聚來車仔麵

营业中

休息中

早幾日去深水埗買嘢，成日覺得呢一區嘅餐廳一定要又平又好食先做得住，競爭好大行吓行吓去到基隆街，有好多文青 coffee shop之中見到呢間聚來車仔麵 醒起好耐冇食車仔麵try try 先蒜泥白肉 $28，肥瘦適中，唔會太重調味遮哂所有嘢，點埋啲醋嚟食好開胃車仔麵叫咗紫菜 $9、豬頸肉 $13、牛腩 $13、米粉 $10牛腩炆得淋身，唔會韌唔會嚡口湯底清甜熱奶茶有起”依”，見到塊依係信心保證，唔會難飲得去邊 另外有飯餐，亦有生餃子可以買走 .

聚來車仔麵👻去開深水埗買野想係附近食啲簡單啲既見到依間車仔麵又有煎餃食好似幾唔錯咁又真係無揀錯😆😆.🔅豬頸肉龍蝦丸菜心油麵 HKD 41豬頸肉係一條條長形個款有稍為煎過車仔麵配豬頸肉無得輸個湯底揀咗腩汁夠濃味但又唔會咸似係用心煲湯底無味精🤩🔅豬紅蘿蔔芝心丸生菜番薯粉 HKD 47蘿蔔夠淋豬紅係少少少辣番薯粉佢係扭紋咁既幾得意又夠健康豬骨雞湯底清得黎又夠味😙🔅煎餃(韭菜椰菜各三隻) HKD 30煎餃估唔到咁出色煎到脆卜卜又唔會燶咬落仲要好多汁爆出黎真係有啲驚喜 好好食早知叫多啲見到對面枱一個人叫咗16隻望住佢好快就清哂😆😆🔅胡椒豬肚 HKD 35豬肚都處理得幾乾淨胡椒味可以到出啲不過有啲芝麻係面都係幾好食既小食😛.整體黎講：煎餃好正 要再去食😚.🎈聚來車仔麵 (深水埗)深水埗基隆街172號地舖

.‼️❤️ 記得CLICK我PROFILE關注我呀 ❤️‼️.🤤 Yᑌᗰ Yᑌᗰ ᕼK ᒪOᑕᗩᒪ ᖴOOᗪ @ 🌟 聚來車仔麵《👽食神大媽食地道美食》.💁‍♀️ 圖片展示美食為：四餸車仔麵 HKD 45秘製辣魷魚 HKD 35炸雞翼配薯條 HKD 30爆漿阿華田西多士HKD 30.👽 大媽覺得餐廳好味固然係首要，但係如果餐廳除咗專注味道以外，仲會提供非常好嘅服務態度，咁就更加值得支持 👍.😋 本土地道美食，作為香港人一定要支持 💪 呢一間小店嘅店名完全呃咗大媽，以為淨係食車仔麵，點知入到去先知道原來咩地道咩美食都有得食。.😂 大媽係好老土嘅，鍾意翻兜經典美食無限次。車仔麵唔使講，你淨係望吓啲蘿蔔嘅切口，就知道師傅絕對唔係新手求其。明明唔係主打賣牛腩，但係份牛腩一啲都唔會差過所謂嘅專門店，非常嫩、非常之入味！仲要好大舊添，唔係求其俾啲牛腩碎呃秤架！👍.🦑 咖喱魷魚呢啲真係由細食到大就當然一定要嗌啦，而呢度嘅咖喱真係非常之嘢未，明明唔係買咖喱，但係個咖喱做得非常出色！辣得好惹味！但係又唔係用辣椒醬嗰種死辣！又係呢句，仲要超大份，好多好多魷魚鬚真係好正！🤤.🍟 下午茶時段，好想食香口野，叫一份雞翼薯

車仔麵專員又來周圍食啦！呢間係深水埗嘅追來車仔麵雖然唔係喺鬧市之中不過佢都有好多捧場客睇得出係街坊熟客！雞翼冬菇豬大腸米線滷水汁辣醬原來係另上 馬上非常之吸引冬菇大大隻雞翼脹卜卜豬大腸份量都好多 湯底有腩汁味亦都有少少滷水汁再加埋辣醬好香！豬頸肉炸魚腐油面 豬頸肉油炸過而且熱得非常之入味炸魚腐亦都好大嚿！一睇就知呢個煎餃好食啦煎得咁靚！果然不出我所料皮薄餡多而且有好Juice嘅韭菜肉汁流出！炸小肉丸 入邊應該係一啲肥豬肉同蝦肉魚肉 咬落有少少煙韌而且調味都唔錯！凍奶茶比我預期中好飲因為佢個茶膽非常之濃！唔怪得知有咁多熟客啦因為食物質素真係有水準！

家庭式經營，各司其職，向住同一個目標努力👍餐廳坐得舒服，環境乾淨，食物款式多，除左車仔麵，仲有好多小食😁下次再去既話，綿羊會揀下午茶時段食爆漿阿華田西多士🔥----------套餐B 3餸車仔麵 $40粗麵有咬口，冬菇又腍又入味，豬紅新鮮，豬手肉質鬆化👋淨餸 每款$9-$13牛腩拍得住出面清湯腩既質素😻上湯花膠大大塊，食落爽滑🙌手打魚肉欠缺左彈牙既口感，不過味道上都很不錯🐟豆卜索晒湯底，一定正啦😆煎餃子 $30半打嗌左鴛鴦餃✌韭菜餃基本上穩陣一定好食又香，椰菜餃入面仲有啲木耳，肉汁多好juicy👍煎釀三寶 $20豆腐、茄子、尖椒。出面多數都係豆卜釀魚肉，而豆腐就會就咁炸，呢度竟然將豆腐切片再釀魚肉煎🤓雞翼 $28(4隻)可以揀瑞士/蒜香/柚子蜜，綿羊揀左柚子蜜🍯似係炸完啲雞翼撈柚子蜜，脆得黎又冇禁熱氣😉好欣賞佢啲柚子蜜比得好足夠，啖啖都有柚子香🤗

糧尾嘅大胃，肚餓起上嚟，何去何從呢？又唔想苦待自己個胃，但又唔想增加荷包負擔，深水埗此刻係我嘅家呢度真係好多平嘢食，想知有咩又平又抵食，最好睇睇邊間多街坊入去打躉呢間主打車仔麵，一麵三餸嘅話，有埋花膠牛筋都唔過$50，絕對係糧食豪食好去處花膠有成兩大塊，河粉又唔散，幾有驚喜薯粉亦夠彈牙，蘿蔔都爽口牛柏葉亦冇鹼水味，最緊要份量係好足煎餃子可以雙拼，椰菜同韭菜通食都得，外皮煎得香脆，一咬啲汁噴到成面都係雖然車仔麵已經有兩塊菜，但真係幾爽口，所以額外嗌多碟生菜，腩汁上一樣滿足加兩蚊就有熱飲，唔需要另計凍飲就要加$5，凍奶茶都沖得唔錯

去開鴨寮街買野，到食飯時間行下行下見到呢間乾淨企理既車仔麵店，最開心可以點好多款餸😹坐底先發現車仔麵店都几多元化，乜都有得食，除左車仔麵，又有飯又有小食等。同朋友一人點左一碗車仔麵，另外加左份白菜煎餃及蒜泥白肉。煎餃煎得非常靚，皮卜卜脆。蒜泥白肉充滿麻油香，點埋醬汁好開胃。車仔麵好大碗，麵好多，雞翼好入味😋小辣都好夠辣👍推介要食煎餃，另見到格離枱點炸丸都好吸引，今次食完太飽，下次要來試下炸丸。

俾IG上面一個爆醬阿華田西多吸引左, 放工特登黎試下。店員都係比較年長, 不過服務都好細心㗎, 似家庭式作業。雖然係車仔麵, 不過安排位置都好好, 唔會要你搭檯, 逼住坐。車仔麵請睇相特別介紹個豬頸肉好香, 係燒烤既味道豬紅好入味, 真係成粒都好入味!!豬手好淋, 超乾淨冇毛魷魚同豬耳量都好多, 特別係豬耳, 超淋超好食!!🥰🥰仲試左佢地既菜圃, 都幾辣㗎, 小心落。 切得比較碎, 不過幾好食我地另外仲叫左個蒜泥白肉, 雖然同想像既唔同, 唔辣, 不過有D涼拌腩肉FEEL, 第一次食都覺得幾好🤤🤤黎到主角!!一上檯已經嘩….. 先唔講阿華田, 個西多本身都好出色。😳😳脆! 花生醬(依家好多地方都唔落)!!淨係食呢個都值回票價

【聚來車仔麵】#深水埗 #車仔麵經常覺得飲食界嘅價錢同質素往往唔成正比，太多寂寂無名嘅高質小店終究不為人知。今日同大家試咗一間近排都見唔少blogger推介嘅深水埗車仔麵小店，先講結論——真係「高手在民間」。我（為咗畫面靚啲）叫咗份六餸車仔麵，金菇、冬菇、牛筋、豬紅、豬皮、豬頸肉，至於麵底呢就揀咗薯粉。———————————————牛筋質地軟稔到好似按摩完鬆散曬嘅筋腱，食落極之舒服。睇嚟呢隻牛嘅待遇仲好過班運動員（cry）冬菇居然唔係冬菇仔而係大大隻仲大份過蛋黃嘅冬菇，而且有三大塊， OMG。豬頸肉肉質嫩滑，色澤誘人，份量恰好令你食到唔夠喉，可惡。豬紅作為豬紅愛好者嘅我願意俾個大大嘅PASS佢。金菇份量又係多得驚人，而且唔似得好多餐廳將啲金菇煮到家破人亡咁款，唔使撈嚟撈去yay豬皮again讚下份量好多。好滑，而且好識得索啲湯，叻仔。真心真心大推介，支持下高質小店啦👍🏼———————————————#聚來車仔麵 聚來車仔麵 (深水埗)深水埗基隆街172號地舖

深水埗真係一個尋寶的地方👍🏻，作為一個香港人，要覓食，當然搵返香港最地道嘅食物啦！🤩今次搵到呢間車仔麵，真心高質素！❤️👍🏻📌2餸車仔麵套餐🍜$35多款餸菜選擇，揀咗冬菇🍄、牛腩🐮、幼麵和腩汁。冬菇同牛腩炆得夠腍🐮，腩汁超級香，食得出冇味精，食得好舒服📌淨湯餃6隻🥟🥟$28可以揀鴛鴦口味，韭菜和椰菜，皮薄餡靚，滑捋捋🥟📌蒜泥白肉🧄🐷$28買盤精美，蒜香黑醋就是精華所在，肉片沾上這個醬汁超好吃，好開胃🧄📌招牌鮮炸肉丸🧆10粒$28即叫即炸，熱辣辣，蔥香濃郁，忍唔住一口接一口的吃！🧆📌菜心🥬$18新鮮，喜歡他們店家的招牌腩汁，好香！🐮📌爆漿阿華田西多士🍞$30上方沾滿阿華田脆脆🍫，超流心🤩，中間夾着香郁花生醬，超級好吃😋！下午茶仲包飲品！

口味嘅嘢真係每個人都唔同… 自己試過先知咩料見到有人推介呢間車仔麵正正係我哋成日食間餃子店對面 就try try 佢！由於一心想試佢嘅招牌炸肉丸 $28/10粒所以叫兩餸麵就算喇 我哋細食🤣我跟餐$35兩餸，凍檸茶+$2✅ 牛腩同冬菇配薯粉牛腩好似食緊肉丁咁，冬菇已經唔係靚花菇，但居然冇蠔油炆，片冬菇係扁嫁！唔係脹卜卜入味冬菇！加分係有條生菜你食咁囉🤷🏻‍♀️薯粉正常，湯底佢寫豬骨雞湯，好淡，我加腩汁同中辣都係淡而無味又食唔到辣！凍檸茶啲檸檬🍋好薄我完全篤唔到🤦🏻‍♀️另一碗散叫兩餸$29+$5凍飲✅ 蘿蔔+豬皮 配油麵蘿蔔係我鍾意食果種帶爽唔係稔到爛果種！冇渣冇苦味👍🏻👍🏻油麵老公話好似剛散開未煮好個麵咁🙈湯太淡嘅關係另叫比咖哩汁 都係挽救唔到碗麵係食哂碗麵碟肉丸都未上嘅情況之下 有啲想取消 但店員話整緊 唯有等終於上枱 老公急不及待試食可惜 眼見肉丸細粒都唔緊要 一食落口完全唔覺得食緊炸物肉丸冇肉味嫁！我咬開幾粒真係一啲肉都見唔到！炸皮同餡分開 好似疏左風咁 仲要偏油！入面聽講話係蘿蔔蓉 但完全冇口感 感覺係蘿蔔味嘅炸肥膏！不推薦 完

深水埗真係好多野食 車仔麵都已經有n咁多間 依間除咗車仔麵 另一名物係餃子🥟 所以佢地一樣有生餃可以買😚.餸既款式同平時車仔麵差唔多 由$9至$13不等 都可以揀嗌套餐 不過自選就多款揀啲～ 湯底我簡佐要秘製辣醬 用佐好多蒜粒加辣椒油調成 唔算好辣都幾惹味 唔夠可以再自己添😛花膠都幾爽口同大件 而且好索湯～ 豬肚同豬頸肉都切到條狀 前者彈牙 後者有微微烤過帶點嚼勁 豬手都好滑溜 蘿蔔bb好夠甜無渣🙆🏼‍♀️.▫️招牌鮮煎餃子🥟 $40到我最期待嘅煎餃們😍 可以揀韭菜/椰菜 我地要佐前者 煎至金黃色好靚 個皮岩岩好唔會好厚同唔易散😆 外皮咬落香脆 一咬就已經有肉汁 內餡都好足料紥實 帶點鹹香既韮菜味～.總結，個煎餃真係整得唔錯 可以試下😆 車仔麵質素就偏正常 另外仲有其他惹味小食 連煎釀三寶兩餸飯都有🙆🏼‍♀️ 同埋環境都幾乾淨企理～～

門口望落去似是著通茶餐廳，但入面裝修充滿人情味，仲寫住‘有緣相聚，歡迎再來’。我地叫左招牌韭菜餃，煎釀三寶，車仔麵，同油菜。全部即叫即整，新鮮熱辣。招牌煎韭菜餃🥟-招牌即係招牌，係自家製架！咬落去仲有湯汁又足料，好好味！佢仲可以買返去自己煮添！另外仲有椰菜餃。一樣都係老闆娘自己包！煎釀三寶-即叫即煎，用鯪魚肉，夠彈牙，唔係溝麵粉，豆腐完整又夠滑。生菜配腩汁🥬-有得配蠔油或者腩汁，我揀左腩汁。六餸車仔麵-有上湯花膠、豬大腸、墨魚丸、牛柏葉、蘿蔔同魚蛋。好足料好抵食。蘿蔔冇揸，同花膠一樣好入味，豬大腸乾淨又滷得剛剛好，牛柏葉爽脆！

今日去開深水埗，去左食呢間車仔面店😍一行入去位置唔多，但坐落幾舒服👍🏻車仔面既款式好多👍🏻湯底都有6-7款任君選擇😎我叫左豬手、墨魚丸、魚腐米線🍜豬手好林而且多肉😍墨魚彈牙仲叫左招牌小食——十粒肉丸🍡超級好食！即叫即整，上菜時仲熱辣辣架！入面係豬肉加蘿蔔😛好入味👍🏻👍🏻👍🏻👍🏻外脆內軟😍有機會一定再去食！香港地道車仔面店越來越少啦，大家行開深水埗，不妨去試下啦😛

「喂！執好野未啊？」「檢查多次啦！」「記得帶Passport啊！」佢講完又講。「得啦得啦！你今日講左十次啦！」我唔耐煩咁繼續講「我哋又唔係今日飛！」明明聽晚先上機架，都唔知佢咁心急做咩！「執好晒啲嘢之後，我想出去行下！」「最後睇多一次呢度既所有野。」佢突然轉身望住個窗口咁話。冇錯！今晚係我哋最後一晚留喺呢度，聽晚既我哋已經喺飛機上面。準備去日不落國重新開始生活。即使有再多既唔捨得都冇辦法，只希望有朝一日可以再返黎呢度。「咁你想去邊啊？」我向佢問。「記唔記得我哋第一個記念日，我哋去左邊？」佢向我反問！「我記得你喺果度買左一大隻布甸狗俾我😍」「我聽日都會攬實佢上機架！」我好開心咁講。「唔好扯開話題，你明明就唔記得邊度😂」俾佢踢爆左🤫🤫🤫 有個聰明既另一半有時都會幾大打擊！「深水埗啊！」「我仲想去食埋地道既野，當係最後既一次！」佢繼續講「去到果邊好難再食到架啦。」拖住佢由鴨寮街出發，睇住一間又一間賣電話卡既檔頭變成空置。其實冇計啦，電話卡實名登記搵鬼去買咩！好彩賣公仔同玩具果條街仍然咁多布布！😍😍😍「我肚餓啦，食野先啦！」我話。「不如就去呢間？聚來車仔麵。」你指一指咁話。聚來？有聚有來，啱晒