肉浦團火鍋放題 (已結業)

唔係同層同樓下間大排檔無晒位 都唔會特登入呢間試伏大時大節唔想等 同班朋友入左去食邊爐放顯 揀左M5M8 和牛set $368加一價錢已經偏高 但質素離奇地差 和牛好薄食落口好乾同鞋 同快餐店邊爐d牛肉無咩分別 食左幾片就放棄 全餐飯最正常只有杯雪糕 (有朱古力/咖啡揀）本身都唔期望有幾高質 但收成4舊水一位 咁差劣既肉質真係好無誠意 出面自取既菜同丸 得2-3款 仲要食到中途 得返金菇同豬肉丸 唔refill成餐飯唔知自己食緊乜 食物質素已經差 款式又好少 2個鐘好似食空氣咁 明顯係無心做 只求賺錢當客人水魚離晒譜 無下次！

12月終於開始有凍既感覺，最岩就係打邊爐！😝喺旺角淋瑯滿目既餐廳，我就揀左呢間火鍋店一試！想食質數好少少嘅牛，所以就叫貴少少既M5和牛set🤭湯底方面，因為唔想食得太油膩，所以叫左昆布清湯😍牛嘅選擇都有幾多款，會先有一碟牛俾你試試睇下鍾意食邊樣，再encore咁就唔會哂野！有乾冰裝飾，打卡一流！牛五花腩，美國安格斯牛板腱，牛腱肉，澳洲M5和牛牛肩胛牛味濃而且肉質鮮嫩封門柳係牛既橫膈膜肌肉，完全唔韌，而且牛味都好濃魷魚好彈牙而且好鮮甜蝦滑口感嫩滑丸既選擇都好多，有款比較特別既係丸入面有芋頭菜既種類都有唔少飲品有淳茶舍，消膩一流！最後當然唔少得食雪糕，仲要係haagen dazs! 🤭

旺角抵食肉浦團火鍋放題 🐰同朋友揀左M5M8和牛Set$368，任食120分鐘，叫左秘制麻辣湯，味道雖然5會太濃，但都幾辣下。首先一黎就上左一個牛拼盤有牛頸脊、牛板腱、牛背蜂、牛五花，全部都幾重牛味，易咬，切得夠薄，烚幾下就可以食。M5和牛牛肩胛油脂分布平均，肉質軟嫩，幾濃牛味。🥕海鮮方面越南虎蝦新鮮彈牙，幾大隻下。北吉廣島蠔、蝦新鮮爽口。🥕自助吧有好多款丸類同蔬菜，調味料都好多，任君選擇。🥕飲品雖然得一個雪櫃，但類別都算多，而且雪櫃夠凍！🥕甜品每人一杯Haagen-Dazs雪糕，當日有士多啤梨同雲呢拿，🐰同朋友揀左雲呢拿，完滿既一餐用QR code落單，上菜速度好快👍店員收碟都快。座位寬敞舒適，冷氣足夠。整體黎講都食得好滿足。======詳情======肉浦團火鍋放題旺角通菜街1A-1L號威達商業大廈2樓A號舖👣旺角站出E3口步行約5分鐘================

閒日晚市都幾旺場，我哋揀咗M5M8和牛set。肉類同海鮮配料可以掃QR code落單，而蔬菜、丸類、醬料同飲品等就可以喺自助區自己拎，選擇都算多，連炸燒賣都有！湯底就揀咗藥膳花雕醉雞湯，真係好香花雕味😍配料選擇都幾多，私心推薦以下幾款：🥢牛板鍵一睇個樣都知正，肥瘦適中，好有牛味🤤🥢生蠔生蠔好鮮，放題嚟講算好大隻，係回本之選👍🏻🥢淡水阿給做法係將油豆腐中間挖空再釀入豬肉冬粉，都幾好食同特別😋🥢炸燒賣炸燒賣好乾身，仲要有射燈射住，好夠熱又脆口，必食😆

呢間放題聽講好抵食，一去到門口仲寫住話只需要follow 肉浦團的IG Yukpothk 就可以有免費生啤放題，可惜我地兩個都唔飲酒就冇要到呢個優惠。另外聽店員講368+20蚊升最貴套餐 一至日都有，另外二人同行一人半價的優惠就星期日至四會有！我地今次就揀咗最貴嗰個set，有齊A4鹿兒島泰元和牛牛五花呢啲，牛五花係我最鍾意的位置😚😚😚另外仲有M5澳洲和牛，一個價錢，幾個享受另外配料的選擇都好多，火鍋平時會食的丸都好齊全，🔥仲有我最愛的薯條炸物，飲野方面都好多選擇，總有一款啱心水，甜品仲有好好食的cheese cake!!!!我同朋友都頂住個大肚腩走🤣🤣🤣🤣推薦指數：10/10🔥

去到旺角食放題，想食火鍋嘅話呢間都係一個好選擇👍依家仲有優惠二人同行一人半價藥膳花雕醉雞湯雞肉好入味，明顯已經醃過吸收到湯底嘅精華🤩今次試咗m5m8和牛set，牛頸脊冇令我失望，仲有M5和牛牛肩胛，鐘意食牛嘅人士唔好錯過😎海鮮方面推虎蝦，原隻上好大隻，肉質唔錯👍放題來講水準平均，冇嘢難食係最重點👍唔會中伏，想食幾多都得。小食方面有炸魚皮，響鈴，打邊爐更加唔少得。丸類蔬菜類都好多選擇，飲品都係自助👍

肉浦團火鍋放題 地址: 旺角通菜街1A-1L號威達商業大廈2樓A號舖電話: 打邊爐肉是重要一環，都是大量牛肉豬似食到飽，再吃蔬菜。好掛住媽媽架蕃茄薯仔湯，心想用來做湯底正氣又健康。比較特別是有台灣阿給，是油豆腐皮包住豬肉木耳等餡牛肉是呢度最出名，質素高！如牛頸背脊，板鍵肉、封門柳、五花腩唔同部位肉再點都是用一個grade 級數豬肉有俄羅斯同日本鹿兒島兩個佳麗！蔬菜同飲品就自助，在櫃度拎有120分鐘的打邊爐放題，慢慢食唔會急，最怕太熱趕住食燙嘴，成人收費$368一位，肉質穩定，正。

雖然舖頭名聽落好似好盞鬼，但係裏面無論係店舖嘅裝潢抑或係食物嘅質素，每個環節都做得非常之認真到位，整體嘅用膳體驗非常滿意！以火鍋放題嘅標準嚟講，呢度嘅食物選擇數量同埋質素都絕對合格有餘😋🥳話明叫做肉蒲團，咁呢度嘅肉類當然係餐廳嘅主打，估唔到除咗啲肉食落去爽口彈牙好食之外，連擺盤都非常之講究！😳睇吓呢盆牛肉嘅盤，居然有埋乾冰😱再加埋啲印刷精美嘅名牌，成件事睇落非常高級，絕對估唔到呢間會係放題帶到俾你嘅體驗🥹❤️食完之後仲會送Häagen-Dazs雪糕，大加分！🥳❤️❤️

今次肉控朋友帶我去旺角肉浦團打邊爐，一聽到肉浦團個名心諗咁似以前一齣電影嘅名，點知去到火鍋店，見到好多壁畫、poster，都係用電影人物題材再創作，加上搞鬼設計對白，又幾Funny！店舖裝修工業風，彩色鐵櫈，燈光偏暗，加上部份霓虹燈，風格年輕時尚！呢間主打食肉嘅火鍋店，有四個火鍋套餐，我同朋友揀咗$368/120分鐘 M5M8和牛set放題。✔️ M5M8和牛set$368▪️湯底：八選一，揀咗清酒味噌卜卜蜆湯，卜卜蜆沉晒底，令麵豉湯清甜左，另附一細壺清酒，自己根據喜好加入火鍋。自己另外加咗啲蔬菜落去，令到個湯底豐富啲。▪️肉類13種牛肉、豬肉、雞肉任揀，特別點咗好多澳洲M五和牛、美國M8臀腰肉心，都係級數比較靚嘅牛肉，薄薄一片滲透湯汁，M8臀腰肉心尤其多油花，而且分佈平均，口感更軟嫩。另外都點咗牛板腱、封門柳，牛味都香濃，唔錯。幾驚喜嘅係鹿兒島黑豚肉，口感好軟熟！▪️其他另外QR code仲可以點海鮮類、餃子、雲吞等等，試咗原隻魷魚筒、廣島生蠔，魷魚筒切好上，細細條好易淥熟，廣島蠔都幾飽滿！▪️自助吧設有小食、蔬菜、丸類、飲品自助吧。小食自助吧提供炸春卷、薯條、燒賣、雞塊等等，自己勁鍾意食香口

今日好開心同一班朋友打邊爐，去咗旺角附近嘅一間火鍋放題專門店，裏面嘅裝修好大間，環境幾好，乾淨企理，座位好寬敞，而且裝修係以電影主題為主，有心思，長身有唔同嘅經典電影海報創作，好特別啊，而且店員嘅服務都好好，見到湯底唔夠都會主動加水，收碟好快手又會幫手排返好枱上面嗰啲，真係值得一讚啊，服務一流，裏面嘅湯底都好多選擇，分別有胡椒豬肚湯，秘製麻辣湯，蕃茄豬骨濃湯，日式壽喜燒，應有盡有，我哋叫咗個日式壽喜燒，湯底龍尾，牛肉種類都好多，包括有澳洲和牛，澳洲穀飼牛，美國安格斯牛又有唔同嘅部位，其他仲有豬雞海鮮等等，我都叫咗嚟試，最推薦嘅係澳洲M8團要肉三，咬落好有口感，牛尾都好濃郁，仲有美國安格斯牛腱好唔錯，最推薦嘅係原隻魷魚，廣島號，都好特別㗎，所以呢一間火鍋放題嘅選擇真係好多，應有盡有，飲品選擇都好多啊

三個女仔既聚會，比個餐廳名吸引左，諗住會有啲新驚喜🤷🏼‍♀️🤷🏼‍♀️一早經OpenRice訂咗位，但當日下午兩點幾先發現原來餐廳喺12點幾打咗三次電話比我，亦有WhatsApp ，但我因為工作中冇留意到，但餐廳已經取消咗我訂位😨😨😨😨其後再同餐廳溝通，好在佢哋都好快安排返個訂位俾我，否則臨時星期五要轉場，真係好大鑊😮‍💨我哋約19:45去到，已經即時能夠安排入座👍🏻👍🏻我哋揀咗蕃茄湯底，湯底都算濃郁，但食物唔算太驚喜，飲品種類唔算多，肉類質素正常發揮，自助區種類未等特別，熟食區有咖喱魚蛋，薯條麥樂雞等等，但唔好食最後總結，旺角區依個價錢可以有其他選擇

我和朋友都很喜歡打邊爐，而且無肉不歡，最愛食牛肉，所以任食是最啱我們的。我地叫咗澳洲M5和牛肩胛：牛肉非常新鮮，而且牛肉味十足，口感嫩滑，安格斯牛頸脊，肉質鮮嫰爽，有筋有口感，肉味濃郁，灼幾灼就食得，另外仲有好多唔同款既牛肉：美國安格斯牛背峰，薄切封門柳等，全部都好新鮮，牛肉既油花豐滿，雪花紋好均勻，牛肉掛滿壽喜燒汁後更好味。除咗和牛，仲有越南虎蝦、廣島蠔同埋幾十款配菜等，都可以去自助區自己夾，配菜選擇好多，而區乾淨企理，值得一讚！飲品仲有果汁汽水任飲。總括而言呢度嘅環境舒服，食物種類豐富，肉嘅質素高，而且菜同丸嘅種類都好多，仲有熟食可以無限添加，出前一丁同辛辣麵，用來打邊爐真係一流，加上打邊爐的湯底，出前一丁吸收晒湯底，真好味。今餐打邊爐食得很滿足，而且價錢公道，係性價比高，一定有下次。

食肉獸又出動😝😝是晚去咗女人街覓食！網上搵到呢間火鍋放題店🍲又打邊爐冇異議就上去啦！呢度用咗惡搞電影主題嘅玩味佈置又幾好笑😂另外座位亦算闊落！事不宜遲開爐滾起啦！. 我哋揀咗✨M5 M8和牛set $368@成人😌可以慢慢任食120分鐘👌🏻湯底就柯打咗✨清酒味噌卜卜蜆湯 (目測又幾多蜆噃)！既然主打肉類梗係主攻肉肉嚟點🤤🤤✨澳洲M5和牛牛肩胛(肉質有豐富口感彈牙), ✨澳洲M8臀腰肉心(🐂肌肉纖維較細,肉質偏軟鮮嫩多汁), ✨薄切封門柳(部位刁鑽而且稀少😃肉質柔軟牛味濃), ✨美國安格斯牛頸脊(👍🏻👍🏻肉嘅纖維較粗,具咬口,牛味細緻香濃),✨美國安格斯牛背峰(油脂花紋分布均勻😛肉質滑嫩), 另外仲有✨鹿兒島黑豚肉 ＆✨原隻魷魚仔 都要叫呀😍😍😍. 自助區選擇都幾多🤗應該有嘅都有：丸類(推介 🦀蟹籽丸, 芝心丸, 🧀芝士牛丸, 黃金流心丸…) ；蔬菜(如 🥬油麥菜, 生菜, 🌽粟米…) ；火鍋料(如 蟹柳, 牛栢葉, 台灣腸…)；炸物 (如 炸魚皮, 響鈴…) 等等等！當然仲有飲品區🥤茶飲汽水果汁啤酒🧃🍺最後呢個套餐仲包咗每人一杯Häagen-Dazs雪糕(揀咗咖啡＆雲尼拿 兩款口味🍧🍨

朋友話想打邊爐,揀左旺角女人街呢間肉蒲團火鍋放題。餐廳環境幾好,乾淨企理,座位好寬敞。電影主題裝修好有心思, 牆身有唔同經典電影海報創作,好特別。店員服務好好,見到湯底唔夠會主動加湯,收碟好快手,又會幫手排返好枱上嘅碟,值得讚一讚。今次揀左M5M8和牛set ($368) 入座嘅時候揀埋湯底,當日湯底有7款,我地揀左清酒味噌卜卜蜆湯, 蜆的份量都唔少,食落無沙,清酒會另外分開一壺俾我地自己加,加湯嘅時候可以自己加返少少。呢個set牛肉嘅種類唔少, 澳洲和牛、澳洲穀飼牛、美國安格斯牛,又有唔同部位,其他仲有豬、雞、海鮮等等。我地每款牛肉都叫左試試,最推薦澳洲 M8臀腰肉心,咬落有口感,牛味都唔錯,M5和牛牛肩胛和美國安格斯牛板腱都唔錯,牛味濃。其他推薦仲有原隻魷魚、廣島蠔、牛骨髓,比較特別。自助區超多選擇,比其他火鍋放題多,有唔同類型嘅菜、丸、響鈴、炸魚皮和其他即食炸物。飲品選擇都好多。最後每人一杯haagen-dazs雪糕,好滿足。

這次來到這個以惡搞電影𝐩𝐨𝐬𝐭𝐞𝐫為題的任食火鍋店，玩味十足😂光看𝐩𝐨𝐬𝐭𝐞𝐫就能樂上半天！全場任食+任飲，還有不少丸類蔬菜類可以自由𝐟𝐢𝐥𝐥～性價比還挺好的！——— ✤ 𝐌𝟓𝐌𝟖和牛𝐒𝐞𝐭｜$𝟑𝟔𝟖湯底選擇了清酒味增卜卜蜆煲，清酒可以自行斟酌酒量～蜆的鮮甜與清酒的香醇相得益彰，口感鮮嫩豐潤。味增湯底帶來鮮味，不過味道則比較淡口。配料方面選擇繁多：澳洲𝐌𝟓和牛肩胛、𝐌𝟖澳洲臀腰肉、牛板腱、牛頸脊、牛背峰、牛骨髓、封門柳～總會找到一款你是喜歡的🥩當中最推薦的一定是牛滑！口感柔軟綿密，帶有微妙的肉汁滋味，每一口都充滿了牛肉的鮮美，口感豐潤；第二推薦是芋頭牛丸，結合了芋頭和牛肉的美味。芋頭的香甜和牛肉的鮮美相互融合，帶來豐富的口感層次。