肉肉強食 by 鋒膳 (已結業)

今日在長沙灣附近食飯，見到鐵板餐都好抵食，甘就上一樓簡單食晚餐老公話好餓，點都要叫個手打牛肉漢堡。6oz 漢堡扒用了Affco 牛柳為主，用獨有調味料、洋蔥及蛋，好juicy，麵包選用了洋蔥包，烤香後非常鬆軟且帶有少許甜味，加上多汁，牛味香濃，我同老公都覺得好正好香，開心share食。我們叫扒餐，加$18仲有套餐，真係好抵食。餐湯叫了羅宋湯，湯料都好足很濃，而且很暖胃，餐包都係暖笠笠，加埋牛油就正。我叫了黑椒牛柳配茄汁意粉，先上鐵板先淋上醬汁，滋滋聲，勁香，牛柳叫了五成，店方表明沒有加鬆肉粉及食粉醃肉，食得出有牛味，肉質鮮嫩。茄汁意粉好開胃，我食完牛柳後，習慣將意粉放上鐵板，溫住食，仲有黑椒汁一齊食，正老公叫了雜扒，好豐富，豬扒是佢地皇牌，切開都厚身，仲有薄牛扒都好惹味，有雞翼，另外仲有香草腸仔，薯菜都唔錯，粗條有咬感。仲有甜品食，有雲尼拿雪糕，芒果啫喱有雜果，好好食，凍飲加$5,奶茶都夠滑，熱飲要檸蜜，三塊檸片岩岩好。

今日第一次去幫親這間食店就俾份驚喜，用生銹鐵板上餐再加柴皮肉眼牛排咬激都咬唔開，就連1杯簡單的華田沖出來淡如水，同負責人反映鐵板生銹一句唔好意思都無冇只當聽唔到，唔出聲行咗去，服務態度極差👎👎👎

最近到這間店食過2次，大多都是18:00多到店，2次都食到限量$20鐵板炸豬柳，非常好味，肉質鬆軟不會太乾。此外，我地都有點其他扒餐水準都是中上。(包括肉眼，什扒，牛柳，比目魚扒)不過第一次點的西冷牛扒就差了一點點，不是味道差，而是熟了些，對比其他的扒餐就無咁出色。我們均有+$18轉做套餐(湯，餐包，飲品，甜品)本人很喜歡食甜品，第一次食的是榴槤味同芒果味的雪糕，而第二次是雲呢拿雪糕，我大愛榴槤口味的雪糕。而阿仔就喜歡食啫喱。每次用餐都非常滿意同愉快，所以日後會常去用餐。打算下次會試日式咖喱飯同蛋包飯