肉浦團火鍋放題 (已結業)

我第二次嚟肉蒲團食火鍋放題 ，皆因食物質素高，價錢合理，真係欲罷不能。我係牛肉控，這裏提供嘅和牛種類多，選料上乘，材料新鮮 ，好味自然不在話下，更加可以肆無忌憚咁落order，食得暢快。另外，我最欣賞及必點嘅係蝦滑，冇得輸，蝦味十足，淥一陣就食得，啖啖爽口；牛滑同樣鮮味，好易熟，食落似山竹牛肉，係我鍾意嘅味道，冇見過其他火鍋店有呢款食材，特別點多啲嚟食。我仲會叫鳳城水餃，係地道廣東風味，包住大大隻蝦，調味適中，好啱我胃口，配合讚岐烏冬，加埋濃濃湯底，係絕配 。飽嘗牛肉及海鮮滋味後，淥啲菠菜及翡翠苗就係上上之選，清清味蕾。其他炸物例如炸生蠔、炸蝦及魚皮，不停供應，兼且炸得金黃色，鬆脆香口，令人增加食慾再配合各式樽裝及罐裝飲品，大快朵頤，壓軸係 Haagen Dazs 雪糕，品質保證，香滑美味，真係賞心悅目的一餐。

喜歡食火鍋，加埋放題，任飲任食，一班食肉獸欣然接受，密密食，冇難度，推介嘅係旺角西洋菜街 “肉蒲團”。顧名思義以肉食為主打，加20蚊更可升級至A4和牛，好期待 。湯底好快上，跟埋有碟仙氣十足嘅牛肉，立刻有得食。而且好細心，每件唔同款嘅牛肉都有紙仔註明名稱，令人一目了然。牛肉鮮嫩無比，不同部位食到唔同質感層次，一次過試齊咁多款，真係啱食又抵食。仲有鍾意嘅海鮮，日本帶子size驚人，烚好後依然大大粒，勁有咬口。虎蝦新鮮大隻 ，質地彈牙，鮮味不同凡響 。石斑魚塊都係份量十足 ，焯熟後放入口，爽滑鮮甜，自然食多兩塊。其他炸物、丸類及蔬菜都陣列整齊，豐富吸引，任君選擇，必定滿足所有人嘅要求，而且有雪糕奉送，令人回味無窮。餐廳裝修精緻，坐得舒適，仲有好多特別金句，夠過癮

上個禮拜趁住阿媽放假，就同佢嚟到尖沙咀呢間火鍋店打邊爐🍲餐廳做緊優惠，$368加$20可以升級原價$468個Set，都幾抵食～湯底我哋叫咗皮蛋芫荽湯底，佢係用咗特色芫荽絞碎整成嘅湯底，有好香好濃郁嘅芫荽味，好適合芫荽控試吓肉類有唔同種類嘅牛肉選擇，好似牛小排，牛板腱，牛五花，牛頭脊等等～仲有澳洲M5和牛肉，韓牛後腿肉，A4和牛肉等等~和牛肉雪花紋狀，淥熟咗嚟食好爽口～鹿兒島豚肉好香，配埋醬汁食好好味😋海鮮類有新鮮嘅海蝦🦞魷魚🦑等等～海鮮好爽滑，魷魚有咬口，蝦肉好大隻自助區有好多種類嘅丸類選擇，仲有好多唔同嘅蔬菜🥬又有唔同嘅飲品提供，都好吸引

「肉浦團」主打多款肉類任食打邊爐，與一般放題不同，牛肉質素非常高質，近期餐廳舉辦感謝祭，只要加$20就可以由M5和牛Set升級至A4鹿兒島和牛Set，十分超值🤩值得讚的是餐廳的座位間隔十分闊落，內裡裝飾玩味十足，佈有地道漫畫電影插畫👍最尾一人有一杯haagendaz雪糕，Cp值很高😛自助區可任夾蔬菜、丸類、粉麵、少量炸物，當中日式炸蠔及炸魚皮好香口，芫茜貢丸及台灣一口腸都極具台式味道調味料區的選擇很多，試左日本黑蒜醬油，還是較喜歡炸蒜及普通醬油第一樣上枱的是A4 鹿兒島和牛，擺盤散發如溫泉般的霧氣，每款牛都有標明是哪種牛肉👍整體牛味比起M5和牛Set真的有差別，牛味更濃，薄切且非常軟嫩，個人特別推薦以下幾款：A4鹿兒島泰元和牛後腿肉非常強烈嘅牛肉味，脂肪含量較低，更鮮味A4鹿兒島泰元和牛肩胛肉眼牛味濃郁，肉質結實又好有咬勁A4鹿兒島泰元和牛牛五花口感不柴不膩，但若以燒肉方式進食，油脂感更佳澳洲M5和牛牛肩胛紋理清晰，牛筋膜較多令口感更明顯，澳牛勝在油脂平均，食落肉汁豐富日本帶子大大粒，好濃鮮味，就算浸耐左少少，都依然嫩滑蝦滑蝦膠爽彈不鬆散，蝦肉粒清楚可見，略略品嘗到蝦味，十分推薦俄羅斯

天氣一凍，火鍋癮即刻發作，打邊爐最緊要係朋友呀🍻！可以滿足一大班人唔同口味嘅火鍋放題，梗係「肉浦團」喇🤩！餐廳以漫畫墻和霓虹燈打造輕鬆聚會感，集齊🌐各國和牛同環球直送優質肉類✈️，特色湯底，肥美海鮮，豐富打邊爐配料，仲有任飲cocktails！餐廳做緊一週年感謝祭🎊，加$20就升級做A4和牛Set！抵到O曬嘴😱，仲等？快啲約埋朋友到肉浦團，齊齊放肆儲足肉肉保暖喇🥳！ 🍽️🅕🅞🅞🅓&🅕🅔🅔 💸 M5和牛Set $368 + $20升級 = A4和牛Set (原價$468)/120min♦️ 湯底：清酒味噌卜卜蜆湯(鮮甜清爽) + 藥膳花雕醉雞湯 (香濃又滋補🤤，可以飲返幾啖精華湯底再落鷄肉，大滿足！)♦️ 多國高質靚肉 （牛肉，豬肉，鷄肉）無論你係鍾意豐腴油花，定係嚼口重牛味，或是兩者平衡，呢度都可以滿足你💘！第一份上嘅係仙氣繚繞嘅牛肉拼盤，一次過試哂4款唔同嘅牛肉部位，方便挑選想要的口味繼續落單~🇯🇵 日本A4鹿兒島泰元和牛之後腿肉，肩胛肉眼（私心最愛👑！分布均勻的雪花油脂和柔軟紅肉，入口即溶，肉味香醇😍），牛五花（兼備紅艷嫩肉和細緻油脂），牛胸片（豐富的骨膠原，口感彈牙），牛展。🇰🇷 1++

今日同媽子去旺角行街，因為佢係食肉獸，所以決定去食任食牛牛邊爐食盡佢🤣見到呢間肉浦團就岩晒，而且有唔同價位既Set, 豐儉由人。今日同佢試下M5和牛Set, 主要係多左啲海鮮（帶子、石斑魚片）、澳洲和牛肩胛同美國安格斯牛頸脊，都好多選擇。可能下晝比較Chill, 成餐都係自助性質為主。入去時揀好湯底，之後就會有個拼盤先上。我地叫左花雕醉雞湯，雞件的數量都好多啊，可以慢慢用黎淆湯。都未出去拎野食，呢盤非常吸晴既拼盤就黎到喇🤩打卡一流！其他要食可以電子落單，每張單最多嗌四份。送出之後即時再嗌都得。出面就有好多款嘅醬汁，可以自己撈。試咗日本黑蒜醬油，都係覺得最傳統嘅豉油配搭風味最正宗。柚子醋同芝麻醬梗係唔少得啦~ 是日小食有炸蠔同炸魚皮。仲有大量丸類、蔬菜、茶/汽水飲。食肉之餘可以慢慢揀下。總結是日最推介Encore之選：***牛肉類：牛肩胛、牛頸脊、封門柳***非肉類：帶子、廣島蠔、芋頭、淮山、蒿苣最後仲有個甜品卷蛋送😋甜甜的，飽足的一餐。

之前食過一次覺得唔錯，環境又搞鬼，有d漫畫電影海報、牆畫。今日再嚟食過，揀個中價位嘅 “M5和牛Set”套餐。後來店員告之而家做緊優惠，再加小小錢就可以升級食A4和牛，咁抵當然要加啦。襯點左嘅嘢食未嚟，就出去自助區攞嘢食先。自助區食物好豐富，有蔬菜、丸類、粉麵、小量炸物、飲品，仲有各頪調味料。呢度有唔少嘢食係其他地方少有嘅：調味區竟然有七味粉、黑蒜豉油；蔬菜區有淮山、韮菜、萵苣；丸類有：芥末貢丸、芫荽貢丸、芝心牛肉丸；麵食有辛辣麵。侍應好快就先上一份靚牛俾我地，唔單只係因為牛肉靚，係個擺盤都靚到不得了，騰雲駕霧一般嘅牛肉上枱，仲清楚標明係咩牛，食時記得咩肉好食，之後就可以再叫啦。加錢升級嘅A4和牛，美味又大件。最鍾意食係A4和牛後腿肉大大件，油花超靚，入口滑兼味濃。牛頸脊牛肉味濃而且又軟腍。牛小排入口似肥牛，但完全唔會肥淋淋。1++韓牛後腿肉平時都係燒，今次第一次淥嚟食，口感唔錯，有小小咬口。和牛牛展望落一大片肥膏，但入口唔會覺得肥膩，仲帶有小小油脂香。除左牛肉，蝦滑非常彈牙，實的的，真材實料，唔粉。芫荽豬肉餃絕對係芫荽控必叫，勁多芫荽，夠晒重口味。芝心牛肉丸係必食，小心咬開會燙傷，內

聽到肉浦團呢個名一聽已經覺得好引人入勝好想一試，要攞地拖因為流口水流到成地都濕晒🤤按捺不住嗌左個A4和牛餐任飲任食～牛同豬真係有好多選擇，牛頸脊、牛肩胛牛眼扒五花牛後腿牛胸封門柳，五花八門任君選擇，鍾意食牛嘅萬勿錯過～頭盤第一份一上已經十分震撼，碟牛冒晒煙咁好似神賜俾人嘅天堂美食一樣，食落好香牛味，浸一浸滾水即刻食又滑又彈牙，食到停唔到口😋餐廳主打牛所以好食已經預咗，但係估唔到連其他周邊嘅食物例如同埋大虎蝦都非常好食！大虎蝦好有有鮮味，同其他一般放題叫到嘅海蝦好唔同，而蝦滑好有咬口，有驚喜～仲有斑塊、帶子等等高級食材任叫，食完仲有Häagen-Dazs雪糕送，無論上中下路都可以話係毫無破綻！推介大家下次想食火鍋放題除咗x大人之外，不妨來試一試肉蒲團～

天氣開始涼涼地，打邊爐季節又黎喇。我呢個朋友就最鐘意打邊爐，今日佢話要帶我去食高質和牛放題。呢間餐廳都幾大，感覺乾淨企理。牆上有好多彩繪壁畫，好韓式feel，佢連櫈都係唔同顏色，好colourful。餐牌上有4個set，我哋叫左個M5和牛Set ($368)，另外餐廳做緊一週年感謝祭，加$20就升級做A4和牛Set ($468)，咁緊係升啦。呢度係用QR code落order，另外出面有丸、菇、菜同炸物等自取，飲品都係响出面攞。湯底：我哋揀左清酒味噌卜卜蜆湯，出面較少見。佢裡面有勁多蜆肉，有淡淡酒味，湯底好香酒味同帶甜。佢旁邊有個壺仔裝住清酒，每次加完湯就可以自己加，唔夠可以問職員攞。丸、菇、菜︰感覺都新鮮，唔會食到陣雪味。菇都ok，菜新鮮乾淨，有菜果種爽甜味。牛骨髓︰朋友話唔係度度都有得食架，呢度有就一定要食。佢話呢度都幾靚，口感粉粉地，比較滑，唔錯。飲品︰佢有自家製飲品，朋友話桂花烏龍好香桂花味，無糖，好飲。佢都有d韓國特色飲品，同樣係無糖。牛肉︰A4和牛來自日本鹿兒島，M5和牛就來自澳洲，而其餘就來自美國，全部係安格斯，無論來自邊度都係高質牛。A4和牛油脂分佈較豐富，M5和牛油脂

天氣開始凍又要出去打邊爐！你旺角呢邊就最多選擇，大量嘅邊爐店，但係食得夠飽有高質嘅話真係要認真搵搵，呢間係朋友介紹嘅，質素真係幾唔錯。環境都幾靚，仲有啲好潮嘅語句，充滿香港本土特色！餐廳有一個自助吧，有大量嘅邊爐配料，同埋幾款炸物，脆卜卜好開胃。一場嚟到緊係要食牛啦，我哋原本揀咗M5和牛Set，但最近做緊推廣加$20就可以升級A4和牛Set! 可以瘋狂食和牛😍湯底方面我哋嗌咗藥膳醉雞湯，醉雞味超濃郁，而且雞嘅份量都多，好味！我哋嗌咗幾款A4鹿兒島和牛肉，款款都好靚，油脂分布好平均，入口非常嫩又重牛味，真係好正！另外佢嘅蝦滑同牛滑真係十分出色！encore左幾轉! 蝦滑超爽彈，食到細蝦仁 而牛滑好似食緊牛肉球咁，牛味濃，好正。食到一個高質邊爐真係好滿足，有機會會再嚟。

啱啱返完夜放工，突然想搵間火鍋食午餐，就同朋友揀咗呢間位於旺角鬧市嘅肉浦團火鍋放題盡情食牛😆😆入面嘅位置唔會太逼夾，而且無論係餐牌定還是店舖牆身嘅設計，都加入左唔少香港同韓國嘅漫畫元素，喺出邊餐廳比較少見🫣而餐廳主要有四款嘅放題，分別係「肉」、「浦」、「團」、「盛」四種，而今日我地食既係團放題套餐 ($298/人)😆「團」放題套餐包括咗任食指定嘅肉類同海鮮，例如有安格斯下肩胛，澳洲M5和牛牛肩胛，鹿兒島黑豚肉等我地一坐低，我哋叫好咗嘅藥膳花雕醉雞湯底同埋雞塊已經預備好，湯底味唔算好濃，但花雕雞就相當入味😍而且就算煮耐感啲肉依然都好香滑😋最令我哋surprise即係第一碟牛肉出場嘅時候，店員會將四款嘅牛肉放喺一隻特製嘅大碟上面，大碟入面應該係放咗一啲乾冰，令牛肉上碟嘅時候有種煙霧瀰漫嘅感覺，打卡一流✨✨而個人覺得四種牛入面最啱我口味嘅係牛板腱，比較有咬口🐮喺出邊自助吧嘅食物都係可以任食任拎😎一般嘅蔬菜香腸丸類等等都有，而最令我意外嘅係連台灣香腸都有得選擇🥳當然仲有唔同款嘅嘢飲同熟食啦🤣再配埋自己配過嘅醬油真係唔驚食唔飽😂食到最後，店員仲送上是日甜品，今日嘅甜品係忌廉瑞士卷，凍凍地食好似食

因為我好鍾意食牛肉 所以朋友就介紹咗我嚟呢間位於旺角嘅肉浦團💛 貪佢地點夠晒就腳😉肉類我地嗌咗A4和牛set🐮 90分鐘任飲任食又真係幾抵 因為呢度嘅牛肉真係好唔錯👍🏻 鍾意食油花多嘅又得 鍾意瘦啲嘅又得 種類夠晒多🫢 個人比較推薦A4鹿兒島泰元和牛牛展同埋A4鹿兒島泰元和牛肩胛肉眼 因為滿口油香得嚟又好嫩滑😙 真係瘋狂掃呢度嘅牛肉呀 低一個grade嘅澳洲M5和牛牛肩胛 牛味亦都好重 牛肉種類真係有好多 想食咩餐都可以呀 豐儉由人🥳海鮮蝦滑好新鮮 食落口好彈牙 我都叫咗兩次🦐 帶子好大隻 要煮耐啲先食呀😮 海蝦都做得幾好自助區一入門口就會見到自助吧嘅位置 都有幾多選擇 覺得最特別係有芝心牛丸 芝心魚蛋😗 仲有好多蔬菜可以拎飲品雖然飲品櫃唔算太大 但係入面嘅飲品種類都算係大眾化 仲見到店員會密密手fill貨🥤甜品埋單後仲有是日甜品送 今日係雲尼拿卷蛋🍰 店員見我哋咁鍾意呢度嘅牛肉 仲話我地知佢地週年感謝祭 晚市時段只要加20蚊就會upgrade至A4和牛餐😦 咁樣計落又好似晚市時段抵啲喎😗 如果同我一樣鍾意食靚牛肉嘅朋友 一定唔可以錯過呢間火鍋店呀🍲

高質火鍋放題火鍋要無限任食先至最盡情，仲要夠晒高質，位置係旺角非常方便，裝修風格一啲都唔老土，座位闊落又乾淨。而家仲要M5和牛set每位加$20可以升級食A4和牛，好似只係做到11月尾，我實在諗唔到唔加既理由。澳洲M5和牛牛肩胛有牛肉的嫩度，脂肪平均又夠肉汁A4鹿兒島泰元和牛後腿肉睇佢粉嫩既紅色已經流哂口水，和牛入口即溶，肉味香濃，大大片非常滿足。日本帶子Size十分大粒，肉身豐厚，爽口彈牙，味道鮮味甘甜。必嗌👍🏻薄切封門柳牛肉味極為濃郁，肉質鬆軟，不易變韌。俄羅斯豬梅肉肥瘦均勻，豬肉油花分布均勻，而且口感嫩滑。越南虎蝦雖然唔係游水蝦係雪藏，但肉質爽口，啖啖肉，唔會霉！美國安格斯牛板腱，牛小排雖然唔係和牛，但安格斯既肉味都好濃，絕對唔輸蝕1++韓牛後腿肉韓牛肉味甘甜，雖然唔係和牛一咬溶化。個staff仲推薦我哋食蝦滑、牛滑個手打牛滑好正！係無芫茜版既山竹牛肉球，口感好好又有少少香甜既味道，打邊爐食牛肉球好有新鮮感😋好鍾意佢出面既菜，丸子選擇都夠哂多，醬料都好岩我口味，又有花椒油又有味粉，呢間絕對會encore!

呢排約親食飯都一定去威達，層層都有餐廳，間間都好食🤤今晚想打邊爐，就去二樓既「肉蒲團」試下佢先😌😆舖面好大好光，好明亮乾淨既感覺，大部分都係4-6人位，2個人都有得坐4人枱，勁正🫡叫到成枱野都唔怕👌🏻有4個set㨂，全部都有牛食，係級數同款式既不同😉我地2個牛魔王🤭🤭緊係食M5和牛set🤤有澳洲M5和牛牛肩胛😍仲有薄切封門柳😋😋太正啦掛，勁期待😚一入大門，右邊就係一行醬料區，有成廿幾款配料，搭配出最佳調料口味😛左邊就係雙層架，有丸有菜有腸，應有盡有，你諗唔到既都有🤣🤣芥末味牛丸你試過未！🤭走廊嘅盡頭就係一大個飲品櫃，啤酒係任飲㗎💛仲有得任食炸物，炸大蝦🍤炸生蠔🦪炸雞粒🐔熱辣辣味道都唔錯👌🏻湯底有好多選擇，有醉雞湯底、卜卜蜆、秘製麻辣湯、蕃茄豬骨湯、壽喜燒、昆布湯👍🏻如果想要兩款口味要加$50🫡麻辣同埋壽喜燒湯非常之濃郁👍🏻👍🏻之後加清湯味道都好足，牛肉好靚仔，唔會話好多肥膏雪花❄️啱啱好🥰配埋烏冬食一流😋💯不得一提佢哋烏冬唔係嗰啲cheap cheap烏冬，而係好煙靭嘅讚岐烏冬💛💛my favourite 🤩 服務態度都好好💯收碟非常快手，上菜嘅時候又會幫你執枱，幫我將啲嘢攤開方便我哋夾

旺角優質火鍋放題啦，啱曬屋企只食肉獸。店鋪位置都尚算易搵，商場電梯可以直上。地方好闊落，裝修少少工業風feel，好搞笑，尤其距地啲牆身裝飾畫，好鬼死有意思。設施都系正常放題果啲啦，飲品、熟食、蔬菜、佐料應有盡有，湯底埋位前店員會問埋，入去好快就有得食。店員推介，M5 set加廿蚊就可以升級到A4和牛set，多左唔少鹿兒島和牛可以揀，果斷要試下啦。呐，重頭戲，鹿兒島A4和牛，明顯地油脂分佈更加均勻，真系雪花滿滿，簡單燙一下，入口真的勁有和牛味道，而且油脂慢慢在口腔內融化，真系好好食。美國安格斯牛，明顯牛肉含量更多一些，但依然質素線上。強烈推薦距地個牛滑同蝦滑，有個細膠刀可以方便整成牛肉丸同蝦丸，食落真系好彈牙，好新鮮。最後，肯定就要就住湯底，整翻包出前一丁，真系精華俾麵條吸收曬，勁滿足。