肉骨皇 (已結業)

四個人去食 lunch，每人$68包飲品，三個人叫凍飲，每人加$28，一人叫熱飲，加$28。 小弟見識少， 今天獲益良多。我曾在新加坡生活，帶左個馬來西亞朋友去試下，大家都話無下次。不只是價錢，食物一點都不像星馬。

之前曾經幫襯過肉骨皇晚市，覺得食物質素相當吾錯，今日下午又路經大坑，於是就黎試下個午餐睇下係點黎到既時間係下午，見到入面既客人都幾多，而且都有吾少學生午餐時段十分抵食，仲免服務費。而且菜單選擇都多，而且仲有佢地既招牌菜。我叫左呢個招牌海南雞飯，個飯三角形好得意，食落去好香雞油味，齋食飯都好好味。雞好嫩滑，而且一d都吾肥，雞底下仲有d芽菜，好爽口，點埋d醬汁，真係冇得輸仲叫左個馬來炒公仔面，太耐冇食公仔面，一食就好回味。炒既火喉好夠，面好香而且夠乾身，面質煙韌今餐午餐真係十分抵食，而且食物質素好，侍應服務態度有禮，下次一定會再黎

大食妹襯假日走左去大坑食新加坡菜-肉骨皇之前係係ig見到佢個咖喱麵包金枕頭好吸引, 今次就係主要去食果道菜嘅<咖喱雞 加配麵包金枕頭>係餡料方面, 大食妹就揀左咖喱雞因為係配麵包食嘅, 咖喱方面會偏液體, 椰汁味突出裏面有多款食材, 例如雞肉、茄子同薯仔雞肉好入味, 而且係無骨嘅, 方便食用茄子有輕微燒過, 口感更佳btw, 麵包金枕頭真係好大份, 仲大過大食妹嘅拳頭<桔仔酸梅水>天氣咁熱, 當然要飲返杯酸酸甜甜嘅桔仔酸梅水, 清涼解渴仲真材實料添

同老公出去開業主會，順便落去附近大坑搵野食，搵到呢間肉骨皇食lunch，好味又抵食😋😋！如果由銅鑼灣或天后行去都唔算遠，喺正圖書館後面咋！ 📍肉骨茶配油飯🍖🍲🍚（$68）肉骨茶份量相當慷慨，肉量豪邁闊綽😋😋，藥膳味和諧好味！肉骨茶上桌時，🔥用火爐持續保持溫度📍椰漿飯🍗🥥🍚 ( $68)十分馬來西亞🇲🇾的地道口味，配料醬汁口味特色好吃😋，椰漿飯好出色📍🐮牛肉沙嗲（+$15/2串）沙嗲濃郁惹味👍🏻🧡，食完想再食，最後追加左多次📍自製龍眼水（+8）/美祿恐龍（+8）飲品都好足料，濃郁！食物質素十分高，不論主餐/小食/飲品都相當好味！而且餐牌竟然寫住學生點所有午餐都只係$45，震驚可以咁平！（雖然我同老公都係學生👨‍🎓👩‍🎓，但係咁大個人都唔好意思用呢個優惠🤣🙏🏻🙌🏻）

其實今次係我第一次食肉骨茶，我一路以為肉骨茶藥膳會苦苦地，但原來係好鮮好好味招牌肉骨茶，同想像中苦苦地嘅中藥材味完全唔一樣，黎嘅時候已經好香，等滾起左之後啲金菇同埋冬菇吸晒啲湯汁甘甘地好鮮味，本身個湯底都好清唔會太油，而且啲排骨煲到淋晒好易入口炒金邊粉，雖然相可能睇得唔太清楚，不過入面好多蝦粒同埋雞蛋，味道都OK嘅，本身食到一半有啲膩，但擠左啲青檸汁上去之後仲好味（一開始擠定會好啲）麵包金枕頭～咖哩雞，超級大個！麵包嘅外殼好香脆，但個心好軟，好味店員都好細心比定個碗我地for入面啲咖哩，咖哩嘅份量都幾多，入面嘅蔬菜加埋雞肉都好足料，咖哩本身唔會太辣。不過我覺得比起個咖哩本身個麵包更好味，為咗個麵包都值得一試啊而且真係好大個好抵食！3-4個人分都得啊～

大坑有好多美食，今次試吓肉骨茶，做肉骨茶可以做到稱王的，點都要試一試。叫咗一個細嘅肉骨茶，上枱的時候這個肉骨茶好似一個火鍋般大。夾起一舊排骨，骨肉勻稱，肉質有一些藥材味，好喜歡這種藥材味的湯，正！當然加個米粉，等米粉索晒啲湯汁，食落去仲正。😋朋友突然間看見個餐牌有一個餸叫做肉鬆蝦片，在好奇驅使下，叫了。蝦片應該是剛剛炸好的，好脆，不錯。肉鬆就好似一般在街上買到的肉鬆。哈哈，沒什麼特別。終於見識過。跟住加多一個麥皮蝦，蝦鮮甜，鋪上麥皮而炸，食落好香脆，可以一試。

今日去咗大坑朋友屋企玩 順便就喺附近食少少野 其實大坑都幾多餐廳 但係禁啱嗰日有開嘅都唔算多 就決定試一試呢間新加坡菜 >>肉骨皇肉骨茶湯 (細) 對上一次食肉骨茶已經係幾年前 真係完全唔記得咗個味道 呢度係肉骨茶湯 份量好大 足料 入邊都有幾舊時大豬肉 最最最鍾意嘅係佢竟然成個爐俾我慢慢煲 可以keep到個溫度❤️ 熱湯係我嘅最愛 呢個湯藥材味好重 仲有俾咗幾舊菇 正😻馬拉盞炒通菜馬拉盞嘅味真係越食越上癮😂 通菜係爽口既😻 喜歡喜歡 咖喱洋蔥油蔥餅呢個油蔥餅 食落一啲都唔乾 唔油 新鮮煎起就擺上台 👏🏻 每啖咬落去入邊都有好多chopped onions 點埋佢哋自製咖喱汁 👍🏻👍🏻 每份有四舊 原來都幾飽肚😹

今天又來肉骨皇，點了招牌菜，乾肉骨茶$118，原味蔥油餅$48，配咖哩汁！第一次在香港吃到如此正宗的新加坡🇸🇬菜，簡直是超級開心🥳.肉骨茶$118沒想到竟然可以做成沒有湯汁的乾肉骨茶，特別的地方在於，味道特別鮮美，因為汁水收乾之後，精華都保留在了肉裡面！而且還特意加入了秋葵。平時我是不喜歡秋葵的，但是這樣的加入，會讓人覺得很清爽不油膩。裡面還有冬菇，味道特別鮮美。.肉質鮮嫩，入味。瘦肉精美，比較入味！因為有放入辣椒🌶️，所以有淡淡的辣味。很是特別！.蔥油餅$外皮酥脆，內心柔軟，配上特製的咖哩汁，味道特別讚👍

疫情影響，而家無得去旅行，唯有響香港尋找不同地方既味道。六點半去到，未有人，環境細細，不過企理舒服。幾多地道既菜式可以選擇。唔算好平，不過勝在選擇多。叫左個細肉骨茶，絕對夠兩個人食。茶湯有濃郁既藥材香，正呀！佢仲用個爐幫你熱住，確保每一啖都暖笠笠。我地最後仲encore左一碗茶湯，38蚊。第一次食咖啡骨，超級熱辣辣。脆脆地又唔會勁油。食落係真係有咖啡味架喎！老公想食油飯，我又驚肥。佢好好地幫我地一半左，可以各自各精彩！食飽飽埋單三百鬆啲，以大坑黎講算係平靚正！

落著毛毛細雨與好友來到大坑浣紗街找一間食星馬肉骨茶餐廳叫《肉骨皇》。餐廳好隱蔽店舖在街尾好不明顯。餐廳不算大，裝潢較為沈色色調，深啡色的餐檯及啡色和深綠色椅子，黑色的地磚，最令人眼前一亮是前方的藍色格仔牆壁。招牌肉骨茶HKD118兩個人叫了細分量，上枱用爐熱著，肉骨茶中藥味比較重，湯的顏色比較深，排骨比較小塊是馬來西亞的特色，其餘材料有冬菇、金菇和豆卜，排骨夠腍身，湯汁越食越甘甘醇厚的味道。肉鬆油酥餅HKD58肉鬆油酥餅好香酥脆，再點甜甜微辣的咖喱更添加口感好滋味！就是略嫌份量少咗啲，唔夠喉。蝦醬炒芥蘭HKD88芥蘭切斜段，師傅掌握火候拿捏好，炒到顏色鮮豔，蝦醬完全包裹住每條爽脆的芥蘭好惹味。

好耐無食過肉骨茶，見啲人話呢間幾好就去試下。佢呢度嘅肉骨茶係一鍋上嘅，適合1-2人用，不過我一個人去，驚食唔到咁多就無嗌，淨係嗌咗一碗細嘅淨湯飲之後叫咗碗海鮮喇沙，麵底有得揀油麵/米粉/兩溝，我就揀咗兩溝。佢有一隻剝咗殼嘅蝦，一隻無剝殼嘅，青口等等嘅海鮮，特別鍾意隻蝦，吸哂湯底啲汁，好好味。野飲方面，本身想叫珍多冰，但咁啱無哂，店員介紹佢地自製嘅薏米水，咁就試下啦！又唔錯喎，同埋都健康啲我晚市時間超，都幾爆，好快坐滿，同時又見佢地密密pack緊外賣，雖然門面得2個人，但都有求必應，服務態度好好。臨走嗰陣見隔離台叫咗一碟大大碟嘅豬手，下次叫埋frd嚟試下先

今日去天后見完客順便去大坑搵食，行行下就見到呢間肉骨皇。小店一間但都幾乾淨同埋坐得好舒服。Lunch set 幾抵食，$68無骨海南雞飯+湯，3款醬料都出色，辣汁夠辣，配無骨海南雞好夾！油飯整到一座金字塔咁，仲有濃濃雞香，齋食飯已經可以食一碗。檳城炒貴刁炒得好入味，但美中不足既係唔夠辣（純粹本人太愛食辣），d 蝦勁大隻好新鮮好足料。Lunch set 加$20就有兩隻炸雞翼，超好食，配泰式甜酸醬真係冇得輸。最後叫左杯酸梅青檸梳打，酸梅味濃，青檸梳打亦勁清新，夾埋一齊原來好特別好消暑，一流！不過餐廳招牌係肉骨茶，下次一定要試下！

肉骨皇 Bak Kut King+新加坡菜+馬來西亞菜+價格合理 銅鑼灣平-餐廳面積不大 無骨海南雞飯 $68 （lunch)好食指數：⭐️⭐️⭐️⭐️打卡指數：⭐️⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️👍🏻造型賞心悅目 像金字塔一樣 打卡able👍🏻雞滑 雞味重 大大件 最重要是無骨 👍🏻好足料 啖啖肉 lunch 夠 飽肚😷 雞 的醬汁 正正常常 沒有驚喜
馬來椰漿飯 $68 (lunch)好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️抵食指數：⭐️⭐️⭐️⭐️👍🏻椰漿 又香又重 甜甜咸咸 挺爽🤪😷 飯量一般 不過都有接近一碗飯 對於男生 有少少不足夠🤣 雞翼有少許乾 不過椰漿飯才是主角
青檸梳打+ $8 (lunch set)好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️抵食指數：⭐️⭐️⭐️👍🏻不太酸~ 不太甜 ~ 夏天解渴必備 !!!!!!大坑浣紗街45號浣紗花園地下1號舖星期一全日休息星期二至日11:00 - 15:0018:00 - 22:00電話號碼29722266喜歡我的文章，可以關注我及讚好以作鼓勵

今日晏晝去大坑搵到呢間食新加坡菜嘅餐廳，大坑附近都有好多餐廳，不過呢間都算係幾別樹一格架。入到去呢個環境都好整潔同埋企理，侍應好快招呼我哋坐低就上咗兩杯水。我哋見到佢午餐嘅餐牌呢每一個餐都唔算好貴，都係50蚊至最貴唔駛70蚊。咁我哋一人叫一個分別係肉骨茶配米粉同埋海鮮喇沙配摻摻，野飲就叫一個凍白咖啡同埋一個凍檸茶。另外我哋係Menu見到有個叫咖啡骨，好吸引到我哋，我哋就叫埋佢。個肉骨茶先上枱，佢有埋個煲熱住佢，等我哋飲落去嗰陣就仲係好熱辣辣咁。個米粉同啲肉都好林好好食，大大份飲埋d湯都好飽。個海鮮喇沙味都好大份，兩種面都好好食，仲有唔少嘅海鮮配料喺度，都幾唔錯。嘢飲都係好正常嘅嘢咁，之後就係最期待咖啡骨，上枱呢都有好多舊，食落有個淡淡嘅咖啡味，又唔會太苦，炸得又幾好食。呢個新加坡菜都真係幾唔錯㗎，埋單都係百零蚊一位，嚟開大坑可以食！

今日約咗朋友去銅鑼灣行下 朋友話不如食完個中午飯先行街啦 我就上網搵資料見到大坑呢到有間肉骨皇 食馬拉菜 我哋相約係天后站等行過嚟餐廳大約10分鐘最近冇得飛 一路都好掛住馬來西亞嘅美食 尤其是係肉骨茶 星馬一帶嘅代表性食物 一於就去試下啦我哋中午十二點左右去到 好快就入坐啦 拿拿聲睇下有咩正嘢食先 最後會揀咗三個菜招牌肉骨茶（細 ）$118肉骨茶 顧名思義肉骨同茶都好緊要 其實所謂嘅茶即係湯 唔係普通嘅湯而係中藥湯 一上菜已經聞到好香濃嘅肉骨湯茶啦 當中最香濃嘅就係當歸味 另外仲有啲配料 豆卜金菇等等 當中嘅肉骨配埋黑醬油嚟食 真係好正 去馬拉旅行嘅回憶即刻返曬嚟海南雞飯 $118金字塔型嘅油飯 非常吸睛 食海南雞飯 除咗隻雞之外 嗰三樣調味料 都係唔可以忽視 就係薑末 辣椒 黑醬油 經店員介紹之下 調味料係馬來西亞廚師親自調制 一口雞 點完薑末再點秘製黑醬油 令到海南雞飯更加精彩 海南雞嫩滑得嚟有雞味 讚柚子蝦沙律 $108酸酸甜甜真係非常開胃 蝦肉大大粒夠爽口同埋好彈牙 配埋椰菜蘿蔔絲花生等等 口感非常豐富總括嚟講今餐真係好好食 令我更加掛住馬來西亞 如果鍾意食肉骨茶嘅朋友一