影片
以上资料只供参考，请与餐厅确认详情
下午得闲去屯门行下，去到翠宁花园，肥仔唛车仔面，价钱相宜，食物水准高，种类算多，又有甜品。叫了麻辣汤底，牛腩，鸡翼，猪红，老婆叫了鸡翼尖，大肠，猪皮，饮品雪耳桃胶，仲有腐竹意米。下次会再去。
继续阅读
现在很难揾到好味嘅车仔面，竟然俾我喺屯门揾到一档好好味嘅，选择又多，价钱又平，味道比深水埗某一间出名嘅更好，有市面上少见嘅陈皮鱼蛋，猪大肠、鸡翼、鸡翼尖都炆得好入味，钟意食辣嘅一定要试麻辣汤底，又麻又辣好过瘾，下次一定会再嚟。
继续阅读
屯门发掘车仔面第二击!🎉今晚来到老Best屋企人开嘅家庭小店聚旧，呢间街坊一致赞好嘅肥仔唛车仔面，真系唔试由自可，一试真心系无得弹👍🏼价格亲民得来食材坚系高质有心，难怪车仔面关注组都备受赞好推介!除左车仔面外，还有几款街坊小食:鱼蛋、烧卖、肠粉、牛肉球、碗仔翅、生菜鱼肉翅😍再重点推介嘅一定系佢嘅自家制甜品糖水!定价亲民! 一枝平过你以前帮衬小贩档😱 OMG👍🏼讲返自选车仔面🍜主力要试店长推介，叫左碗”金钱肚牛根腩猪红卤蛋粗面“ 痴线顶呱呱!就咁睇卖相都无得好输，再计返整个车仔面直头贴哂落地!再睇清楚d...最贵嘅车仔面𩠌只系$14 咋!! 作为屯门长大嘅一份子表示，呢d 真系屯门价嘅初心👍🏼另外一碗更加有惊喜! 系麻辣汤底呀🤤绝配返店长推介蚝油冬菇、秘制猪手加红肠及通菜!卖相又系嬴到出新界😂👍🏼 辣汤微辛辣够惹味又点到即止，配菜好有诚意，配埋花生香菜还原川菜嘅正宗麻辣!真系私心要比十个like😆👍🏼区内有有网上外卖平台叫外卖直送，屯元天嘅街坊就真系唔好走宝啦，支持下区内家庭式小店
继续阅读
放假走到屯门，到访翠宁花园内的平民食店「肥仔唛车仔面」，一尝久违的车仔面味道；除车仔面外，有鱼蛋、烧卖、肠粉、牛肉球、碗仔翅、自家制饮品及甜品等，定价亲民；负责人亲切友善，对客有礼且笑容满面，贴心的服务好加分-🔹自选车仔面面底油面 $13、猪红 $9、萝卜 $8，配清汤萝卜大件幼嫩且清甜，猪红口感顺滑不带腥味，油面份量足而爽滑轻弹-🔹自选车仔面牛腩 $14、金钱肚 $14、云吞 $12、鸡中翼 $9、生菜 $8，配咖喱汁牛腩紧致细滑带筋膜，肉香不俗；金钱肚爽滑轻韧、云吞皮薄馅鲜，虾肉爽口；鸡中翼大只，嫩滑多汁，咖喱汤底啖啖港式咖喱香，辣得过瘾-🔹碗仔翅 $18小店招牌菜式，加入元贝跟竹笙等名贵食材，稀稠适中；配搭肉丝、木耳、冬菇、粉丝及蛋花等材料更添层次，味道刚好，没有过份调味-🔹鱼肉翅 $20加入大量细致的鱼肉令碗仔翅更丰富-🔹清爽马蹄露 $12天然清新的味道，甜度不高，更吃到爽脆轻甜的马蹄粒
继续阅读
肥仔唛车仔面喺屯门开左好耐，最近爱上左佢，成日心思思想食。同办公室少少距离都会过黎食，因为真系好好食，车仔面来讲好高质😊仲有特饮、糖水。由于我成日话减肥，食低碳水化合物，肥仔唛车仔面有得净𩠌就岩晒我啦~ 又好抵食。佢哋舖头装修方面系怀旧，我通常要生菜底，牛丸鸡翼，汤香浓👍🏻👍🏻👍🏻仲有得加腩汁！朋友仔就食鱿鱼、猪皮、鱼蛋幼面，加配柠檬薏米水👍🏻👍🏻👍🏻鱿鱼本来都有酱料，好惹味！柠檬薏米水去湿气一流大大支先系十几蚊，大推！
继续阅读
您可能会有兴趣的...