肇順名匯河鮮專門店 (已結業)

睇完戲，約埋媽咪一齊食晚餐，Megabox食店多！呢間細佬食過幾好味，所以去呢度試下，無訂位都有位！店員帶到櫃檯前一張中枱，四週嘅枱非常迫，只有半條路行！要側身行！場內好嘈吵！店員超繁忙！落單都要舉一輪手先有回應！不過回應時都有禮！店員話今晚有宴席，所以會較忙！睇住廚師推介叫了兩個食品，之後細佬來到再加單，個女部長燥燥地，叫我哋盡量今晚一次過叫晒（我都想）但又唔係無禮貌，佢又會盡力介紹食品，好矛盾！本來想試順德名菜，炒牛奶、陳村粉⋯點知陳村粉賣晒，炒牛奶又話今晚有酒席唔做！好失望！點都叫到菜色，但就係普通酒樓菜色！天麻海雀燉魚頭（小）：呢個湯好足料，帶甘味（天麻味？）所以肥髀唔喜歡，燉湯好清，味道濃郁！正！銅盤焗走地雞（半隻）：錫箔紙包住銅盆，焗雞肉好滑！不過都幾油！家鄉咸肉炒蓮藕片：蓮藕片爽脆，份量唔多，咸肉咸香！脆皮炸大腸：份量少，炸得香脆無壓味！點酸汁好味！原籠糯米蒸羔蟹：好少糯米（好薄）索晒蟹油香，煙韌好好味，蟹仔好迷你，基本上係蟹BB!好高超嘅技巧先可以食到啲肉！講真味道唔錯，但份量偏少，今晚我們幾個都食咗嘢打底，唔係真係唔夠飽！而且無糖水送！比較少家！

不太喜歡河鮮，總覺得有點泥味，不過今日嚟到 MegaBox，又想試下新嘢，見到都有點心同其它菜式，一於試下啦！ 椒鹽海蝦，細细一隻海蝦，炸到脆口，連殼都食得！小小辣，正！ 排骨蒸陳村粉，冇油浸陳村粉，又多蔥花，比較乾身，我覺得唔錯，因為之前系其它地方食過，好多油浸住啲粉，唔多喜歡煎焗魚咀，以為系小小一個個魚咀（未食過，大家唔好見怪）原來系魚頭，嘩！冇腥味又冇泥味，煎到好香！蔥段薑片又多，正！見到好多枱都點呢個餸，果然贊！魚卜粥，鮮！同樣冇泥腥味！而且飲完唔覺口乾，應該冇加味精掛 呢一餐真系令我對河鮮改觀！

飲早茶~ 富臨 稻香 去到悶就去吓 Mega Box 好多選擇交通唔太方便 自駕人士較適合早茶點心有優惠 有點心半價 有心 枱面有紙巾 待應有禮貌羅漢齋腸粉 即拉 好滑雞扎~ 雞扎當然有雞件 太濃味用咗芋頭 蚧柳 魚肚細細嚿孖寶 咖哩土尤魚 & 飽汁蒸鴨掌 夠味 份量都足滿意

不常來九龍灣, 尤其是megabox更不是”就腳”點雖然來過數次, 試過不少餐廳, 有些更已結業或搬遷河鮮並非我喜歡菜式, 不過試過晚飯及這裡點心不錯, 不妨再來週末閒逛再享受玻璃窗座邊享受陽光邊吃點心魚骨腩粥, 魚卜粥: 兩者相近, 粥底非常之綿滑魚肉都新鮮的, 特別是順德煮法加了陳皮絲, 與廣東粥有些分別魚肚鴨腳扎這樣煮法的魚肚很爽口, 與鴨腳同蒸雖然有些鴨腳油但不太油膩鴨腳扎肉質不太腍陳村粉蒸排骨這款點心不多酒樓有供應, 始終是順德菜但這裡似乎沒有順德風味, 較似廣東式的蒸排骨加入了陳村粉(口感似腸粉)陳皮牛肉陳皮香, 牛肉有少許粒粒馬蹄幾爽口古綿馬拉糕頗有古法蒸馬拉糕, 由顏色深與份量看出味道剛剛不很甜奶黃流沙包這款屬於我們的甜品之選, 流沙反而一點也沒有奶黃味還有, 改更正為奶黃包便算了吧服務: 沒有叫加熱水侍應不怎主動來服務

閒日晚市人流少, 清靜地食晚飯這裡是個好選擇點了兩個菜分別係窩貼蝦同瑤柱百花蒸釀玉環本來怕窩貼蝦會好油膩, 不過食落又無咩多餘的油, 師傅亦能熱辣辣上碟配埋沙律醬仲好好食添釀玉環個茨汁夠惹味, 節瓜中間釀既係蝦肉, 抵讚 食完窩貼蝦食返味清清地平衡一下兩個人食量唔多,兩味菜岩岩好

因為天雨關係所以只能在冷氣商場內渡過今個周末。專程走出到九龍灣，一來可以去宜家傢俬逛逛，二來又可以到新開的拉麵擂台看看，一石二鳥，GOOD~不過早上未有拉麵可吃，MegaBox有如此多酒樓，當然來一個早茶節目吧。以一個商場來說MegaBox的確有不少酒樓，競爭多就各自出招數吸引客源，基本上是以半價作招徠，正如今日所選擇的肇順名匯河鮮專門店也不例外。以前屯門都有該分店的時候，我都幫襯過不少次。縱使你的突然離開，我並未有力竭與聲嘶，只不過覺得少了一個平靚正的飲茶地點。所以今日能他鄉遇故知，內心不禁暗暗歡喜。門口放有一缸又一缸的魚，魚兒有足夠的地方喇，哪我們呢﹖原來裡頭的地方都有夠大的，而且擺放的枱量又不算多，所以之間位置都幾寬闊呢。樓底高，配套上也有幾分古典，不少得四周都有竹子作為間隔，想起來這是肇順的店內特色哦。今次坐了入面位置，遠見玻璃窗邊的那邊位置是最不錯，至少有天有海看看，總好過沒有。星期六﹑日及公假的飲茶收費比星期一至五更平，初初真的不相信，後尾問清楚服務員才敢肯定，哈哈。我相信只有在MegaBox內的酒樓才可做得到的吧....注：餐牌上沒有寫清楚，直到埋單我們才知道原來半價點心

步入六月份總是有食神，跟家人吃一頓生日飯當然是指定項目。我這隻貓當然想起順德菜，河鮮當然成了首選。這家店前年來吃過花錦鱔和馬面，我們這家貓十分喜歡。來到河鮮專門店，當然要吃我的全魚宴。煎釀三太寶(尖椒、蓮藕餅、鯪魚球) 前次來吃過，魚肉彈牙有魚味。這次著實差遠了，可能用蜆介醬蘸吃關係，廚師故意把魚肉的味道調得淡一點，魚肉沒有鮮味，自家製作可能還好吃一點。最敗筆就是那個蓮藕餅，藕片切得太厚，魚肉太薄，完全吃不出魚肉的味道，跟吃炸藕片沒分別。薑蔥魚卜煲 魚的各個奇怪部份我都喜歡，魚卜是我的至愛。現在外頭吃薑蔥魚卜，一碟才不到十隻已經要八十多元。這個魚卜煲價錢跟其他的差不多，雖然魚卜不算多，但也有十多隻，大多是大魚卜，不過做法用心，把魚卜的外皮做得爽脆好吃。銅鑼走地雞(半隻) 看見很多家順德菜都會以這個雞作為賣點，本來打算吃全魚宴，但也得嘗嘗這名菜的味道。雞應該是用沙薑等香料醃過，把雞煮過後再放入銅鑼跟大量的薑蔥一起焗熟。雞的味道沒甚麼特別，有點像炸菜蒸雞，雞肉還算嫩滑。吃魚是這次來的目的，一進去我便對魚缸內向種河鮮虎視眈眈。我最愛吃鱔，當然要看看花錦鱔、風鱔的「狀態」如何，看見它在缸底的樣

周日與家人到MegaBox逛街, 正值下午茶時段, 心想不如去飲茶. 老媽建議去這間肇順, 說有半價點心云云. 之前曾經在同集團的新蒲崗分店吃過, 印象極差! 不過見有半價, 而且這分店又取得一星米芝連, 覺得不如再試一次. 光顧的客人也不少, 取票時, 門外的知客還說很快就有位子, 結果在門外呆呆的等了廿分鐘才有位子. 我們的位置是在落地玻璃旁, 環境OK, 地方也算寬敞, 枱之間有足夠空位. 老爸拿著點心紙劃了又劃, 都是一些大路的廣東點心. 落單後又等了廿分鐘後, 點心才緩慢的送上.流沙奶皇包. 上枱時奶皇包仍然很熱! 奶皇不太甜, 流沙程度雖然不是爆漿級數, 但仍尚算滿意.鮑汁鮮竹卷. 茨汁較鹹較杰, 吃不出鮑汁味道; 鮮竹卷是一般質素, 沒甚特別.陳村粉蒸排骨. 排骨很肥, 除去肥膏後, 可吃的實在很少; 陳村粉黏成一舊, 入口很硬, 與在廣州吃過的煙韌又有咬口的陳村粉相比, 相去甚遠! 而且又沒有排骨的肉味, 好像是分開蒸後再放埋一碟, 不行......陳皮牛肉球. 牛肉尚算滑溜, 不過肉味欠奉, 陳皮味嗎? 丁點也吃不出來; 至於裹在牛肉外面的腐皮, 又細小又硬身, 不

今日星期日，去左依間從未食過既酒樓，食物OK，但係找錢既時候，我好好禮貌咁問個部長，可唔可以影張單呀，佢起哂槓話: 唔得，你影嚟做乜????? 我話要嚟做記錄LOR，跟手佢搶左我手上張單，話依張係我哋酒樓既，你要既我影張比你LOR (佢係用好大聲好惡既語氣同我講)我話好丫，你印張比我LA~ 我話你洗乜咁大聲呀!!!!!!!!!! 跟住佢走左去!!!!!!有無搞錯，我好聲好氣問你可唔可以影低，我都未影~ 但個部長已經搶我張單喇，呢D咩職員AR~用咁既語氣同啲客人講嘢，依度MEGABOX唔係淨係得你一間酒樓LOR，D野食咁一般，要BLACKLIST左佢LA~

一行十人，點了不少菜，有回味豬手、銅盤乾蔥焗走地雞、新椒炒黃鱔、乾蔥爆魚標煲、雙腐銀杏浸勝瓜、秘製鼓酒鵝、子薑皮蛋炸脆奶、海味什菜煲。先吃了子薑皮蛋炸脆奶，味道很特別，子薑和皮蛋夾進奶中一起炸，奶味很濃卻把子薑和皮蛋的味蓋過，我覺得不如淨炸鮮奶更好，不會浪費了皮蛋和子薑；回味豬手，就像酒家的點心豬手，不過更入味，好吃；銅盤乾蔥焗走地雞，其實是普通的蒸雞，但用錫紙包起蒸，雞的油脂還留在盤中，可惜雞味不足，還是覺得在內地食肆造得比這店好； 秘製鼓酒鵝，很惹味，很入味，但肉卻不多；新椒炒黃鱔，煮得不錯的菜式，鱔是橫切成長條狀，再配以尖椒炒，不過尖椒是辣的，不嗜辣的可能只吃鱔；雙腐銀杏浸勝瓜，上湯味道不錯，加上銀杏和白果也很爽口，勝瓜也很脆；海味什菜煲，也是煮得很美味；乾蔥爆魚標煲，覺得這個很香口美味，魚標切成兩段伴乾蔥爆，魚標也不太韌，乾蔥和薑也很惹味，不過魚標少，始終是集合很多魚的標才煮成。覺得這店的菜式算是不錯，尤其對集團式的中菜館而言，通常在香港吃到的廣東菜也很香港特色，這店也不例外，價錢方面也算相宜，每人均分也只80元左右，員工的服務態度也可接受。

真真好耐冇見大師姐喇！！開頭都唔知食乜好？我唔想佢地又遷就我而捺日本菜，所以一早講明唔好揀日本菜咯....最後想揀中菜，雖然我唔鍾意食中菜，不過大家都會有啖好食，我起碼都會有個雜菜煲丫，一於食中菜啦。最後由師姐揀咗去Mega Box上面的「肇順名匯河鮮專門店」。好友７點前已經上到去搵位，我都係７點正上到去喇，係德福行過去其實都好快，好過等穿梭巴士啦，之後師姐一家都係７點４到喇。好友一早已經搵定我要食嘅＜海味雜菜煲＞，其餘食乜就等佢地揀咯...１０分鐘後...好快就揀好喇。① 雙腐銀杏浸勝瓜 ($88)② 薑蔥爆大魚煲 ($78)③ 肇順拼盆 (順德煎釀尖椒、生煎蓮藕餅、順德杏片煎魚餅)④ 海味雜菜煲 ($65)⑤ 銅盤干蔥焗走地雞半隻 ($98)⑥ 白飯 x 4⑦ 藍帶啤酒 x 3 ($15)⑧ 最後有西瓜一碟送。　①號佳麗的勝瓜被白雪雪嘅魚湯浸完食落都唔鯹，因為本身唔飲魚湯呢，都怕會鯹，但食落都幾清甜喎，不過最好食都係銀杏，煙煙韌韌正。②號佳麗的薑蔥超好味！唔知係咪因我唔識食魚嘅關係，食落魚肉又鮮又滑嘅，不過冇魚味喎？薑蔥味太強之故？③號佳麗我冇食呀，見到都唔多想食.......④號

同屋企人星期日黎飲茶。就算book左位, 黎到都要等五分鍾。講左有輪椅, 但佢都要安排一張勁入既枱俾我地, 勁唔方便。地方好細好迫, 前後枱好貼, 就連送點心阿姐都話"咁迫點過呀", 呢方面真係要加下。呢到星期日全日大, 中, 小點都係半價, 所以吸引左咁多人黎。睇睇下點心紙發現佢係百樂門集團, 唔怪得食d 野咁似, 不過價錢就平d。價錢雖然係平d , 但份量就細d, 味道又無咁好食, 真係一分錢一分貨。1) 咸薄餐, 煎得唔夠香, 食落好似食麥記pancake。2) 鳳爪, gd, 好淋, 好入味。3) 雪山餐飽, size 比百樂門細好多, 味道ok。4) 菜肉飽, 肉比菜多, 菜多d 會好d。5) 蒜容蒸鮮魷, 好味。6) 蒸蘿白糕, 味道ok, 食落唔會一舊厚粉, 多d料就更好啦。7) 鯪魚球, 大大粒, 唔腥, 好味。8) 花枝釀油炸鬼, oooo...超油, bad!9) 腸粉, 好厚皮, 差10) 魚湯菜肉餃, gd!另外炒左個羅漢齋炒麵, 雖然味道ok, 但只得幾款菇同菜, 平時食開有既竹生,東菇, 雲e咩都無, $8x 碟唔抵呀!埋單6個人$26x, 都算抵!

周六休假便與家人到MegaBox飲茶. 之前在該食市剛獲取米芝連後曾經幚趁過,覺得不錯,一於再帮趁,但感覺相差很遠.先是不用等位帶入間细房,但一陣霉味.只好等位排大堂位. 食物半價還在Size減半,侍應要人叫到才帮手加水,同之前主動加水大大不同.味道依舊又夠干身,可惜由之前牛丸size變成鱼彈大细.花枝油爆鬼是我的首選,依舊夠脆又好味.但尺寸细了一半.豆苗餃夠大,但味道偏重.潮州粉粿,味道普通,得個大字.腸粉夠滑,可惜食不到牛肉味.香煎蘿蔔糕十分好味又粉少多蘿蔔,意外之選,可惜一下食完沒有相片.在通貨膨脹高升的情况下,食市又不敢大幅加價,只好缩減食材, 這種做法反而使客人有被欺騙感覺.如果食物好味大家不會計較比多少少錢食餐飯.

攞了年假陪太太及小友。今天的節目便是到Mega Box搜購一些家居物事。預期會拿些笨重的物體回家，買了之後才去吃東西是絕對的行不通，故此食一個early bird lunch，才是王道....到"肇順"已不是第一次，但吃早茶點心便是首趟了。安頓好一切後便拿着一大堆點心紙研究一下，細看下發現原來有那麼多特價點心。從經濟方面的效益來說，集中火力向着它們埋首，才是正路....看到有我甚鐘情的的雪山义燒包，忍不住先叫一客試試。墨西哥皮甚薄而且不夠鬆脆，吃起來當然不過癮；不過包身本身是頗軟綿的，而且义燒餡夠多汁且仍可吃着少許义燒肉粒，比起只是一pat尤如膠漿的物體，固之然好得多....蝦腸只是一大洋一碟，而且味道是比預期的理想 ---- 粉皮不是一堆黏至黐筷的東西，雖然厚度是有相當的，但比起那些濕漉漉、爛茸茸的劣貨已是好多了；蝦隻當然不算多，有一兩腸粉內竟只有一件蝦(不過就屬於king size的)。此時立想 :"只收你一大洋一碟，若再吹毛求疵的話，便是罪過"...魚卜粥裡下了為數不少的薑絲、紅棗及陳皮絲，本應不錯，但最弊的是粥底竟是師傅味滿盈 (聽聞這兒是有眾多有營食肆之一，不會吧?)，而且魚

前兩日提早同屋企人慶祝父親節, 妹妹訂了這間, 因為我哋都鍾意食魚, 之前又未試過,所以今次便全家出動嚟試吓。去之前已經問定朋友有咩好食, 點知佢介紹的窩貼大明蝦, 同炒鮮奶都停賣, 可惜!! 於是我哋就搵左經理介紹, 最終叫左炸子雞半隻, 梅菜籠仔菜心, 砂窩唧魚頭煲, 千島大明蝦, 欖角蒸敏魚, 鮮雞螺頭湯, 炒豆漿。估唔到個蒸敏魚同魚頭煲一啲都唔腥仲好野味, 秒速食晒, 籠仔菜心啲梅菜送飯一流, 而我最欣賞既就係果個千島大明蝦, 細佬都大讚,好!最後因為飲咗幾支大啤同勁"把"飯之下, 飽到甜品都食唔落, 但都忍唔住買多份大明蝦外賣返去俾老公仔食。 妹妹則大讚裝修很特別, 成晚望住D錦鯉係度遊嚟遊去。但最緊要都係父親大人好滿意依餐啦!等我下次都同今次出席唔到既老公仔再去試下其他野先。P.S. 因掛住食, 唔記得影千島大明蝦添!!