肉骨皇 (已結業)

今日去咗大坑朋友屋企玩 順便就喺附近食少少野 其實大坑都幾多餐廳 但係禁啱嗰日有開嘅都唔算多 就決定試一試呢間新加坡菜 >>肉骨皇肉骨茶湯 (細) 對上一次食肉骨茶已經係幾年前 真係完全唔記得咗個味道 呢度係肉骨茶湯 份量好大 足料 入邊都有幾舊時大豬肉 最最最鍾意嘅係佢竟然成個爐俾我慢慢煲 可以keep到個溫度❤️ 熱湯係我嘅最愛 呢個湯藥材味好重 仲有俾咗幾舊菇 正😻馬拉盞炒通菜馬拉盞嘅味真係越食越上癮😂 通菜係爽口既😻 喜歡喜歡 咖喱洋蔥油蔥餅呢個油蔥餅 食落一啲都唔乾 唔油 新鮮煎起就擺上台 👏🏻 每啖咬落去入邊都有好多chopped onions 點埋佢哋自製咖喱汁 👍🏻👍🏻 每份有四舊 原來都幾飽肚😹