聖安娜餅屋 (已搬遷) 新店位置

見到有叮噹雜果蛋糕,即刻買薩試下~原來佢D料係同fruit tart一模一槎,只不過fruit tart係tart底;叮噹雜果蛋糕就係蛋糕底~味道就同普通雜果蛋糕一樣,冇乜特別!

平常下班回家前，會繞道到附近超市或麵包店入糧。晚上八點半後，這兒剩下的麵包都係三、四個鐘前推出的倉底貨，大部份都巳經「變形、乾涸、賣相倒胃口」，都唔會幫趁。週六早上，小表弟妹來我家，給我帶來新鮮出爐的「迷你糕點包餅」（$10/五件）作早餐。迷你pastries 十蚊五件，他們選了：兩款麻糬球（紫蘇、原味）、兩款丹麥酥（咖哩牛肉、蜜桃）、合桃千層酥。賣相漂亮，小巧可愛，味道居然Okay，大發現！質素直迫「山x」，真係估你唔到。食晒五個作早餐，加杯自家冲泡的「星巴克」咖啡，好滿足啊！

咪咪貓造形的茄汁吞拿魚麵包，賣相算不俗。唯部份貨品的貓耳朵部份，造得不是太明顯，連帶整個貓咪面孔都不是太明顯。麵糰跟「笑笑魚」般偏軟，相當「食風」！餡料方面，亦跟「笑笑魚」的吞拿魚餡差無幾，分別只是添加了丁點兒的茄汁而已。整體上質素跟「笑笑魚」一樣，好睇唔好食！***************************************後話：終於，試勻晒五款公仔造形麵包。兩款以吞拿魚作餡都唔掂！當中，以「黑芝麻八爪魚包」的「軟硬兼施」麵糰部份最吸引。

眾聖安娜產品裡，個人覺得其「厚方包」挺出色。面積較一般細，麵糰香軟、麵包皮煙靱。抵食！

女友家人生日，訂了一個三磅重的「法式聖安娜蛋糕」，足廿人享用，味道仲好好味！

日期：2004.09.10食物：三重夾心迷你冰皮月餅 a. 夏威夷果綠茶白荳蓉 b. 粒粒甘栗綠豆蓉價格：$25/2件（任配，可選不同口味）評語：每件獨立包裝，5邊形的造形（那就是所謂的「星形」），每兩個由一個軟紙盒盛載。 a. 夏威夷果綠茶白荳蓉：綠茶皮相當芬芳濃郁；夏威夷果仁碎粒，令口感相當好；惜豆蓉過甜，有點「膩」，吃一口巳經覺得夠了！ b. 粒粒甘栗綠豆蓉：差不多情況，甘栗碎粒，增加口感，惜豆蓉過甜！註：：未食聖安娜這全新系列的冰皮月餅之前，頗有好感。電視廣告由阿旦和毛毛兩位資深藝人演出，拍攝手法、演譯手法都相當生動出色。（恕我直言，此這CF 比之前由Twins 擔綱的更有水準。）加上，產品的造形、包裝是重新設計。令冰皮月餅由兩層進化至「三層夾心」，想當之有創意。惜調味方面失手，可惜！此店的售貨員，比起旺區的分店，算友善和好服務。

大就夠大,軟亦夠軟, 只不過,粟米太少,而且幾乎所有粟米都「靠邊站」,唔係係底就係係側邊,包心完全無粟米,唔係幾好!個包只係普通無乜味既包,唯一可取之處只係夠軟!

呢款係四方形既西餅,有兩層蛋糕,底層係朱古力蛋糕,上層係普通黃色既蛋糕,中間有一層忌廉,西餅面有藍莓醬,酸酸地,幾好食,可惜係蛋糕比較硬,不過聖安娜蛋糕係咁架喇!

個法包幾軟,幾好食,但係實在係太少粟米喇,我諗夾夾埋埋只有十幾粒,粟米只係用沙律醬黏係包面,好容易跌,其實食呢個包既時候,大部分時間係食個法包而食唔到粟米,咁仲叫咩粟米包喎!同埋個包面好多一粒粒既粉(唔好意思,我唔知個d叫乜,東海堂既粟米包都係落左呢d,佰係唔係麫粉又唔係糖...)。如果多番d粟米係ok架!

鬆脆蛋卷，$8/10條，每條獨立包裝。不油不膩，鬆脆可口，可以一試。

品名：洋蔥豬扒包(每天9:30am 和3:00pm 出爐)價錢：$9評分：4.5 (5分為滿分)<br />評語：<br />1. 嫩滑的豬肉配以香甜的洋蔥汁，夾在作熱狗用的芝麻餐包裡，物有所值！<br />2. 因汁料濃稠度和調味恰好，故此食品涼掉仍可口！<br />3. 分量足以夠一個OL作午餐，可謂價廉物美！