聯威茶餐廳 (已結業)

柯士甸入面既懷舊茶餐廳以前細個喺呢度附近學琴 今日同兩老喺isquare睇完戲後老豆話想食蒸魚所以就行左過去食呢度個涼瓜倉魚炆燒肉好抵食 $78大大碟我就另外叫左港式茶餐廳既懷舊鋸扒一上菜 枱枱都望過來我呢邊因為真係好大碟🤤🤤又熱又層層疊咁下面好多薯菜係兒時既味道呀不過鐵扒真係要趁熱快啲食 如果唔係就會好‘un’🙊🙊🙊呢個扒只係58大元 加個紅豆冰都係加3蚊真係窮人恩物作為街坊要多多支持😆😆😆

聯威茶餐廳久不久都會過來，原因很簡單，感覺街坊、經濟實惠，唔算多味精這店在柯士甸路，三角公厠對面，蘭香雞腸麵隔離，行入去那座舊樓內。喜歡這店多卡位，而且多數都是熟客，只要你來多幾次，店員會記得你的喜好，感覺良好是日晚餐，經濟實惠，還有例湯，多數都是青紅蘿蔔煲豬骨還記得第一次到來，食其香煎咸魚肉餅飯，就是那碟飯，吸引我久不久過來，兩大塊煎得香口的咸魚肉餅，加上薑葱蓉伴碟，成碟飯通通食晒⋯⋯但原來我食過多次，好味得忘了影相存底最近見他們印了新餐牌，咪寫兩筆囉⋯⋯印得這樣精美餐牌，即是話加咗價，依點你明嘅⋯⋯中、西式，各適其適$18 另加油菜，提醒你吃多點菜番茄焗豬扒飯，$50 一個套餐，番茄芝士舖喺面，豬扒大大塊，還有炒飯底，有餐湯送，在尖沙咀區，依個價錢，晚餐嚟講，相當合理另一西式選擇，精選冠軍牛扒餐$58,凍飲加$3,鐵板上，當上枱時，那陣陣鐵板渣渣聲，童年回憶返晒嚟，老實說，對那塊牛排唔好期望太高，鬆肉粉在所難免，只是偶爾想回味一下童年往事，吃著番茄🍅有啖啖的牛油味，配上薯條加茄汁相當過癮中式選擇:涼瓜班腩煲:一個人，有瓜有魚抵食之選另外乾炒牛河:炒得出色的牛河，現在已買少見少了，這

之前都有食開佢餐廳，都係叫外賣嘅，今日比較來小小先送來，可能佢多訂單掛。🤔今日叫咗個蘿蔔炆牛腩～個顏色好清⋯都真係冇乜味😂😂😂咁好啦，我餓到狗咁～琴琴青咁食個飯食第二啖見到條毛，就心諗茶餐廳有條毛都唔出奇啊～😕點知食多一陣又比我見到再多一條毛🤯，佢好似眼睫毛咁，之後已經有少少食唔落，但冇理由成個飯就咁唔食㗎嘛😩😩😩😩咁我就繼續食落去直至比我見到第三條毛仲要係長啲嘅，真係好想嘔，我仲要差唔多食到尾先見到！🤢🤢🤢

因為公司就在附近，所以不時來到這間，隱身於柯士甸路尾住宅的茶餐廳，大大話話，這三年來已光顧了三，四十次。早餐的沙嗲牛肉出前一丁，差不多是每次來吃早餐，必點之物，你話水準是否真的很出色，那又未算。與我最喜歡的九龍城樂園相比，起碼差兩班，但勝在就腳，沙嗲味道偏辣，沒有前者的濃厚，略加一包出前一丁麻油，味道頓時提升。百物騰貴的今日，四十多元在茶餐廳，晚上還可以吃到碟頭飯，包例湯與飲品，而且在尖沙咀，實屬難得。就是看到前輩葉一南，在果籽的專欄，談及到焗豬扒飯，興之所致，這晚便來一客。反正我從沒試過，這裡的焗物水準如何？炒過的飯底，粒粒分明但偏濕潤了一點，面頭的茄醬酸甜度恰當，豬扒肉質鬆軟而不硬，例湯清甜，味精不太強已經可以收貨，試想想，茶餐廳怎可能不會有師傅？輸少當贏啦。奶茶一貫水準，香滑之餘味道亦平衡。免費WIFI任用，年前的速度時快時慢，現今穩定好多了。

呢個煎肉餅飯， 係呀午餐餐牌的一個， 幾好味， 煎得啱啱好， 佢重點係攞薑蓉配， 冇諗過咁好味， lunch時間太多人，冇同朋友坐低， 咁就外賣食。 這間老牌茶餐廳不是在大街的， 縮咗落一座大廈入面， 真係要熟呢頭先搵到。

在尖沙咀柯士甸路有一條窄巷，在兩座大廈中間，如果街外沒有放置一個易拉架廣告，我跟本不會留意到裡面有間餐廳。北菇紅燒豆腐$63-套餐包了白飯和例湯，豆腐很滑，北菇很爽滑，獻汁味道剛好也不會太杰。薑葱霸王雞$66-包白飯和例湯，雞肉上放了很多芫茜、薑絲、蔥絲，還有豉油，豉油味道似蒸魚豉油，不太鹹。椒鹽鮮魷$78-新鮮炸起的鮮魷，外脆內軟，味道很惹味，佐酒最啱。套餐同樣跟白飯和例湯。套餐除可選擇例湯，也可選熱飲，涷飲加$3。

同BB去尖沙咀隱蔽聯威的食下午茶，佢唔想食太多就叫沙律，點知大大碟，哈哈！我幫手食咗D,都覺得整得幾好，多薯仔啦、最緊要唔係好林，爽口嘅，佢都做到，不過主角炸魚好似有點濃了！

行過這隱蔽的餐廳，大約在晚上七時，肚子餓了，叫了個羊腩飯送例湯和熱飲。羊腩飯有枝竹件碟，入味尤其是羊脯連皮，非常爽口。食完喝完湯，再來杯熱奶茶，不得了，這杯熱奶茶香滑濃香，完成了這晚餐的完美句號。今時HK$58.00 在尖沙嘴能吃到這豐富的一餐也不容易。

現在要在尖沙咀旅遊區要找到便宜好吃的茶餐廳真的很難，要數大家可能都想起集團式的翠華，澳門茶餐廳，而傳統的茶餐廳真的聊聊可數。我對聯威的咖喱牛腩飯（炒底）情有獨鍾，這裡的咖喱辣度恰到好處，連怕辣的小女子我也可完成一整碟的飯（實在太好味了 ）。它的薯仔看來是煎過再炆，所以特別好吃，多了一個層次。雖然這個是下午茶餐, 但份量十足, 真係大件夾抵食。再來就是這裡的奶茶，好喝，我的奶茶控老公也大讚。還有這兒的例湯，用料十足，有鮮甜的味道，雖不至於很濃，但以茶餐廳價錢來說，我給它100分后記, 剛好隔壁的是遊客，遊客點了兩份下午茶后再另點西多士，店家主動說計他們單點價錢會便宜一點 ，抵讚，這樣才是待客王道。希望這類傳統茶餐廳繼續經營下去，不然茶餐廳會變成香港人集體回憶。

近期愛上這茶餐廳，很愛它的奶茶！現在很難找到一間奶茶及食物都做得好的食店。大多數鋪頭能做好食物但欠缺靈魂奶茶；少數鋪頭奶茶掂但食物一般；而兩者兼備就更少之有少，但這店做到！！今次下午茶同樣點了吞拿魚治烘底+熱奶茶。熱奶茶：未飲先聞到奶茶香，一飲之下會發現茶香及奶滑是同時間感受到的，兩種感覺好像反方向帶著你走一樣，中間包含不同層次感；茶和奶的比例恰好，溫度適中，完全無苦澀味，完美！吞拿魚治烘底：麵包烘得脆，吞拿魚醬撈得好味，份量不少，還夾著生菜絲。很清新，正！忍不住外賣多個熱奶茶，難得外賣的奶茶水準依然！

已多年沒光顧此店，愛上奶茶後亦未曾光顧。難得今天經過附近，一於要試試其奶茶。店鋪位置依舊隱蔽，也要經過一個看到天井的大廈，相當有趣，但店內格局已改變了不少。點了個下午茶餐要吞拿魚治+熱奶茶。熱奶茶：超有水準，夠香夠滑，毫不苦澀，茶與奶比例恰好，兩者融合得完美，不會有點「水」的感覺。這杯是對我來說「完美」的熱奶茶。 之前真是有眼不識泰山。吞拿魚治：吞拿魚醬夠多亦好味，還有點生菜絲。那位女伙計服務態度好，有禮貌。

一支公漫遊行行下, 肚子餓要搵野食喺度醫肚星洲炒米少許咖哩味份量豐富，材料多蝦好爽,難得米粉唔油.味道唔錯!呢間野都幫襯好多次囉 在橫街入面，吾係熟客都吾識揾到$34一個炒米送埋飲品,真係平通街，值得一試

在尖沙咀尋食，基本上人人都會大叫貴，但當你熟地頭，又識得搵，在尖沙咀區，依然是有平民百姓飲食的好地方。這一日，我在柯士甸路，本來想去感受一下近來最潮的韓食，可是該店不做中午，沒辦法之下一定要找別的。在出晒名食韓國菜的柯士甸路，其實不止韓菜，也不止有天香樓，當中也有不少尖沙咀工友勝地。而是日我要找的，就是位於大廈內，若不是當日某一家著名的海南雞飯店曾設館於此，我也不知道這一個天井是另有天地的，而是日我的午飯地點，就是天井內的《聯威茶餐廳》。佔地很大的茶餐廳，佔了兩個舖位，不過中間隔了一條不知通向那兒的黑巷，弄到地方極不實用，而我就坐在伸延的，沒有 cashier 的那一邊。環境不迫，但坐低後感覺好迫，及有點不自在。先來是水湯一碗，是一個青紅蘿蔔瘦肉湯，味道上並不突出，很多茶餐廳推出此湯，主要是成本低，味道又大眾化，濃淡都好味，是一個百搭的湯水。食物，在有很多東西沽清之時，我只選了這個午市快餐，時菜排骨飯。這飯，是簡單的快餐，排骨同菜早已經煮好，有客人要，淋上飯面上即成。叫好的，就是排骨大大舊，肉感豐富，不好的就是味道一般，只能稱得上是OK!奶茶，也是普普通通，能飲就算了。這一家聯威，的確

下午茶最好食咩?? 平時午餐時間人多, 多數等到2:30後才出動, 來一碟下午茶炒飯, 人不多, 食得又舒適, 價錢又平些少.今天有些例外, 早上遲了食早餐, 到三點鐘, 還不範肚餓, 而且好耐無食炸雞翼薯條. 研究了餐牌一輪, 想食雞脾, 又想食雞翼, 兩者同樣是$24, 心想, 雞脾貴過雞翼, 是否雞翼有兩隻呢?? 答案是: 失望鳥…. 上檯時只有一隻雞翼, 而且只屬中小型, 炸得外皮夠脆, 但肉質頗實, 雪得太過所致, 薯條即炸, 夠熱夠脆. 有咩理由一隻炸雞翼同一隻炸雞脾同價呴?? 激死!

位於大廈天井位置的茶餐廳, 最最麻煩的就是, 收機訊號是零狀態, 今天難得清淨, 無訊號就安心食早餐啦, 看早餐的形勢, 今天似乎不太如意, 煎蛋不太美觀, 過熟, 蛋不太新鮮, 平平偏偏, 蛋蛋沒有微微卜起, 牛排樣子頗嚇人, 中了毒一樣, 非常深啡色, 油油面, 似翻炸再翻炸, 咬落果然硬實實, 鞋口非常, 唯有火腿麵包算了, 幸好火腿煎過, 麵包尚算軟熟, 奶茶夠香濃, 吃少一點早餐, 午餐來過豐富吧