影片
更多
2022-03-05
4031 浏览
米线相信系香港人嘅comfort food，之前介绍过主打酸辣既唯一云贵川、葵涌隐世米线、fusion既十三姨，今次介绍嘅呢间系米线关注组薄有名气，原来系以前荃湾好出名不过而家搬咗去九龙湾，再次证明荃湾系米线之城，九龙湾算近返工𠮶边但要搭车过去，上网睇好多人排队所以特登避开高峰时间，今次终于有机会食到。肥仔云南小锅米线系一间喺荃湾经营左18年嘅米线店，系上年九月因为疫情加上无良业主加租被迫结业，当时荃湾嘅街坊都唔舍得，不过店主兼大厨系今年一月喺九龙湾重开餐厅，仲由云南小锅米线改名做肥仔云南小锅米线，人气不减，繁忙时间可以排成半个钟，听讲连cloud都成日去帮衬。店主表示荃湾竞争大租金贵，而九龙湾嘅新店就方便厨附近嘅屋企人返工，啲舖位虽然细，不过啱晒家庭式经营。餐厅主打酸辣、麻辣小锅米线，仲有红薯粉同多款小食供应。九龙湾嘅店舖位置比较偏僻，系屋苑商场入口嘅巷仔，比较难揾，我都揾咗成个字，而且会不定期休息，如果担心摸门钉可以喺社交平台睇近况。如果系平时晏昼会比较多人，而且外卖比较多，可能要等几个字先入到去，如果想避开人流可以下午茶先去。餐厅入边系茶餐厅格局，环境算企理，提供嘅嘢食同以前旧舖
肥仔云南小锅米线系一间喺荃湾经营左18年嘅米线店，系上年九月因为疫情加上无良业主加租被迫结业，当时荃湾嘅街坊都唔舍得，不过店主兼大厨系今年一月喺九龙湾重开餐厅，仲由云南小锅米线改名做肥仔云南小锅米线，人气不减，繁忙时间可以排成半个钟，听讲连cloud都成日去帮衬。店主表示荃湾竞争大租金贵，而九龙湾嘅新店就方便厨附近嘅屋企人返工，啲舖位虽然细，不过啱晒家庭式经营。餐厅主打酸辣、麻辣小锅米线，仲有红薯粉同多款小食供应。
九龙湾嘅店舖位置比较偏僻，系屋苑商场入口嘅巷仔，比较难揾，我都揾咗成个字，而且会不定期休息，如果担心摸门钉可以喺社交平台睇近况。如果系平时晏昼会比较多人，而且外卖比较多，可能要等几个字先入到去，如果想避开人流可以下午茶先去。
餐厅入边系茶餐厅格局，环境算企理，提供嘅嘢食同以前旧舖一样，汤底一样系每天新鲜熬制。招牌化酸辣小锅米线，配料方面有近50款可选，最多人拣嘅系腩肉同猪软骨，仲有出边少见嘅螺旋藻、墨鱼头等，米线仲有自制酸菜。
-🍜 麻辣小锅米线 小辣 💰32（👅: 8.5/10）
呢度米线嘅汤底系用上四十几斤猪骨，每日新鲜熬制六个钟，而辣可以拣麻辣或者酸辣，辣度分别有bb 辣、微辣、小辣、中辣同大辣，第一次食所以就拣咗麻辣小辣。
麻辣小锅米线
$32
57 浏览
1 赞好
0 留言
麻辣小锅米线
$32
62 浏览
1 赞好
0 留言
汤底仲会有唔少肉碎，系瘦肉而唔系肥膏，食落去感觉应该用过五香花椒一齐炒，唔系单纯落麻粉，配料仲有芽菜、韭菜、酸菜，唔会剩系得米线咁寡，配料同汤都好夹，同米线一齐食好惹味。
-
🍜 萝卜 💰0（👅: 8.5/10）
萝卜份量几多，有四大旧，咬落去冇渣，够哂腍，而且多汁，食落去清甜，而且可以索哂个汤。
-
🍜 腩肉 💰9（👅: 8.5/10）
腩肉嘅份量几多，有成十几块，腩肉同平时食开嘅唔同，唔算系肥个种而系偏瘦，比较薄片，咬落去算有嚼劲，腌得唔错，食落去入味，会食到五香同埋麻油嘅味道，带少少辣味，系几惹味，好似食紧薄片嘅牛肉但唔会太碎，略嫌肉质比较鞋口少少，如果大家想食好多脂肪嘅腩肉会失望，我自己就可以接受。
-
🍜 墨鱼头 💰12（👅: 8/10）
墨鱼头喺米线铺来讲都算系唔常见嘅𩠌，加上喺呢度嘅招牌所以就叫咗。墨鱼头比较大粒，咬落去爽口弹牙，有嚼劲但唔会好韧，食落去新鲜，有小小墨鱼鲜味，同汤一齐食几夹。
-
🍜 冻奶茶 💰7（👅: 7.5/10）
44 浏览
1 赞好
0 留言
-
🌟米线份量都算大碗，价钱就系中价，有啲人觉得比较重味味精多，我就自己觉得可以接受，个汤可以饮吓不过唔会饮晒，汤底唔会太多油算几温和，如果系𩠌方面我觉得老板娘同埋云南小锅米线会更出色，嗌咗小辣就唔算好麻好辣，下次会试吓中辣同埋试吓酸辣米线，以食物质素来讲系值得再战，如果喺附近返工我应该会成日食。
-
👅味道: 8.5/10
🍴环境: 7/10
💰消费: $40-60pp (服务费: NA)
张贴
