影片
营业时间
今日营业
07:00 - 21:30
星期一至六
07:00 - 21:30
星期日
全日休息
以上资料只供参考，请与餐厅确认详情
【油尖旺区】【联威餐厅】上年圣诞节，因为我要返工，所以都冇乜得同朋友食饭。难得大学同学耀哥话佢有时间陪我，咁我梗系唔会令佢失望。本身谂住同佢去山林道金凤锯扒，点知鬼咁多人，唔知点解。𠮶吓先记得，系㖞，圣诞节系乜鬼嘢西餐都全场爆满仲要排队，连金凤都系。咁我哋就喺附近揾啲嘢食，行吓行吓就贡咗入去三角公厕对面凹咗入去𠮶个位，几栋大厦夹住嘅一个空地。𠮶度有几间餐厅，我哋作为麻甩佬，就食茶记「联威餐厅」。入到去发现门可罗雀，几乎冇客，我哋都担心究竟系咪伏，不过我𠮶吓都冇乜时间，照食。耀哥食 $88 嘅「皇袍鳗鱼叉烧饭」配 $5 嘅「红豆冰」，佢话佢个饭劲好食，鳗鱼鲜嫩，叉烧高质，蛋又滑，搞到我好羡慕。因为我锯 $72 嘅「澳洲牛扒」配洋葱汁饮 $8 嘅「冻柠茶走甜」就真系差咗啲，拣错嘢喇我。埋单 $173，有人欢喜有人愁。。。（地址：尖沙咀柯士甸路15B号嘉华大厦地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #尖东 #尖沙咀 #红磡 #1am红馆 #联威茶餐厅 #联威餐厅 #皇袍鳗鱼叉烧饭 #红豆冰 #精选冠军扒 #澳洲牛扒 #洋葱汁 #冻柠茶走甜 #1am1655 #1ambackup
继续阅读
作为一个厨师，我只可以喺平日三四点出外觅食…今次近近哋行咗去公司对面嘅茶餐厅，呢间嘢我都经过咗好多次，但由于佢日要行入去大厦入面再穿过去，所以我成日都冇入到去食…地方简洁明亮，客人唔算多可以坐到卡位，不过就系啲旧式卡位，张凳都几硬下嗌咗个西多士，对家嗌咗咖哩牛腩饭，西多士正正常常，非常之正常嘅发挥，唔似依家啲茶记，又芝士又朱古力碎，九唔搭八…咖哩牛腩饭整得有啲hea…甜椒洋葱都唔拉下油，生嘅咁揼落个咖哩汁度…至于旧牛腩，无炆过，就系蒸熟咗，好难咬…咖哩汁就几好食，不过咁求其嘅话好难有下次茶走同冻柠茶算系几好饮
继续阅读
<港式铁版餐>满地百元港币起跳的铁板餐里面这个价钱相当亲民才64个大洋 没有配餐包跟汤反正我意在铁板上的食物 那些汤点就算了吧港式的意思是 味道是小时候的那种而非吃肉味 是那个调味 文字确实难以形容那个平民级别的猪扒 薄牛扒 充满香草味 全都是调味料的口味肉质就是那种适当地以松肉粉处理过的 未有到散肉 也不会紧绷绷般 完全是当年在柴湾渔湾村的海运餐厅一样薯条跟鸡翼新鲜地炸到脆脆 由点餐到上菜只有十多分钟 讨厌之极的三色豆当遇上浓浓的黑椒汁 顿时也能轻易入口 没有半点厌恶感餐牌上写著：「热饮加5蚊 、改冻饮加8蚊、改红豆冰加10蚊」没有半点犹疑下 立即冲出「红豆冰」三只字 毕竟我嘛 那么精打细算的穷小子 内建大贤者🤭（格价版本）😂然后再看多一下餐牌，什么改冻饮？改红豆冰？本来就没有饮品附餐，哪来的改？ 同台的不断嘲笑著的职业病发作☹️最后的打单也好久不见了
继续阅读
今朝食个早餐，叫咗沙嗲火腿煎蛋出前一丁，个沙嗲汁好特别，喺出面未食过，提升咗成碗面，火腿食得出系金妹牌，个蛋煎得非常出色，食得出个出前一丁是即煮的，平日早上无乜胃口嘅我，次次都食唔晒一份早餐，今日竟然成碗食晒😆😆😆奶茶非常好饮，好有茶味，茶与奶的比例刚刚好，这杯奶茶绝对系本年度最好饮👍🏾👍🏾👍🏾感觉这间小店与出面啲连锁茶餐厅好唔同，不是出面的粗滥制作，每样食物都用心经营，好开心找到你，成为我的食堂😋😋😋
继续阅读
香港地时常有餐厅隐藏喺大厦之内，今次如果唔系同事带路都唔识嚟。话说某日外出工作，lunch时production同事想喺尖沙咀食平民野，唔好咁贵又饱肚，就带咗我去呢间联威，佢个门口要进入大厦大门，然后见到一个好似天井位竟然有间茶餐厅喺度，坚隐世。不过隐世又是否一定好味呢～环境☑️☑️呢个环境当然唔会系好靓，纯粹老茶一间，听讲呢度系好多司机大佬、导演摄影师嘅饭堂，即系好多男人！味道☑️☑️☑️佢成个Menu最吸引就系啲「皇袍乜乜物物」，个皇袍其实系用鲜奶炒蛋，所以个蛋会带点奶白色，会较为滑身。我今次拣皇袍叉烧饭，个蛋几滑唔错，只系个叉烧较为差，切得厚之余又有少少干身，完全好贴切男人窦食男人嘅粗豪叉烧饭。性价比☑️☑️☑️一个碟头饭加杯冻柠茶，盛惠$63，喺尖沙咀唔算贵唔算平啦，胜在坐位唔逼，又唔赶你走。
继续阅读