同生腸一樣爽口彈牙，凍食一流；雞腎就落唔落醬都好食😁雖然食得多內臟唔係幾健康，但久不久食下還是可以既，咁好味既小吃，一定會再幫襯!

每次出黎旺角食咩都好🍽總係心思思想去掃下街🍡🍢🍿🍭🍦識食一定緊係去食肥姐啦😝就算大排長龍，打哂蛇餅，為左食都會等😋其實都係最多等10分鐘左右⏰每次食親肥姐，永遠都叫呢個皇牌組合🙆大皇牌(大生腸+墨魚+雞腎)🍡再加多串細生腸🍢每款都滷得好入味🤤一定要加甜醬+芥茉漿🤗甜得黎帶點辣大生腸+小生腸食落無異味架👍🏻其實都幾肥架😅最好同朋友Share感覺無咁內疚🙈不過久唔久一次姐

香港嘅特色小食，其實我都係朋友介紹食，小時候都係食街邊熟食，就從未食過生嘅食物。一試，其實都幾好味。呢間野長期要排隊，但其實都係排好快，大約2分中。我同朋友share食，叫左雞腎，豬腸同章魚，我就好中意豬腸同章魚，兩樣都好彈牙爽口，配芥辣醬好特別，雞腎就，，一般啦，因為本身我都唔太中意食雞腎，試左一舊。價錢其實都唔算平，佢有好多唔同配搭嘅套餐，若果唔叫。套餐我就覺得有點貴。整體黎講作為香港特色小食係90分👍

肥姐小食係旺角出晒名，多年不變。啲人排隊排到打蛇餅，為既就係佢啲生腸老味。作為油尖旺既街坊，雖然很喜歡吃它的生腸老味，但真係怕左佢條龍。今日撞正佢剛開舖，得小貓三四隻排緊隊，食飽飯我都要排隊買返份小食先。唔使三分鐘，呢份大皇牌就係我手上了大皇牌 $32 有大墨魚、大生腸和火雞腎大生腸，肉質較結實，勝在夠乾淨，沒有異味。火雞腎，滷味十足，爽口彈牙大墨魚，鮮甜爽脆，口感一流整體十分出色，只略嫌醬料落手過重，差點搶了本身食材的鮮味。下次再食，一定要叫職員少醬，否則便會喧賓奪主了。

旺角這麼大，小吃這麼多，當中就只有肥姐是我們每次去旺角都必吃的！！！雖然每次去都必定大排長龍，但都忍不住走過去跟著排，哈哈！我最喜歡的就是雞腎，生腸跟墨魚，而且一定要加甜醬跟芥末牆，超級惹味！！

平時都好鐘意去MK行街嘅我，每次經過肥姐小食店，不論幾點，檔口前一定排左一條長長嘅人龍今次去新寶睇完戲，唔太肚餓又想食D嘢，就決定去揾肥姐一嘗小食串大黃牌 有墨魚，鷄腎同大腸全部都好林，唔錯但佢個芥末勁辣建議唔食得太辣嘅叫走/少芥末總結係唔錯嘅 但如果排咁耐，我就應該未必了

有冇一種街頭小食會令你念念不忘🤣🤣有時經過肥姐都會想食番串，雖然人龍很長，但其實就好快排到，都係等一陣姐～～滷味夠凍而且頗入味，夏天食簡直一流！！！每次都係叫#墨魚$12、#豬耳$7、#火雞腎$7，墨魚彈牙爽口，加埋甜醬同芥末，最少要食2串吧😝芥末對我黎講有Ｄ玫鼻，唔敢點太多，所以我偏愛點甜醬！肥姐小食店地址：旺角登打士街55號4A舖

肥媽，我老公一去親好景波鞋街附近都要去探下佢！就算轉頭去食飯都要去幫襯下佢，當然每一個時刻都咁多人排隊的確有佢吸引力！肥媽真係好嘢！街邊小食做到人山人海！他們絕對係味道行先！其實他們有好多選擇：大腸小腸鴨腎魷魚....我最愛就係他們三寶，20幾蚊有三樣！他們做出來的味道的確出邊食唔到，很入味也不會太鹹，加埋黃芥辣同埋甜醬，10分好味, 簡直令人想食多幾串由於他們生意太好，流動快，能夠保持食物嘅質素同味道！所以真係抵佢讚！

平時係葵涌廣場三樓食開，今次就試下好出名既肥姐小食店。今次星期五五點半左右去食，排隊都打曬蛇餅咁。但估唔到排左唔夠10分鐘就可以落order 今次就試左個大皇牌，最主要原因係因為想試下佢個大生腸，好似好正咁肥姐大皇牌一拎到上手發現佢落醬落得好多，尤其係啲芥辣醬。本身我唔係太食得辣，所以覺得個芥辣醬有啲刺激講返啲食物先，食物好爽口，尤其係魷魚，算係幾鮮味。美中不足既係我覺得個大生腸唔夠凍，食落口暖暖地唔太完美。

每次來旺角家樂坊附近都一定會幫襯下「肥姐」，過一下口癮，估唔到而家水準每況愈下。剛剛加左價，食三串至愛街邊墨魚，生腸，鴨利已經盛惠$36 足夠係附近茶記食個 set lunch 了！樣樣有 $108！街邊檔都有最低消費 $12，真係串得起既肥姐！排隊很快，沒有從前很長的長龍，只排了幾個人就到了！墨魚🦑大生腸，加芥末醬份量少左好多！墨魚味道質感差左極多！墨魚不新鮮，有「梅」的感覺，有點”un”. 生腸就普普通通，從前的爽口不復見！