聯記川王涼粉 (已搬遷) 新店位置

今日特登黎買盒麻辣豬耳.心血來潮, 冇得解, 個口及條脷都想麻一下!食豬肚已幾次, 今回要豬耳, 希望個軟骨有咬口又脆d. 今次真的得賞所願了!回家一打開, 已聞到d麻味, 口水已開始氾濫, 大腦的自我保護條脷意識其實係神經反射~一小條豬耳, 加條蔥, 不出10秒, 已上頭皮~真的幾脆, 和豬肚很不同, 但得好少吓加左價了, $28->$30!但仍會買的, 當然不是日日食喇

每次經過這橋底小店, 都會聞到陣陣刺鼻的辛辣味道, 多次曾想光顧, 卻由於種種原因未曾一嚐所願. 是晚再度經過, 終於得嚐所願. 由於小店真的很小, 而且已經坐滿了客, 於是便買外賣回家. 要了客回窩肉飯套餐, 回窩肉不算少, 亦不算肥, 味道亦沒想像中的辣, 香味是足夠的. 套餐有跟涼茶, 味道還可以. 我亦同意其他人的說法, 餐廳比較不環保, 因為眼見不少堂食客人枱面的食品並非用可循環再用之器皿盛載, 而是用外賣用的發泡膠盒.

一年前的我十分喜歡川王, 差不多每兩星期食一次上一上電, 因為佢真係夠麻夠辣夠正中.但自從老闆過完年後無返來之後, 我已經好耐好耐無食過因為完全唔係果樣野, 走晒樣囉...尋日(10月13日 - 21:45pm), 放學行過見佢仲未關門, 咁就買個蒜泥白肉(大辣)食, 睇下會唔會有意外驚喜. 點知唔食好過食, 成盒白肉係雪櫃攞出來, d大蔥及蒜已經比佢雪到乾柴柴, 味道一味死辣無晒麻味及香味, d白肉瘦到好似食樹皮咁, 份量得7-8片. 最過份係加價加到"四十大元"... 有相為証, 大家仲食唔食自己諗清楚啦~

因為唔知有咩好食，又一支公，就叫左個酸辣粉ｏｎｌｙ，女友又唔食辣無計講反先未搵到間野係邊，已經聞到好勁酸辣味，定花椒味？個鋪外面只有三張枱都坐滿了，重勁多人企係度等外賣！真係好麻好辣（我一般食到辣）下次叫小辣先！麻到個咀都沒知覺　ｈａｈａ下次捉ｂｅｎｎｙ哥一齊食！！試埋其他先得！！提一提大家　原來老闆每個月21-27號要去四川補貨，記得唔好去到摸門釘啦！唔怪得咁好食啦！夠正宗！　向來ｓｕｐｐｏｒｔ正宗料理！！

之前做好調查先去幫襯，所以自備再用盒。只試左腐皮川北涼粉，好味！唔係有食家所講：好油....食唔落......佢地講呢D好似講緊同街同類物品。

九月十二日，星期日落住毛毛雨，又係去尋辣的時候其實去過聯記川王都好幾次每一次的水準都差唔多今次見人少少，試下堂食叫左個麻辣牛肉酸辣粉/$20，不過份量小左。今次試左小辣，係辣得有層次的頭幾啖係麻辣既麻香，之後的辣味就繼續浮出黎食到尾，飲兩啖湯發覺已經冇左麻辣感，換來的係湯底本身的肉味每一次去完紅磡食辣，都好似重新充電讓自己好好收拾心情，重新投入生活

未搵到呢間店就聞到了花椒的香味順著花椒的香味就先看到人龍然後看到店外的僅有3張枱已經坐滿了食客更多的人站在週邊唔係等位就係等外帶生意好到難以想像其實就是個大排檔比大排檔規模還要小呢間店每月21-27號暫停營業因為老闆要去四川補貨那些原料配料很多都是四川來的所以味道正宗才有基本保障當然 門面是店家自己的 不用被繁重的店租煩惱所以每個月才可以歇業7天那麼久我一個人去當然沒辦法點他們招牌的一長串川菜只能點個酸辣粉 才16元真是鮮美麻香不辣 但是很麻麻味在嘴裡持續散發15分鐘之久麻到嘴唇都沒知覺了真是很過癮！下次一定組團來吃幾個大菜

這個假期,沒有白費我留港消費,以為新彊菜是我這假期的最後一頓食評,讓自己好好收拾心情,重新投入工作.....怎料"食神"又至降臨,真的不可拒"神"於千里,下一節Diet?到時再想吧聞各,不如親身嘗試,在附近飲完檸檬汁,在這天氣裡,當然沒有想過川菜堂食,相信食完會在烈日下溶化的我,只好外賣兩個小食回家..:馳名的酸辣川粉 - Yeah, yeah, yeah...醬料適中,應有的川辣和應有的酸都有.有些時候,食店為了迎合本地人ロ味而改變,減了麻,又減了辣,減了酸,不論不類,這樣子就會喪失川菜的風味.這裡都蠻忠於原著,所以出色ロ水雞 - 又是那個醬做得頂瓜爪! 但亦有改善空間,外賣裡占有部分是雞中翼的轉彎位,油亦略嫌多,但咸味欠俸,但麻感久久未散.喜歡川味的我,已覮齒夾留香.所以食物喜好,其實都因人而義!已覮滿足!

同呀媽一直都周圍搵辣野食啦食過幾次..覺得佢煮D野食真係好睇佢地心情lor= =我地叫左-毛血旺+酸辣粉(小辣)-麻辣牛肉(中辣)-涼拌貢菜(中辣)-涼粉(小辣)結果個酸辣粉仲辣過個牛肉lor...貢菜好咸...涼粉又一般個小辣同中辣真係唔知佢點搞= =

之前經過都想試,今次專程幫襯,今次唔洗等位,我叫左兩個粉:雞絲川北涼粉(小辣) - 味道正宗,有麻辣的味道,涼粉好滑而且很林,撈埋醬汁很野味,不過我order了小辣都已經好辣啦!口水雞酸辣粉(小辣) - 粉的質地很特別,我之前未食過這種綠色的粉,亦有麻酸的味道,不過口水雞骨多肉少,而且湯底比較油,比起涼粉更加辣!

喜歡吃辣是從小時候開始,也是多得長居外地的舅父好介紹!清楚記得的畫面是:舅父回港探親,與家人在酒樓飯聚,召侍應取來原隻指天椒一碟,舅父當這是餐前小吃一樣,臉不改容地一隻一隻往嘴裡送,還說居住的地方天氣冷,已慣了這樣的吃辣取暖.還遞了一隻給我說不辣….當然後果如何可想而知,自此亦開始喜歡上吃辣的感覺.同時亦認為吃辣必然是天氣泠地方的專利.直至多年後接觸到泰國菜及四川菜才改變想法,原來熱的地方也一樣吃辣!更要是加了麻的辣!麻辣吃過許多次,但從沒試過三十多度在室外的環境下坐在街邊進食.這天的場景友人說有點像在重慶.酸辣粉中辣再加多一點----與平常見到的不同,面頭撒了大量的荽茜蔥,湯沒有刺鼻的酸味,麻的感覺和辣味比較出,薯粉咽韌滑溜,配合花生、肉碎及炸菜絲同吃,是吃得到有層次的辣.比只懂加辣椒油的某店高出何只幾班!皮蛋----這種黃色的四川皮蛋,雖沒有溏心的外表,但吃起來蛋黃位置也是一樣的黏口!這個中辣的汁調味亦是不錯!夫妻肺片----各樣材料也是硬身了一點,而牛肚吸汁力強,是最入味的一款.這店的麻辣味道是做得很平衡,沒有偏向任何一方.除了環境外是沒有什麽好批評的.沒去過四川不知這是否接近當

友人想食麻辣, 其實自己對呢種口味唔係咁like... 不過, 日日放工行過都無食過, 一於試下.. 每次行過黃埔街尾都會因為佢而嗆鼻, 所以都唔係咁想去食, 既然呢次有機會, 辣死罷就.. 哈哈叫左兩個酸辣粉, 一個係肉片, 一個係口水雞. 之後再加多個無咁辣o既紅燒排骨...兩個人都唔係咁食得辣於是只叫左小辣, 不過... 都好辣喇. 未食前總係以為只有辣, 咩味都無, 點知食左一片肉片後就完全改觀, 因為肉片好厚身, 好腍, 好多肉汁, 最緊要仲係好夠味, 好明顯係經過精心醃制, 唔會只係食左一件浸左係辣油中o既豬肉片. 抵讚.再來口水雞, 雖然唔係話好滑, 但真係好有雞味, 仲幾夠份量.. 而我雖然叫小小小小辣, 但我估同個小辣無咩分別... 哈哈.. 都係咁辣.最後一碟就係紅燒排骨, 因為個口好辣, 呢個菜就真係唔辣, 但亦無咩特別.. 總體來講真係食得過, 應該有第二次..

見雜誌成日都介紹, 所以早前專程走去一試…因為午餐吃得太飽的關係, 所以只點了一客北川涼粉…味道OK…但因此店好評如潮, 令本身滿心期望的我有點失望, 雖然不錯但卻沒有想像中的好…而且份量真的太少, 真的吃2啖就吃完…環境不是太好, 加上現在夏天吃得更辛苦…如以後路過還是會幫襯的, 但如要再專程去就不必了…

聞名已久的聯記川王涼粉 , 每次經過都必定有人等位, 而無耐性的我每次都打退堂鼓, 今次既然買了外賣到商場開餐, 順手外賣嚐嚐吧 買了口水雞小辣涼粉和夫妻肺片, 等候期間見到有食客兩位女士在分享一大盤水煮魚, 在烈日當空的天氣下, 在悶熱無風的小店門口, 那鍋血紅色不時冒著煙像地獄般的水煮魚, 光看我就吃不消了, 還有那陣陣的辛辣味攻出門口, 兩位女士絕對是專家級別, 幼稚園級別的我倆, 拿了外賣就怱怱逃進冷氣強勁的商場! 有先見之明的W好快就搵了個冷氣的出風口, 當他吃了第一口涼粉, 熱汗還是冷汗什麼的都流了下來, 先前試圖以冷氣令辣度降溫的計謀失敗了, 好在我吃涼粉前先吃了口水雞, 得以在舌頭麻痺之前嚐到口水雞的真味, 口水雞真不錯, 入口既入味又滑, 好味! 而夫妻肺片亦是另一樣噴火之作, 最大問題是肺片的表面很多井字型的紋, 辣油都流入去了, 越食越辣, 越辣越想搵汽水救火, 終於忍唔住急急到附近買了汽水降溫, 好辣呀亦都好過癮, 專家級別常言道, 麻辣會上癮, 只是作為幼稚園級別的我們實在離專家之路極遠, 要多加訓練!

有一次搭車經過見倒有個後生男同老闆一齊自從老闆不在以後就由佢當大廚應該係佢地徒弟掛幾個月前食都仲好好地7點夜晚居然無咩人排隊今次無特別留意係咪個後生男煮因為天氣好熱就即攞即走點左食開既1. 川北涼麵 (因為麵比涼粉入味d)2. 老干媽煸肥腸3. 酸辣粉川北涼麵--d 麵條諗晒唔彈口, 水水地, 會入味至奇, 連d香料都落少左唔夠味 老干媽煸肥腸--平日我會連辣椒都食埋, 因為好入味, 今次o個d直頭生生地, 全部都好似兜熟下咁, 無咩鑊氣, 一d 老干媽醬都食唔倒酸辣粉--粉唔係好熟硬硬地, 油多水多, 少痳得個辣字......唔知老闆會唔會真係因為唔係自己租既舖位(屋企人既), 而諗住唔理佢淨賺呢?我有好多o係紅磡有食開呢間既朋友都唔打算再去啦可能有人會覺得我誇張左覺得唔係咁差者反正無以前比較過我家姐對4川菜唔係太有研究就話就算佢差左都好過好多香港其他4川店咁都係既 因為好多香港4川店d料唔正宗呢間正宗但唔再認真落去囉........倒不如老闆試下暗中叫個外賣試下包佢鬧到pk以後黃埔食飯名單又少左個lu.......失望p.s: 佢地個回鍋肉自一年前開始, 已經係一早炒定ga, 所