肥仔黎 (已結業)

無得去旅行，好懷念台灣嘅鹽水雞！元朗國竟然有間鹽水雞專門店！一於買返屋企品嘗吓😋由於今日肥仔黎話得返2號餐，半隻雞加一款配菜，無所謂啦！半隻雞啱哂食緊減醣餐嘅我😋配菜揀咗杏鮑菇！揀唔辣！要蒜要葱！我等咗十五分鐘左右就有得攞啦！打開保鮮袋，汁料夠多，而且每件雞都掛滿汁，真係撈得好均勻！咬落每件雞都好爽脆，無骨！雖然無骨，但有兩三件有少少碎骨！小心食！葱蒜味夠香，食到停唔口😋😋😋😋😋杏鮑菇份量唔多，四五舊左右！味道不過不失啦！

經過肥仔黎，鐵閘只拉開少許，看看時間，還有15分鐘才到13:00。以前食過2次都買不到雞腿，見沒有人排隊，反正沒事就成為今天首位客人。雞腿 + 鳳梨 + 魚片 + 杏鮑菇 $45。下單取籌後7分鐘已取得，在店員建議一小時內享用。 雞腿切得很細，也不算多，整體味道偏鹹，幸好有鳳梨的清甜來中和鹹味。

元朗幾出名嘅外賣鹽水雞店 本來想試一號餐 $45有雞又有三款餸😋聖誕節14:00幾去到已經賣哂雞胸/雞髀肉 得翻雞全翼😵😵唯有食蔬菜餐 即係揀5款配料 ✋🏻⚠️原來平日13:00同18:00就開始賣雞 賣哂就冇㗎啦 😩 聽講通常十分鐘內就賣哂lol🕐 不過今日平日經過1:30去到都仲有！————————————————————————🐕🥦蔬菜餐（$42 5款配料）🐕⋯⋯⋯⋯⋯⋯⋯⋯⋯⋯⋯⋯⋯⋯⋯我揀咗鳳梨 芭樂 甜不辣 百葉豆腐 香菇貢丸每樣餸都細細件 一口size 份量都唔少😋新鮮鳳梨又甜又多汁 附汁能力一流！🍍😜推薦！ 不過如果厚身啲會更好芭樂爽脆清身 正常水準 好食！😋香菇貢丸普普通通 冇咩特別🧐甜不辣反而麻麻 口感軟稔唔煙韌彈牙😵不推百葉豆腐比想像中滑身嫩口 超索汁👍🏻 💦（✈️ 百葉豆腐同甜不辣都係台灣直送㗎✈️）醬汁方面 撈得均勻 比得慷慨😂食完仲有好多汁剩😜叫咗少辣 估唔到都幾辣😵😵 食幾舊休息下先再食到😂😵（食開譚仔三小辣中帶有蒜味 比例調得幾好 唔會太鹹 幾惹味 👍🏻👍🏻私心諗法：如果有麵撈就好啦😭😭😭————————————————————————

元朗肥仔黎&綠日堂蒟蒻麵💛呢排想食清啲就醒起鳳琴街有間鹽水雞幾出名，可惜去到鹽水雞已經賣曬😕最後叫左個$42蔬菜餐包5款配料，等左30分鐘以上先有得拎。💛杏鮑菇💛甜不辣💛百頁豆腐💛魚片💛西蘭花呢度當然唔夠我食，於是翻到屋企摷左包蒟蒻麵出黎撈😇呢包麵得7個卡路里，食完唔覺得內疚😂肥仔黎呢包野同個麵十分夾😋如果淨食配料會有啲偏咸，但撈完之後味道岩岩好，強烈建議肥仔黎可以諗下加個冷麵餐👍🏻👏🏻

🔎肥仔黎 (元朗) 💛📍元朗鳳琴街15-21號鴻運中心地下12號舖-肥仔黎嘅鹽水雞真係可遇不可求 要好有恆心先有機會食到 鹽水雞開賣時間係1點同6點 想食嘅話就開賣前早少少去排隊啦🔹1號餐 獨享餐 雞＋3款配菜 $42雞嘅部位可選雞住翼/ 雞胸/ 雞腿今次揀咗雞腿 配菜就揀咗甜不辣、芭樂同埋百頁豆腐食得台灣嘢當然係揀返啲地道啲嘅配菜 呢3款都算係幾有台灣特色 甜不辣有咬口 都幾有魚味，芭樂配鹽水雞就幾清新，百頁豆腐都幾吸湯 好軟身好彈牙 仲要係台灣直送架 🔹1號餐 獨享餐 雞＋3款配菜 $42第二份都係揀咗雞腿 配菜就揀咗芋絲、魚片同鹵水豆乾芋絲吸哂啲汁又幾好味 低卡得嚟又比起其他配菜飽肚，魚片同豆乾就正常操作啦辣度由唔辣到大辣都有 建議叫小辣就夠啦 太辣影響哂成個味道 小辣辣得嚟啱啱好 夠哂惹味🔹滷肉飯（大）$26怕唔夠飽嘅話 除咗食雞 仲可以叫多個滷肉飯 咁就夠哂滿足啦滷肉份量都幾多 唔會話食到底就唔夠味 而且用珍珠米 味道都真係唔錯🍴搵返相關地區👉🏻

今日12:50行到過黎見得幾個人排隊諗住人少少好快手就排埋一份，事關之前新開張成日都要等半個鐘以上。試過由1點等到2點又有所以見得幾個人緊係衝左幫排先到左1點開門啦，有人出黎派紙仔咁我要左份雞髀餐再加3個配菜，等左20分鐘到就可以拎我份美餐啦拎到番去緊係開始欣賞呢份美味既午餐，依舊肉好滑好好食又香口不過美中不足係小妹吾食得辣，可能上一位叫左中辣關係。。小妹食3啖就要飲飲下再製造一個雲吞出黎 如是者小妹食完餐飯就製造左6-7舊雲吞出黎雖然知道人多既時候老闆會好忙，但當一個吾食辣既人選擇左吾辣但結果又係辣真係好無奈，沖沖水又會無左味繼續食又不停流鼻涕。。希望下次可以既話d工具沖沖水先再製作

令人大排長龍嘅肥仔黎，上一次等佢6點嗰轉開售無耐去就已經售罄🤯令我想試佢嘅意欲大大提升，今次閒日18:10到果然都有人排隊😰幾驚又無哂，不過好彩，今次仲有雞嘅🐥🐥獨享餐 ($42)獨享餐=自私餐，可以每人揀一個雞嘅部位同三款配菜🥦辣度都係自由選擇🌶而我就揀左小辣雞腿配甜不辣、百頁豆腐同菠蘿🍍調味相對其他鹽水雞店蒜味較重，辣度都適中😋雞腿肉處理得唔錯，口感算嫩滑，冰鮮感唔算重👍🏻但配料分面就有少少失望🤨甜不辣缺少左正宗煙韌嘅效果，食起嚟感覺似係爽彈嘅魚餅多啲😕百頁豆腐都偏軟稔無乜口感，有待改進😯但今次首次試菠蘿印象不錯，好fresh同中和到成袋好重口嘅配料🥶大家下次可以試下✨整體覺得雞肉部份比配料出色，友人揀左秋葵都帶少少唔新鮮嘅苦味🤢建議可以喺配料入貨方面作改進，令成件事更盡善盡美🥰

〖 元朗篇 -- 肥仔黎 -- 〗⁣⁣⁣⁣⁣💛 滿滿台灣風味嘅鹽水雞 😋⁣⁣🥡 鹽水雞超值套餐 (雞全翼 芋絲 金菇 菠蘿 大辣) -- $42⁣⁣😋 尼到元朗國覓食，心血來潮試下呢間bookmark咗勁耐嘅鹽水雞🤤🤤 原來佢除咗鹽水雞，仲有腸粉啊，滷肉飯啊，連麻辣鴨血都有~ ⁣⁣🐥 我大概3點幾尼到，人唔算好多，都係等幾個就到我叫野食，不過雞腿就已經無食😭 所以就揀咗雞全翼~ 仲要加3個配菜，我個人超愛芋絲，再揀埋金菇同菠蘿🍍 叫完野食會比個牌仔你⁣⁣🌶 我揀咗大辣，真係幾辣下😂 我都算係嗰啲好食得辣嘅人，所以如果唔係真係好食得辣真係唔好亂試😂😂 但係辣+雞真係令人無法抗拒啊🤤 雞翼真係勁滑，然後麻辣配芋絲又係超正，金菇就正常，但係菠蘿我個人就唔係太鍾意，可能我叫得太辣？個菠蘿面頭全部都係辣汁，我唔多接受到😵 ⁣⁣🤨 總括尼講我覺得有啲太水，食完會見到有好多辣汁剩喺度，我個人喜歡無咁水的，不過都好幸福好好食 (有辣就是好吃！🤣) 下次要尼食雞腿！同埋叫返中辣好了🥵⁣⁣💰 人均消費: $20-70 (只有外賣！🙆🏻‍♀️)⁣⁣~ • ~ • ~ • ~ • ~ • ~ • ~ • ~ •

元朗既肥仔黎鹽水雞其實我已經黎過幾次~不過次次都買唔到😔😔襯住4天連假~其中一日過左去撞下手神~今次終於買到啦~🥰🥰🥰不過已經冇哂半隻雞買啦~(要6PM先會有)得返▶️1號餐既雞胸/翼+3款配菜($42)我揀左雞胸肉質唔乾柴~撈埋D醬汁之後~仲食到有雞味架~3個配菜就揀左甜不辣~青瓜同埋鹵水豆乾青瓜夠哂爽脆~甜不辣我就覺得爭左少少~唔夠煙韌鹵水豆乾都唔錯~佢個醬汁教得幾好味~味濃但食落感覺唔會太味精~食完唔會勁口渴~叫左小辣~不過愈食愈辣~食到尾有D頂唔順~唔知可唔可以叫BB辣呢~😚😚😚😚想再返encore~不過唔知幾時再有機會🙈🙈真係太受歡迎啦！！

每次去台灣夜市都必定會買大大袋鹽水雞返酒店做宵夜😋 真係好掛住台灣呀😭😭 今次經過元朗呢間💛小店專賣鹽水雞，當然要支持吓💪🏼💪🏼 點知佢好好賣已經售罄😱😱今次食唔到😢 真係好可惜🥺不過佢仲有蔬果餐😋 都算可以一解相思之苦🥰🥰仲撞啱佢嘅感謝祭💕 得到小禮物手作涼茶一支，真係好幸運呀🥰🥰🍍🌽🥦🥒蔬果餐 ($40)任選5款配菜 (青瓜、鳳梨、甜不辣、四季豆、芋絲、芭樂、西蘭花、香菇貢丸、秋葵、白蘿蔔、杏鮑菇、百頁豆腐、魚片、玉米荀、金針菇、鹵水豆乾)仲有得揀大/中/小/唔辣🌶🌶一袋拎住食，香香辣辣👍🏼👍🏼 好開胃，好滋味😋😋緊記💢 鹽水雞每日1pm & 6pm 就開始賣，開賣前就會見到長長既人龍🙈😝 賣哂就只可以食蔬果餐啦‼️ 要食就早少少去排隊啦🤣🤣

的確有台灣嘅味道。呢間鹽水雞係我喺香港食過so far最貼近寶島風味嘅鹽水雞（雖然呢包係冇雞肉，只係得蔬菜，但風味仍在）蔬果餐$40我叫左青瓜，杏鮑菇，百葉豆腐，甜不辣，滷水豆乾 。呢d配料確實係好新鮮(特別係青瓜，夏天食真係好爽）不過食完呢包嘢之後真係會口渴。但係掃街嘢就係咁ga啦，同味精拍住上之後飲多杯水就ok la ！下次去元朗我都會買嘅！P.S很喜歡呢袋鹽水雞可以resealable嘅包裝，好貼心

見到d 朋友話好食 中意台灣美食既我已經心思思想食 有時經過都見到好多人排隊 佢一點同六點會開兩轉供應鹽水雞 今日特地早dd 去買 買左一人份 酸菜要左青瓜 菠蘿 豆腐 菇 小辣 等左五個字左右有 份量一人份來講都幾好足 d 配菜都好新鮮 配埋一齊辣辣甜甜幾正 小辣佢係愈食愈辣 慢慢滲出來 好正 食晒成袋btw d 伙記都好nice 好有禮貌 感覺就似台灣一樣甘有人情味

講起元朗國食鹽水雞，實係肥仔黎最正！之前一直無去肥仔黎，因為真係太多人！😂同埋佢每日得2節時間供應鹽水雞，分別係1點及6點，售完即止，基本上唔提早去排隊，正點去係一定買唔到！今日我終於的起心肺，提早半個鐘去排，總算成功買到！​夏日食冰冰涼涼嘅鹽水雞真係好開胃，佢哋呢度嘅鹽水雞自由度都高，雞可以揀雞胸、雞脾或雞全翼位；配菜則有16款，可從中任揀3款。今次我就揀咗雞胸＋秋葵＋甜不辣＋百頁豆腐。Order後，大概5分鐘，店員就送上一袋鹽水雞。​呢個價錢大概3個拳頭size嘅食材，雞量則約一個手掌心咁多，我覺得價錢尚算正常。我揀咗雞胸，因為雞胸係成隻雞入面，最難整得嫩滑嘅部位，希望以此試下店家實力。​不塊係元朗最長龍嘅鹽水雞店，味道真係唔錯！雞件經過藥材及香料醃製，雞肉好鮮嫩入味，加上過過冷河，雞皮爽爽脆脆，食上去口感好，有種齒頰留香嘅餘韻。​另外，佢哋嘅甜不辣及百頁豆腐都係台灣直送，百分百還原台灣風味！甜不辣即炸魚餅，外層少少脆，入面係有啲似鯪魚肉味（實際係鯛魚＋鱈魚蓉）嘅夾心，幾彈牙。我最愛百頁豆腐，咬上口鬆鬆爽爽，比平常食到嘅豆腐更Q彈。百頁豆腐入面好多孔洞，吸咗好多白料汁，香香辣辣咁，

«716»外賣生活之fing住半隻鹽水雞返屋企好開心﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣️▷半隻雞 一款配菜 $71▶另加配菜 每款 $9深夜放毒，呢排大家都買外賣返屋企食。推薦呢間元朗嘅鹽水雞，雞好滑好惹味！就連雞胸都唔鞋，係腍腍嘅肉質～話說買返屋企開心share，終於可以放膽嗌半隻雞😂 次次嗌一份食完都仲好想繼續食套餐配一餸之外我地仲追加咗兩款，有青瓜、菠蘿、百頁豆腐，青瓜爽脆，菠蘿多汁，百頁豆腐吸汁，冇得輸嘅組合😍特別係菠蘿嘅酸味原來同啲辣汁好夾！好鬼開胃又辣辣地咁，正正子。留意返，每日1pm/6pm呢兩個時段先開始賣雞，次次開賣前啲人就排定隊，賣晒就molamola，其他時段只可以食配菜😂﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣肥仔黎元朗鳳琴街15-21號鴻運中心地下12號舖

獨享餐(雞胸) ($42)每日淨開兩轉，1pm & 6pm嘅肥仔黎🤤哈哈終於到我，個個人都話好多人好快賣曬，要早15-30minutes 去等😗好幸運可以一試佢嘅滋味嗌咗芋絲、芭樂、玉米荀我有做功課，睇外台灣人食鹽水雞通常嗌乜配料，所以揀芭樂同玉米荀。第一次試佢哋，都係最後一次，因為覺得冇乜特別，唔知點解世人會加佢哋😂不過我諗我試任何一間都會唔鍾意，所以唔係呢間店嘅問題。啲雞好滑、好惹味，份量都唔算少，晏晝加杯嘢飲都有6-7成飽(refer to我嘅食量)小辣到後面都幾辣，可能配飯食會更佳😂😋