肥仔雲南小鍋米線

营业中

休息中

近排好想食酸辣米線特登去食呢間, 估唔到星期日兩點幾都要排隊, 等左半個鐘左右入座入座後都要等10分鐘倒先有野食不過勝在即叫即整, 黎到時非常之夠熱辣辣！ 👉🏻腩肉 墨魚頭 豬軟骨 麻辣薯粉(bb辣）腩肉係偏瘦個隻, 少少辣, 少少乾墨魚頭好爽同埋彈牙, 豬軟骨調味同肉質唔錯個湯都夠麻～ 見其他食評話呢度既辣比出面辣所以bb辣就岩哂我地啦 薯粉少少粗, 好有咬口, 食到牙骹有啲攰😂 👉🏻墨丸 魚腐 酸辣薯粉(bb辣)鍾意酸辣嘅比例, 勁多酸菜夠酸又有少少辣, 好開胃好正 墨丸x3 唔錯, 魚腐x3 唔係我想要個種, 呢隻唔吸湯同埋口感似魚片👉🏻炭燒豬頸肉呢個都幾失望..見menu係推介, 但炭燒味欠奉, 好薄片無乜口感, 肉質一般, 個醬偏甜, 如果配泰式酸辣醬會夾好多 總括配料方面 我地一致覺得墨丸最好食 酸辣/麻辣都好惹味, 但食完都幾口渴 下次會叫米線, 食得無咁攰🤣 同埋會叫少粉, 因為真係好好好大碗, 連男仔都話食完係8-9成飽….

暫時私心嘅米線第一名 肥仔雲南小鍋米線推薦：🍉🍉🍉🍉🍉            味道：🍉🍉🍉🍉🍉            價錢：🍉🍉🍉🍉打卡：🍉🍉🍉                      回訪：🍉🍉🍉🍉🍉原本喺荃灣已經好多人幫襯嘅肥仔雲南小鍋米線，結業後重新喺九龍灣開舖，最近終於搵到時間去試吓!!小鍋酸辣米線 (小辣，配墨魚頭&螺旋藻/小辣，配豬頸肉&豆卜 ) $44  🍉🍉🍉🍉🍉小辣已經好夠辣，湯底好濃味，而且夠酸，好多鹹酸菜!!超啱我口味，就係呢個湯底令佢成為我心目中暫時自私米線第一名😍😍睇張圖好似好少墨魚頭，其實喺湯入面😂佢嘅墨魚頭比雲家嘅細粒啲，同埋比較上無咁彈牙(利申番都係好彈的😂)，感覺上主要都係個湯carry咗個墨魚頭，無雲家個款小食墨魚頭咁特別😋螺旋藻都係薄片個款，份量唔算好多😐咁啱我個碗米線有幾條食落硬啲，可能係未夠熟 (hi又係我，食到後期就無事了)，但係整體嚟講無雲家嘅米線咁硬，不過都唔會太淋😛另一碗選擇咗豬頸肉做餸，偏肥少少，因為我自己偏好瘦嘅豬頸肉，所以我覺得麻麻哋，同埋無乜燒過嘅香味，隔離枱叫豬頸肉小食個碟靚好多，望落瘦啲同似有燒過，份量又多好多，叫小食會

唔掂 講到d雞絲幾好食 好老 又唔好食 明顯雪好耐再煲熱 又鞋又老 似煲完湯果d 雞渣 米線無特別 湯亦無特別 整體唔好食 3-4/ 10 分最盡 老雞絲 最失望 點解咁多人吹捧仲要排隊 食開鞋口 老雞絲既會中意 琴日2人食完 好失望 Disappointed One of the famous topping shred chicken is too old and dry Don’t understand its reputation on FB or other groupsWorser than many shops I’ve ever eaten Even Tam Chai is better than it

中午朋友講開話，有人介紹喺九龍灣德寶商場入邊條巷仔，有間超好食辣到飛起嘅雲南米線亦都可以轉紅薯粉（我至愛食紅薯粉），仲話辣到飛起諗起都想去試，今晚就同朋友去會一會佢，好多人呀😰外賣又多，條隊又長，卒之排咗好耐隊先至到我哋又排得耐地方都幾迫夾，有啲唔開心☹️不過唔好理咁多叫咗先，好多款式喎，樣樣都好似幾好食😋食得😋，嚟咗兩碗香噴噴嘅麵墨魚頭好爽口好彈牙好正，大腸好入味好好味，因為聽聞好辣所以唔敢叫咁辣叫咗個少少少少BB辣，真係好好味呀試咗朋友嗰碗d豬頸肉，超正超好味真係冇介紹錯👍真係好好味見到對面嗰枱叫中辣，食到面紅流晒眼淚，唔係太食得辣嘅朋友一定要小心🤭有嘢飲又好味又食得勁飽，埋單都係$125，超抵想食粉麵，又想食辣，一定要去肥仔

星期6去九龍灣拎野, 就即刻諗起要食肥仔米線🤩🤩🤩今次係第2次食, 1點半到都係排左15mins好快, 好似快過上次好多, 可能上次係食dinner🤣🤣今次都係食返腩肉炸醬麻辣米線小辣, 因為上次食覺得好正🥰🥰今次食都係KEEP到水準！麻辣湯好濃帶微酸係我最愛既口味🤤🤤炸醬炒到好香好入味，腩肉係較薄身同帶麻油香, 仲有少少甜甜地, 好好味🤤🤤🤤覺得E到份量比一般米線鋪好似多D, 好鬼飽好滿足~🥰🥰

肥仔係其中一間我想食米線時會諗起既餐廳之一，但今次黎無疑係令人十分失望🥲今次黎叫左1. 豬紅 螺旋藻 酸辣小鍋米線 （$40）肥仔米線特色之一，一定係上枱碗米線出晒煙 熱辣辣，即叫即煮。 個湯底好濃郁，酸辣既比例岩岩好，而且份量好多，米線夾埋螺旋藻一齊食，有啲爽口感覺，口感好豐富。2. 雞絲 紫菜 酸辣小鍋米線 （$40）呢碗就係令我失望既原因 — 食食下雞絲 竟然比我見到有條頭髮纏住咗啲雞肉🤢🤢🤮🤮 真係覺得好嘔心。我望番一上枱時影既相，發現條頭髮本身就係度，所以好肯定係員工撕雞時跌落去的🤮 同完員工講之後 佢換左一碗新的比我，但真係咩食慾都冇晒了😑希望你地睇到呢個食評既話可以改善下啲衛生，因為我真心覺得你地啲米線係好食的😢

星期五夜晚7點幾去排隊，好彩條隊唔係太長，等三張枱就到，大概等咗20分鐘，反而有好多人要排隊買外賣但大熱天時喺條巷仔排隊，真係又焗又熱。好彩舖頭冷氣都ok, 鋪面好細，我哋今次叫咗兩碗小窩米線，同兩個小食，等咗大概20分鐘…一碗係小窩米線加炸醬腩肉大腸另外一碗係小窩米線加炸醬腩肉芫荽個湯底幾濃幾好味但係一飲落去「嘩！咁甜嘅」。腩肉好入味，但就鞋左啲。炸醬都好味好大舊肉碎。聽人哋推介墨魚咀，所以做嗌咗嚟試吓。酸酸甜甜嘅醋汁，都幾開胃。豬頸肉都唔錯，唔點甜酸醬都好夠味。

久仰大名的肥仔米線第一次去搵左一個圈先搵岩位置只怪眼大睇過龍樣樣都好似好出色所以今次叫左五個餸既酸辣小鍋米線🤭 中辣鴨腎 好評切得一片片咁好易入口 而且都爽口又惹味 份量亦唔少雞絲 正常發揮 配埋個湯食好正😋豬大腸 唔錯 炆得夠淋 唔會咬唔開腩肉 略嫌少少鞋 但係入味既👍豬軟骨 真係肉太多太大舊 有啲鞋但其實火喉係 OK 炆得淋，只係部位問題所以鞋😜酸辣小鍋中辣湯底，夠哂味，不過我第一次食唔應該叫咁辣，下次叫少辣雖然食完有少少口渴，太重口味啦不過總體屬中上水平! 有回頭的👍👍

我本來想去富金軒，但因為太熱唔想行諗起肥仔米線係得寶，有得泊車夠方便點知伏到死落單無問我酸辣定麻辣，咁我都有責任既…我叫左小辣，譚仔10小辣都辣過佢果種，湯底好咸，一入口好重味精⋯食米線最基本連個湯底都整得咁差，仲夠膽攞出嚟話呢個湯底係推薦😂啲餸完全無咩特別，個豬皮烚完就掉落碗麵，好心就處理下啦⋯第二伏，蒜泥白肉呢，係熱既，所謂既白肉即係米線配料果隻腩肉，又嚡又乾爭爭，完全走肥😶下面係豉油加啲唔辣既辣油，再加蒜蓉，原來咁就係蒜泥白肉，男友話似打邊爐果啲，都真係似囉譚仔都好食過佢，餐牌仲要話呢個係招牌菜，真係笑死人😂😂堂食等左15分鐘先有得食，連罐汽水都要催先俾我，成間舖只係集中做外賣單🙃等緊期間勁大隻烏蠅飛過嚟下次唔使錢都唔會再食

🇭🇰肥仔雲南小鍋米線·我本身其實係想試吓九龍灣呢邊好出名既臻味豬扒酸辣米線 但係原來佢星期日唔開🥹所以就搵左呢間米線 不過佢都比較難搵 佢唔係係新啲嗰個德寶商場度既 係要先轉入舊啲嗰個德寶商場 之後佢係係嗰個商場側跟既一條巷仔 都真係有啲難搵😂😂·酸辣小窩米線$28 l 墨魚頭$13 l 豬軟骨$13佢個小窩米線其實係寫$34一碗嘅 不過佢會包一個$6嘅餸 如果你好似我咁嗌啲貴啲既餸 佢就會減$6 所以我就自己將佢個價錢寫成$28啦😎🤣我見openrice啲人話呢間比較辣 所以就嗌左bb辣 點知出到黎好似同10小辣差唔多 所以我下次再黎應該會嗌辣啲 咁可以惹味啲😈之後佢呢度既米線係真係超級熱辣辣 所以食落好正 而且佢米線既質地都好好 配埋啲酸菜同肉碎好好味🤤🤤之後兩個餸我自己就鍾意墨魚頭多啲 因為呢個真係好大粒 好有咬口🦑佢個豬軟骨我自己就一般般啦 佢係煮到淋曬個種黎 無咩軟骨既部分 所以食落無好有膠質嗰個感覺🤔🤔·#rbyeat#rby港式 #rby米線#rby九龍灣·📍九龍灣牛頭角道3號得寶商場地下37號舖

是日嗜辣星人又試下周圍的雲南米線。第一次嗌呢間，試了腩肉蘿蔔麻辣米線(中辣)符合曬我對雲南米線既所有的喜好:湯底夠酸，夠濃，米線好爽滑，肉碎多，筷子一夾起，除左米線之外，仲有非常多料(五洗多解釋，直接睇圖)，重口味星人不容錯過蘿蔔煮得超甜無渣，好入味，可惜腩肉瘦左d，唔夠香，可能因為比較瘦既原因，都唔夠冧，如果腩肉再好食d就滿分啦食物:8.5/10性價比:8/10溫馨提示:呢間辣度都好辣下，建議平時食開譚仔小辣既，揀翻bb辣

肥仔小窩米線價錢💲: $54/ $40好味程度😋: 4.5/5服務🍴: 3.3/5環境🗾: 3/5性價比🥢: 4.5/5回頭率😚: 4.3/5-肥仔米線係荃灣執左之後，終於係九龍灣開，方便我呢d東九龍的人！人氣依然冇減，星期日都大排長龍，等左超過9個字先入到。入完仲要等成半個鐘先有得食，小啲耐性都唔得🥲 一來到個下已經餓到唔覺餓…同埋坐位係超逼的，快快食完就快快走了😵-✅✅麻辣小窩米線(冬菇+腩肉+炸醬)。顏色睇都好夠，食到係逐個煮，米線索晒味🥰 麻辣的味道平衡得幾好，濃郁鹹得來都帶小小酸辣的感覺，叫小辣剛好可以止止癮，入到喉嚨先有啲麻的感覺😋 重口味得來唔算食完好口渴！米線滑得來有咬口，好正。冬菇一定要叫‼️厚肉入味，超好食🤤腩肉薄身入味唔會太柴，有小小脂肪，很可以‼️ 炸醬都正，肉夠碎又惹味！-✅酸辣小窩紅薯粉(蘿蔔+豬紅) 。酸辣的湯底比麻辣遜色，偏酸帶小小甜，微微的辣味，但就冇麻辣咁有層次🤭同埋幾鍾意湯底唔會油膩！ 紅薯粉係粗粗地的，keep住煙韌😝 蘿蔔3大舊，清甜但唔係好特別。豬紅好味，口感唔噁心，小小煙韌又入味！-算係冇失望的一間米線，好食，米線/紅薯粉都好索湯☺️ 餸都唔錯，

一向好鍾意食米線同食辣嘢，個個星期都幫襯連鎖店米線開始覺得有啲悶，於是上米線關注組睇下有咩推介。咁啱見到有間喺九龍灣，方便我返工時去食。自從食過一次之後，就成日都掛住好想食，好似上咗癮咁前排疫情全日停堂食，只做外賣。今個星期開返堂食梗係即刻去幫襯米線有麻辣、酸辣、蕃茄湯、清湯、酸辣粉同撈米線。米線餸菜同小食選擇都好多。腩肉係招牌餸菜，差不多次次都會揀腩肉。滷過嘅腩肉比一般少肥肉，一啲都唔油膩，味道微辣帶點甜味，好特別芫茜係計一個餸，所以份量好足鍾意芫茜嘅人就啱晒麻辣湯底由bb辣至大辣，通常都揀小辣，食落同譚仔二小辣最接近。麻辣湯底嘅麻同辣好平衡，雖然偏重口味，但食完唔會特別口渴。米線煮得剛剛好，滑得嚟唔會煮得太腍麻辣小鍋米線本身包括配料肉碎、酸菜、芽菜同韭菜。肉碎好惹味，肥肉比例比一般嘅餐廳少，感覺無咁肥膩總括嚟講食物質素高，雖然價錢比連鎖店貴少少，但餸菜選擇多而且份量多。自從食過一次之後，差唔多每星期都會幫襯，可以話係我最愛嘅米線店。

好想食米線呀今日出左九龍灣就黎左呢間呀好耐之前食過一次都ok呀點左~豬紅通菜墨魚頭酸辣少辣米線底真係好多我係食唔晒呀大愛墨魚頭好爽口但份量唔算多如果可以比多dd就非常好呀豬紅入味既湯底我幾鍾意呀好濃郁酸得黎唔會over左下次會試下麻辣湯呀不過少辣都幾辣下辣得幾過隱呀~炸豬扒呢個又估佢唔到幾好呀炸得唔會好干個炸粉又唔會好厚下次可以encore wor

米線相信係香港人嘅comfort food，之前介紹過主打酸辣既唯一雲貴川、葵涌隱世米線、fusion既十三姨，今次介紹嘅呢間係米線關注組薄有名氣，原來係以前荃灣好出名不過而家搬咗去九龍灣，再次證明荃灣係米線之城，九龍灣算近返工嗰邊但要搭車過去，上網睇好多人排隊所以特登避開高峰時間，今次終於有機會食到。肥仔雲南小鍋米線係一間喺荃灣經營左18年嘅米線店，係上年九月因為疫情加上無良業主加租被迫結業，當時荃灣嘅街坊都唔捨得，不過店主兼大廚係今年一月喺九龍灣重開餐廳，仲由雲南小鍋米線改名做肥仔雲南小鍋米線，人氣不減，繁忙時間可以排成半個鐘，聽講連cloud都成日去幫襯。店主表示荃灣競爭大租金貴，而九龍灣嘅新店就方便廚附近嘅屋企人返工，啲舖位雖然細，不過啱晒家庭式經營。餐廳主打酸辣、麻辣小鍋米線，仲有紅薯粉同多款小食供應。九龍灣嘅店舖位置比較偏僻，係屋苑商場入口嘅巷仔，比較難搵，我都搵咗成個字，而且會不定期休息，如果擔心摸門釘可以喺社交平台睇近況。如果係平時晏晝會比較多人，而且外賣比較多，可能要等幾個字先入到去，如果想避開人流可以下午茶先去。餐廳入邊係茶餐廳格局，環境算企理，提供嘅嘢食同以前舊舖