聰嫂私房甜品 (已結業)

同GF在公司趕完一輪job咁辛苦，放工同佢搵聰嫂，食過幾間聰嫂，嚟間係最好味！我地叫左一個蜜瓜豆腐花，賣相好靚！食落重好味，軟滑晤太甜！都好重蜜瓜味！正！另外叫左個龍眼椰果冰，嚟個就無將軍澳果間咁好食，但晤係差，嚟間d質地夠多冰，但蓋過了一些龍眼味！

其實我嘅題目有D歧義喇，人地真係唔係好甜嘅，甜度啱啱好，不過對於我來講，食甜嘢真係幸福到飛起吖！我地來嘅時候係下午，所以人唔係幾多，唔使排隊，平時像唔排隊嘅話簡直係發夢，聰嫂太旺喇成日都係排長龍嘅。龍眼椰果冰你地一定要食吖，好正！龍眼清甜肉大件又多汁，椰奶味好濃，加埋d彈牙嘅小珍珠，真係無論口感或味覺都有足夠嘅享受！榴蓮班戟，適合榴蓮愛好者，唔食榴蓮嘅一定唔好點，因為榴蓮真係好大粒吖，榴蓮味好濃，鐘意食嘅真係好口福吖，班戟皮軟軟嘅然後有d凍凍地，裡邊仲有d雪糕，＋埋榴蓮真係，榴蓮黑糯米，其實我依家係度向鐘意食榴蓮熱同胞放毒，又係香甜嘅榴蓮，＋買糯糯嘅黑糯米，彈牙小珍珠，味道一絕！其他芒果之類嘅都非常真材實料，得閒來試下喇！

下午茶黎食叫左一碗楊枝甘露，一碗開心樂園。楊枝甘露好足料，有好多芒果肉，全部都好甜。份量適中。超級推介！！！開心樂園其實算係一個什錦甜品，有涼粉，芒果肉，沙冰，黑珍珠，椰果。價錢合理。

香甜滑豆腐花配甜芒果，仲系好多粒芒果 😊 另外+既綠茶蒟蒻就似抹茶漱口水既味🙊 熱既芝麻杏仁茶香滑好吃😋 大愛另加的芝麻湯丸，皮薄薄的😀 還有香香的榴槤班戟，薄皮包着滿滿的忌廉和下層的榴槤肉😛

鋪上一層厚厚的榴槤肉，有種豐滿的感覺。甜品充滿榴槤獨有的香味，整個甜品都是以純白色為主，給人一種冰雪的感覺，味道方面濃郁的榴槤味在口腔中瀰漫。 再帶有為數不少的水晶珠，水晶珠除了裝飾漂亮之外，本身沒有味道的，混合榴槤和雪花冰，令到它們有種爽脆的咬感。 雪花冰也充滿榴槤味，好像吃著榴槤味的雪糕一般，即使吃到底部都有濃郁的榴槤味，並不會變得淡而無味，值得推介。

同友人係灣仔食完晚飯，想再坐底吹下水。知道聰嫂係灣仔開左分店，梗係試下啦。但全店坐滿晒，等左15分鐘先入得。榴槤水晶珠：本人不太好榴槤，但朋友係榴槤控所以點了這款。大大塊榴槤放係面，榴槤沙冰好綿好滑，好似食緊雪糕咁。最底果層冰入面夾雜了榴槤肉，榴槤香滑且味濃。水晶珠輕輕一咬就爆，但沒什味道。榴槤控必愛！椰果龍眼冰：入口好清爽，龍眼味好濃，而且啖啖都係龍眼肉，感覺就是將雪到變冰既龍眼肉打成冰沙嘅感覺且帶有少少奶香味，非常真材實料。上面還鋪左椰果和爆珠，口感豐富層次分明。但因太凍，食到頭皮都發麻。

今晚三五知己食完晚餐，就去了這問甜品店，甜品好有特色，好好味，杏仁雪耳白果好有特色，芝麻合桃露好濃好看，芒汁荔枝果凍好凊新，適合夏天吃，紅豆茸涼粉消暑一流，椰汁黑糯米豆腐花椰汁較重，失去了豆腐花的味道。

Living in the area, I didn't realise they opened up near my apartment... Perfect time to have it on a hot and humid HK Saturday afternoon. We got two desserts, and never fails here. The mango and tofu hit the spot! Dragon's eye sorbet was a bit sweet, but didn't leave a drop behind. Will be back!

今日落左灣仔食lunch 食完飯就梗係要食埋糖水先叫完美😁 所以就黎左聰嫂食碗糖水 中午黎聰嫂唔洗排隊就入得好正😆 其實已經食到唔洗望餐牌既程度 直接order左一碗最愛既楊枝金露豆腐花😋裝到好滿好大碗👍🏻 粒粒芒果好甜又多 雖然係凍甜品但唔會太凍岩晒女生又要食凍野又唔想太凍既心理😆 豆腐花好滑有黃豆既香味😋

星級甜品的意思是因為這間甜品鋪的老闆是梁思浩而星級嗎？不過這裏的甜品味道出眾就是鐡一般的事實！如果愛榴槤的人就一定要來這裡朝聖！榴槤水晶珠榴槤控一定要食的甜品榴槤的精華就美味盡在這一碗了雪糕般的香滑口感加上榴槤肉同水晶珠！每一口都是幸福的滋味（只對榴槤控有效！如非榴槤控這碗應該是地獄來的味道）蜜瓜西米冰：究竟要用幾多蜜瓜先可以整到呢個濃郁又消暑的蜜瓜冰出來！每一口都是像真度100％的蜜瓜味但要留意西米加埋蜜瓜冰一齊食口感就會變到好硬這是美中不足的地方！呢間的甜品大部分都好出色果然無負星級甜品之名

行至灣仔自然不能錯過星級甜品，猶豫好久榴槤狂魔還是忍不住選擇了最愛的榴槤黑糯米，榴槤好夠味，配上脆脆水晶珠和軟糯黑糯米，嘩。。。真是消暑聖品😋😋而且份量超足！下次試過芒果雙拼奶

雖然我很喜歡梁思浩，但不是因為梁思浩才喜歡聰嫂甜品。第一次食是超級好食的，可能因為有一款甜品啱啱係我嘅至愛食物組合，杏仁豆腐白果薏米糖水，最值得讚係食材原味濃，但少甜！

Lunch 大概一點去聰嫂，有唔少位！感覺乾淨企理叫了芒果奶昔雙皮奶雖然用外賣碗裝，但係真材實料芒果都幾多，又香又甜奶昔同雙皮奶都好夾食完lunch 之後食下甜品都開心D

是日放工經過灣仔交點東西給朋友，難得聚聚就去食個糖水。不過選擇不多，上網找找，原來聰嫂係灣仔開左分店，咁當然要去食個最鍾意嘅龍眼冰啦。新鋪係修頓球場附近，因為早去，所以未有好多人，一到即入。新店樓底都幾高，幾大，光猛舒服。我唔使諗點左龍眼冰，朋友點左椰林翠影。龍眼冰一如既往，龍眼味好濃又香，仲有粒粒椰果，好有咬口。椰林翠影就好香椰子味，雖然配料普通，但料都足，啫喱果凍好煙韌，仲有粒粒明列子，口感不錯。

今日星期六，係灣仔店食，九點半食完晚餐過來 ，都唔係好多人排隊，一黎就已經有位 我地點左榴蓮黑糯米，榴蓮水晶珠，同榴蓮班戟，啲榴蓮好香 同朋友分享份外滋味 雪芭好足料 都有好多榴蓮肉 ！