肉肉強食 by 鋒膳 (已結業)

長沙灣搵食攻略 港式鐵板牛扒 肉肉強食 大食夾大件 牛肉質素好！仲有特價限定$20 鐵板吉列豬柳 免加一！早排去左一間新餐廳,主打港式鐵板扒餐由西冷,牛柳,肉眼,和牛,雞,豬都有!仲有特價限定既吉列豬柳餐 $20 份量一樣比足,好抵食！窮人恩物～另外豬扒選用美國自然豬，無人工成份和抗生素，健康一些味道更好～另外仲有什扒，羊架等等三款醬汁包括了黑椒汁，洋蔥汁，蒜蓉汁，自選一款店員會幫你上菜時淋埋～另外加$18升級套餐,餐湯紅白2選1配飯或意粉或薯條,非常抵食包埋餐包,無叮熱比較可惜~最後仲包一杯甜品,可選jelly杯或雪糕牛柳肉質細嫩多汁,配埋黑椒醬汁非常好吃,另外吉列扒餐即使$20都比足兩片,炸得香脆,仲有配菜,即係兩個人黎食2份扒都抵~整體上服務非常好,食物水準也唔錯,最重要價錢,份量都好好,呢個時勢$100以下食到咁滿足,真心可以一試  

今日約了2位友人行街shopping, 一齊食dinner係指定動作，S帶左我嚟肉肉強食，聽個名就知道啱哂我哋3個食肉獸啦!今晚我地order左2個扒餐，另外再叫左一份吉列豬柳和芝士漢堡包一齊share。扒餐加$18有餐湯， 餐包和甜品。忌廉湯配料有火腿粒和粟米，香滑可口。餐包鬆軟熱辣辣，好味。紐西蘭羊架$138~羊架有4大件，份量好大，店子強調肉類絕不以鬆肉粉和食粉醃製，所以絕對食到羊架本身的鮮味，肉質亦很嫩滑，很滋味。美式什扒$78~什扒種類亦非常豐富，有豬扒，牛扒，司華力腸，雞翼和煙肉。豬扒厚切，表面煎得焦香， 肉質鬆軟， 肉味香甜。牛排肉質鮮嫩，牛味香濃，很不錯。 司華力腸脆卜卜， 爽脆有咬口。吉列豬柳$20~ 每日限定50份並只售$20的吉列豬柳以鮮味十足的宮崎快樂豬製成， 豬柳用上偏瘦的部位，肉味甘香，爽滑有嚼勁。配菜有紅蘿蔔，車厘茄，粟米，洋蔥和椰菜，非常扺食。芝士漢堡包$48~6oz 漢堡扒以Affco牛柳, 西冷和肉眼攪碎後再手打而成， 肉質鬆軟juicy, 並混以自家製調味料，洋蔥, 生菜，又厚又新鲜的蕃茄及蛋，配以香濃幼滑的半溶芝士， 非常惹味。麵包選用了洋葱包

係社交平台見到長沙灣新開肉肉強食，啱晒我哋食肉獸😌😌仲要每一日有50份成為$20嘅吉列豬柳，餐廳食材講究，全部用返靚貨，價錢就非常大眾化👍👍吉列豬枊真係冇得輸，而且份量仲好多，外脆內軟！鐵板上熱辣辣，醬汁落去吱吱聲真係好正，直頭秒殺😬😬仲有其他好多扒餐，牛枊揀咗五成熟，師傅好好控制得非常好，口味非常濃郁！而且好淋，以我牛魔王食牛無數，真係食材非常靚🤩🤩仲可以加$18跟餐，有埋羅宋湯或忌廉湯，薯菜、意粉或白飯，有埋飲品牛油餐包同甜品真係飽到一個點啊🤣🤣超抵食，而且仲要冇+1🤭🤭

同朋友嚟個1小時嘅飯聚放鬆一下...每人叫咗一個扒餐另加$18有湯➕餐包➕飲品🧃🔺肉眼7️⃣成熟➕薯菜🔺厚度都有5，6cm❣️七成有啲太熟但肉質都係幾嫰👍🏻無咩筋👍🏻肉汁豐富肉味濃❣️🔺西冷7️⃣成熟➕薯菜🔺又係大件夾抵食好大塊啲肉唔會太鞋🧐黑椒汁淋落塊鐵板度好夠熱有查查聲聽到都有食慾👍🏻食落好juice❣️薯條都炸得好脆❣️份量都幾多1個女仔食都有突...🔺吉列豬扒$20🔺大件夾抵食❣️$20有2大塊手掌🖐️咁大嘅豬扒👍🏻表面炸到金黃色❣️切落去都feel到脆❣️ 爽滑有咬口❣️難怪每日限定50份🤓真係好彩先食到❣️

下班最高興的事情莫過於跟一大班同事大吃特吃好吃的，其中一位同事推介他家附近的肉肉強食by鋒膳，他說這裡平民價錢就可吃到一流的肉扒，最便宜吉列豬柳也只需二十元便有交易，起初以為朋友開玩笑，原來是真的。吉列豬柳比預期的大份，足足有兩塊之多，豬柳非一般豬柳，而是宮崎快樂豬，真材實料。吉列豬柳以瘦肉為主，外層炸得薄脆，咬下去豬柳肉嫩爽彈，味帶香甜，即使淋上醬汁也會搶去豬柳肉味。五分熟的西冷牛扒滿有厚度，送上桌時鐵板嗞嗞作響，熱呼呼的。西冷牛扒表面微焦，切開肉質鮮紅，柔軟中帶嚼勁，吃得出牛扒品質佳。同事甲喜歡西冷牛扒配洋蔥汁，他覺得這配搭是最美味。加18元可以升級扒餐配羅宋湯或忌廉湯，白飯或意粉或薯條，牛油餐包，咖啡或茶和甜品，牛油麵包相當燙手，濃濃麵包香氣真棒，塗上牛油，麵包更為油潤。忌廉湯暖暖的，初嚐已印象深刻，入口細滑，粟米增添忌廉湯咬感。手打牛肉漢堡的麵包採用洋蔥包去烤，且包覆厚厚的漢堡，搭配蕃茄和生菜，加上半溶芝士，一口咬下麵包酥香鬆軟，漢堡牛味濃郁多汁，爽甜的生菜，酸甜的蕃茄帶來清新的效果，半溶芝士增添整體的滑順道，奶香濃濃，口感層次豐富，回味無窮。日式咖哩比目魚螺絲粉咖哩汁味道濃厚

老公喺長沙灣返工，之前一直有幫襯開「森記餐室」，最近知道餐廳轉型，變身為港式扒房「肉肉強食 by 鋒膳」，聽講店裡的鐵板餐，抵食又大份，話要同我去試下。店舖位於東京街 31 號 1 樓，裝修無乜特別，都係一般茶餐廳格局，不過環境唔錯，乾淨企理，開揚通爽，加上卡位相當闊落，令人坐得舒服。先睇下餐牌，嘩！單係扒餐嘅選擇就已經有超過十款，全部可選配黑椒汁、蒜蓉汁或洋蔥汁，另外亦有焗飯、咖喱類、意粉、螺絲粉、天使麵等供應。老公愛吃牛，第一時間選了客新西蘭肉眼，而我就揀咗比目魚扒，再加 $18 轉做套餐，包餐湯、白飯/意粉/薯條、牛油餐包、咖啡或茶及甜品。等候期間，見鄰桌食客點咗個芝士漢堡包 ($48)，賣相很吸引，所以亦即時加碼，Order 咗一份。6oz 手打牛肉漢堡扒以 Affco  牛柳、西冷和肉眼攪碎而成，再混合自家秘製調味料、洋蔥和蛋製作，肉質很鬆軟，入口充滿肉汁，食完相當滿足！麵包選用洋蔥包，香得來帶點甜味，好有驚喜！兩客扒餐嘅餐包和餐湯接著送上，餐包上檯時不算很熱， 但剛好能溶化牛油， 加上包身質地鬆軟，略帶微甜，味道不錯。餐湯一紅一白，有羅宋湯同忌廉湯兩款可供選擇，羅宋湯內有甘

有次行過見到呢間店，個名都幾得意而且餐廳標榜唔採用鬆肉粉同食粉醃製肉類~除咗食好西都要食得健康！🌠芝士手打牛肉漢堡 $48見到隔離檯叫咗個手打牛肉漢堡跟風叫埋一份😄漢堡勁大個，有6oz 咁大以Affco 牛柳、西冷和肉眼攪碎而成，充滿牛味😜並混入自家調味料、洋蔥及蛋，肉汁豐富， 麵包亦與其他餐廳用嘅芝麻包唔同，係選用咗洋蔥包，烤香後非常鬆軟，帶有啲啲甜味，咬一啖可以食到鬆軟既芝麻包， 咀嚼時滲出濃濃肉汁，口感多層次😆以咁嘅價錢食到咁高質手打牛肉漢堡真係呢間先有😄漢堡迷千萬不要錯過！🌠肉眼鐵板 $88 加$18 有餐湯、甜品、白飯/意粉/薯條呢間鐵板真係大件夾抵食，一塊肉眼比2 隻手掌仲大，仲配上勁多黑椒汁肉眼選咗7 成熟，我覺得熟度控制得剛好可以食到牛肉嘅嫩度， 亦有油脂化開的香味，口感柔軟鮮嫩，亦唔會血淋淋😄算做得唔錯！鐵板份量幾多，夠2 個人食有多🌠紅酒牛脷炒飯 $58牛脷份量好多，成5、6塊，仲要係厚切架，好正吖!牛脷好霖，口感較有嚼勁，炒飯焗底都唔會好乾，而且焗飯面仲有芝士，同紅酒牛脷係絕配吖!🌠生炸雞翼 $38呢度用既雞翼是無激素，食得安心健康‼生炸雞翼係特別juicy既，炸

生炸雞翼：呢度用既雞翼是無激素，食得安心D‼生炸既雞翼係特別juicy既，食落去好脆，好香吖😁因為新鮮炸起，大家要小心吖，真係好辣口架。仲有配埋芝麻醬沙律菜。紅酒牛脷炒飯：牛脷份量好多，有成5-6塊，仲要係厚切架，好正吖!牛脷好霖，但霖得來有得咬下，炒飯味道比較淡同唔夠乾身，但焗飯面加左芝士，真係絕配吖!但呢度係開放式廚房，見到廚師係入面，唔帶口罩，高談闊論，係而家既疫情，請帶番口罩好D.

紅豆冰唔會好甜，紅豆煮得好腍。唔會硬。日式咖喱雞扒焗飯芝士溶曬入飯裏面，一夾起d飯，飯粒比芝士痴住，可想而知有幾多芝士啦。咖喱好香但唔會好辣。羅宋湯好辣，湯料有薯仔、椰菜等，好足料。忌廉湯有粟米，夠濃郁。叫左個七成熟嘅蒜蓉汁西冷牛扒配意粉，牛扒口感煙韌。配菜有紅蘿蔔、小唐菜同埋粟米同豆。紅蘿蔔好甜呀！小唐菜都好嫩，食落好爽脆。意粉腍得滯，唔夠滑。洋蔥汁深海魚柳扒魚柳夠滑。面頭重鋪左洋蔥。黑椒豬扒好香黑椒味。甜品可以揀啫喱或者雪糕。天氣咁熱好想食d凍野消下暑就揀左雪糕。雲尼拿雪糕唔會太甜，雲尼拿味好出，有空氣感。

去到長沙灣原來鋸扒都有好選擇呢間肉肉強食真係啱晒一班食肉獸，佢啲扒餐真係抵到爛，而且經常滿座，午餐仲有優惠套餐添，真好抵食呀。呢度大部份都係卡位令食客坐得特別舒適，而且樓底都算高，位置喺一樓嘅位置唔會污煙漳氣。叫咗個西冷牛扒七成熟($88)，有黑椒汁、蒜蓉汁同埋洋蔥汁可以揀可以揀跟餐加$18仲有紅湯或者白湯仲會送餐包，意粉薯蓉同埋飯都可以另上。另外仲叫咗個深海魚柳扒，揀咗個洋蔥汁，伴菜有甘筍、小白菜同平時食開嘅青豆等等好豐富。用啲汁倒落鐵板到支支咋咋好治癒🤩🤩最後飲品加咗杯凍檸茶同埋紅豆冰，紅豆冰都只係加$5，超鍾意飲佢嘅紅豆冰啲紅豆真係煮到爛好粉嘅感覺。

今晚在長沙環食 dinner，之前在網上見到呢間新店，價錢又平，食材又高級，所以打算試一試，特別係佢既 $20 吉烈豬柳，每日限定 50 份，用宮崎快樂豬製成，好似好吸引餐包鬆軟，夾住香滑嘅牛油，不錯忌廉湯都好足料，蘑菇好味吉烈豬柳餐，外面薄薄嘅脆漿包住入面大大塊豬柳，爽滑得嚟肉味甘香，不愧係宮崎快樂豬，加埋上面嘅蒜蓉汁一齊食，真係超正！手打牛肉漢堡，網上見到佢塊6oz的漢堡扒係用Affco牛柳、西冷 & 肉眼混合，咬落去的確好鬆軟，好 juicy，再加埋沙律菜，蕃茄，半溶芝士，fresh 得嚟又好夾紐西蘭羊架，羊味唔會太羶，肉質鮮嫩又大份，加埋上面嘅黑椒汁，每一啖都係美味香嫩嘅羊肉飲品我哋叫左雜果賓治 & 紅豆冰最後仲有甜品啫哩嘅味道好清甜又清新菠蘿椰子雪糕，菠蘿嘅甜加埋椰子嘅香，估唔到味道係咁夾，我之前從來未食過呢個口味，好有驚喜！

今日係長沙灣附近放工, 同事帶左我去呢間餐廳食飯佢話呢度好抵食原來呢度主打係食鐵板餐, 仲有佢註明唔會用鬆肉粉去醃食材一上到去已經見到坐滿晒人, 仲聽到”滋滋”既聲, 就係醬汁淋落鐵板既聲, 好有氣氛同熱鬧我叫左個紐西蘭肉眼扒 5成熟: 塊扒超巨型! 差唔多大過塊鐵板! 仲有其他配料, 例如粟米, 蘿蔔, 菜,, 黑椒汁淋上牛扒上面發出既聲同煙好有風味! 牛肉肉質唔錯, 唔會好淋, $88呢個價錢真係好抵食另外加左$20, 叫左個吉烈豬柳, 估唔到又係好巨型, 兩大塊既吉烈豬柳, 餐牌上寫住每日限定50 份同埋係用宮崎快樂豬, 呢款豬柳冇咩肥肉, 咬落有嚼勁朋友叫左個手打牛肉漢堡同雞翼, 都係用左紐西蘭既牛肉整成既漢堡扒, 肉汁幾豐富, 佢個包仲要係烤過既, 好鬆軟仲有少少甜味; 雞翼炸得好香脆, 好有港式風味!總括黎講, 咁平既價錢, 呢間餐廳真係抵食

七月上旬·晴 作為一個食評人加餐廳及零售的牛肉供應商，其實平時接觸的都是各地最好的牛肉。都是來自好產地兼要有一定質素之餘，部位也不能普通，這樣才能在香港市場殺出一條血路。自己去外地吃牛肉，總是挑最高級的去吃，餐廳在當地也要最高級數的。 不過作為香港人，尤其是我這個年紀的，總會對港式豉油西餐廳有點情意結。年青時在「港區扒房聖地」的灣仔區求學，那時的「三大扒房」：波士頓、帝寶、金都是我輩口荷包一有鬆動就去光顧的地方。波士頓的串標七打牛柳、帝寶的蒜蓉珍寶T骨扒及金都的燒汁西冷，號稱當時的三絕。 時移地易，食客對牛扒的要求漸高，對「疏打牛」也嗤之以鼻。不過正所謂吃開有感情，其實今天還不時去吃港式扒房。之前在這區工作，也發現這間新扒房。後來得知原來是鋒膳及井巷子的主理人Nansen兄開的，那當然要找一晚來試試。 這是周二的晚上，目測店子是近乎座無虛席，至少來的時候是有條小人龍在排隊。還好我是一個人，一來就可以坐在餐廳一邊的二人檯。餐牌上的各式選擇都非常相宜，新西蘭西冷及肉眼就是$88，美國自然厚切豬扒只是$68，美式什扒就是$78，最貴的鹿兒島和牛肉眼才是$328。實惠的價位，或者也解釋了部份店

答應左糧尾請丫妹食飯, 之前搭車經過長沙灣見到新開左間餐廳, 門外貼左幾張鐵板扒menu相片, 立下眼價錢唔貴, 決定今晚請丫妹同細佬食呢間!鐵板扒款式包括有豬、牛、羊、雞、魚, 另外有少量港式茶餐廳下午茶系列。主打鐵板扒, 梗係要試下呢度既扒啦!3款醬汁選擇, 分別有黑椒汁、蒜蓉汁、洋蔥汁, 岩哂唔同人口味~+$18升級套餐, 食埋餐包、餐湯、自選配菜(白飯/意粉/薯菜)、飲品、甜品講到全場最抵食當然係每日限定50份【鐵板吉烈豬柳】HK$20吉烈豬柳選自上成宮崎快樂豬既偏瘦部位, 肉質爽滑有彈性, 吉烈豬柳即叫即炸, 外皮香脆可口! 三大塊厚切都係廿蚊咋! 抵!【牛柳】HK$128 (可選5成熟/7成熟)質素雖然唔係話好鮮嫩多汁, 牛味偏淡, 富有肉香, 肉質粉嫩有咬口, Order左5成熟, 但唔多見到keep到有血水出果種 。 款款鐵板都係熱辣辣上檯, 係面前淋上醬汁, 滋滋聲又香噴噴ga!另一餐廳推介【手打牛肉漢堡包】HK$48BURGER疊得好高, 6oz 漢堡扒由Affco 牛柳、西冷和肉眼攪碎而成, 包外皮被輕輕焗過, 內側搽左牛油, 半溶芝士跟漢堡扒溶為一體, 漢堡扒多

假日也有超值午餐供應，$35起，有湯有主食有飲品，還要味道不錯，去哪兒找？羅宋湯：湯味濃，很好喝。老實說，一些收費不低的餐廳的羅宋湯也沒這麼好喝，大推！日式滑蛋豬扒飯：吉列豬扒一向不是我喜愛的，因為很多時都很柴，也沒什麼肉味，這吉列豬扒卻令我改觀。豬扒雖算不上嫩滑，但起碼不柴，還有肉味，算是不錯。蛋很滑，好吃，還有不少蔬菜，正合我心。美中不足的是醬汁不多。不過，這主食連湯連熱飲只收$35，還有什麼話可說！紅酒焗牛脷意粉：這售$45，但也是物有所值。牛舌是厚切的，煮得軟而有彈性，咬下去口感極佳，還有4大片。醬汁不俗，若番茄味濃一點更佳。飲品方面，凍奶茶的茶底不夠香濃，所以味道一般，建議選其他飲品。這店面積頗大，環境寬敞，服務也可以，有效率。