肥仔嘜車仔麵

营业中

休息中

下午得閒去屯門行下，去到翠寧花園，肥仔嘜車仔麵，價錢相宜，食物水準高，種類算多，又有甜品。叫了麻辣湯底，牛腩，雞翼，豬紅，老婆叫了雞翼尖，大腸，豬皮，飲品雪耳桃膠，仲有腐竹意米。下次會再去。

現在很難搵到好味嘅車仔麵，竟然俾我喺屯門搵到一檔好好味嘅，選擇又多，價錢又平，味道比深水埗某一間出名嘅更好，有市面上少見嘅陳皮魚蛋，豬大腸、雞翼、雞翼尖都炆得好入味，鍾意食辣嘅一定要試麻辣湯底，又麻又辣好過癮，下次一定會再嚟。

屯門發掘車仔麵第二擊!🎉今晚來到老Best屋企人開嘅家庭小店聚舊，呢間街坊一致讚好嘅肥仔嘜車仔麵，真係唔試由自可，一試真心係無得彈👍🏼價格親民得來食材堅係高質有心，難怪車仔麵關注組都備受讚好推介!除左車仔麵外，還有幾款街坊小食:魚蛋、燒賣、腸粉、牛肉球、碗仔翅、生菜魚肉翅😍再重點推介嘅一定係佢嘅自家製甜品糖水!定價親民! 一枝平過你以前幫襯小販檔😱 OMG👍🏼講返自選車仔麵🍜主力要試店長推介，叫左碗”金錢肚牛根腩豬紅鹵蛋粗麵“ 痴線頂呱呱!就咁睇賣相都無得好輸，再計返整個車仔麵直頭貼哂落地!再睇清楚d...最貴嘅車仔麵餸只係$14 咋!! 作為屯門長大嘅一份子表示，呢d 真係屯門價嘅初心👍🏼另外一碗更加有驚喜! 係麻辣湯底呀🤤絕配返店長推介蠔油冬菇、秘製豬手加紅腸及通菜!賣相又係嬴到出新界😂👍🏼 辣湯微辛辣夠惹味又點到即止，配菜好有誠意，配埋花生香菜還原川菜嘅正宗麻辣!真係私心要比十個like😆👍🏼區內有有網上外賣平台叫外賣直送，屯元天嘅街坊就真係唔好走寶啦，支持下區內家庭式小店

放假走到屯門，到訪翠寧花園內的平民食店「肥仔嘜車仔麵」，一嚐久違的車仔麵味道；除車仔麵外，有魚蛋、燒賣、腸粉、牛肉球、碗仔翅、自家製飲品及甜品等，定價親民；負責人親切友善，對客有禮且笑容滿面，貼心的服務好加分-🔹自選車仔麵麵底油麵 $13、豬紅 $9、蘿蔔 $8，配清湯蘿蔔大件幼嫩且清甜，豬紅口感順滑不帶腥味，油麵份量足而爽滑輕彈-🔹自選車仔麵牛腩 $14、金錢肚 $14、雲吞 $12、雞中翼 $9、生菜 $8，配咖喱汁牛腩緊緻細滑帶筋膜，肉香不俗；金錢肚爽滑輕韌、雲吞皮薄餡鮮，蝦肉爽口；雞中翼大隻，嫩滑多汁，咖喱湯底啖啖港式咖喱香，辣得過癮-🔹碗仔翅 $18小店招牌菜式，加入元貝跟竹笙等名貴食材，稀稠適中；配搭肉絲、木耳、冬菇、粉絲及蛋花等材料更添層次，味道剛好，沒有過份調味-🔹魚肉翅 $20加入大量細緻的魚肉令碗仔翅更豐富-🔹清爽馬蹄露 $12天然清新的味道，甜度不高，更吃到爽脆輕甜的馬蹄粒

肥仔嘜車仔麵喺屯門開左好耐，最近愛上左佢，成日心思思想食。同辦公室少少距離都會過黎食，因為真係好好食，車仔面來講好高質😊仲有特飲、糖水。由於我成日話減肥，食低碳水化合物，肥仔嘜車仔麵有得淨餸就岩曬我啦~ 又好抵食。佢哋舖頭裝修方面係懷舊，我通常要生菜底，牛丸雞翼，湯香濃👍🏻👍🏻👍🏻仲有得加腩汁！朋友仔就食魷魚、豬皮、魚蛋幼麵，加配檸檬薏米水👍🏻👍🏻👍🏻魷魚本來都有醬料，好惹味！檸檬薏米水去濕氣一流大大支先係十幾蚊，大推！

今日收工同同事一齊搭車因為佢都住喺屯門附近今日天氣又熱.又肚餓但係又唔知食乜嘢好諗住食啲有湯嘅嘢唔使咁乾我哋就喺翠寧花園落車呢度兜咗一個圈俾我哋搵到一間隱世嘅車仔麵#肥仔車仔麵開頭就係俾佢個肥仔吸引咗入咗去睇發覺面嘅價錢相當平我同同事都各自叫咗一碗麵佢就叫咗幾個餸.芝士腸、魚皮餃同埋大腸仲有雞翼，另外再加多咗碟蠔油生菜菜嘅份量都比出面多我就嗌咗牛腩、魚片頭貢丸同埋金錢肚因為肚餓啊加多咗杯豆漿老闆人真係特別好服務超好下次搭車經過都會再嗌返碗麵食最重要係價錢唔貴📍 肥仔嘜車仔麵 屯門豐安街2號翠寧花園5座地下11號舖

身為一個車仔麵迷 有好嘢食點會自己獨食唔開心share呢😎咖喱湯粉絲$13 配 以下餸咖喱湯色水肉眼望落去唔係好濃，但係食落口又幾強烈既咖喱味👏🏻蠔油冬菇 $10/5粒冬菇口感爽口 軟淋 估唔到同車仔麵可以咁夾，同咖喱湯又夾到蠔皇鮑汁鳳爪 $12鳳爪煮得好淋 好入味 呢個配料好少係車仔麵檔見到，有得食梗係要試下啦😆佢仲淋過出面酒樓呀雲吞 $12size好大粒，餡料都好大粒，皮薄魚肉 $10一開始以為係街市個隻鯪魚肉，原來係第二款魚肉，魚肉爽口，大塊 唔腥魷魚 $14鍾意食爽口嘢既人 一定要食魷魚呀，咖喱湯既絕配麻辣湯油麵 $13聽講係舖頭新推出，所以試一試！叫咗小辣，上到枱麻香味濃郁，好彩叫咗小辣飲咗兩啖湯，個頭已經開始出汗！但係越食越香！鍾意接受挑戰嘅人，可以試吓！ 配 以下餸豬大腸 $12係小編食過其中一間最乾淨嘅豬大腸！入邊完全冇曬肥！當然入邊嘅肥各有所愛！但係如果怕唔衛生而未試過嘅人，就可以趁呢個機會試吓！因為冇晒肥，更加突顯爽脆，好似鵝腸咁樣！牛腩 $14同五香牛腩味道非常相似，份量幾多，大概都有6 7舊！配埋麻辣汁就好香！蘿蔔 $8蘿蔔明顯有揀過冇渣！最好食返湯底比較濃嘅！

車仔麵可以話喺港人嘅comfort food，多款嘅配料同麵底，香濃嘅醬汁同湯底，可以組合成過千種嘅配搭，選擇出最適合自己嘅口味，深受港人嘅喜愛，所以喺各區各邨，都唔難搵到車仔麵檔，喺屯門嘅代表就有肥仔嘜車仔麵。鳳爪、豬紅、冬菇、雲吞配腩汁湯底冬菇同鳳爪都係店家推介之一，兩款都係非常吸味嘅食物，冬菇口感爽滑，每咬一啖都食到腩汁嘅味道；鳳爪肉質軟腍，外皮吸汁，越食越滋味！雲吞係店長推介嘅街坊至愛，皮薄蝦味濃，絕對有潮州粉麵店嘅質素。金錢肚、糖心蛋、雞翼、豬皮配麻辣汁湯底金錢肚口感彈牙，越食越有嚼勁，陣陣滷水味一咬而出；雞翼同豬皮係傳統車仔麵嘅必有餸菜，除左本身嘅滷水味，加上麻辣汁嘅配合，食到濃酥嘅滷水之餘，亦有麻辣帶來嘅刺激感，極具層次。碗仔翅兩碗車仔麵有點較呢？決定叫多碗碗仔翅，估唔到食落幾有驚喜！用料充足，配料有齊豬肉、雞肉、木耳、冬菇、粉絲，豬肉同雞肉嘅數量唔少，粗幼適中，肉質滑溜，湯汁調製得厚滑而不過份濃稠，而且唔會過份濃味，食完仲唔會口渴添！