肉浦團火鍋放題 (已結業)

呢到湯底都幾多選擇，除左平時見得比較多既蕃茄豬骨湯，麻辣湯之外，仲有D比較特別既，好似係胡椒豬肚湯，而我今次就試日式壽喜燒。個湯頭好甜，入面有冬菇等等既材料。配料都有好多，自助形式! 仲有D炸物，有炸魚皮，薯條，咖哩角，連港式魚蛋同涼粉都有! 肉類就可以係QR CODE到自助落單，最推介係牛柳同埋牛板健，肉質嫩滑。 丸類都有好多，菜類仲有我鐘意既萵荀。豆卜同豆腐放入日式壽喜燒湯底吸曬湯汁，好好食。食到尾一定要加番個烏冬/公仔面! 吸曬湯，甜甜地，好好食! 去到比錢個下先知，原來最近呢到做緊推廣，如果係食M5M8和牛套餐，逢星期一至四，2人同行1人半價! 好抵食! 黎緊又多個打邊爐既好地方。優惠做到去9月30咋，大家要把握機會!

《電影感邊爐放題🎬》———————————————-#肉浦團 💃-呢間火鍋店好搞鬼，以惡搞電影作為主題，牆身貼滿不同二次創作嘅電影海報🎞️ 我哋今次食咗佢嘅120分鐘和牛放題，都幾抵食😉-湯底選擇都幾多元，例如有胡椒豬肚湯、青酒味噌卜卜蜆湯、藥膳花雕醉雞等等，我哋就揀咗日式壽喜燒，簡約風味已經好唔錯，食得出食材嘅新鮮😝-套餐包咗好多款牛肉，特別推薦口感彈牙嘅澳洲M5和牛牛肩胛同油花豐富嘅澳洲M8臀肩肉心😍另外佢哋仲有提供澳洲穀飼牛臂尖、美國安格斯牛版腱、牛頸脊、牛背峰、牛骨髓、薄切封門柳，啱晒牛魔王，總會有一款啱食🐮-除咗牛肉之外，亦可以嗌海鮮，例如廣島蠔、石斑魚片、虎蝦、魷魚仔等等，搞類嘅選擇唔少，包括有燕餃、廣東雲吞、鳳城雲吞🥟我覺得最特別嘅係佢仲有台灣阿給，以油豆腐做外皮，內餡有豬肉、魚漿、粉絲同木耳，超級飽肚🧡-自助區仲可以按喜好自己拎其他配料，例如芝心包、流心芝士魚蛋、墨魚汁丸、魚腐、蒜味一口腸、豬紅、芋絲、玉子豆腐等等，十分豐富🤤 仲有小食麻辣魚蛋可以拎，超級正～-⭐ 參考價錢︰120分鐘M5/M8 和牛放題：$368/位🍌 抵deal 指數：7/10💰 人均消費：$400

喺旺角行街，網上見到肉浦團火鍋，平時打邊爐通常食連鎖店，今次試吓呢間特色邊爐店～逢星期日至四，二人同行一人半價，個餐牌同價錢都好吸引haha位置就喺威達商業大廈2樓，現場都比較闊落，好多電影poster都特別設計咗，成為肉浦團獨有的，仲有好多得意嘅擺設👍🏻現場八種湯底選擇，今次試試日式壽喜燒，超香濃😂自助區嘅菜同丸好多選擇，全部用獨立裝住幾衛生新鮮，見都add得比較快，仲有薯格同埋薯條熱著俾你食～❤️今次選擇M5和牛set澳洲M5和牛🐮起薄切，牛肉同油脂分布都比較分明，放幾秒就食得，而且牛味比較濃郁，係要不斷encore嘅一款牛肉🙈封門柳又係薄切，不過依個牛味更濃，基本上係食咗十幾碟😂🐮除咗和牛🐮仲有美國安格斯牛板腱、牛背峰等等😂都幾多唔同種類嘅牛! 當然仲有海蝦、廣島蠔、魚片仼你叫，一個價錢食曬唔同嘢食❤️‍🔥飲品方面，成個大雪櫃任君選擇，常見都有！最後有朱古力雪糕，作為點綴，仲食咗少少涼粉，平時仙草就見得多，傳統嘅涼粉真係比較少有，必定要試試😙

今日選了清酒卜卜蜆味噌湯，湯底非常清甜，帶有日式風味，蜆肉鮮甜飽滿肥美卜卜蜆湯底，這個湯底放了很多卜卜蜆，蜆肉鮮甜，雖然任食，但她所選用的食材也很講究，有澳洲牛M5/M8/穀飼牛； 4款美國牛肉，有肉味重既，亦有油香重，味道各有特色， 除左牛肉之外，仲有大眾化既港式火鍋，款式都好多，有海鮮、魚皮、菇類、各式丸類同蔬菜，還有出前一丁。泰國虎蝦，入口肉質爽口又彈牙，絕對新鮮鮮雞子我的最愛，入口軟軟綿綿的口感，咬開中間有汁液，非常好味。廣島蠔也是任食的，入口口感爽實，很有蠔味，重點主食。鹿兒島黑毛豬，脂肪分布均勻，雪花紋理，入口肉質柔嫩細緻，軟軟綿綿的口感，非常好味。澳洲M 5和牛，牛肉肉質鮮嫩多汁，牛肉味道濃郁，口腔傳來的牛肉味。呢種牛肉質地啱啱好，唔會太硬，亦唔會太腍，口感和味道都一流。還有各款汽水飲品，今餐十分滿足，性價比高，會再來。

今日朋友生日同佢去咗旺角食飯行街睇戲,睇完戲諗住喺附近搵啲嘢食下,朋友帶咗我去一間火鍋料理放題,食物質素好好所以推介一下。肉蒲團火鍋自助餐,地址喺通菜街1A威達商業大廈2樓。上到餐廳地方闊落空間感足夠,食物保存得好乾淨整潔。今日試咗個M5M8和牛set,真係好多嘢食。澳洲m5和牛牛肩胛,m8腎腰肉心,安格斯牛板腱,牛肩脊,牛背峰,牛骨髓,封門柳,五花腩。m5和牛真係好好味,牛肉味香濃,入口牛肉好嫩滑,有入口即溶嘅感覺,脂肪分佈均勻多咗陣油花香味。鹿兒島黑豚肉都好好食,入口口感細嫩,油脂分佈均勻,黑豚肉纖維比細緻肉質柔軟。另外海鮮方面有廣島蠔,石斑片,越南虎蝦,魷魚仔,廣島蠔雖然唔大隻但係蠔味香濃,口感爽甜。虎蝦真係必定要試,食落去蝦肉爽口彈牙,一食就知道好新鮮,最正就係蝦頭嘅蝦膏甘香無比。食到咁上下出面仲有出前一丁,辛辣麵簡直係打邊爐嘅絕配。

旺角通菜街商業中心入面有間主打食牛肉火鍋放題意想不到性價比幾高愛食肉肉朋友就啱晒門口出面已經放晒好多唔同既肉丸同菜菜菜菜都幾多款 唔使驚無菜食剩系丸都好多隻款 至愛奶油南瓜 極黑墨魚 芝心丸墨魚丸幾彈 奶油南瓜同芝心丸幾甜身 台灣腸細細條 甜甜地肉類就推薦豚肉片 幾爽身有少少肥入口即融 幾好食牛肉既M5同M8肉質幾好 切得夠薄夾住2片食 感覺幾爽 有肉味 可以唔使點醬汁醬料按番自己口味慢慢較到啱我偏愛沙爹醬溝芝麻香油幾濃芝麻味 超級夾肉類 另外出面有少少炸物 可以俾你過下口忍薯格 咖哩角同麥樂雞出面冷箱有茶飲 基本既都有齊不過我偏愛即沖茶包 一班人中意食肉 呢度真係啱晒

同朋友去咗旺角Shopping，夜晚朋友話帶我去食好嘢，呢間叫肉浦團火鍋放題全港祇得一間。 鄰近旺角港鐵站 ，步行只需幾分鐘!呢度係用QR Code落單，見到Menu有好多款湯底，我就點咗清酒味噌卜卜蜆湯，當然唔少得瓶清酒，可跟個人口味加落湯底入面，唔夠仲可問店員拎嫁! 今次揀咗M5M8和牛Set任食放題!澳洲M5M8和牛: 薄切牛味濃，肉質嫩滑 ，彈牙有咬感!牛鍵肉: 牛小腿上的肌肉，肉纖維豐富，純粹瘦肉，口感實淨!封門柳: 部位刁鑽而稀少，肉質柔軟牛味濃!牛頸脊: 牛頸部位的肉，經常活動的部位，肉的纖維較多 ，有咬口!自助區有炸物，炸魚皮， 響鈴 ，菜，菇，丸…全部任食!仲有飲品任飲!魚皮: 薄而大片，夠脆!菠菜: 唔係間間放題都有嘅貴價菜，菜夠鮮嫰!貢丸: 入面鎖住肉汁，彈牙好味!南瓜飽: 內裡佈滿南瓜蓉，甜甜地味道夠特別!仲有越南虎蝦，北吉廣島蠔，石斑魚片，蝦肉實淨，蠔夠鮮味，石斑魚唔腥!最後仲有雪櫃及抹茶芝士餅做甜品(2選1)。

今次已經係兩個月以內第三次嚟幫襯呢間餐廳，三次都係食A 4和牛set. 第一次係食晚餐，第二次同今次都係食午餐，午餐嘅價錢係$378一位，晚餐用埋個優惠價錢同午餐差唔多。頭兩次都覺得A4和牛啲質素唔錯，唯獨今次啲所謂A 4和牛真係差到不得了，總共嗌咗十幾盤A 4和牛後腿肉 同埋 A4和牛肩胛肉眼，下圖就係送來嘅所謂A 4和牛。中間問過侍應廚房裏面有冇邊款A 4和牛會係有雪花，真係似返A 4和牛嘅級數，侍應嘅答覆係廚房裏面所有啲A 4和牛同圖中嘅都係差唔多。晏晝打邊爐嘅客人淨係得兩三台，食完嘅時候，見到附近啱啱嚟嗰台啲牛肉真係似係A4和牛，再問個侍應唔係話廚房裏面啲A 4和牛都係同相裏面嘅差唔多質素咩？個侍應就反口話我點嗰啲唔係A 4和牛，之後唔知係老闆定係經理解釋話由於尋晚太忙，所以準備嘅功夫不足有啲出錯，買單嘅時候打咗個八五折。完全唔覺得呢個係原因囉，真心覺得唔值呢個價！

今日放工相約鍾意打邊爐的好同事一齊到訪「肉浦團火鍋放題」用餐暢談點了個「M5 M8和牛Set」，用餐時間120分鐘，成人每位$368可品嚐多款牛肉、豬肉、雞肉及海鮮等，又設有自助區，提供多款蔬菜、丸類、一般火鍋配料、炸物、飲品及醬料湯底 (鴛鴦鍋+$50)胡椒豬肚湯：豬肚厚肉嫩滑，湯底帶淡淡胡椒香肉類及海鮮澳洲M5和牛牛肩胛細滑牛味濃郁；美國安格斯牛頸脊嫩滑有彈性；澳洲榖飼牛臀尖軟嫩帶可接受的微羶；薄切封門柳牛香豐富石斑魚片雪白鮮味；虎蝦爽口鮮甜；原隻魷魚盡顯誠意，爽彈新鮮另外點了：美國安格斯牛背峰特選雞髀肉牛骨髓麻辣雞腎北吉廣島蠔雞腰子廣東雲吞以上食材質素皆符合預期自助火鍋配料款式超過40款西洋菜、翡翠苗皆新鮮翠綠；金菇鮮嫩；牛柏葉雪白爽脆；丸類質素不俗；炸魚皮大片脆口飲品及甜品提供汽水、紙包飲品及啤酒甜品可選芝士蛋糕或朱古力雪糕；芝士蛋糕軟滑，芝士味濃郁而甜度不高

呢間港式火鍋店，玩味十足，加入咗食神嘅電影元素，別具風格，而且地方十分寬敞，坐得舒適。火鍋套餐共有4個，按所選肉類而定，最平$248起，供應湯底多達8款。我揀咗M5M8和牛Set。湯底必試花雕醉雞湯底，湯頭以紅棗、杞子等藥材熬煮，飲落甘甜夠滋補，而且每鍋伴有肥美厚實嘅雞件，吸盡湯汁精華夠入味，另外仲附上花雕酒畀你隨時後加增添風味。肉類同海鮮亦都有唔少選擇；美國安格斯牛頸脊、澳洲M5和牛肩脾、澳洲M8臀腰肉心、美國安格斯牛背峰、鹿兒島黑豚肉、美國安格斯牛板腱、薄切封門柳、牛骨髓、牛滑、牛胸爽、雞子、手打豬肉滑、帶子、原隻魷魚仔、廣島蠔、越南虎蝦等等。自助吧供應多款不同丸類、新鮮蔬菜同配料，選擇多多眼花繚亂，另有港式熟食提供；炸魚皮同咖喱魚蛋等等。餐廳比坊間供應更多配料，重點是一個價錢無限任飲任食，最啱一班朋友打邊爐gathering！最後送上二選一甜品Häagen-Dazs雪糕或芝士蛋糕。食完發現依家做緊優惠，星期日至四，二人同行一人半價，真係抵食！

🐽 胡椒豬肚湯底一般火鍋店嘅湯底都唔會係佢哋嘅特色，但係呢間店嘅胡椒豬肚湯底真系有驚喜。胡椒香濃，豬肚脆口，喺蘊藏微辣而且暖胃嘅湯底中而佢哋嘅肉類選擇都好豐富，其中最出色嘅就係M8和牛臀腰肉、封門柳同牛背峰。和牛薄嘅剛剛好，入口即溶，肉質鮮嫩，搭配上佢哋自家製嘅醬料，好夾！當然，佢哋嘅蔬菜同什丸選擇都唔差。蔬菜新鮮，什丸Q彈有咬口，搭配上湯底，口感更加豐富。最後，唔好錯過佢哋嘅熟食同炸物。炸物麥樂雞金黃酥脆。

🉐️🉐️🉐️🉐️🉐️🉐️🉐️🉐️🉐️🉐️🉐️雖然近日天氣非常熱，但係難阻大家去吃火鍋的興趣。 又係去旺角行街shopping, 想唔到吃什麼，最後都揀去吃火煱放題。 先前見過推介，話佢地的和牛 set 好好食，所以要一試。此餐廳位於旺角通菜街1A-1L號威達商業大廈2樓A號舖。 它的裝修甚有風格，有霓虹閃爍的招牌燈，是有工業風設計的感覺👍 最重要的是地方十分寬敞， 坐得很舒服。我們揀了M5M8 和牛 set 和清酒味噌卜卜蜆湯底，還附上一壼清酒來給你隨得後加👍 湯很鮮甜有淡淡酒味，蜆的分量真的很多和新鮮！我們主打吃牛！ 牛五花腩、簿切封門柳、澳洲M5和牛牛肩脾、安格斯牛頸脊、美國安格斯牛背峰、澳洲穀飼牛臀尖、牛腱肉和牛骨髓 😅 所有的都超好食，牛肉味濃, 一灼即食，口感一流😋 尤其是M5 和牛和封門柳，入口即溶，有很鮮牛肉味。 其他的有北吉廣島蠔、越南虎蝦、鹿兒島黑豚肉、雞腰子等，全是新鮮食材，值得一試！出面的自助吧，有熟食區、飲品區、蔬菜、丸類和一般火煱食材都有，種類繁多，仲係自助任食💪此食肆最適合牛魔王和大胃王，尤其是食肉獸就啱晒啦！ 價錢相比食物的質數真係唔貴！ 會同其他朋友再來的😘

哩間火鍋店真係睇得出佢唔同凡響啦！裝修走型格工業風，仲加入咗啲漫畫同霓虹燈裝飾，好多港產片主題嘅設計，啲座位間空間都係足夠，唔會擠擁嘅感覺。晚市套餐由$248起，我地揀咗M5和牛餐，每位$368，而最貴嘅A4和牛餐更係一路任食高級牛肉，實在抵食！首先上嚟嘅係牛肉拼盤，有牛五花、牛板腱、牛背峰同牛頸脊，仲有乾冰營造煙霧效果，打卡一流呀！牛肉選擇真係唔少，有澳洲M5和牛、M8臀腰肉心、美國安格斯牛頸脊、美國安格斯牛小排同牛五花腩等等，我個人最推薦美國安格斯牛小排同牛五花腩，油香豐腴，其他部位都比較瘦啲。🥩🤤唔單止牛肉選擇多，其他肉類都唔使擔心！有豬里脊肌、豬面頰肉、俄羅斯豬梅肉、俄羅斯豬五花腩，仲有鹿兒島黑豚肉同特選雞髀肉，應有盡有！海鮮方面亦唔會輸人，有北吉廣島蠔、日本帶子、石班魚片、越南虎蝦同原隻魷魚仔，真係新鮮美味！🍤🦑自助區仲有炸魚皮、炸蝦、炸薯角等小食，正！而且藥膳花雕醉雞湯、秘制麻辣湯、蕃茄豬骨濃湯、昆布清湯等八款湯底，我揀咗番茄豬骨濃湯，味道好香同埋好濃，啱啱好！🍲👌除咗肉類同海鮮，仲有好多蔬菜同配料，包括紹菜、翡翠苗、南瓜、白蘿蔔、山根等等，當然少不了啲墨汁墨魚丸、芝士魚腐

肉浦團火鍋放題早排又同中同打邊爐，今次去咗旺角一間叫肉浦團火鍋放題呢間火鍋店好大，好啱輪椅人士去食，不過出面要用共用鎖嘅升降機去到火鍋店果層，或者等保安員幫手，要預多少少時間提早去到，有少少煩（見圖10）。點野食就係用QR Code手機落單，出面自助吧就有熟食區、飲品區、丸類同蔬菜都係出面拎，今次我哋揀咗最貴價錢（星期六價錢$468，如果星期日至星期四就兩人同行，一人半價，like佢哋IG仲可以生啤任飲）嚟食，湯底揀咗清酒味噌卜卜蜆湯同藥膳花雕醉雞湯。必食推介：美國安格斯牛背峰、安格斯牛頸脊、美國安格斯牛板腱、薄切封門柳、牛骨髓、牛滑、手打豬肉滑、日本帶子、原隻魷魚仔、牛胸爽、雞腰子、北吉廣島蠔、越南虎蝦等......甜品有每人一件日本直送芝士蛋糕或抹茶芝士蛋糕。P.S：呢間火鍋店嘅牛肉牛味好濃，如果揀星期日至四嚟食真係好抵食，仲有就係呢度有牛骨髓、牛胸爽同雞腰子食，喺其他地方都好少有，鍾意食嘅你就唔好錯過啦！10人總共價錢$5148，有加一服務費！個人口味總評分：8.5/10@yukpothk地址：旺角通菜街1A-1L號威達商業大廈2樓A號舖#肉浦團火鍋放題 #任食打邊爐 #香港美食

呢間肉蒲團有唔同嘅套餐，我哋揀咗M5M8和牛套餐覺得性價比幾好。而且依家做緊星期日至四，兩人同行一人半價優惠，超級抵食。湯底方面，有好多選擇，我哋揀咗蕃茄豬骨湯。跟住落嚟肉類同海鮮用QR code自己落單，非常方便，叫完好快就有。肉類方面，我哋叫咗M5和牛牛肩胛，M8臀腰肉心，安格斯牛板腱，牛頸脊，鹿兒島黑豚肉。 和牛油花分布均勻，肉味濃郁，質素幾高。自助吧有好多蔬菜同丸類，特別推介台灣蒜味香腸同埋墨汁墨魚丸，夠特別，出面少見。呢度仲有熟食吧，有唔少炸物，例如脆薯格，咖哩魚蛋，炸魚皮。等緊上菜嘅時候可以食住先，唔會肚餓。飲品方面，雪櫃有好多選擇，比較特別嘅有韓國雪梨茶，橙汁，仲有忌廉溝鮮奶，同埋啤酒，無論大人定小朋友都可以滿足到。如果想養生d，呢度仲有特別茶包，可以自己沖茶。食飽飽之後餐廳仲會送甜品。甜品可以揀Häagen-Dazs雪糕，或者朱古力芝士蛋糕。我哋揀咗各一，朱古力芝士蛋糕朱古力味勁濃郁，配埋雲呢拿雪糕食，簡直係一絕。