聰少甜品 (已結業)

食完晩餐，有少少意猶未盡，要食下甜品才感覺完滿。上週試過另一甜品新店，感覺良好，唔知今晚這家水準如何呢？這店子在安娜餐廳附近，晚上九時已經坐無虛席，還有人在等外賣。店子中型大小，座位廿多個，裝修有時尚感。甜品選擇頗多，有成本小册子咁多，有傳統的中式糖水同港式的水果甜品，定價親民，由$17-$65。芝麻合桃露$22這甜品真係正！無論芝麻糊或合桃露的味道都很出色！芝麻糊的芝麻味極濃好香，口感十分香滑。芝麻應該有炒香過才磨粉，才會這樣香濃；合桃露的合桃味十足！超香！質感幼滑，真的有香宮的水準。味道香而滑，不會太稀太稠或過甜，唔會吃完滯左，正合我口味。一次過吃兩款口味認真正！推介！芒果燉奶$3x這甜品有著三重口感：面層有鮮芒果，芒果大大塊，好甜又juicy; 中層有芒果沙冰，沙沙口感，加上芒果汁，味道清甜；最底層有燉奶，口感滑溜而奶香。燉奶配上芒果汁，變得無咁膩，有著芒果酸酸甜甜的清新甜美，又有奶滑口感，實在不錯！椰果西米露$12 （外賣）這西米露椰子味十足，西米份量唔少，而中間又夾有椰果，口感QQ而酸酸地, 感覺比芋頭西米露新穎，以$12可試到，認真超值。整體而言，這甜品店比上週那家性價比更