肉浦團火鍋放題 (已結業)

牛魔王首選放題今日晚餐選擇咗肉蒲團放題， 餐廳有四個set可以選擇， 本身諗住選擇$368 M5和牛set ， 但係餐廳而家做緊優惠加20蚊就可以upgrade去 A4 和牛set ， 見咁抵所以今次我哋+$20轉食最貴嘅餐🤭 問咗經理呢個優惠做到今年年尾。題目叫得牛魔王首選， 當然主打食佢啲牛啦， 最貴呢個餐有14款唔同嘅牛肉部位，同埋唔同既質量選擇，呢間餐廳嘅牛肉非常之高質，不論係M5定A4， 肉質都係非常之嫩滑， 牛肉味道非常之濃郁， 不同嘅部位食落都會感覺到不同嘅分別， 當然叫得最貴呢個餐，一定係食A4，A4和牛每次叫，質量都好平均，而A4同M5比較，A4 油脂 比較濃郁， 食落口有溶化嘅感覺。 M5相對肉比油脂多，所以牛肉味濃郁， 所以大家要回本記得食A4啦。而豚肉佢都有五款選擇， 除咗鹿兒島黑豚肉之外，我比較推介豬里脊肌， 豬里脊肌出面比較少有， 我一食就愛上了，佢比較薄，大約淥20秒就熟哂， 有好香嘅豬肉味之餘， 肉質仲有少少爽， 大家不妨可以試下。 另外餐廳仲有自助區，入面有不同嘅丸類， 蔬菜， 熟食小食， 但係因為佢啲肉真係好好食，出面嘅丸類同熟食都冇乜點攞過， 但

同女朋友第一次食 叫左壽喜燒湯底，嚟到兜嘢超咸，咸到苦。直頭係放咩入去煮完上嚟都唔會食得之後要靠自己狂落沙糖嘗試去拯救個湯，最後食左一轉已經投降!最後埋單時有個哈根大師雪榚，但個雪櫃嚟到溶到水咁，明顯雪櫃係唔夠凍呀！真係錯哂呀，啲牛又薄喎，加左錢架嘛，仲要啲牛黑黑地色，明顯佢個雪櫃唔夠凍呀！最後聽到後面枱又係叫壽喜燒湯底 ？！真係祝佢地好運👍🏻

秋風起，最啱緊係打邊爐啦！與其自己買料在家中吃，外出吃方便又抵吃啊！今次友人介紹到旺角西洋菜街Deli ^2 的火鍋店，賣點係m5/A4 和牛任食，當然要試下啦！餐廳風格特別，周圍都可見到這些60-70年代的畫像，有不少的打卡位。自助bar中有不少的鄺食物，主要肉類海鮮都是QR 下單，快捷方便，也沒有漏單！肉丸有很多款式，炸魚皮香脆惹味，又有炸薯格及炸蝦，滿足喜樂吃炸物的朋友。湯底方便我們選了清酒味噌卜卜蜆湯，隨湯底會附送一瓶清酒，讓我們自己調教湯底中酒的濃度。現在一周年際,M5和牛加$20便可以升級吃A4 和牛set ,當然要upgrade 啦！A4和牛set 送上枱時相當吸睛，每款牛肉的肉質都很嫩滑,質素很高呢！M5 和牛也不錯，大大片的，十分嫩滑。隨了牛肉，也有豬肉，我們點了豬面頰肉，爽口軟滑，也有好少見的牛骨髓啊！海鮮有虎、蝦、廣島蠔、魷魚、帶子、石斑魚片… 選擇都不少，食材也新鮮呢！飲品是自助，除了汽水啤酒外，也有零卡路里的OOHA 飲品，也可拎洛神花茶、桂花可以烏龍等，種類繁多。總的來說三百多元可以任食肥肉，其實每人吃多幾片已經返本來心

又到秋冬季節，係時候食多滴肉肉過冬啦，聽朋友介紹，肉浦團火鍋放題五錯，於是馬上訂位，一落班就趕過來啦。店面裝修比較復古，燈光稍暗，適合同朋友過來慢慢食慢慢傾計。我地本身打算叫368蚊一位既M5和牛set，但係最近有活動，話加20蚊即刻可以升級A4和牛set喔，肯定升級啦，超值啊。一上來就知道滴和牛新鮮，成色又靚，肥瘦相間，五同部位五同味道，我最鐘意係和牛後腿肉，無特別瘦又無特別肥，加埋沙茶醬，好正。距地呢度除左牛好食之外，蝦滑，牛滑都係好正架，好食到五記得影相打卡各種炸物，尤其係炸魚皮，香脆可口，直接食都可以，五會腥。丸類又真係特別多款式，包心丸都有好多款。同埋蔬菜都係好多選擇。確實呢間放題款式多多，食物質素仲好在線。特別一提，服務態度都非常好。

今日約左老友食晚飯，緊係要食好d啦。我地兩個都係牛魔王，任食打邊爐簡直係我地摯愛。地方都幾闊落同開陽，唔會有壓迫感。叫咗嗰藥膳花雕醉雞湯，呢排轉季係時候要補下，花雕想放多少，要濃d淡d可以自己衡量加幾多少而調教。雞件都算幾滑又唔會切得太大件，烹調時間由自己控制非常彈性。今日揀左468 A4和牛set套餐，分別叫左主打A4鹿兒島和牛後腿肉，牛五花，肩胛肉眼，牛展，牛胸和1++韓牛後腿肉。牛胸片和牛五花相對其他肉會偏肥小小。牛胸片牛味相對重d而牛五花就清香d帶點彈牙，岩晒我口味。一般人聽到牛展都會覺得比較韌，但哩個牛展就一d都唔韌，又唔會太肥同太腥。已經肩夾肉眼胛肉眼相對黎黎講肥瘦均衡仲好有口感。韓牛後腿肉相對黎講比較細片，但牛味味道濃厚和特別，有點入口既溶既感覺。而和牛後腿肉非常大片，熟了後依然都係咁大片，一口都吃不了，可以分兩次食，口感煙韌爽口，咁多款之中簡直係我最愛。另外又叫左美國牛五花，牛小排，牛板腱和牛頸脊。廚師摺成一疊疊，放上黑盤上再配上煙霧，感覺好特別，好有氣氛。除左食牛之外，還叫左少量雞子和牛骨髓， 雞子新鮮爽口而牛骨髓新鮮軟嫩，一碟份量都算多。食牛都飽到一個點，最後拿左少

天氣開始轉涼 即刻想打個邊爐 朋友就推介我地黎呢間~ 本身都無諗住食到A4和牛咁高級 但原來而家有優惠 叫個M5和牛餐加$20就可以upgrade做A4和牛🤤🤤🤤自助吧既食物款式應有盡有～ 食材都幾新鮮 店員refill得好快👍🏻👍🏻一坐低就已經送左個靚靚牛肉拼盒比我地,😍😍 我地急不及待即刻開爐食牛牛啦🤭🤭一黎首先食左個A4和牛肩胛肉眼, 肉味好重, 同樣脂肪分佈亦都好靚, 食落個質感好好😍再黎食A4和牛五花,肉味濃郁,食落好有口感, 而且脂肪唔會太多搞到蓋過哂肉味!!🥳跟住再食A4和牛牛胸片, 牛味非常濃郁, 一入口成浸牛味衝哂入黎, 全晚最濃牛味應該係呢款!!😻然之後食埋A4和牛後腿肉, 非常有口感, 可能因為個個位肌肉較多,食落唔會話一咬就散,唔錯唔錯🤤再食個A4和牛牛展肉, 呢款肉係咁多款和牛入面最嫰滑,個人會最推薦呢款!!每人仲有一款甜品～～ 整體黎講單講牛肉係邊爐放題水平黎講算係幾高, 鍾意食牛嘅朋友一定唔可以錯過呢間!!✊

旺角出名多火鍋店，最近天氣凍返少少，就超級想打邊爐，搵一個大家放工方便嘅地方，所以就決定咗嚟旺角，上網見到呢間火鍋店做緊優惠，加20蚊就可以升級任食A4和牛放題，真係非常超價，就一於過嚟試吓上到嚟呢間肉蒲團，裝修得好modern，以卡位為主，唔會坐得好迫，自助區域食品擺放得好整齊，醬料區種類都好多元化自助區有各樣丸類，台灣特色有芋頭貢丸，台灣黑椒腸，芝士魚腐，包心海膽丸等，仲有不同菜類，玉子豆腐，蕃茄，金針菇等，飲品區都有好多自家飲品包括桂花烏龍茶，洛神花茶，韓國出品飲品🥤，仲有零糖零卡嘅汽水今日我哋叫咗A4和牛放題套餐，由於升級優惠只需要$388 就食到，一坐低店員拎咗一盤有乾冰的牛肉過嚟，賣相非常吸引，有5款佢哋最招牌嘅牛肉，牛板健，牛小排，封門柳，牛頸脊，牛五花，肉質非常粉嫩，大家可以先品嚐再encore ，自己心水但叫咗清酒味噌卜卜蜆湯，因為喺其他火鍋店未見過呢個湯底，就一於決定試吓，味噌鹹淡適中，淡消清酒香氣，卜卜蜆好多好鮮甜今日重點係食A4鹿兒島和牛，叫左和牛後腿肉，牛肩胛肉眼，牛展，牛五花，牛胸片，肉的紋理和油脂呈網狀均勻分佈，分佈均勻的油脂好像融化一般，慢慢在嘴裡化開，

約埋一班朋友gathering，約左係旺角食飯，見到旺角呢間任食火鍋放題做緊優惠，加$20可以升級做鹿兒島和牛套餐，任食A4和牛！湯底係藥膳花鵰醉雞湯🌟夠哂藥膳味好補身，滑雞自己控制時間淥唔會過熟，食落肉質好嫩滑，仲附左一樽花鵰酒，唔夠酒味可以自己加。肉類全部自助下單，間舖頭冇改錯名，有好多款牛肉揀，單單A4和牛都有5款，梗係要慢慢試勻晒咁多款牛肉啦。A4和牛後腿肉🌟望落好似好多油脂，但食落唔膩，肉質食落最嫩！A4 和牛肩胛肉眼🌟牛脂比例最低，所以食落去最有口感冇咁稔，啖啖都係肉，健康人士之選。A4和牛牛五花🌟A4和牛之中牛脂最多，入落口即刻溶開，食落唔會好油膩。A4和牛牛胸片🌟食落同牛肩胛肉眼有啲似，不過就較稔啲。A4和牛牛展🌟牛展部位有少少筋，所以食落去會比較韌。海鮮方面一定要食石斑魚片🌟！完全冇骨啖啖肉，仲要好滑。唔鍾意食魚嘅朋友都忍唔住食左兩舊。另外啖啖肉嘅日本帶子🌟同蝦滑🌟都一定要試！蔬菜同飲品係出面自助拎，仲有少量熟食。食到最後每人有個小甜品，我揀左甜薯蛋糕🌟，中間有層好厚嘅甜薯蓉，雖然細細件但食落都好飽。怕甜嘅朋友可以揀haagen dazs雪糕。

踏入打邊爐嘅季節，呢晚食咗一間響旺角嘅和牛火鍋放題。地方好大，座位闊落，仲有唔少卡位，坐得舒適。佈局好有韓feel，色彩繽紛。 佢嘅和牛放題有四款，我地本身揀咗$368嘅M5和牛放題，店員話加$20就可以upgrade做A4和牛set，咁抵就當然upgrade啦。套餐入面有多款不同A4和牛同安格斯牛，封門柳，澳洲M5和牛，豚肉同雞肉，仲有廣島蠔，帶子，虎蝦，石斑，水餃等。湯底我地揀咗芫茜湯，清清地解一解打邊爐嘅熱氣。牛肉質素好高，牛味濃郁，和牛嘅雪花好靚，各位牛魔王一定唔會失望。
幾款海鮮，包括廣島蠔，蝦同帶子都好大隻，新鮮好味。肉類同海鮮用QR code落單，另外設自助吧，可以自行拎各種蔬菜，丸類，腸類，麵類同炸物，選擇好多，質素亦都相當高。 飲品同點品亦都係以自助形式，除咗韓式飲品，汽水啤酒外，餐廳仲提供自家製無糖桂花烏龍茶同菊花杞子茶，夠晒健康呀。甜品仲有Haagen Dazs雪糕同芝士蛋糕，消下味蕾，食完真係大滿足。另外要讚下店員親切有禮，追加食物速度快，不時主動執枱同加湯。餐廳環境同食材質素都好好，鍾意打邊爐嘅朋友值得一試。

肉浦團火鍋放題 想講，佢啲嘢食未必係最好食，但店員真係好好服務，見我地多人特登幫我地免費轉咗鴛鴦湯底，我地叫咗：一個麻辣湯，一個番茄湯😚因為有朋友唔食牛，我地叫咗最平既Set A☘Set A包括：$248/位➪ 美國安格斯牛板腱豬里脊肌牛五花腩俄羅斯豬梅肉俄羅斯豬五花腩特選雞脾肉雞腰子五香肉丁餃咖哩牛肉餃風城雲吞牛滑覺得以A餐黎講，有啲玩味元素都好有趣，估唔到佢有🥟五香肉丁餃和🥟咖哩牛肉餃，小編無試到，但同事都話味道唔錯🤣俄羅斯豬都叫少見，通常任食都係巴西豬多～圖片中白色薄切既肉片叫：豬里脊肌，豬味會白啲，大家不妨一試🥩🥩😙

呢個星期涼涼地，最岩就係打邊爐暖下胃😬咁岩係旺角見到呢間火鍋放題好似幾多款式揀，就決定試。記得佢有4個價位俾你揀，我地好似揀左最貴個款，同埋湯底都有幾款，我地就揀左酸菜胡椒豬肚湯，個湯都真係愈食愈有味，而且都幾足料，唔會得一兩舊豬肚俾你😂食物方面有牛有豬有雞，我地比較鐘意食牛😋佢有唔同部位既牛俾你揀😋除左牛仲有海鮮，蝦 帶子 魚，其實款式多都我地冇食哂咁多款🫢另外，不得不提佢個蝦滑真係幾好味除左叫既野食，出面仲有自助吧，有好多唔同款既丸類同疏菜俾你揀佢仲有出前一丁同埋辛辣麵要提埋既係，佢個調味料吧都幾多野俾你揀，平時比較小見有花椒油同埋黑蒜豉油都有飲品既款式都算多，唔鍾意飲茶既，都有茶俾你揀最後，食埋雪糕，非常滿足

夜晚係旺角附近收工，天氣凍，特別想打邊爐原本選左M5和牛set，店員推介話依家加20蚊就可以upgrade做A4和牛set，原本差成$100，依家加多20蚊就食到，抵呀！6點3入座，安排左卡位，好闊絡肉就用qr code點，蔬菜同丸類就係自助區，種類都幾多，萵筍呢d唔常有嘅都有另設熟食區，有薯角同咖哩魚蛋等熟食打邊爐怕熱氣，叫個芫茜皮蛋湯無咁邪惡😈一坐低侍應好快就送上湯底同一碟煙霧繚繞嘅牛肉，打卡啱晒差唔多所有牛我地都試晒，A4和牛好幾種嘅雪花都好靚，淥熟左都好腍滑，係牛味淡少少本身鍾意牛味濃d，所以後加嘅都選左牛頸脊，牛味濃得黎又夠嫩另外仲叫左蠔、蝦、石斑、蝦膠同鳳城水餃海鮮幾新鮮，係魚片啖味左d，鳳城水餃涵料足飲品選擇多，亦有自家製嘅冷泡茶，飲多幾樽都唔怕會滯左食唔到野

之前朋友同老公食過話正！所以一早book 定位去肉浦團打邊爐慢慢吹水！由於我哋都係媽媽，唔可以太夜反屋企😹😹所以五點幾就開始我哋嘅晚餐🤪由於未到放工時間，人流唔多～呢三年餐飲業都好艱難，我哋都係時候多d幫襯食肆♥️呢啲火鍋店好有特色😹😹見到個名已經知啦，而且menu,餐廳內的裝修都係動漫設計🤪令你更加relax, 忘記反工嘅壓力🤣我哋揀咗m 5 和牛放題$368，而且而家做緊promotion只需要加$20就可以食到A4 和牛set!! 真係超值！有時去食放題d牛肉只係頭兩碟靚，但係呢間唔會咁！食到尾牛肉質素1⃣️樣掂！而且佢仲有七種唔同的部位比你揀，岩哂識食的你！包括有A4和牛後腿肉；A4和牛肩胛肉眼;A4和牛牛展；A4和牛牛五花；A4和牛牛胸片；1++韓牛後腿肉～每種都係豐富脂肪分布，好有牛脂的香口，唔同部位唔同口感！但都係味道一流！對和牛有要求嘅一定要試一試👍👍👍回頭和牛火鍋店🤤🤤🤤期待下次再黎

🔹Set A ✔️價錢合理💲✔️肉類質素高💯 (特別推薦牛同豬！)✔️不過Set A選擇較少 無包海鮮(e.g. 魚柳)🔹藥膳花雕雞湯底🐔✔️湯底附送嘅醉雞又滑又好入味 唔錯🔹自助吧✔️火鍋配料都算齊全🥬🍅🍥✔️小食吧 (e.g. 炸薯格🥔)✔️有自家製飲品 (e.g. 菊花杞子茶)🔹時間✔️訂咗位遲咗少少到都唔洗等👍🏻✔️最開心係冇一夠鐘就趕人走🤩 參考: 我地1940入座，2230左右先走 (可能因為唔多人等位)🔹QRcode網上點單 ✔️方便又衞生✔️下單後食物好快送到✔️不過每次只可點4個items 對一班人嚟講麻煩咗少少 要瘋狂分好多轉加單🙏🏻🔹環境✔️ 我地坐一入店舖嘅最左邊位置貼牆，滿座時我地嗰邊位置冇乜冷氣，食到中途個個熱到出汗🥵 隔離嗰枱走咗之後先感覺到冷氣😩✔️ 位置都有少少逼

前排天氣涼涼地~中午嘅時候去旺角同朋友一齊都想食下火鍋喎， 於是就喺OpenRice睇吓有冇邊間火鍋店係未食過嘅，又唔太貴嘅😝最後揀咗旺角嘅呢間肉蒲團去試吓，個入口有少少難搵嘅，因為佢有兩個有一個係商業大廈嘅，有一個係商場嘅入口。不過去啱入口就都好易搵，搭lift一出就係。餐廳環境都幾有玩味感，牆壁佈置都係有趣嘅港式電影poster，座位闊落咁打邊爐最緊要就係食物方面啦，呢間都的確不過不失，有好多款肉類揀，而且肉質新鮮有肉味(要強調呢一點，因為真係唔知點解食過好幾間啲肉都係冇乜味嘅，本身應該係基本嘢，但係原來唔係間間都做到㗎🙈）然後佢有好幾款飲品選擇又有一啲熟食可以自由去選擇，火鍋配料仲有海鮮添，好驚喜有墨魚筒，新鮮㗎都有鮮味🥳湯底方面都足料，而且多選擇😋食完仲有簡單甜品添，所以整體嚟講價位屬於實惠，而且有質素嘅火鍋餐廳