肥仔黎 (已結業)

終於的起心肝買佢嘅涼拌，三點幾黎到其實都估到嘅鹽水雞實賣曬，都想問問，但睇門口就見到佢貼住1點雞賣曬，要想食就要等6點。我就唯有被迫食健康蔬果涼拌。話就話蔬果，但幾十樣款入面有貢丸甜不辣，其實都唔係全素姐。我就揀左5款（$40），包括金菇，青瓜，甜不辣，白頁豆腐，貢丸。叫左中辣。叫完唔算等好耐就攞到。食完真心正，個汁調得好，同每樣菜都好夾，真心食完第二日會想再食。下次想試鳳梨🍍、秋葵、呀～仲有鹽水雞～ 靈魂食材呀～

呢間黃色小店💛只有外賣喔 沒有堂食的賣鹽水雞 仲有腸粉燒賣等等 都係黎第二次先食到🤫小店只有一點同六點就開賣未夠鐘都排晒隊呢 排到我地半隻雞同一隻雞都賣晒lu 👌OK仲有獨享餐可以揀 獨 享 餐 • 雞胸 • 甜不辣 杏鮑菇 青瓜 $42一人獨享餐份量鹽水雞有得揀辣度我地揀左小辣🌶食落係好惹味😍佢嘅辣相對唔算辣 下次可以叫中辣👅雞胸好有雞味 仲撈左d雞皮 加埋一齊食正啊 再加埋佢本身撈好個汁仲正🤤配菜都好食 希望下次有機會可以叫到一隻雞☺️

多咗黃色經濟圈之後，多咗個借口周圍走去山長水遠搵食。超級耐無去過元朗啦，我呢啲九龍人都要去元朗懲罰一下佢肥仔黎呢度每日得1pm同6pm先有鹽水雞賣，其他時間可以買鹽水蔬菜，魚蛋燒賣.. 仲有麻辣鴨血tim~第1次去7:15pm去到sold out第2次去6:15pm又係sold out 第3次終於成功5:30pm就去排隊，都要排第3受歡迎到離晒譜，唔明點解OPENRICE咁少食評等緊既時候，會派點菜紙。因為係限量發售，好驚派到我會賣哂..好鬼驚..就係因為佢係限量發售，可以保持品質同水準..更加值得排隊~而且係黃店, 排得仲值得同朋友揀左2個獨享餐， 因為朋友唔食蒜同蔥，所以自己揀自己就岩哂啦可以揀自己鐘意既口味揀左四季豆、鳳梨同青瓜..夏天熱辣辣想食得fresh d另一包就係芋絲、鳳梨同白菇貢丸個汁係我食過咁多間鹽水雞最好味，最岩我口味既一間，再加上食完又唔會勁口渴雞肉好嫩滑，唔鞋口，新鮮鳳梨又甜又多汁，其他配菜加埋個汁都好夾好好味PS: 排隊爆熱可以買罐冰凍既蘋果西打($10) 一路排一路飲，好懷念既台灣口味。

💛👦🏻肥仔黎 | #元朗 一人份(雞胸+芭樂+貢丸+豆皮) 記得係一點和六點開賣，有網上資料寫十二點係錯嫁！ 雞胸好好賣，我買到最後一份！一人餐可以揀三個配料，雞胸/雞腿 份量大概1/4 雞胸啖啖肉 吸收哂香料味 不會過咸！推介豆皮 有台灣的感覺 嫩滑好吸汁🤪貢丸都不錯 有菇味！芭樂可以切得更好因為籽唔得食 要吐好麻煩！整體不錯，記得要食要排定 都幾快賣哂！

肥仔黎最出名食鹽水雞～但係原來每日只係得兩點同六點有得買好彩我嗰日四點幾去到見到 喺附近行咗陣食下野再排隊終於食到呢個驚為天人嘅鹽水雞佢個辣到真係好好食🤪🤪🤪配料都好多選擇想食嘅朋友記得要就啱時間去排隊未夠鐘其實已經有一啲人喺度等緊😄

第一件事，當然係黃店必罰啦💛第二，食物質素同味道都一流👍🏼剛開業時已試過1點出爐嗰輪鹽水雞，好食到已經心思思幾時可以食第二次。終於，第二次排咗6點個輪。Encore得嘅，唔洗解釋有幾好食啦。食物好吃不在話下，服務態度係人都應該要有嘅。入面嘅員工(估計係老闆老闆娘) 有良心個下真係好值得再三都唔夠，要再十幫襯。見到好多人話預唔啱時間同埋會賣哂，如果唔限量點顯得矜貴！而矜貴嘅嘢梗係要排隊同等啦～食左妳就知值得。

呢間出名食鹽水雞，可惜今日黎到已經賣哂，試下其他小食啦😄叫左1份魚蛋（8蚊7粒）、1份燒賣（10蚊6粒），價錢唔算好抵食💸燒賣幾有口感，餡料唔似落左好多麵粉👍🏻魚蛋彈牙，肉質唔會好霉，成粒唔會太淋👍🏻辣醬才是重點！！！聽聞係秘製配方，好香口惹味🌶😋食辣的要試試啊

鹽水雞發售時間 為每日下午12點同埋下午6點 ,先到先得 第二次黎先食到 上星期六第一次黎 排隊時 我5點59分到排左一陣 到6點20分左右 老闆娘走過來同後邊排隊的人講售罄 咁啱我前邊果個係最後一個 欲哭無淚orz1 號餐 全翼/雞胸/雞腿 +3款配菜 $39咁難得比我排到 我當然唔止+3款咁少啦另外加多兩款 咁先滿足到我個心靈 另外加配菜每款$9 total $57評分: 4.5/5 味道真係唔錯 我本身係超級之 鍾意食鹽水雞嘅人 呢間夠味 且不口渴如果雞胸 可以更嫩滑就 perfect池 每款配料都好好食 推薦 甜不辣 夠入味 又彈牙 欣賞西蘭花 比埋個梗 唔好哂野 但如果可以再切細小小 會更好我自問食得辣 (辣妹子) 中辣係岩岩好 #古惑的辣 一開始食兩舊覺得唔辣冇乜料到 點知越食越辣 好爽 好正 我鐘意提提大家呢度係冇得打電話預訂嫁 預時間排 同等佢哋逢星期一休息另外比完錢唔係即刻攞得 大概要等半個鐘左右 可以去附近行下

尋日三點經過雞地見到新開咗間舖叫肥仔黎離遠聽到個阿叔話“賣晒啦？幾日嚟到都賣晒”老闆娘好抱歉咁話“唔好意思呀。。。鹽水雞今日兩點就無晒啦”如果有鹽水雞我都想試之前試過香港幾間都唔好食大廚(即係肥仔黎)推介甜不辣同百頁豆腐話百頁豆腐係台灣入口 不過今日賣晒咁我就點咗貢丸、甜不辣、白蘿蔔、玉米筍、芭樂、鳳梨、青瓜、四季豆試下個sauce都好個sauce可以揀唔辣至大辣都得我同個fd都食得辣就試下中辣先味道都似我係台北食個d可能大廚再改良咗少少配菜加埋個sauce食落好清爽老闆娘娜姐話佢地想做好個品質鹽水雞一定前一晚先整開業無幾耐估唔到整幾多隻都秒速賣晒咁下次我唯有早d嚟試下個鹽水雞我見餐牌有鴨血 點知又賣晒未賣晒嘅仲有魚蛋燒賣腸粉魚蛋同平時食開個d唔同好香陳皮味有咬口俾我見到蒸籠後面有樽辣椒油 (星星眼)問娜姐可唔可以俾少少辣椒油喂呀！個辣椒油係燒賣嘅重點!娜姐話係秘制配方好彩俾我見到啫XD鍾意食辣嘅記得要試埋個辣椒油!