影片
港铁朗屏站 D 出口, 步行约11分钟
继续阅读
开饭介绍
以校园为装修主题的港式甜品店，推介花心小冰，能够一次过试到芒果及草莓等四款西米冰。
继续阅读
营业时间
星期一至日
14:00 - 00:00
以上资料只供参考，请与餐厅确认详情
之前喺将军澳去过聪嫂，觉得佢个龙眼冰好好食。元朗近排开咗间聪少，唔知系咪同一间，于是就去试下。同先生叫咗一个合桃露同埋汤圆，正到好交关! 好耐冇食过咁浓合桃味嘅中式糖水，有生磨既感觉。而个汤圆汤既姜味同甜味简直调到一流，好香好浓，汤丸系芝麻馅，都非常好食。我哋今晚系食完煲仔饭再嚟呢一度食甜品㗎，所以更加温暖，再过几日再冻d, 可以再黎试其他糖水。其实佢环境好合潮流㗎，靓靓嘅环境一定亦有西式糖水啦，之前我都食过佢嘅榴梿甜品， 又系一流
继续阅读
平时都系食开聪嫂，见到有间叫聪少，心谂系咪假㗎！不过见啲甜品又好似一样甘，而且有王牌龙眼冰！照入去食！唔止有龙眼冰，佢仲有士多啤梨，蜜瓜味！系粉色系列丫！好靓！所以试下新野！叫咗个蜜瓜味！出到黎同张相都好似样，好靓！第一啖蜜瓜味好重！不过就有啲似雪糕，即系有只韩国蜜瓜味雪条𠮶种感觉！其实如果钟意蜜瓜味都应该会觉得几好食。不过我都系钟意龙眼清清地，同咬𠮶时会有啲微粒咁，龙眼肉unun地，可以咬咬下！
继续阅读
食完晩餐，有少少意犹未尽，要食下甜品才感觉完满。上周试过另一甜品新店，感觉良好，唔知今晚这家水准如何呢？这店子在安娜餐厅附近，晚上九时已经坐无虚席，还有人在等外卖。店子中型大小，座位廿多个，装修有时尚感。甜品选择颇多，有成本小册子咁多，有传统的中式糖水同港式的水果甜品，定价亲民，由$17-$65。芝麻合桃露$22这甜品真系正！无论芝麻糊或合桃露的味道都很出色！芝麻糊的芝麻味极浓好香，口感十分香滑。芝麻应该有炒香过才磨粉，才会这样香浓；合桃露的合桃味十足！超香！质感幼滑，真的有香宫的水准。味道香而滑，不会太稀太稠或过甜，唔会吃完滞左，正合我口味。一次过吃两款口味认真正！推介！芒果炖奶$3x这甜品有著三重口感：面层有鲜芒果，芒果大大块，好甜又juicy; 中层有芒果沙冰，沙沙口感，加上芒果汁，味道清甜；最底层有炖奶，口感滑溜而奶香。炖奶配上芒果汁，变得无咁腻，有著芒果酸酸甜甜的清新甜美，又有奶滑口感，实在不错！椰果西米露$12 （外卖）这西米露椰子味十足，西米份量唔少，而中间又夹有椰果，口感QQ而酸酸地, 感觉比芋头西米露新颖，以$12可试到，认真超值。整体而言，这甜品店比上周那家性价比更高，甜品更加有水准，而且不用出市区在元朗都有高水准甜品，推介！
继续阅读
探完囝囝回家之前，觉得有少少牙痕，所以特意去聪少买甜品返屋企食去到门口，大大张Poster有几个Promotion,主要以外卖自取为主，于是叫左一碗鲜什果椰汁凉粉、椰汁椰果西米露及芒果布甸回家食，三碗糖水合共只需$56，真系抵到烂返到屋企打开外卖，发觉每样甜品都超足料先讲鲜什果椰汁凉粉：外卖碗比平时市面大及高身，里面装有满满鲜果，份量十足，椰汁味香浓，八折左后只需$34，真系抵食到烂，必食之选椰汁椰果西米露：椰汁味香浓，西米大大粒，糖水内超多椰果粒，无因为价钱$12而偷工减料，赞👍🏻芒果布甸：香滑足料，只需$10，唔错市面上一般甜品都要起码三、四十蚊落楼，就算价钱平，材终都无咁足，始终明白舖租人工材料样样上涨，难以取得平衡，难得此店可以做到平靓正甜品🍮，所以值得推介
继续阅读
每逢星期六晚食完晚饭😋😋，都想食埋个甜品🍧🍨🍰🍮🍩🍹先觉得系完满的一天💃🏻💃🏻！今日就嚟咗元朗嘅聪少甜品，平时去开尖沙咀𠮶间次次都系叫龙眼椰果冰，今晚就试吓唔食龙眼椰果冰，试下蜜瓜豆腐花，点知一食就觉得原来蜜瓜冰豆腐花先系绝配，😋😋蜜瓜冰非常之鲜甜同非常凉快，唔知系咪已经食厌咗龙眼冰？点解我会觉得个蜜瓜 冰好食过龙眼冰？🍈🍈🍧🍧你而家做紧推广，加＄10外卖芒果布甸！🍮
继续阅读