肉肉強食 by 鋒膳 (已結業)

長沙灣不嬲都出名多好野食今次就黎到肉肉強食個名得意之餘仲岩哂鍾意食肉既我哈哈餐廳上樓梯係閣樓，唔同地舖，都算寧靜同夠空間感首先講餐湯同餐飽，係好懷舊既味道好有細個食西餐既回憶羅宋湯同牛油麵飽當然係絕配地好味!茶餐廳式既凍奶茶同凍檸茶都做得相當不錯我地嗌左吉列豬柳，配黑椒汁，炸得好鬆軟，而且只係$20一份，勁抵食!而厚切豬扒就啖啖肉，配蒜蓉汁一流，好有豬味，食落十分之滿足!芝士漢堡飽都好好食，啖啖肉漢堡扒配埋雜菜茄汁非常之夾最後仲嗌左我最愛既羊架!!羊架質素好高，有肥有瘦，比例適中配埋洋蔥汁同薯條真係好好食!總括而言，食完肉肉強食感覺十分滿足從餐湯同餐飽到每款主菜都好好食，性價比極高! 推薦比各位食肉獸朋友!

#肉肉強食我會形容佢為大件夾抵食！質素同味道比花x餐廳好，🤩價錢亦比平一截。🙂店舖聲明肉類絕對唔使用鬆肉粉及食粉醃製，都對自已出品好有信心。我必要先講$20 #鐵板吉列豬柳 😹無睇錯真係$20，限量每日50份只限堂食。使用既係日本宮崎快樂豬，🤗呢個價錢呢個質素，🐷食到成個人都好快樂。豬柳外層脆卜卜，雖然係薄切仍然食到肉嘅質感帶肉汁，肉味幾香，😋真係好有驚喜。$88 #西冷牛扒西冷肉味始終比較香濃，😆肉質比較有咬口，但絕對唔係韌！$128 #牛柳真係軟綿綿腍滋滋😋，帶既肉汁係比較多㗎。要喺兩者之間做一個選擇嘅話我都係會揀返西冷，偏好佢既肉香。扒餐都加左$18 要餐，包左湯、飲品、餐包、飯/意粉/薯菜、甜品。超級豐盛。🌟餐包夠熱辣辣又夠鬆軟🌟讚。#芝士牛肉漢堡漢堡扒應該係自製，感覺上似係手打，幾彈牙，加埋菜蕃茄芝士，喺一個港式嘅漢堡包。

肉肉之前嚟食過一次覺得好抵食 我有一個朋友好鍾意鋸扒 所以特登帶佢嚟食 朋友好鍾意食牛所以叫咗牛柳 要5成熟黑椒汁 配薯條 因為我上次食咗牛 所以呢今次試紐西蘭羊架 配洋蔥汁 薯條 強烈建議大家要跟餐因為真係好抵 加18蚊就有牛油餐包 可以揀羅宋湯或者忌廉湯浸包餐飲 特別要提係 呢度冇收加一 係非常抵食嘅餐廳先講番食物朋友對個牛柳讚不絕口肉嫩味濃 生熟度控制得好好 配菜薯條非常多 上枱時staff先幫你將汁倒落去 熱辣辣嘅鐵板上面 食覺嗅覺視覺得非常好嘅享受我嘅羊架更加誇張份量非常多 肥膏嘅油香非常豐富食得非常滿足特別推介每日限量50份嘅吉列豬柳 加20蚊就可以食到 雖然咁平但係份量係好正常有兩塊豬柳 而且質素非常高 肉質彈牙入味 吉列外皮保持到香脆 整體嚟講 樣樣都好好食咁既價錢超值

真港式風味鐵板餐街坊價大件夾抵食大人細路都啱啱曬80後70後其實上面兩個已經總結曬我嘅重點😂.我之前已經食過 今次係再食個環境真係一流完全係仿製以前七八十年代嘅裝修紅色格仔布 7 80年代嘅懷舊港式音樂 聽住陳百強鋸扒係咪好有風味呢？.🍕日本快樂豬吉列豬柳20蚊加餐18蚊 即叫即炸有四大塊食落去唔會有豬肉嘅騷味外層脆卜卜 配黑椒汁 超抵之作大食細食都一樣好飽👌🍕手打牛肉漢堡佢穩打穩紮100%用牛肉整嘅漢堡扒牛肉味好香好濃又juicy咬入去啲汁爆曬出嚟 配搭洋蔥包層次豐富口感突出🍕鐵板牛柳餐牛柳超大塊 兩舊都有拳頭咁大切入去少肥冇筋 牛肉味濃口感豐富師傅會喺表面 令到外層脆卜卜入面就係要靠鐵板慢慢傳熱慢慢整熟所以就算叫三成熟都可以食到牛肉香😝

天氣咁凍最岩就係食熱辣辣嘅鐵板餐，由於之前都聴過長沙灣又一間超抵食嘅扒房所以行開附近就過左黎食。呢度有幾款鐵板超抵食，什扒半價 $39、芝士牛肉漢堡半價 $24、鐵板吉烈豬柳$20，而且仲要收加一TIM，鐵板加$18 仲會有埋餐包，餐湯，意粉/飯/薯條再加甜品TIM，非常超值。呢度嘅肉類全部都係無添加鬆肉粉以及用天然調味料醃製，好健康。芝士牛肉漢堡就算半價亦絕不馬虎，漢堡超級厚身而且好juicy，仲見到入面嘅肉微微粉紅，證明係岩岩好熟架。半價什扒餐都好足料，有牛扒、豬扒、煙肉同埋香腸。比目魚扒餐魚肉入口嫩滑，無魚腥味，就算食嘅係鰭位魚骨都唔會好開。由於受限聚令影響，店內人流明顯疏落，希望餐廳可以捱過呢個餐飲業嘅寒冬啦。

好食嘅餐廳永遠都會再吸引我返嚟食的，對《肉肉強食》嘅鐵板扒餐念念不忘，所以幾個月後我再嚟朝聖了！哈哈！😆😆😆同樣點咗西冷牛扒同牛柳鐵板扒餐！另外加多一份只賣HK$20蚊嘅吉列豬柳鐵板餐同而家做緊半價只係HK$24嘅牛肉芝士漢堡！價錢唔係貼地咁簡單呀！絕對係時光倒流嘅價錢呀！呢度啲鐵板扒餐都出名好食的，份量驚人，肉質又夠鮮嫩，一百幾十蚊一個餐仲跟足料餐湯、餐包、餐茶同甜品！簡直係食肉獸嘅check point！難怪疫情下都座無虛席！可以坐嘅位置都爆滿的！每次嚟都要捧住個肚走的！好啦！我過幾個月後應該又會嚟踩場的！😝😝😝😝

長沙灣出現左一間超抵食既平價扒房!!🤩🤩 Annie就梗係一定要去試下啦，店內有多款鐵板餐以供選擇😻 肉類全部採用無添加鬆肉粉及用天然調味料醃製👍 熱烘烘♨️鐵板淋上醬汁，清脆既唧唧聲真係夠哂治癒😍 當日去到有幾款超抵優惠🙀鐵板什扒半價 $39、芝士牛肉漢堡半價 $24、鐵板吉烈豬柳$20，仲要全日免收加一，抵呀🤩·▪美式什扒餐 半價HKD$39什扒餐抵食夾大份，牛扒、豬扒、煙肉、香腸、雜菜 樣樣有齊🤤🤤質素仲要唔錯，真係超值！咁抵既優惠你又點可以錯過呀！另外 +$18仲可以升級套餐😋 配埋餐包、餐湯、白飯/意粉/薯菜、飲品、甜品~·▪西冷牛扒 HKD$88叫左7成熟，另亦可以5成熟。🥩西冷好大塊，絕對值回票價👍牛扒面頭有一大片蒜蓉，混入埋佢一齊食超香😚 係粒粒真蒜蓉碎!! 牛牛控而又有較多budget既你，推薦你食佢😋·▪芝士牛肉漢堡 半價HKD$24哩度既手打牛肉漢堡🍔都係必試之一😋漢堡包皮經煎烘過，口感外脆內軟😻 值得一讚👍 手打牛肉鬆軟香濃芝士仲被漢堡既熱力變成熱溶狀😍 值得一試啊~·**以上半價既價錢當時優惠去到31/10，11月有咩優惠等大家去完報告話我知~ 留意只收現金

今日去左位於長沙灣既肉肉強食食晚餐，餐廳主打食鐵板餐，而且10月期間做緊優惠，勁抵食！佢地今期既優惠係鐵板什扒，做緊半價！！ 折左之後$39 ,真心抵啊。美式什扒包括有豬扒、西冷扒、雞翼、香腸、煙肉等，勁豐富啊！！如果心大心細諗唔到想食乜，食雜扒就啱哂，包羅萬有！而且餐廳表明唔用鬆用粉，啲扒食落味道真係唔同啲，更加品嚐到肉類原有既味道！芝士牛肉漢堡都係半價 $24 漢堡除左有漢堡扒之外，仲有芝士、洋蔥同埋蛋，絕不馬虎。漢堡扒肉汁豐富，牛肉味香濃，加上醬汁實在風味十足。而麵包就選用了洋蔥包，口感鬆軟之外仲帶啲甜味，層次非常豐富。吉列豬柳$20豬柳雖然只係$20, 但一樣有齊所有配菜，而且可以跟餐選配餐湯、餐飲等，又可加飯或意粉。吉列豬柳用左比較瘦既部位，肉味香甜，口感爽滑，加上吉列既脆脆口感，大人細路都一樣鍾意食。

💮最近熊妹發現長沙灣開咗間超抵食鋸扒餐廳《肉肉強食by鋒膳》，有好嘢梗係益阿豬媽同卡肥大大啦。📌位於東京街的《肉肉強食by鋒膳》係一間鋸扒為主的西餐廳，豬牛羊雞乜都有，價錢有$58至$138一客，另外加$18可以跟上套餐，凍飲再加$5，包餐湯、餐包、飯，意粉或者薯菜、餐飲同甜品，其他仲有焗飯、咖喱飯、常餐同小食沙律，全日免加一，價錢絕對平民化，真係好化算。📌最近仲推出左大優惠，美式什扒同芝士牛肉漢堡包都係半價優惠，優惠期去到10月31日，所以熊妹就拉大隊過嚟食整盡優惠去。‪📌晚上7:30‬嚟到，簡直人頭湧湧全場都幾乎爆滿，可能大家都係衝着這個優惠而來。牛油餐包餐包就係一般嘅餐包，烘熱過再塗上牛油，味道正常。羅宋湯餐湯有典型白湯，紅湯揀，紅湯酸酸辣辣開胃啲，所以個個都揀咗紅湯，雜菜材料都好足，不過份量唔係好大一碗。美式什扒，$39雜食獸卡肥咩都想食，揀美式什扒就最好不過。美式什扒有豬扒、牛扒、一隻雞翼、半條司華力腸、一片煙肉、一片火腿同一堆雜豆伴菜。什扒質素就真係唔好要求咁多啦，豬扒都有啲肥膏肥肉，牛扒比較薄但肉質都嫩滑，無血水，其餘嘅雪藏貨就味道正常啦，卡肥選擇蒜蓉汁，成堆蒜蓉同肉食好

回家途中見到特價雜扒…今天特意前往一試…我和外甥仔2個人叫咗一個雜扒餐和一個漢堡包餐…如果是和小朋友前往…一個餐夠食!外甥仔話漢堡包好好味…食唔曬個漢堡包…想打包的時候.服務阿姐話唔可以打包…果刻真的覺得好好笑…首先無註明只供湯食…其次我們是吃唔完打包非外賣…最後d服務員姐姐極不情願咁俾咗個膠袋我地!題外話某位姐姐一直係客人面前埋怨d嘢做唔曬.影響非常大…

如果你係食肉獸的人不要錯過呀😆質素高而且又抵食🤤🔸比目魚扒因為朋友點左牛所以我就食魚先，可以share eat~~wow😍wow😍無諗到塊魚扒咁大塊同埋有2件呀！廚師有將比目魚煎一煎，再放在碟上🔸牛排肉眼 用紐西蘭Affco牛肉🤩叫左七成熟，好容易切放入口牛味好濃，而且塊扒同鐵板咁大呀！啲配菜份量又多🔸手打芝士牛肉漢堡除左有鐵板，好似仲有一個主打就係手打牛肉漢堡。6安士漢堡扒，配合調味料、洋蔥及蛋，肉汁好豐富～麵包有煎一煎過好香口仲有吉烈豬柳都好吸引呀～見隔離枱有叫😍 $20咋🤩超級抵食😗每日限定50 份～豬柳係用左黎至宮崎快樂豬製成！食飽飽仲有甜品

$20一份鐵板燒，今時今日仲可以係邊度搵到啊，估唔到呢個超筍優惠竟然可以喺長沙灣嘅一間小店比我搵到，紅色白色格仔餐枱布，好有懷舊感覺餐廳主打平價据扒，牛扒、豬扒、雞扒、雜扒、魚、羊架一應俱全，價錢豐儉由人，任君選擇加埋$18就可以享有以下食物，餐飲、餐包、餐湯，仲有甜品添提提大家$20吉列豬柳同埋雜扒餐$39淨係做到10月31號咋肉眼我就揀咗五成熟，咬落去果然一啲都唔鞋牛柳就會比較厚身一啲大大嚿嘅芝士牛肉漢堡依家半價，價錢$24都淨係做到10月31號咋最後我就揀咗雪糕作為我今晚嘅甜品

呢排，少見左friend，所謂，朋友係要見嘅，今次我就叫咗個friend出嚟一齊食下野，咁岩經過長沙灣，見到肉肉強食餐廳，侮辱不歡嘅我哋，啱晒啦。喺出面見到佢哋嘅特價優惠，芝士牛肉漢堡半價，鐵板集扒半價，呢個優惠真係吸引到我地入去食野，入到去坐低，見到個餐牌，一睇就知性價比超高。吉烈豬柳和手打牛肉漢堡就一定要試下，性價比起高嘅選擇。所以，我同朋友都唔執輸，即刻叫左黎試下，另外，我地仲叫左紐西蘭羊架鐵板餐同埋煎蛋肉醬意粉。吉烈豬柳($20)原來佢嘅吉烈豬柳竟以鮮味十足的宮崎快樂豬製成，仲可以可以超優惠價嘗試到宮崎快樂豬的美味。手打牛肉漢堡除鐵板以外，依度另一主打是手打牛肉漢堡，正到不得了！紐西蘭羊架鐵板上，熱辣辣，再配黑椒汁，簡直係冇得彈，以一個餐，仲要配埋忌廉湯，有得揀薯條，再配埋牛油餐包，熱朱古力，甜品係啫喱，仲可以選擇加唔加花奶，食完夠晒飽，味道仲要好好添煎蛋肉醬意粉啱啱焗好，就即刻上枱，熱辣辣，香噴噴，煎蛋同肉醬配合得天衣無縫，意粉亦都唔太硬，唔太淋，撈埋個肉醬就啱啱好，肉醬又唔會太少。呢個餐仲要配埋羅宋湯，仲有埋嘢飲添，真係無得頂。

又係我啦，今日同大家介紹一下，平絕香港既抵食情報去到10月尾,呢間餐廳做緊優惠 半價可以食什扒餐$39一客,有牛,豬扒,煙肉,肉仔,雞翼,共5件肉$20 吉列豬扒,每天限量50碟,仲要係鐵板上,超抵食,真係搵唔到比佢更便宜~更好吃~仲有$24一個特大巨型手打漢堡!!(原價$48,而家半價)咁我先講半價優惠既什扒餐超抵之選,幾乎大家都會叫呢碟或$20吉列豬柳可選醬汁,黑椒或洋蔥或蒜蓉汁,另加$18就有埋餐湯,粉或飯或薯條,包餐包,凍飲加$5即係話$39+$18+$5 即係$62就有齊曬全餐,仲有甜品包埋,抵食到拍曬手掌餐包跟牛油,夠鬆軟,但無加熱過,有D可惜~如果可以叮3-5秒熱返個包就完滿上菜由店員即場淋埋醬汁,滋滋滋滋~~飛曬煙出黎底層有水煮蔬菜伴碟加粗薯條,上面就係肉食,雞扒大大件,厚切一隻炸雞翼,一條肉腸,一片煙肉,薄牛扒一片,賣相係十分豐富~~醬汁校得好食,D肉質都唔錯,沒有死咸,牛椒似有調味,幾乎食唔曬~每次黎既話我都好鐘意食牛柳,無特價都要照食,因為真係好好食牛扒必須配黑椒汁,咁樣先係食港式鐵板既精髓~濃香帶微辣既黑椒醬汁~經過鐵板熱力既加熱,香氣更加突出~薯條沾上埋黑椒汁

之前特登到訪，可能疫情關係，所以冇開。今日再接再厲，今日終於可以一試，我哋都算早到，約6:15到，餐廳都已經有幾台人，看了純文字餐牌，叫了西冷牛扒及肉眼，兩份都加咗$18變成套餐。西冷5成熟，肉眼七成，感覺上西冷較肉眼好食，但西冷筋較多，唔知係咪肉眼同西冷調轉咗，整體肉味都好濃，但配菜就比較少，跟餐牌相比較，簡直係縮水，相中一大堆車厘茄，最後只有一粒。跟餐的湯可以喇，忌廉湯較濃，可惜意粉份量少及過稔，又係炒過，所以唔啱我。最後甜品可以揀啫喱同本地小杯雪糕。反而咖啡係唔錯。