肥仔雲南小鍋米線

营业中

休息中

呢間肥仔米線日日都超多人食，無論外賣定堂食都要排隊，食過幾次都覺得真係好好食，真材實料又大份，食一餐飽一日😂 每份米線都會包一個$6嘅餸，加餸嘅話再加錢。🍴熱拌米線 雞絲豬軟骨 小辣多汁 $47 (外賣加一蚊) (9/10)米線超大一碗，細食嘅人可以兩個人share，食完真係飽到成日唔使食嘢😂😂超多雞絲，有四舊豬軟骨，熱拌已經有炸醬，酸菜同花生，真係超足料！雞絲比較乾但撕得好碎，豬軟骨炆得入味，超軟淋，甜甜哋，有軟骨又有肉，真係好好食，係必叫！呢度嘅炸醬係有少少辣，好香口，酸菜都好酸，好爽，米線煮得比較淋身，個汁係微辣，酸酸地，鹹鹹地，好香口，好好食！推薦指數: 9/10真心係九龍灣最好食嘅米線，大份好食又抵食，真係有誠意真材實料去做！食過中辣嘅酸辣同埋熱拌米線，唔太食得辣真係食唔到，真係辣到胃痛，唔好挑戰極限🤣🤣利申譚仔淨係食酸辣😂

之前去買嘅時候堂食嘅人好少外賣都好少人排隊我就唔明點解我嗌外賣都要45分鐘先至拎到個外賣,如果嗰間嘢呢係好多人要我等45分鐘我都算我忍,但係唔係囉嗰度好少人頂多都係一兩個,都可以等45分鐘,大家諗下

作為米線關注組成員，一定會聽過得寶肥仔😆不過真係試過拜訪好多次，一係就冇開，一係就比條長龍嚇走咗🥲今次終於的起心肝排隊食佢！我一點半嚟到，都要等成半粒鐘先有位😢真係好難得！成日都聽人講佢個小鍋酸辣好好食～不過我自己偏愛酸辣紅薯粉🤣叫咗螺旋藻同埋雞絲做配料～我覺得佢擺得好整齊，個feel好企理，仲有好多我鍾意嘅花生🤤湯底方面，我覺得酸辣味可以再重啲，我叫小辣，應該比出面嘅米線店再辣啲，佢算係唔太油嘅湯～配料方面，雞絲係撕得好碎嘅雪花雞絲嚟🤤所以有部分會溶咗喺湯度😂螺旋藻份量都唔少，好爽口！最重要係紅薯粉仲係keep住好有咬口，好食☺️因為佢個辣度都比我想像中辣，都係忍唔住叫咗罐coke zero🤣整體嚟講我覺得佢都係好食嘅～亦有好多配料選擇，只不過可能係我對佢期望太高，食落又唔覺有好大驚喜～加埋嘢飲都係$50，都係一餐好滿足嘅lunch☺️

👧🏻😋👅🍽✨肥仔雲南小鍋米線 (九龍灣得寶商場)隱世美味俾關注組報完越黎越長龍😡-❤️我住左咁耐九龍灣都係最近先知得寶小巷有間隱世美食🤣❤️本身地方唔顯眼, 但成日經過會聞到好香濃湯底香味, 要外區人介紹我先上左癮咁成日食, 真慚愧了haha 今次難得有麵有飯又有小食就寫下食評❤️地方都叫淺窄, 但勝在冷氣夠, 枱與枱之間又隔得夠開, 都唔算太差, 重點佢性價比高-🐖🐟🍜魚腐腩肉湯紅薯粉 $48✨小鍋底$34包一個$6餸, 由於我揀兩個都係$10餸黎, 所以total加左$14✨湯好香濃, 叫左唔辣, 但腩肉本身小辣都令個湯辣埋, 紅薯粉唔算好幼身, 但都好掛湯好惹味🤤✨腩肉醃到好入味, 肉質唔算嫩, 份量都幾多✨魚腐有點少失望, 唔係不規則好鬆化果隻, 而係比較實的的 (但當然林身)-🐷🍖🍛 豬軟骨肉燥飯 $43✨賣相就一般... 因為勁多肉燥遮住晒豬軟骨, 但味道十分好✨豬軟骨好soft有D筋好正, 肉燥唔單止係肉碎! 仲有肉絲! 餸係好多汁, 但又冇整到個飯都濕晒✨有少少菜, 都熱既, 整體除左米線, 飯都可以一試!-🔥🐖 炭燒豬頸肉 $43✨基本上我每次必點! 食住個米線等慢工出細貨

之前看到社交平台的米線組推薦，隱世米線，位置真的好難發現，不過最後去了兩次還是找到了，再說味道，整體沒有驚喜，不過螺旋藻不多見，但是不論熱拌還是湯米線味道都非常普通

肥仔雲南小鍋米線 @九龍灣📍九龍灣牛頭角道3號得寶商場地下37號舖今次試下呢間位於九龍灣嘅肥仔米線 聽聞以前鋪位係荃灣再搬過嚟 位置有少少偏僻 係得寶商場隔離條巷仔入去 週末尼到都等左起碼半個鐘先入到去🥺▫️酸辣小鍋米線 $32 (+魚腐$9、豬頸肉$12、蘿蔔$6)湯底濃郁✨ 個湯底味道酸辣帶甜 係我最鐘意既味道🤤 叫bb辣辣度啱啱好 唔會太辣又夠惹味✨同石籬間小鍋都有d似 個湯底濃得尼唔會好油膩唔洗去咁遠去住九龍灣食住都得🙈 不過建議唔好係咁飲個湯 如果唔係食完會有d頸渴 湯底味精有少少重🤏🏻 蘿蔔好淋又甜冇渣👍🏻 個豬頸肉就可以再脆d 不過都夠淋 米線係偏幼身好滑 食落爽口🌟▫️麻辣小鍋紅薯粉(+紫菜$6、腩肉$12、蘿蔔$6)紅薯份同米線份量都幾多 食極都會有咁🤣腩肉質感比起平時食果d瘦d 冇咁肥 比較薄身 好入味 辣辣地有麻油香😋 紅薯粉好煙靭索曬d湯食好正！愈食愈過癮🤤👅好味：4.4/5💲價錢：4.5/5🌟性價比：4.4/5👀環境：3/5👥服務：3.5/5

曾經係米線關注組出現過嘅肥仔米線，應該好多人都食過😌竟然由荃灣搬咗去九龍灣，放便咗勁多，不過次次經過都超多人所以放棄咗🙂今次係特登11點開門即刻衝入去先終於唔使等😂舖頭比較擠迫澀，坐得相當唔舒服，再有次夜晚去食，尷尬到每枱都係同唔識嘅人面對面食，所以就算好好食，小編應該都唔會再去，除非叫外賣🥲.🥢兩餸小鍋米線 $44-47味道真係唔錯嘅，暫時可以話係食過最好食嘅米線🥰隻麻辣好過癮，不過小編叫小小小辣都仲係好辣，大家要小心啲😂配料方面推薦鴨腎同響鈴，鴨腎份量好多又有口感，響鈴超索湯勁好食😋.🐷燒豬頸肉 $42好正常嘅豬頸肉 ，唔會話特別好食或者難食，係過下口癮同多個餸食🤪.💰人均消費: ~$60.🍽味道: 4/5🏙環境: 2/5‍👨🏼‍🍳服務: 3/5💧衛生: 3/5💰價錢: 3/5

這間米線舖本身在荃灣兆和街, 因為不敵租金問題, 幸好幾個月後重開到九龍灣得寶商場, 大家米線迷又可以再食雲南米線都有很多款式可以選擇：小鍋米線/紅薯粉（無辣）酸辣小鍋米線麻辣小鍋米線涼拌撈米線熱拌撈紅薯粉酸辣粉蕃茄湯米線配材有肉類、丸類、菜類、菇類, 大約有四十幾款可以選擇而我點了酸辣米線（大辣🌶）本身湯底已有肉碎、醉菜、韮菜及芽菜, 配料叫了豬大腸、蟹柳、雞翼尖, 無論我食車仔麵還是米線都必點豬大腸, 湯底熱辣辣帶點甜味, 因為我喜歡食酸會點多酸菜的, 米線軟硬適中, 不會太淋, 不過份量有點多店舖位置並不多, 堂食可能有點逼, 午市晚市需要排隊入座

不是傳說中等待太久時間，同事們也食得很開心。性價比超高。大家一定要是豬大腸、炸醬、腩肉。肉操飯豬頸肉飯價錢公道也很大碗。九龍灣人遺忘的小店。P.S午飯時間建議提早30分鐘落單。

我去食呢間米線嗰陣係佢啱啱開嘅時候，我係因為睇社交平台見到好多page介紹呢一間米線，所以我就想試吓係咪真係好好食。😗😗------------------------------我去到嗰陣見到好多人喺門口度等緊，但我諗住可能定係要等半個鐘到，所以我都冇理照嗌。我嗌咗豬頸肉蘿蔔酸辣粉。------------------------------結果喺我等等吓嘅期間，有個都係等外賣嘅人喺度鬧個舖頭嘅員工定唔知係老闆。而原因係因為佢已經等咗一個鐘多啲先有得攞個外賣。嗰一下我都心知不妙，最後我真係等咗一個鐘先有外賣拎。------------------------------要等得耐都唔緊要，最緊要好食。當我一打開碗酸辣粉，啲豬頸肉係一條條而且好少，而且好普通。而個蘿蔔就有好多渣，而且一啲都唔入味🤢。同埋個湯底唔應該叫酸辣湯，應該要叫甜辣湯，完全食唔到酸，而且係好甜，甜得好怪得嚟又辣，好難食。------------------------------可能佢哋淨係出名麻辣，所以如果你係想食酸辣粉嘅話千祈唔好去食。🥴

美味的雲南米線小店，可以自由選擇辣度是常識。好味道嘅自然係要排隊，今日避左lunch的時間去，都等左15分鐘左右。酸辣小鍋米線中辣，配豬紅、豬皮、雞翼尖。即點即煮，上枱熱辣辣，米線煙靭度適中，酸辣度啱啱好，豬紅夠實淨，豬皮爽口，雞翼尖滷水味夠。絕對值得介紹👍🏻👍🏻👍🏻

睇米線群組介紹話德寶商場有間酸辣出色既米線舖等左好耐 · 終於喺九龍灣有間唔係連鎖店既米線鋪·去到門口附近已經聞到米線獨有嘅酸辣味✿腩肉/豬大腸/酸辣米線小辣多酸✿豬軟骨/墨魚咀/酸辣米線中辣多酸米線一上枱第一件事就飲咗一啖佢嘅湯先一間好食嘅米線佢嘅湯底最為緊要佢既湯同石離小窩米線個味好相似但酸味無後者咁強▣腩肉肥瘦均勻但瘦肉就相對地「鞋」少少▣豬大腸係最好味·滷得好入味唔韌反而稍稍帶q彈感▣墨魚食落爽口彈牙唯一美中不足嘅可能同個米線嘅配合差d 因為唔夠吸湯▣豬軟骨炆到軟腍超豐富嘅骨膠原·最後貪心叫多左個小食✿滷牛展份量十足配一個酸酸地嘅汁牛𦟌好入味·唔會好薄身個口感一流整體而言米線同配料質素唔錯而且食完個米線唔會好口渴😌

近期係米線關注組上面見到有推介一間九龍灣米線，肥仔雲南小鍋米線，每個星期六日都大排長龍。所以平日下午茶時間去食唔洗等位真係幾好嘅，但下午茶時間都冇下午茶餐單。個人黎講係酸辣薯粉既愛好者，所以就叫左個酸辣紅薯粉小辣，本身個米線包左一樣6蚊既餸，我就叫左豬紅，之後就加左辣豬腩肉同豬大腸。辣豬腩肉好好食，嚟食一定要試下，大腸既做法係切片上，所以應該比較乾淨。個湯底配料既酸菜好好食，可以獨立叫一個餸試下食。餐廳整體黎講，味道唔錯，值得再次去食。評分味道⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐

喺「米線關注組」相當有名氣既肥仔米線，今次已經係第二次食～兩次都係閒日食，唔算多人，等一陣就食得。呢度既米線分5種辣🌶包括bb 辣，微辣，小辣，中辣同大辣。金魚記憶既小編記錯第一次係食bb辣，點左隔離位食小辣，就。出。事。了😅小辣原來係幾辣，應該係譚仔小辣級，個湯睇落無咩油，d辣粉真係不得了，飲左一啖湯，係確喉既😵係呢度要誠心向隔離位講聲對唔住🙏🏻🙏🏻🙏🏻佢叫左個雞絲加牛柏葉米線，牛柏葉好食d, 雞絲比較柴。而米線份量多，且略為硬身，食到最尾個麵都唔淋～我叫左撈米線，味道普通。另外叫左個涼拌青瓜，蒜味唔勁，都幾清新。以上

最近天氣涼涼地，突然好想食熱辣辣嘅米線，趁未到晚餐時間拿拿聲打去落定單，去到已經有得拎唔洗等，拎到返去都仲熱熱地，拿拿聲換個碗就開餐啦~麻辣雞絲小辣米線：雞絲夠多，最緊要係冇皮，不過小辣都幾辣，只有小辣同微辣，微辣又唔多辣，唯有揀小辣慢慢食啦酸辣腩肉中辣紅薯粉：腩肉份量好多有十塊左右，紅薯粉之前唔夠依家量都多左，有改善到~中辣都好辣呀，如果辣度可以多啲選擇就好呀，即係有中大辣，中小辣，小小辣，會可以拿捏得準啲