而打淥滷汁拌粉 (青衣城2) (已結業)

初頭見有人排隊，同埋啲滷水味真係好香，成個商場都聞到，所以我哋又排隊買嚟試吓。我哋買咗豬手，雞腳，金錢肚同貢丸，已經七十蚊。我哋住喺樓上，所以用咗5分鐘已經返到屋企即刻開嚟食。我哋認為成盒嘢食唔夠熱、唔夠入味、唔夠淋，隻豬手仲要無斬開成隻上。我哋最後有自己再翻煮加熱，不過煮多陣都仲係唔夠淋，同埋得好少汁，所以無辦法令啲嘢食入味啲。我哋幫襯過一次叫試過就算。因為一百蚊應該有其他我哋覺得性價比更高嘅選擇。

曾經一年去5次台灣，去親呢，一日五餐都要掃街如果去台北一定去師大夜市食滷味真係講起都流口水足足2年無得去台灣，日盼夜盼頸都長除左瘋狂買D台灣手信喺屋企食出街見到台菜都會雙眼發光青衣城二期開咗之後多咗好多餐廳選擇最新呢間真係心心眼，係台式滷味呀﹗﹗呢日即刻去買返份熱滷先要咗份招牌4拚再加滷汁拌麵SHARE做下午茶都幾快手唔使點等外賣盒厚實返到屋企都無漏汁4拚有牛肚、蘿蔔、雞腎、花枝丸係好入味有咬口，可以煮耐D淋少少更好花枝丸比較似普通豬肉丸滷汁拌麵味係夠，但，點解唔用王子麵呀﹗﹗﹗如果用王子麵更台更地道呢!?本身想單點但選擇真係比較少新開張尚有進步空間希望下次去試會多D顏選擇啦~~

眼見剛開張超多人排隊，今日難得唔係好多人，就排隊買黎試下。番到屋企已經急不及待試食，因為都幾肚餓。真心失望到一個點。。。食評只係唔難入口而已，以呢個價錢，我覺得唔值。未食完已同朋友分享，浪費左我既quota。（食野）....冇味既食物。。。加左佢地送既辣油。。但都係唔ok....本著唔浪費食物，清哂買既野食。。。為左唔好留第二天再食，好努力好努力咁食哂。。。😂。。我終於明白何以少左人排隊。其實佢地既服務真心一流。但係要改善食物質素，否則都係做唔長。真心建議。