聚來車仔麵

营业中

休息中

耐唔耐就想食下車仔麵，今次嚟到深水埗嘅呢間舖頭試下先！🔖四餸車仔麵(油麵底)💰55通常食車仔麵都會揀腩汁，今次都唔例外😌調味啱啱好，唔會太濃味😛配料方面有牛腩、牛筋、滷水雞腎同清甜蘿蔔🤓牛腩份量都幾多，肉質軟腍，而牛筋同雞腎都好入味😚不過幾款配料入面係蘿蔔最出色！因為真係好甜，超好味🤩💫推薦指數: 8.5/10🔖 四餸車仔麵(米線底)💰52呢碗車仔麵係配咗清湯底，唔洗擔心會無味，因為佢係豬骨雞湯，重點係食完完全無口乾啊😚配料方面就揀咗爽脆豬頸肉、清甜蘿蔔、牛丸同手打魚肉~豬頸肉預先處理過，所以帶有陣陣嘅香料味😋蘿蔔頭先就已經講過有幾好食啦🤣牛丸彈牙有肉汁😍而魚肉同樣充滿彈性，有淡淡嘅胡椒味添~💫推薦指數: 8/10🔖招牌鮮煎椰菜餃子💰30每隻餃子都脹卜卜，夠哂金黃香脆🥟每一啖都好juicy🤓絕對稱得上係皮薄餡靚！💫推薦指數: 9/10🔖爆漿阿華田西多士💰30嚟食嘅話記得一定要留肚食呢個甜品🤤西多中間有流心漿，四圍就攦滿哂阿華田粉，望落去好吸引😍入口唔會覺得油淋淋，中間仲有一層超香濃嘅花生醬夾心🥜正😋💫推薦指數: 8.5/10

聽人講黎親都要等位，今日去到竟然唔洗，不過要搭枱。眼見枱枱都係阿華田西多士加車仔麵，初次黎既我當然都係咁既配搭。落單要拎筆係Meun上剔，之後俾侍應落單。♥️牛腩、手打魚肉粗麵(沙嗲汁) $34牛腩炆得岩岩好，魚肉唔係食到成口粉果種，個人覺得有小小腥，沙嗲汁香噴噴幾惹味，食車仔麵好耐都未試過食到4-5舊都係完完整整既牛腩，而唔係牛腩碎，依樣係值得欣賞既👏🏻！♥️牛丸、雞翼、魚片頭油麵(腩汁) $42雞中翼有兩隻，幾欣賞牛丸，咬開一半見到有汁，冇加味精既豬骨雞湯底清清地，冇咩油，男朋友就覺得腩汁味唔夠濃。♥️爆漿阿華田西多士 $30依個係今次用餐既重點✨，上碟既時候視覺上都幾吸晴，面層鋪滿阿華田粉，爆醬係阿華田+淡奶，味道中規中矩，美中不足甜味完全唔夠，個人覺得打卡食一次已經足夠。

同另一半收工經過深水埗，又要IG早前有Igger介紹，就來呢間新開店食晚餐，叫左四餸車仔麵米粉 (沙嗲汁+少辣) (跟飲品) $45 豬紅:一口Cube Size，好入味牛腩:好冧身，好有牛味芝心丸:正常咖哩魚蛋:肉質彈牙，有咖喱味自選車仔麵米線 (沙嗲汁+少辣) $42豬耳: 爽脆爽口滷水雞腎: 滷水汁好入味魚腐:魚腐有驚喜，好大嚿，淋滑，應該係自家製秘製辣魷魚 $35係出面食開既咖喱魷魚質地，個汁好野味，食得出個辣汁加左麻醬，多左陣香味整體幾好食，少辣不太辣，下次可試試中辣，另外如有車仔麵必叫既鳳爪同酸齋就更吸引。另外見到好多台客人都叫左流心華田西多士，晚上食好似好HEAVY，下午茶經開可以試下。見到員工們應該係一家人:有疑似爺爺,嫲嫲,老公,老婆幫手,仲有一對小朋友係最入張枱做功課。自家小店要支持一下。人均: $40 - $80抵食: 💰💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️ 💁🏻‍♀️環境: 😉😉😉😉

每個星期都要去深水埗打波，早已吃勻了不少有名的食店，今天想吃車仔麵，但又不想排隊，找到了這一間小店。一路吃發現店裏的都是熟客，小店已家庭式經營，老闆娘非常有善，服務態度非常好。—————我們點了什麼：煎韭菜餃雞翼魷魚魚腐粗麵套餐B餐 牛腩冬菇蘿蔔粗麵 煎雞扒—————。煎韮菜餃。最好吃的放最前！煎餃的皮夠薄，正合我意。（個人認為湯餃的皮要有厚度才夠煙韌，而煎餃子的皮要薄才夠酥脆）韭菜比例夠多，而且不會切得太碎，還保留有一點蔬菜的口感和菜汁。整體而言香脆惹味。—————。雞翼魷魚魚腐粗麵。這款湯底要連瑞士汁加中辣辣汁，要一讚車仔麵的湯底，用上豬骨和雞熬成，清甜吃完後不會口渴。辣汁蒜香味濃，重度嗜辣者如我應該要點大辣才過癮，不過枱面也有放了一瓶辣醬，可以自行再加，加了瑞士汁的湯帶甜。三款餸菜最好吃的是雞翼，軟稔入味，一咬便甩骨，有誠意。魷魚新鮮爽口，但略嫌不夠辣香入味。最後是肥仔之選 - 魚腐，鬆軟口感而且很吸湯。麵底要了粗麵，不會煮得過軟，略有嚼勁，掛湯不錯。—————。牛腩冬菇蘿蔔粗麵。牛腩鬆化，滷得入味，果然是店內的招牌。可惜在減肥的我不能吃得太多，只可分一點給The Bread吃。

Me and my friend saw a Instagram post reviewing this place and we decided to give it a go ourselves. To no surprise, the place was packed after that rescue was posted. We waited for around 30 minutes to get in. The service was okay but the waiting time was terrible. The place was understaffed and we had to wait for like 30 minutes for some of our food. The food itself was great though. Would only recommend if you have plenty of time on hand.

大概容納廿零人，應該係家庭既小本經營生意，啊姨間唔中要照顧啊仔，啊女仲著埋校服幫手。見個店名都知主要做車仔麵，都有飯同其他小食。上菜速度比較慢，差不多食完，飯先至到。✨味道67分，服務63分，環境65分。.🔸招牌鮮煎餃子($40/8pcs)⭐️超有驚喜！真心推薦⭐️外脆內juicy！外皮煎到金黃色，又唔會太燶，咬落入面會有少許汁流出黎，韭菜仲包到脹卜卜。.🔸秘製蔥油香煎豬扒飯配雙蛋($43)送熱飲豬扒煎得香，肉咬落唔韌，都尚算大塊。兩隻太陽蛋，再配埋甜豉油係不錯，不過甜豉油落太多，令飯太濕。.🔶自選車仔麵🔸河粉($10)：不過不失，偏碎。🔸爽脆豬耳($12)：好入味，應該煮好耐，易咬開。🔸香辣魷魚($13)：水魷魚配有蒜辣味既醬汁。🔸蘿蔔($9)：夠稔夠甜。湯底：揀左瑞士汁，中辣，不過唔係好覺有瑞士汁味。另外，落左枱上既菜脯，令成個湯更香，不過菜脯好碎好細，會散開於湯內消失。.🔸油菜($18)

在深水埗做完運動，去了女兒介紹的小店。這裏絕對是家庭式作業，三代同堂。老中少三代都在店裏幫手，絕對感受到那份感情和家庭融洽的感覺。車仔麵個湯底就比較清淡，可能因為我沒有加特別醬汁。牛腩炆得相當之好味，墨魚丸就不過不失。煎餃子同埋煎釀三寶就比較出色，新鮮熱辣，味道適中。餃子煎得外皮香脆，咬落去完全有肉汁流出，值得推介。煎釀三寶絕對有家的感覺。估唔到車仔麵檔都有西多士食，醬爆阿華田西多士就真係好邪惡，好有創意和味道也不錯。

本身間餐記都算遠離深水埗，要搵都唔係太就腳同方便，但都算係隱世茶餐廳啦😂，第一次去，竟然要排隊，仲要係下午茶時間，大家都係為咗一樣野而去，先講環境，雖然唔大，但都裝修得唔錯，擺設都有，野食種類都好多，有車仔麵，3餸自選飯，有平時掃街會食到嘅小食，睇到都各有特色，最後當然環介紹大家不悉要排隊都要食到嘅食品，就係爆漿阿華田多士，佢係由阿華田多士在中間加阿華田，營造成爆漿的效果，是好出色和驚喜的甜品！有興趣的朋友記得試試啊！😍😍

❤️深水埗街坊推介嘅小店，真正家庭式經營，聚來聚來，其實係指「有緣相聚，歡迎再來」🥰試一試都真係性價比高❤️車仔麵嘅餸選擇係好多，三餸麵大約四十幾蚊搞掂，算係中等價格～今次叫咗餸有雞腎，魚腐，龍蝦丸，蟹籽丸，肥牛，牛筋～😛最主要係餸份量比得多，雞腎入味同埋係軟身質感，而湯試咗腩汁同滷水汁都各有風味，同埋餐廳標榜無落味精都係好重要嘅加分位😍但如果講到真正焦點，其實佢地啲小食仲高質～今次叫咗煎釀三寶同招牌肉丸，煎釀三寶煎得十分香口，魚肉好好味，特別一點係佢個青椒好似比平時食到嘅辣🤓好過癮！而肉丸係豬肉加咗應該有洋蔥薯仔蘿蔔呢啲去炸，同我屋企會自己整嘅薯仔肉丸／薯仔餅好似，即刻有家的感覺～有埋凍飲埋單一人食六十幾蚊食到勁飽👍🏻

經過深水埗突然好想食車仔麵就入左黎 發現幾有驚喜 車仔麵嘅配料多到有成50款！ 有選擇困難症嘅朋友注意啦👅 亦有好多唔同嘅套餐比你自由組合 而且性價比好高✨✾ 自選車仔麵🍜 (hkd45-50)呢個價錢係配4餸連麵底 而且份量都多 非常抵食 湯底方面都有7款可以選擇 最推介沙嗲汁 好濃郁惹味 配料方面 最鍾意佢嘅牛腩牛筋 都煮得好入味好淋軟🦭✾ 蒜香雞翼🍗 (hkd28)全部都大大隻 外皮煎至金黃色 配上炸蒜更加香🧄 如果雞翼本身都帶蒜蓉味就仲惹味！✾ 蒜泥白肉🐖 (hkd28)發現點左好多蒜味嘅小食😂 一塊塊薄切白肉加上濃厚嘅蒜蓉 食到好滿足～ 成間小店都係由一家人去運作 仲見到小妹妹係度同屋企人玩 場面好溫馨 好有家嘅感覺♡

早兩日同老婆去左「聚來車仔麵」試佢哋嘅下午茶限定供應嘅「爆漿流沙阿華田西多士」同 招牌煎餃子🥟🤤 爆漿流沙阿華田西多士$30大家睇相就知有幾咁澎湃，一刀切落去就爆漿哂出黎🤤小編本身亦好鍾意飲阿華田！所以完全係岩哂我口味😋招牌鮮煎餃子🥟$40/8隻(兩溝)有兩款餃子，一款係椰菜餃，一款係韭菜餃，可以8隻叫同一款，亦可以每款4隻又得，任君選擇，皮薄餡靚，餃子個皮煎得好脆👍車仔麵3餸一麵+熱飲 $40都幾大碗，餸 同 麵嘅份量亦唔少，好足料👍PS: 店舖係一家人負責經營，好有街坊生意 同 家的感覺，令人好窩心😊

我的麵給你家的味道和友人相約深水埗，車仔麵是個好選擇，喜歡吃什麼就吃什麼！店內環境光亮，乾淨企理，不錯，友人都讚好。人均：$75.四餸車仔麵套餐單叫套餐$45包一杯飲品，凍飲加$2，好抵食！我叫了三餸套餐就$40！罐裝汽水加$5！有多款醬汁，麵款、配料任君選擇，眼花撩亂。推介：蘿蔔，牛腩，豬紅。.韭菜餃椰菜餃勁推介，自家手作餃子，新鮮，健康又好味，好有媽媽包的味道，餃子一咬，肉汁會滴出來，加上自家辣菜脯，好好味。.@gather_again

深水埗其實係一個尋找美食好去處不過好多時你都要細心搵先會發現例如今日推薦嘅一間車仔麵店雖然車仔麵唔算太出眾但佢其中一款甜品極度推薦就係邪惡華田多士厚厚多士抹上一層濃厚花生醬再夾入華田醬，華田粉同半融化的牛油好邪惡好好味

雖然深水埗最近開多左好多間ᏟᎪFᎬ☕️但係地道特色野食， 始終都佔有一個位置😌👨‍👩‍👧‍👦溫馨🥰家既味道💕家既感覺🏠~•~•~•~•~•~•~•~•~•~•~•~•~•~•~•~•~•~•~▪下午茶🍵 (15:00 - 18:00)▪(包1️⃣杯熱飲 • 凍飲 +$2)▫️ 爆漿阿華田西多士 ($30)依個必食❣️真係超滿流心餡😳一上枱，見到中間個ᏢᎪᎢ流心漿😍面頭再加左勁多阿華田粉🤎西多士🙅🏻‍♀️冇炸到油淋淋👍🏻仲要食到勁香花生醬味🥜估唔到同阿華田🤎係可以咁夾🥰.▫️ 雙拼三文治 ($26up) (芝士🧀 加$2) • (烘底🔥 加$1)有冇見過人食得咁刁鑽🤨麵包烘到脆脆地，加埋ᎠᎾᏌᏴᏞᎬ ᏟᎻᎬᎬᏚᎬ🧀🧀 勁滿足😝.▪野飲🥤▪▫️凍❄️鴛鴦 (下午茶 +$2)一定要係小店先飲到既味道😌奶茶🫖同埋咖啡☕️比例好好，兩種味都飲到🤗.▪小食🧆▪▫️煎餃子 • 8️⃣隻 ($40) 🥟有韮菜 / 椰菜2️⃣款可以揀。最好係，仲可以揀2️⃣溝👏🏻餃子🥟全部都煎到金金黃黃⚜️隻隻都脹卜卜💫勁足料，皮薄多餡😍(韮菜 • 🐷豬肉碎) & (椰菜 •木耳 • 🐷豬肉碎)旁邊仲有餃子醋俾你點🥢不過我覺得本身調味都夠😙.▪車仔麵🍜▪

下午茶時間約3pm,來到位於深水埗布行街附近的車仔麵店。試試最近網上熱傳：車仔麵店賣的“流心華田西多士” 。未進店已有一堆人在門口排隊等候，等了約30分鐘終於被安排入座，店內面積不大只有8至10張枱。店內也坐滿食客，有一位小妹妹在樓面幫忙招呼客人。這裡下午茶餐的選擇不多，只有漢堡包，西多士及三文治的基本選擇，流心華田西多士亦只在下午茶時間有售（而且每枱客人都會點）。餐蛋治（烘底）麵包有烘底，食落唔會好濕。雞蛋食落有少少甜味，加上普通餐肉一片。而整體味道一般，沒有太大驚喜。流心華田西多士本次最期待的西多士，外層炸到金黃的花生醬西多，表面再配上華田粉+淡奶。食落唔算甜，但華田味被中間的花生醬蓋過，基本上食唔出。另外，淡奶略為落得太多中間被浸淋，令西多士鬆脆感減弱。加上一用刀切開淡奶就由平碟的邊邊流到周圍，處理上有點狼狽。而西多的整體表現也是一般般（網上評論略為有點誇張）。整體評價：因是小家族經營的小店，店內人手明顯缺乏。觀察所見，店內上餐及入座主要由1位小妹妹處理，另有2位老人家幫忙基本收拾，而大人負責收銀及廚房。加上星期日人流多（主要是被網上評論吸引來），所以無法應付大量出現的客人。而是