老鍋台式火鍋 (京都廣場) (已結業)

屋企人生日唔知食咩...怕食物比冷氣吹凍晒或者叫得太多...不如打邊爐，但又怕熱氣...突然諗起之前有朋友介紹呢間火鍋舖，湯底養生唔熱氣，於是決定一試一上到去，門口有個大電視可以供大家放天燈許願，十分有台灣特色🤗我地點左個美人湯湯底😍湯底滾后，每人先喝一碗湯，湯底十分足料，材料分別有：桃膠、烏雞、杞子、紅棗、金華火腿等👍🏻👍🏻👍🏻特別值得一提的是，這裡的花膠很抵食，$88有10件🥰🥰生蠔、蓮藕片也很新鮮，牛骨髓清潔得很乾淨另外，我點了什錦肉丸，全都是手打肉丸，並不是一般的現成肉丸，味道與口感一絕🤤響鈴新鮮即炸，上枱時還是微暖的😘整體而言：湯底味道好，食料新鮮👍🏻值得一試👍🏻

一入門口就見到好多天燈除左裝飾本身 仲有一個電子天燈等大家可以寫出願望 或者心聲 又靚又特別入到去 有一個調味吧 等你可以自己整沾醬講到湯底喇 我地今日食美人鍋同麻辣湯底佢個鍋個樣好得意 美人鍋入面有烏雞 藥材同桃膠烏雞補腎 平時挨夜挨得多要食下補補佢桃膠養頻 美白 做女人緊係要食多啲喺滾野食前 有員工幫我地拎左隻雞出黎可以食雞 同埋食啖湯先去 個湯好甜麻辣湯味道好有層次 由慢慢辣 再感覺到條脷麻而且入面有好多鴨血同豆腐 吸晒啲湯食落好刺激野食黎講 我第一個要推介係鹹蛋炸魚片 唔洗落湯 炸起即食有鹹蛋香味 又香脆 而且係即叫即製 正牛肩肉牛肩肉偏向嫩滑 灼6-7秒食得 脂肪入口即溶醉香花雕醉雞件酒味香濃 雞肉煮耐左都唔老 入口嫩滑牛小排呢個比較起黎比咬口 肉味比牛肩肉濃郁 肉質依然嫩滑

餐廳好大,好闊,坐得舒服,4個人坐卡位,湯底是老饕酸菜白肉鍋,有豬肉,粟米,蕃茄,酸菜白肉是蒜泥白肉的白肉,脂肪煙煙韌韌,配蕃茄湯底一流~湯底好清新,酸酸地好開胃,一品花雕醉雞件的酒味好濃,酒味被湯底蒸發了,雞肉滑嘟嘟,手切牛肩肉厚度剛好,有牛味,脂肪方佈平均,不軔,餃子拼盤有4款,每款2粒,雲吞的豬肉多,好味道~梅菜豬肉丸是咸咸地, 味道出奇地惹味蝦丸好彈牙, 炸響鈴是自家製的,暖笠笠很大隻,放湯3秒,鹹蛋炸魚皮也是自家製,夠脆,蛋黃分佈得不平均,台灣水蓮是台灣獨有的菜,不常吃,值得試一下,寬粉條口感滑嘟嘟,不Q彈,新竹米粉爽口,配蕃茄湯一流因為湯底好味,加什麼配料都好味

對於鍾意食火鍋的我來講, 不論凍或者熱, 也會相隔一些時間去, 上星期便與友人去了銅鑼灣的老鍋台式火鍋食飯.我本身鍾意飲湯, 當然會選擇一些可以飲湯又可以火鍋的湯底, 我地選了尚膳養生鍋. 這個鍋夠滋補, 好適合平日工作忙碌, 休息不足的我.湯底材料豐富, 個湯又夠鮮甜. 入口帶有甘甘人蔘的味道. 自助混醬. 最特別地方係有一個點燈區. 食火鍋, 牛肉不少得, 精選手切牛肩肉. 色澤呈紅色.肉質嫩滑, 唔會覺得乾和硬身. 魚肚. 本身無乜味, 但吸收晒湯的精華, 變得鮮味. 鵝肝黑魚丸和黑松露蝦丸. 這裡有餡的丸, 多了一份口感, 而且丸幾彈牙. 水蓮. 這是我首次食這款菜, 需要剪開放入湯底中.味道不錯. 響鈴. 這個我鍾意滾耐一點, 吸收湯裡的精華. 烏龍麵. 食番一碗烏冬, 麵質軟硬適中, 啱我口味.最後, 飲品是杭菊露.可以清熱氣.  

有個超愛打邊爐的女友，成日話我唔帶佢食好西，今日就帶佢同屋企人去食好野。位於銅鑼灣區京都廣場老鍋台式火鍋，又有麻辣鍋正呀～仲有天燈，夠台式地道。逢星期一至日七點半離座享有七折優惠，相當高質又抵食。估不到會有重量級的海鮮仲有頂級牛肉超級滋味又高質。即製的手打丸女友至愛，仲有脆炸響鈴即叫即整值得一試。最後早食飯有様好，七點半前又平D!如果七點半後就全院滿座。下次一定要約埋其他朋友再去老鍋食好西。完全置身小台灣似的。

近年台式火鍋盛行，所以朋友聚會都想吃台式火鍋，見老鍋openrice有7折優惠券，主餐牌所有食物都有優惠，每位還敬送特式飲品，所以就預先訂座。＊＊＊＊＊＊＊＊＊＊＊＊＊甫出電梯，會見到左手邊有一個天燈位，可以讓食客放天燈記願，都幾棧鬼。店內有卡位也有圓枱，座位不會太擠迫，坐得都舒服。湯底選擇不算多，有麻辣、酸菜白肉、美人鍋和養生鍋，都是大熱款式，火鍋料則非常豐富，肉類、海鮮、丸類、餃類、豆品、蔬菜、麵食和小吃一應俱全。尚膳養生鍋($228)養生鍋內有人參、火腿、冬菇、粟米和紅棗，味道清甜得來不會太味精，建議可以滾起時先喝一碗，食到咁上下再多喝一碗以作比較，下了火鍋料後因為有肉的關係，湯底味道會變得更為濃郁。茶芥及醬料每位$20，醬料可以在自助醬料吧拿取。精選手切牛肩肉($198)牛肩肉雪花紋都幾平均，一份足夠二至四人享用。相比起肥牛，牛肩肉比較有咬口，牛味亦較濃。三秒響鈴卷($68)響鈴比面超市買的厚身，所以放湯後都不易散開，但食落一樣咁鬆化。左: 蝦丸($48/半份)蝦丸非常彈牙，蝦味十足。右: 梅菜豬肉丸($48/半份)加了梅菜令豬肉丸味道更豐富。寬粉條($38)寬粉放湯淥至半透明

身為火鍋控不論什麼天氣都愛食火鍋。而我基本上廣東火鍋去到而家台式火鍋都超級鍾意。今次去到呢間台式火鍋更加係一個唔錯選擇。餐廳有自助醬料吧，揀選自己嘅最愛。而餐牌菜式種類都豐富，而且好多食材都係台灣直送。美人鍋餐廳供應幾款特色湯底，今次就揀咗呢款美人鍋。湯底材料相當豐富，除咗原隻補而不燥的烏雞外，還有相當養顏嘅桃膠真係超級滋補，而且佢嘅湯相當清甜濃郁，值得推介。一品花雕醉雞件 雞件以花雕酒浸泡著，吸收濃郁酒香， 食時相當嫩且有淡淡酒香。美國特級牛肋肉 脂肪分佈均勻，牛肉味十足， 放在湯內淥數秒即可，不用醬汁已經好有牛味。鮮炸響鈴 必食推介，鮮炸響鈴可以話香港頭幾位， 炸得鬆化且帶豆香，且沾了泡汁亦不失脆感。台灣水蓮 台灣出產水蓮係香港真係比較少有， 爽脆鮮甜是必試的其中一道菜。烏龍麵送來時附有一個罩籬，煮製時便不怕粉條四散湯中，方便食用。淥熟後的麵條變得煙煙韌韌，滑嘟嘟有彈性，吃罷的確滿足。打邊爐當然唔少得冰凍飲品。沖繩黑糖烏梅汁酸酸甜甜、醒神開胃；杞子杭菊露則清香順喉、明目養肝，兩者皆是健康之選。

餐廳：老鍋台式火鍋 (銅鑼灣)地址：銅鑼灣駱克道491-499號京都廣場2樓相信很多香港人都熱愛到台灣旅遊，鳳梨酥、天燈、夜市、台式火鍋，一說起台灣，這堆台灣的特色也許大家也不會陌生。銅鑼灣的老鍋台式火鍋旗艦店就以台灣特色為名號，於店內擺設著以投射形式播放的許願天燈，並寫有不少祝福字句，若然客人生日或碰巧是紀念日，還可以預約安排在天燈寫上特別字句給家人朋友一個驚喜呢。火鍋給人的感覺多數是很熱氣，不過老鍋台式火鍋就推出健康鍋底，除了有美人鍋(以桃膠、原隻烏雞、杞子、南棗及金華火腿肴製)和養生鍋外，旗艦店還特別推出限定的美顏蜜瓜響螺花膠鍋，愛吃火鍋又愛養生的人最適合不過。養生鍋 ($228)以中外食材人參、人參鬚、蜜棗、杞子、老雞、豬肉、栗米、火腿等肴製而成，開始吃火鍋前飲兩碗補一補，湯底清甜養生，人參味不會太重，亦無味精和鹽鹹味，非常足料。精選手切牛肩肉 ($198)肥瘦均勻的牛肩肉嫩紅新鮮，放在鍋中大概3分鐘便可燙至剛熟，牛肩肉肉質鮮嫩，肉、筋和脂肪分配的比例令牛肉口感層次分明。皇室魚肚 ($88)魚肚經浸泡過養生湯底之後吸盡所有精華，把爽滑魚肚一咬，濃湯就四濺，可以食魚肚之餘還可以好

剛剛考完試，又是時候與朋友食完sem飯。早前經常熬夜溫書，所以想同朋友食得滿足之餘，又可以養生。我們決定去位於銅鑼灣的老鍋台式火鍋店（旗艦店)。從銅鑼灣站C出口右轉行2分鐘就可以見到京都廣場，搭升降機上2樓直出就可以見到食店。餐廳氣氛十足，在門口左面有一個電子螢幕，讓客人可以在螢幕內「點天燈」，並寫上留言。餐廳的大堂燈光偏昏暗, 懸掛了很多紅燈籠, 在漆黑的環境下閃爍著微弱的燈光，營造出一個十分舒服的環境。店內的枱櫈空間充足，十分適合一班朋友或一家人聚餐。食物方面，我們當日點了二人套餐並選了尚膳養生鍋作為湯底。肉食方面，我們選擇了手切牛肩肉、鵝肝墨魚丸及黑松露蝦丸。配菜則有魚肚、冰菜、寬粉條及咸蛋炸魚皮。第一，不能不提火鍋的湯底，奶白色的湯底有著人參的香味，配上其他配菜，湯的味道香甜，令人停不下口，朋友和我都喝了很多碗。牛肩肉的質感很棒，有彈性，肉的鮮味也十分明顯，配上人參湯的香味，一流。黑松露蝦丸的表現也同樣出色，飽滿爽口的蝦仁，和黑松露的配合十分完美。鵝肝墨魚丸，魚肚和冰菜的表現正正常常，不過不失，新鮮順口。此外，當寬粉條吸收了湯底，表現真的非常好，透明得來又多汁。最後，鹹蛋炸魚皮

相信大家都知香港人對火鍋既熱愛！今次一行三人去左銅鑼灣意間老鍋！係一間台式火鍋店！$588二人餐包湯底8種食材同飲品又幾抵啵！所以我地一行三個大人加一個小朋友，點左個二人餐，再加其他配料就更抵食啦^_^啱哂我地晤洗麻煩左簡右簡。台式臭豆腐，外脆內軟夠香口！火鍋我個人最著重個湯底！三個女人當然要點一個美人鍋再配養生鍋！滋補又養生！美人鍋用滋陰烏雞、桃膠、南棗、杞子圓肉等豐富材料煲成。清潤養顏，味道香濃。養生鍋用人蔘、老雞、肉排等材料煲成！藥材味濃郁帶甘甜！都是不錯的選擇！海鮮有貴妃蚌2隻及生猛海蝦4隻，新鮮鮮美。^_^肉類有特級美國安格斯雪花肥牛，份量十足！鵝肝墨魚丸及黃金鹹蛋豬肉丸，較特別外面少有！原來係店鋪每日新鮮製成嫁！仲有自家製造水餃、韮菜餃及魚皮餃 超厚身魚肚用黎打邊爐吸湯，超正！必叫^_^台灣特色菜水蓮，香港比較難買！第一次食就愛上啦！口質爽脆清甜，無青草味！手打蝦滑，勁彈牙鮮味！意道嘅飲品烏梅汁同杞子杭菊露都好好味！順便可以清清熱！整體湯底香濃，refill 時加湯晤係水，意點都好重要！食物配材新鮮！

跟朋友去慶祝生日🎂本來想簡簡單單咁去食個飯但朋友堅持要食好d..咁最後選址了銅鑼灣熟華廣場既「老鍋」有去過台灣都應該對依間火鍋店吾陌生老鍋是主打台灣養生火鍋因為前排腸胃吾係太好，放棄左食佢地既麻辣火鍋點左個尚膳養生鍋 $228 📝總分：8.5/10入面好香人蔘、玉竹味道而且有好多材料（豆腐、粟米、冬菇⋯⋯）配料吸曬湯底的味道，太正了點左份手切牛肩肉 $198 📝總分：7/10牛肉雪花❄️有很多，牛味濃郁$198來說都是性價比比較高皇室魚肚 $88 📝總分：7/10一客有6件，魚肚🐟吸曬湯底的精華無腥味，超棒呀。重要每件都厚切台灣水蓮 $68 📝總分：9/10這是台灣獨有的，每次我去到台灣我都吃很多超級新鮮，色澤翠綠口感很爽口、有嚼口，又香又脆是蓮花的莖部，在水裏生長所以吃下去有啖啖蓮香咸蛋黃炸魚皮 $68 📝總分：6.5/10當小吃般，很脆口，令人吃過不停但建議不要放湯杞子杭菊露 $28 📝總分：8/10不會過甜，而且飲下去啖啖清香菊花味道還有龍眼肉明目養肝，對吃火鍋很有益處好解渴

近年台式火鍋也受到港人注意，因為台式湯底都較為特別，今晚我們試這個亦是，餐廳都很大，但係座位不算逼夾，而且卡位亦很寛敞。我們要了美人鍋，即時烏雞加蔬菜及藥材等，這裏的服務真不錯，當湯滾了的時間侍應會遞上一隻碟，然之後就會建議我們先將雞放下去，讓鍋底能騰出點空間來放食物，想不到這隻烏雞吃的時間仍是滑，以為放在湯裏會令到雞肉很鞋，這個很讚是一口湯底，除了雞的味道之外還帶了很豐富的鮮甜味，大概是粟米和其他新鮮蔬菜材料造成的。招牌皇室魚肚吸收了湯的鮮味，咬下湯水都滲出來滋潤口腔。想不到牛肩肉亦很濃味配上冰菜一齊食是美妙的配搭，而鵝肝丸和黑松露味丸亦沒有失望，尤其是我當然入邊的鵝肝不會乾瘦，而是有油香的鵝肝。最後要推介鹹蛋黃炸魚皮雖然是邪惡高膽固醇的物體，但管他的哩，打邊爐就是要這樣，久不久一餐便可。

一甫出電梯就看到天花掛了些天燈作裝飾，蠻有台灣風味。設有巨型電子屏幕，供客人放天燈之用，不用到台灣都可以放天燈了。客人可於平板電腦寫下願望，願望內容有template，亦可自己DIY。寫下願望後按投放，天燈就會於屏幕中緩緩升起，送上空中。設有自助醬料區，可按個人喜好隨意調配心水醬料。膠原蛋白美人鍋湯底材料十分豐富，加入了原隻烏雞，再配上杞子、桂圓、南棗、桃膠及金華火腿等淆製，十分滋陰，絕對是女士的養顏之寶！店員建議先喝湯，才開始放火鍋料。湯底材料毫不吝嗇，有大量桃膠。店員會不時詢問是否加湯，湯是無限添加的。湯底清澈明亮，口感鮮美甘香，味道清甜，非常好喝。桃膠非常軟腍，杞子及桂圓即使已用來淆湯，味道依然清甜美味。店員把烏雞拿起並剪碎，方便客人品嚐，真的服務周到。烏雞味道濃郁，肉質頗滑，味道挺不錯的。精選手切牛肩肉油脂分佈均勻，入口牛味濃郁，油脂與肉味並重，十分甘香美味。鮮炸響鈴即叫即炸，一上桌散發出誘人的香氣。體積比一般的大，質感薄脆不油膩，而且放入火鍋內不會極速變腍，仍能保持口感。芝士牛肉丸彈牙爽口，還有芝士流心效果。黃金咸蛋黃豬肉丸，內藏了咸蛋黃，發出陣陣咸香。冰菜外觀和口感都非常獨

好耐無食台式火鍋啦～上星期約咗個朋友聚舊 講起大家一齊去過台灣旅行就好掛住台灣既火鍋由於我地早食，所以未有好多人地方寬闊自助醬油吧但係醬料唔多，基本野有齊台式火鍋嘅特點就係有好多特色嘅鍋底我哋就揀咗美人鍋啦湯底嘅材料非常豐富有粟米、冬菇、淮山、紅棗杞子同埋桃膠等等仲有一大亮點就係成隻烏雞😍😍個湯滾起之後呢，我哋就開始飲湯先啦個湯好清，同感覺好滋補因為聽人講食多d桃膠可以補充骨膠源呀隻烏雞嘅size都唔會細㗎職員見到我哋想夾隻烏雞出嚟食嘅時候，都好細心提醒我哋未夠淋後來仲幫我地剪開隻雞👍🏻👍🏻完全不用自己動手牛肩肉食火鍋點可以買無牛！肉味濃👍🏻一點都唔韌其中一點係芝士牛丸另一粒係咸蛋黃肉丸感覺好特別，好似灼緊一粒肉餅丸咁即炸響鈴索哂個湯既精華，好正呢～個樣好似一粒餃其實外層似魚蛋，入邊係包左啲餡係入邊最後仲試咗呢杯降火嘅飲品入邊有龍眼肉杞子同埋菊花感覺潤喉又降火

我終於都知道點解男人帶我來呢到食火鍋了，原來呢到除左可以食火鍋之餘，仲可以放埋天燈門外有部天燈機，可給客人放天燈，天燈還可以揀形狀，其中一款更是心形在天燈中間可以打上自己想講既說話，還可加上icon，真係好特別整好天燈後，就會倒數30秒30秒後，你的天燈將會在屏幕上出現男人都整左個天燈比我，但由於太肉麻既關係唔post上來嗱，霎時充滿幸福同甜蜜既感覺哈哈，都係講番食物，我地飲品叫左杞子杭菊露和沖繩黑糖烏梅汁 ~杞子杭菊露 $28杞子杭菊露，賣點係明目養肝，味道方面都唔錯，好濃既菊花香，底下仲有d龍眼肉，甜甜地，幾好飲沖繩黑糖烏梅汁$28男人話杯野酸酸甜甜，都幾開胃解渴火鍋就揀左膠原蛋白美人鍋~ 膠原蛋白美人鍋 $228火鍋入面有原隻烏雞、南棗、栗米、龍眼肉、和杞子，再以金華火腿去肴湯，十分滋陰養顏~真材實料，大大隻烏雞湯底好清甜，栗米都好甜精選手切牛肩肉 $198d雪花紋好靚呀，每塊牛肉都切得好平均至於味道方面，牛肉肉質嫩滑，而且仲好juice皇室魚肚 $88魚肚不太硬又不太軟，外形較四方，大舊而厚肉，口感煙韌，還會吸收湯底既精華，令味蕾更豐富咸蛋炸魚皮 $68呢個簡直係大愛呀😍