💫黑松露醬貝柱意大利飯 $122 由於係星期日，呢個價錢貴過平日午餐唔少。起初有啲擔心意大利飯好膩，不過食落又無呢種感覺，兩個人分仲有啲唔夠食🤭個飯入面有唔少細細粒晚貝柱同埋本菇，基本上足料到每啖都食到🤗老公十分欣賞！ 💫經典雲呢拿窩夫 2件$68/ 4件$78 等緊既期間，聞到窩夫香味已經好期待，望埋個樣覺得自己無叫錯，但都要#手機食先 🥰 窩夫旁既雪榚係選用#monvenpick 既雲呢拿或朱古力味，質素絕對有保證😋而窩夫外圍亦焗得好脆，中間就鬆軟，甜甜地，咩都唔「點」其實都足夠好味🥰 不過一啖忌廉一啖雪榚更加正。 窩夫上面仲加左啲藍莓士多啤梨粒，吱左少少焦糖醬，好味之餘又唔會搶左窩夫本身既香味👏🏻👏🏻呢間係我食過最好味既窩夫店呢😻

葵廣除左有好多賣衫既店鋪，亦開左唔少各色各樣既小食店😃有賣甜品、飲品、炸雞等等，不過最吸引我既都係港式小食：牛雜 客人可以根據自己食量揀份量，由細至加大都有,價錢$15至$50左右，因為仲要試其他店，今次就揀左中size🥰 💫滷水牛雜 （中） $24 老闆娘好nice，準備好牛雜比我地個陣，都建議我地可以加啲甜醬辣醬，不過我地想試下原味就咩都無加 呢間牛雜十分出色，所有食材都滷得好淋，而且每舊都係一口份量，唔會令你食得狼狽👍🏻 最重要係佢嘅牛雜洗得好乾淨，唔會有一陣騷味，蘿蔔亦吸曬滷水汁嘅味，好滿足😋有啲後悔嗌得太細兜😔 大家黎葵廣個陣，都記得去2/F兜個彎，個度除左牛雜，仲有唔少黃店哦😚

知道葵廣多💛店，專登去支持下，其中一間超多人排隊既就係呢間FreeHcaKe💛佢主要係賣唔同口味既梳乎厘，而且價錢唔貴，值得推介 💫721黑白是良芝梳乎厘pancake $28/塊 我揀既口味係Oreo 芝士奶蓋，奶蓋味唔會太甜，帶有淡淡既奶香，而梳乎厘空氣感十足，一塊兩人分都夠飽肚😽 除左梳乎厘之外，仲配埋是日精選雪榚：蜜瓜味🍦雪榚口感比較實身，淡淡既蜜瓜香配上鬆軟既梳乎厘好食😋 雖然要排下隊，但店內貼滿靚靚既閃卡同文宣，一路排隊一路睇，就好快到我😂 「黑白是良知」希望大家都多啲幫襯下呢啲小店，以行動支持佢地啦💪🏻

The Cool Cousins Cafe & Noodle Bar 📍觀塘 除左同朋友去左廿一由八之外，仲去埋駱駝漆工廠大廈覓食✌🏻 我地叫左兩個餐share試食，份量都唔細哦～ 💫香煎油封鴨脾冬蔭功湯金邊粉 $76 呢碗粉融入左泰式和法式既烹調手法，鴨脾以法式香料醃製慢煮後再煎封至金黃色，但湯底則選用泰式既冬蔭功，感覺幾特別呢😻 金邊粉黎個陣，我地仲諗緊點樣切隻鴨脾，但原來淋到可以用湯匙就分得開🤗唔單止鴨皮仲係脆脆地。 湯底味道濃郁，但店家應該改良過，味道唔太辣，反而偏甜味，好食🤤 不得不提既係佢既炸豬皮，開頭食唔出，只係覺得口感脆卜卜，浸落啲湯到索曬味好特別👏🏻 💫 烤大啡菇黑松露芝士醬牛肉漢堡 $105 大啡菇一直係我至愛，每次漢堡包有佢都必定係我首選🤗呢個漢堡包既牛肉唔會有血水滲出（最怕）得黎又好juicy,配上黑松露芝士醬真係絕配💁🏼‍♀️而且店主好細心，主動幫我地切成2份😊 薯條黎到個陣熱辣辣，即刻食番條，係脆架🥰絕對唔係老麥個種，甚至比Mos Burger更好食。 整體呢間野黃店係好值得大家去試食哦😛

以前第一份工就係觀塘番工，但自從搬左入元朗之後，就好少出黎。但朋友係要見下既🤗於是約左@kis.happyshare食飯，上ig search 「觀塘美食」就搵到呢間cafe ✨ 「廿一由八」開頭覺得點解改個名咁奇怪，原來店家係將個「黃」拆開黎改左呢個名😹 餐廳除左有賣一啲輕食、咖啡、茶飲外，大部分地方都係賣木系傢俬，店家亦有劃出一個位置做工作室，但感覺唔會好逼，坐落幾舒服，有種文青咖啡店feel😌 另外本身見有人介紹過呢度有隻黑貓🐈‍⬛，可惜我無緣見到🥲 講翻食物先，我地叫左兩杯飲品，一個蛋糕。 💫Iced Peach Tea $40 偷飲了朋友一啖，桃味好濃，而且甜甜的幾好飲😀 💫 Cappuccino $38 本身想叫Americano ，但諗起影相唔夠靚無叫🙈一般出面都會奶味偏重，但呢杯咖啡味濃啲，係我杯茶☕️ 💫Custard cake with Turmeric Poached Pear $42 通常d cafe 都係賣cheese cake 多，但呢間賣既蛋糕比較有特色-薑黃香梨吉士蛋糕🧁 平時薑黃既好處聽得多，加速新陳代謝等等，用係蛋糕到真係少聽🤪 呢個蛋糕表面係脆脆地，而個蛋糕餡就係鬆軟既，口感完全估唔到😃我最好奇既薑黃味道唔濃，反而梨味好香，甜甜地，食落唔會膩，我同朋友都十分欣賞，走左之後仲即刻search 下食譜🙈😂 整體黎講，食物質素幾好，飲品亦都唔錯，環境舒適，食飽仲可以逛下呢度既傢俬Tim😚🪵

Relishcafe 係一間日系裝潢，但賣西式美食既cafe 👀新開左無耐。本身以為假日唔會多人，結果上到去要等位，入座後都一直有源源不絕既客人👍🏻 💫 蒜香野菌紅蝦青口炒意粉 （跟餐湯及飲品） $128 其實睇個名都已經知入面有咩配料💁🏼‍♀️蝦、青口都各有3隻，但要係新鮮既😍青口咬落去個啖係「必」啲汁出黎，蝦亦都係爽口，唔係「梅」既口感🙂 仲有我好鍾意食蒜架，平時韓式生菜包豬腩肉一定會加多幾塊生蒜🧄呢個炒意粉雖然無蒜頭食，但落左蒜粉既佢蒜味十足😌 呢個意粉好食到我會比九分呢😙 餐湯係南瓜湯，湯上面放左舊烘過既包，配湯食好好味，可惜太細塊🥲甜甜既南瓜味配上忌廉 💫博多屋 絹豆腐蛋糕 $58 （額外加飲品九折） 開頭想食佢既tiramisu ,職員問試唔試下新出既豆腐蛋糕，係weekend 期間限定款😙一聽到呢個字就抵受唔到誘惑😍 呢款蛋糕有芝麻味同抹茶味揀，但豆腐配芝麻感覺夾啲😊蛋榚黎到個陣，被花型海綿蛋糕吸引，好可愛吖🌱 海綿蛋糕用左濃郁既台灣黑芝麻粉去烘焙，而豆腐亦選用左日本既絹豆腐製造，兩者味道濃得黎又好夾，唔會各搶風頭，自己係屋值相信都好難整到🌸推介比大家 💫 Americano $38 Relishcafe 選用左深度烘焙既咖啡豆，味道濃郁，未飲個陣已經聞到陣咖啡香☕️ 飲開咖啡既您地應該會鍾意❤️

元旦日除左去食mc cafe 之外，仲搭輕鐵去左個無野行既天秀😅個度有一千零一個商場—天一商城，於是入左去搵野食，無意中發現左呢間黃店😎雖然要等位，但為左支持都照等下啦！ 💫鮮茄雞扒扁意粉跟餐湯 $56 呢個餐湯同樣都係蕃茄湯，我老公覺得唔錯幾好飲，酸酸甜甜，不過我就覺得太過茄醬味，無蕃茄既鮮味。 而意粉亦都係一樣，汁量好足夠用黎撈意少，但唔係好鮮茄feel,茄醬多，同偏甜（可能我食開淡味野😄）雞扒就煎得唔錯，皮脆肉嫩🤗整體雞扒比意粉好食🙆🏻‍♀️ 💫迷你卡邦尼意粉配牛角包 $42 呢個迷你意粉一啲都唔迷你😂只係用左細碗裝，份量同鮮茄意粉有得揮！卡邦尼呢個好食過鮮茄意粉，每條意粉都沾到醬，唔會話乾爭爭，另外佢既牛角包🥐超大個，我以為下午茶係比啲一口size,黎到都呆左🤪 飲品方面佢同其他茶餐廳/咖啡店唔同，咖啡跟餐要額外加$10，我地覺得有啲唔值，於是只叫左杯熱檸茶&熱奶茶。檸茶開頭怕會有苦澀味，但呢杯無，證明啲茶底用得唔錯呢～

呢間野開正人來人往既大馬路，每逢收工放學都會經過。所以都幾好生意架♥️ 呢間野主要係賣涼茶，但我懷疑佢最好賣既係燒賣😂 💫魚肉燒賣 價錢正正常常啦，$10有6粒/$15有10粒，大食既我一買就緊係10粒😌 出面小食店賣既，好多唔係有小魚骨，就係有彈腥味，但係呢間完全唔腥，而且十分彈牙👏🏻唔知係米自己親手包既呢？。 另外值得一讚既係佢啲豉油唔係死咸既味道，應該係用左甜豉油😙 再配上佢既辣油，真係好好食！ 經過呢間野既千祈唔好錯過呢間野既燒賣吖😜

海南少爺 📍尖沙咀海港城 @海南少爺 因為有海港城既Dining Coupon，於是跟住佢個list揀食咩😅畢竟平時番工原價食都貴。 之前已經食過佢既海南雞飯，覺得質素唔錯。今次就試下喇沙，係屋企整唔到既野😹 💫椰香海鮮喇沙 $98 職員好細心，幫我分左湯同麵 （外賣加收$2🙃） 一打開聞到香濃既椰汁味，就知道一定 好食💋唔知要幾多材料先淆到個咁濃郁既湯底。 食材亦十分豐富🦐都有3大隻，而且爽口，唔係啲平價「梅」左雪蝦，係魷魚圈少左啲😣豆卜大大舊又多，索曬啲湯汁之後，味道一流，最平既野反而係最好食👍🏻 整體黎講都無咩可以挑剔💯💯 💫熱豆漿 +$12 喇沙好好食，但個豆漿就令人失望。飲得出係用粉開，一啲豆味都無，而且加左糖我唔太鍾意，所以飲左半杯就算。

Lady m 📍尖沙咀海港城 我記得係因為徐子淇棒住左由lady m 送既千層蛋糕，然後放上ig而出名😊之後好多蛋糕店都有賣，不同既食譜亦都係網絡上流傳。我亦曾經試過用平底鑊自製，結果厚皮得製而失敗😂食過出面咁多款千層，真係lady m 係最好食。 💫伯爵茶千層蛋糕 $75🍰 問過朋友邊款千層最好食，佢話係原味或伯爵茶😜其實伯爵茶肯定無得輸，無論就咁飲同整奶凍、曲奇、蛋糕都會最受歡迎😸lady m 既伯爵茶味勁濃，唔知關唔關佢面層既mousse 事。 💫玫瑰千層蛋糕 $75🍰 特登買左唔同味比老公一家試下，呢隻玫瑰味其實有猶豫買唔買好，因為玫瑰味唔係個個鍾意，尤其當晚有兩個男人係度😹但最後都係比佢既外表吸引而買左。未食之前已經聞到佢隻玫瑰香，試左啖發現佢竟然係超好食😋連我老公都揀左佢做第一名，佢話原因係少食呢隻味，而佢既玫瑰唔係好俗，玫瑰味淡淡的，所以佢幾鍾意❤️好彩無買錯！ 💫抹茶千層蛋糕 $75🍰 抹茶就緊係唔使諗，一定要買既味道，因為無論男女都鍾意。而呢款係比老公妹妹挑選為第一名👏🏻lady m應該係用左啲靚靚抹茶粉去製作🍵同樣地抹茶味濃得黎唔會苦，面頭既粉唔會飛曬出黎，食到好狼狽，呢方面好值得讚👍🏻 整體三款味道既千層蛋糕我都好鍾意，因為佢皮真係好薄，啲cream好滑，無咁上下功夫同靚料都做唔到。但要我揀最鍾意既一定係伯爵茶味。食完令我好想再食多件😩如果當時有咖啡配就超正😢