肇順名匯河鮮專門店 (已結業)

為母親大人慶祝生日, 一家6人來到. 基本上參考openrice食評叫食物:1.子薑皮蛋炸脆奶, 基本上係幾好食. 但又唔覺有乜咁特別2.檀香骨, ok啦,正常味道. 出面普通飯店茶餐廳都食到3.干蔥爆魚卜 細佬覺得好特別,係. 好似有兩層咁,一層外脫一層就內軟加爽爽地. 但冇番卓既呼喚.4.半隻炸子雞, 普通. 冇特別.5. 豉汁蒸馬面骨, 6個人食2斤多, ok. 魚肉幾滑, 但唔入味, 一定要撈汁先得. 老實. 母親大人整既蒸魚好食好多.6.秀珍姑浸魚腐, 不錯, 老人家及年青人皆喜歡. 但亦不可說是甚麼必食之選.甜品桂花糕. 做成魚形十分精緻. 但食唔慣有粟米既桂花糕. 普通.送既西瓜. 又係普通冇沙冇特別.所以.結論只係普通酒家一間. 留意選魚時服務員會叫你選一些就反肚的魚.之後佢會推一推佢反番轉等佢游下. 你要堅持唔好要. 整體不過不失.服務不錯.可能我不是愛好河鮮的人吧. 但母親大人煮的魚比此專門店好吃是事實.可能別過好的. 再吃普通水平所以無甚驚喜.

呢餐飯真係好耐好耐以前食,睇返啲相自己仲係著長袖衫不過印象其實幾深刻,因為好少喺香港食河鮮香港以河鮮做主打嘅我剩係去過呢間同順德公兩間裝修都係有少少草根,但菜價一啲都唔平肇順名匯位處megabox,無車會比較唔方便不過幫襯當晚佢都幾爆,星期六日最好訂位坐底先嚟碟順德小食--牛耳仔牛耳仔喺好多上咗年紀嘅香港人兒時嘅零食所以一邊食一邊話當年的確唔錯可惜我嘅兒時零食係....薯片剩係覺得好似食緊外國唐餐館啲fortune cookies當日order咗:肇順拼盤--其實即係藕餅,釀尖椒同炸鯪魚球,家常菜螺頭燉老雞湯(無相)--要預先order,味道一流炆碌鵝--出事之作,碌鵝靭得嚟又唔入味,好後悔無揀到水晶雞大良炒鮮奶--炒得好香滑,唔油膩,小朋友一定鍾意上湯浸豆苗--清清哋唔錯,豆苗唔老薑葱焗魚卜--薑葱香,魚卜脆,要趁熱食唔係會黐底豉汁蒸馬面骨--魽魚一種,有魚味而且好滑,成晚最正呢道菜雙皮奶--當晚我哋食到好飽,但聽聞佢哋做雙皮奶做得唔錯,叫咗兩個share,結果試完個個都要加多個相信只要網友睇多幾個食評,就會知肇順有劏客嘅往績我覺得係真有其事,不過僅限於食客未有主意,要佢哋推介嘅時候

去到坐低睇睇menu,面對住一系列河鮮名字完全無從入手. 問問侍應有冇好介紹,佢一講就講成個menu最貴o個樣; 問有無其他,佢就講第二貴o個款... o甘我洗乜問你?!最後靠自己,隨意order...肇順拼盤 - 查實同煎釀三寶差唔多; 最好食係鯪魚球,青椒同蓮耦OK啦. 一提,青椒勁辣.瓦撐煎焗魚咀 - 是晚唯一算係河鮮類食物. 其實係焗魚頭, 一煲四頭. 食落味道唔錯,不過魚頭無乜肉; 而且因為乾焗,魚皮好易燶晒無得食.金牌銅盤蒸污糟雞 - 其實唔錯o架, 雞夠滑夠香,可惜衰在太油...大荳芽韮菜炒魚鬆 - 炒得夠鑊氣,但味道一般,而且較鹹.o者o者通菜梗煲 - 通菜梗=莖部,即無葉. 有點意外係個煲確係幾大,而且幾惹味,唔錯.以今餐來計我只會評為一般; 或者下次搵多幾個人試多幾款河鮮啦.

三個人係 Megabox 吃午飯，本來想去的地方，因為要等位，放棄了...隨便的便到了這間出名食河鮮的酒樓，本來想坐裡面的位，但發現原來裡面個場好細，十二點半已經滿座，唯有坐出面平時佢地用黎等位的地方，雖然門口位，但都冇被忽視，兼唔算太嘈...散叫了點心，有一個$1 四粒水餃做特價，叫了一小碗，最特別是第一次食煎陳村粉，成個 "薄撐" 的樣子，扁扁的河粉加蛋和蝦煎成，味道較為淡，如果有d醬料會更好！

隨著年齡增長, 往日喜歡吃牛肉的我變成了今天喜歡吃魚, 喜歡那淡淡的清甜味道和順滑的肉質, 其中因為今天真正的深海魚愈來愈難求, 很多時河魚反而更有鮮味. 這裡已經來了很多遍, 但每次都沒有帶相機, 碰巧這次剛去完廸士尼, 有相機在身, 於是便記錄低是次飯局和大家分享一下.五個大人兩位小朋友 (其中一個才兩歲多), 放棄了點價廉物美的套餐, 因為套餐只有一款魚提供, 一心想來吃河鮮, 當然是喜歡在魚缸前左挑右選才能滿足慾望!! 詢問過部長的意見後選了兩條魚和一斤四兩河蝦, 另外點了一個湯、一個肉、一個菜, 應該足夠我們飽餐一頓了!!先來了天麻魚頭湯, 據部長講是有藥謄作用, 能醫治頭痛去頭風, 但在我們立場首要是好吃與否, 品嚐後果然有濃烈的藥材味, 小朋友們都不愛喝, 個人是不抗拒, 但切記要熱的時候喝, 涼了味道會變得很難入口!! 喝完湯便上蒸魚, 選了一條約兩斤重的冧哥, 魚骨不多而且肉質很滑, 蒸魚的時間剛好, 醬油亦很香很甜, 好滿足!! 另一條魚選了西江魽魚, 用煲仔焗, 大蔥、薑和老抽完全把魚的鮮味襯托出來, 而且肉質夠厚, 滿足愛好“淡淡肉”的朋友. 河蝦的體積比我之前

去飲下午茶各方面都好滿意有個三寶$168好抵食:-魚翅撈飯-炒菜心-魚腩魚頭煲份量唔少味道仲幾好之後再加半隻客家咸雞個賣相好似係豉油雞咁o既樣一口咬落去超級韌幾乎係咬唔開咁滯仲係唔多熱o既食淨好多埋單俾晒錢後諗住反映俾部長聽啦點之佢話落單果陣時同事冇介紹你聽咩呢個係佢o既特式呢ga真係 O 晒咀唔通客家人 d 牙力特別好鍾意隻咸雞係韌o既我真係唔多信但係個部長個神情又唔似吹水喎我想求證下各位有冇食過呢味客家咸雞?落單時侍應有冇提醒係韌o既?唔該晒!

姨甥快要返加拿大，今日出嚟食farewell晚餐，一坐低waiter就介紹全包宴($1388) for 12人。望吓個菜單，都OK喎，就要全包宴啦。上湯薑葱龍蝦球 (伊麵底) - 食果陣都唔知龍蝦，以為喺大蝦，幾爽口但就冇乜蝦味，伊麵都幾好味。肇順三太宝 - 有鯪魚球和釀蓮藕，兩樣都幾好味，仲有釀青椒，我冇食但聽講幾辣。好味檀香骨 - 有D似京都骨，但冇咁甜酸，加少少辣味，仲喺沙煲上，幾惹味，十分香口，肉質又好，唔錯。紅燒蟹肉竹笙翅 - 一般啫，味道淡咗D。生啫芥蘭煲 - 好味，芥蘭都幾淋，又冇苦味。魧龍魚兩食(炒球) - 條魚幾新鮮，肉質爽口，唔錯。 魧龍魚兩食(頭腩) - 又喺沙煲上，很香很惹味，有部份仲脆脆哋tim。金牌銅盤焗走哋雞 - 味濃，但遮咗D雞味，一般啦。紅珊瑚炒飯 - 炒得很乾身，味道好好。黃金糕 - 煙煙靭靭，都幾好食。最後仲有西瓜，仔仔十分鐘意呀。 Service 都唔錯，坐位都OK，唔會迫。每席包汽水8罐，啤酒4支，酸菜，茶芥及加一。

晚上一行七人到此酒樓食個家常便飯， 由於對海/河鮮興趣不大； 故並沒有點魚類，但部長依然落力叫我們點個2斤多重的魚頭(每兩$9)。 嘩， 9元一兩， 2斤幾； 蒸個魚頭要超過$300 ! 當然最後無有叫， 部長好無引地行開食味一般， 只點小幾味小菜； 價錢不太吸引。

好耐冇同屋企人响大時大節食飯，因每遇大時大節都食得好激心，唔係漏單就冇貨，或冇人招呼，真係有錢都冇用！今年母親節，暨爸爸大病初癒，媽咪又鍾意食魚，所以決定試吓呢間！原本訂第二輪八點，但當日下午試吓再改早啲，居然可以食第一輪六點四十五分，即改！梗係啦，雖然未到正日，但都多人麻，早落單，漏單機會少啲麻!!　六點半到MegaBox已經要泊車泊到Level 16,準時到餐廳，坐响upper Level, 有View但遠離魚缸，唔錯! 地面仲可以睇到啲魚游游吓都好得意我哋叫咩嘢食呢!! 啲人又話有順德牛耳小食，嗰日就冇喇，轉左葱油浸生蒜，食得唔怕辣既都唔錯，我爸爸就食得好開心 白雲豬手：夠爽但冇咩味，隨豬手有Wasabi豉油跟，但媽咪話點葱油生蒜啲豉油仲好味，又真係唔錯喎 豉汁焗馬面骨魚：條魚二斤四，每兩九蚊，蒸好都後好大碟，好香，條魚好鮮，啲魚皮起油，媽咪，弟婦同老公都好欣賞 火腩花錦鱔：係個部長趁我行開既時候係咁Sell爸爸，我諗住叫左馬面骨魚就叫吓其他海鮮，仲有個花錦鱔成廿蚊兩架，不過見佢同爸爸講得咁開心，叫就叫啦！個汁好濃好惹味，啲魚皮吸哂啲汁，要嚟送飯一流，即時一人一個白飯!! 薑

曾經見人少少的megabox有人在這店前排隊, 心想這店子應該有料到, 總共去過兩次,但兩次經驗都不同, 要看你坐在哪裏和吃甚麼。1. 要坐在店內較深入的位置, 否則近門口魚江, 腥到你吃不下東西2. 要點一些用煲上的菜. 這些「大煲菜」是這裏的特色, 熱辣辣上菜, 的確好食惹味, 如啫啫雞, xxx魚頭煲等等. 代價是熱氣可能生口瘡. 相反一些用碟上的菜有點冷, 如招牌??骨, 有點失色。 3. 店員會向你游說吃海鮮, 其實魚頭煲已經好正, 如果想吃海鮮也可一試4. 驚喜之作是炸鮮奶 --- 連一點皮蛋, 啱我口味. 另甜品之燉鮮奶蛋白非常好吃, 可能是我吃同類甜品以來最好的, 必試總括而言, 這裏環境舒適, 氣派高雅, 食物只要點啱菜, 好吃的東西不少. 只要不坐魚岡附近, 是一家人吃飯飲茶的好地方

為興祝舊同學生日兼聚舊，見大家都好少去九龍灣Megabox，而又開咗一間食順德菜酒家，主打河鮮，就勇敢地去試吓。一早已經訂好枱，點知雖然係平日，但係竟然要我地坐喺擺在酒家出面嘅枱，隔離已經係圍欄玻璃，望落去係商場大堂，真係好笑，搞到你覺得自己好似踎街邊食緊嘢咁，滋味如何可以想像。侍應以致部長都好似唔熟香港食肆一般規矩，招呼一般，又有半鹹淡廣東話，可能佢地真係喺順德過嚟香港工作啦。我地三個人叫咗三餸一湯：1. 淮山杞子螺頭燉豬展湯 - 材料非常充足，但係又唔係咩上乘貨色，但係要賣成接近二佰蚊一煲，其實同普通例湯冇咩分別。2. 咸豬骨大芥菜煲 - 同我原本諗嘅原意有出入，我諗佢係用炆嘅形式，但係原來出到嚟樣子係一個湯咁，其實廚子將大芥菜擺喺水中，係吸收唔到豬骨嘅肉味，要用紋嘅形式至可以完全入味，依家有一碗水喺度，但係我地又已經叫咗湯了，如果原本未飲湯就話okay啫，點解部長落單時又唔提吓我地呢? 而且呢樣餸應該潮州整得出色啲。3. 銅盤干蔥焗走地雞 (半隻) - 有雞味，但係啲雞好似癡肥咁，太多油了，雞胸啲肉非常鞋口，但呢道菜已經算係全晚最好了。4. 瓦罉煎焗魚咀 - 本身魚頭唔夠厚肉，

今晚去左MegaBox 肇順食晚飯, 未曾食過呢間野, 知道呢度主要食河鮮為主,因為自己掛住唱水, 所以發板重任就交由許生同 Doroathy, 叫左九個餸. 上菜後,發現呢度盛載ge都幾大下. 但內裡食物份量並唔算好多, 而且食物都係偏油.食後感: 覺得味道未算特出, 而菜色亦未見特別. 可能本人不喜食魚, 係我預期之下......鮮奶炸蝦球 - 好食, 個汁配個炸蝦好match!魚茸羹 - 估唔到連個魚羹都可以咁大魚味 (腥). 所以不是我的一杯茶......天下第一炒 - 個名好"勁"呀. 但係好普通的一個小炒而已鐵盤干蔥焗走地雞 - 無咩特別, 家常菜味道!啫啫介蘭煲 - 好涸喉.....其它的都無特別, 所以亦不作特別介紹! 雖然一切都普普通通, 但價錢就貴得很!

1-3-2009本身幾鍾意食魚, 加上好耐之前睇了蔡瀾先生關於呢度的專欄 (http://motor.atnext.com/moDspContent.cfm?article_ID=(%22%2CC%3CQ%2FO!%202X%20%0A&CAT_ID=18), 幾有興趣, 呢日終於拉了屋企人0黎試試.- 小食係「牛耳」, 食落脆卜卜, 味道又鹹又甜, 帶南乳及蒜蓉香, 食唔停口!- 生拆魚茸羹: 有粒粒魚肉, 蛋白花, 紅蘿蔔絲, 粉絲, 木耳絲及芫茜, 咬口十足, 味道幾鮮甜, 不過胡椒粉落得幾重手0下, 飲完第二碗喉嚨都痕埋. @_@"- 天下第一炒: 個名夠晒「拋」, 其實係蝦, 帶子, 核桃, 西芹, 荷蘭豆, 紅蘿蔔, 洋蔥 etc 炒埋一碟, 令人諗起大排檔的「小炒王」, 食味平平無奇, 可以不試.- 薑蔥魚卜煲: 魚卜 (炸過的?) 彈牙,「膠」得很, 同薑蔥及陳皮絲「0者」完一輪後, 十分香口惹味! 不過一定要趁熱食晒佢, 凍0左少少魚卜就開始「溶」, 食到黐住個口.- 拍蒜豉汁蒜馬面骨魚: 豉汁夠味, 魚肉極滑溜, 不過本身鮮味一般, 豉汁蒸的話我都係鍾意食

自從蔡瀾先生在他的節目介紹過這店後，一直都希望光顧一下，以滿足小弟這個"好魚之徒"。適逢新年期間跟太座一家約吃晚飯，忽地想起他們都是愛魚之人，於是便即興來吃個飯....是夜主要目的是來吃魚，所以大部份的菜也是以魚為主。先來個拆魚羹，除了有大量鮮拆魚碎外，還有四絲 --- 切紅蘿蔔絲、木耳絲、粉絲及豆腐絲，都不可算是不足料。味很甜，吃得出下了些陳皮，很香。不過稍嫌下得太多胡椒，有點過辣之餘也蓋過了少許魚的鮮味...平常吃大良炸鮮奶便吃得多，加入了子薑及皮蛋來炸的就是首次遇到。這的確是很有創意，不過論食味，小弟還是喜歡傳統的"淨"炸鮮奶而且這裏的炸得太油膩，鮮奶也有點死實實的，奶味完完全全被子薑的辣及皮蛋的鹼味蓋過了米水浸豆苗是味道很清的一道菜，經過吃了幾天油油膩膩的過年菜式後，實在有需要吃吃這些來清清腸胃這裡做的也真的是不油也很清，豆苗一點也不過老。轉眼已被小弟一個人消滅了半碟了雙主角菜色便是鯪魚龍吐珠及蒜子火腩扣花錦鱔。所謂的龍吐珠便是將鯪魚身起肉打成膠，下了陳皮再做成鯪魚球用來圍在碟邊；剩下的魚身剛用來清蒸置在碟中，賣相極漂亮。魚球除了下了陳皮，還有很多葱粒。肉打得不算很彈牙，但魚味

以往因為人小的關係,所以去此食店不可能點她們的招牌河鮮,正因每條起碼要兩三斤才有”交易”的河鮮兩人根本吃不了那樣多.昨天和朋友們一家四口加我們兩人可以放心點了.1. 兩斤四的桂花魚一魚兩味弄得不錯, 一味西芹炒桂魚肉連一個桂花魚頭煲,令喜歡吃魚的我食指大動.2. 雞蛋焗魚腸---最值得推薦的是對比其他有供應此菜式的食店來說,雞蛋內的魚腸特別多.而且雞蛋的時間控制也適中,不會令雞蛋入口覺得太”老”的感覺.3. 合桃咕嚕肉味道不錯, 咕嚕肉咬落鬆軟, 我很喜歡這道菜4. 啫啫芥蘭煲反而是最普通的一味菜, 因芥蘭太硬, 我相信這道菜不適合老人家及幼孩吃的離開是見到在門口的大魚缸中有奇形怪狀的龜類和淡水魚,聽說比較有名的是一種大頭魚,單是吃魚頭部分已經非常美味的,下次有機會人數又足夠多的時候會再試試品嘗.總的來說,食物水平不錯,也走比較高檔的路線,相信對吃慣甚至吃膩了海鮮的人來說,河鮮會是另一種好的選擇.