老趙 (已結業)

從未試過咁難食嘅嘢🤢🤮啲侍應服務態度又差💩真係成肚火咁走。🤬嬲到我真係特登要開個openrice 帳號寫返低今次經驗，希望有少少警世(?)作用。😓奉勸大家唔好嘥錢買難受。😩我哋叫咗個晚市一人套餐同單點嘅馬拉盞炒時蔬。我叫咗一個馬拉盞佢講嘅係有細房菜有湯菜西蘭花油麥菜生菜但係嚟到嘅多數都係小棠菜根本就唔好通菜，類嘅嘢根本就係貨不對辦絕對絕對唔會有下次！

今日叫左個越南精粉包，一碟兩件，味道唔錯，另外叫左個馬拉盞炒通菜，夠晒大碟，味道濃郁，再嗌左個咖喱牛腩煲配蒜蓉包，牛腩有少少肥，都可以，但糸個蒜蓉包就硬到死，勁難食，最後叫左兩個椰青，好清甜！

今日晏少少先食午餐，結果就可以食下午茶，見到餐廳座位都比較闊落，同朋友慢慢傾偈嘆個下午茶一流，價錢有好優惠喎，特飲又唔使加錢，仲要免收加一！其實我哋買單先知道！講返嘢食先，我哋叫咗生牛肉湯河，香茅豬扒湯河兩款味道都比較淡，尤其是湯底絕對可以俾你加多啲魚露，自己調校自己喜歡的味道！飲品方面，我哋叫咗蜂蜜金橘露，桂圓紅棗茶，兩款都比較清甜，而餐廳冷氣比較大，服務員都好窩心，因為人少左，所以都主動去教細啲冷氣！

一家四口去食午餐，叫了兩個粉加個海南雞飯，味道不錯。兩個小朋友平時不太愛吃飯，很喜歡海南雞飯，所以很快食完晌度玩。雇怎料到，兩個小朋友玩得興起，玩到推張枱仲倒左杯奶茶，成地都晌係，好在社交距離夠大，冇整到隔離位。餐廳侍應反應很快，即時清潔好，很有禮貌。其實是我的小朋友不對，但侍應仍滿心連說不好意思。後來我想補返杯奶茶，之前冇左果杯飲得一啖，於是叫多杯啦，一問之下，原來經理已經免費補左杯奶茶比我。謝謝餐廳招呼，感覺良好。

星期六去食個lunch，叫左D set lunch + 冬陰公 ，佢一黎就上多左個粉包，上菜果個就真接上野乜都唔理，放左幾分鐘要我再問個樓面佢先去check,原來上錯左枱，佢就咁係我張枱到拿過去原本果張枱，衞生意識非常差。上個凍檬，上完走左去又係要叫先識俾枝酸汁我。到個冬陰公上枱，個size就係比飯碗大小小比湯碗細小小，入面只得2隻比手指尾短的蝦，味道係死辣，賣$88，我已經食左飯同麵，飲左一啖冬陰公，就feel 到個胃唔舒服，平時都有去開九龍城的泰國餐廳，飲咁多次冬陰公得呢一次係咁。最後就係收碗碟，我D 小朋友都仲未食完佢的飯，去個廁所返黎D 餐具碗碟收哂連私家匙羹都收埋搵唔返，之後再過黎收枝酸汁，我叫佢咪再收我D 野，樓面唔理照收，佢refill 完仲想放返上我張枱到，佢都收晒我D 碟，仲想俾枝酸汁我，玩呀？頭先食凍檬要叫先俾，而家佢refill 完又想叫我借借俾佢放返上黎，究竟枝汁應該係枱面長放or 要叫先上俾客呢？食餐飯俾佢煩幾次，服務差得很

雞扒糯米飯 又老又韌 咬唔開 嘅𡁻唔爛 乾硬化；舊糯米飯又係 上菜時唔熱 硬嘅 好似橙皮咁 ，然後我唔知點樣用80個字形容一碟難食嘅雞扒飯 ，總之就係後悔行咗無嚟 唔會再幫襯 完 仲差一個字

南洋鮮蝦炒麵得4隻蝦，隨時一個揚州炒飯都多蝦過佢，錢識收不過料唔捨得落，調味又偏淡，可能鐘意食淡味既人會鐘意既不過唔係想食麵果陣味囉蝦都無味既，尾個殼又仲留係度你話天婦羅就留蝦尾啫，炒麵黎架趙兄金桔蜜有塊青檸，不過成舊細個五毫子，肉果部分仲細過一豪子，不如唔好落啦趙兄門口塊餐牌又無更新喎，門口睇完諗著彈性直接落單，賣哂就話算啫，你係無做喎，更新下餐單得唔得呀？收錢果陣我第一次拍八達通卡失敗，咁我等一陣再拍啦，拍完成功左，又話我無拍阿姐，我連餘額都睇完先縮架，咁佢都算check番我有拍到既，不過留心下聽效果音係唔係咁難呢？背景又唔係噪唔怪得間間店排長龍而呢間直接有位not again

【 很一般的越南菜 】1點半到達荷里活廣場，商場裏面好多餐廳都已經滿座，出面好多人排隊，見到老趙呢間仲有好多位，所以就揀呢間，因為已經1:30勁肚餓，想要即刻食嘢所以就入左去，但食完先明白點解唔多人食。。。我地叫左一碗香茅雞扒湯檬和一碗香茅豬扒凍檬，塊豬扒同雞扒賣相完全唔吸引，亦都好乾身，好難咬開，檬粉都麻麻，野食份量太少，個湯檬份量好少，食完完全唔飽。不過這間的服務態度都幾好，職員都好有禮貌，好細心，但應該唔會再食第二次。

一個人去到荷里活廣場逛逛，食晏時想食下粉麵，見倒老趙越南餐廳，餐牌都未望就入咗去。因為相對早食(~12:15)，所以唔使等。進入餐廳時自助量體温，跟住再自行揾位，然後自己填表落單再交給待應。叫咗生牛肉河粉，套餐包飲品(我點了熱柑桔蜜)或加錢升級轉特飲，並追加炸魚餅(兩件)。餐廳當然唔多人，但落單後都等咗成20分鐘先陸續送上食物。生牛肉河粉明顯係將牛肉煮過，而非像以往般煮好河粉後才將薄切肥牛片放上，讓熱湯將牛肉煮熟。可幸是河粉是幼身的，令河粉可沾上湯汁；追加的魚餅雖然混入粟米粒增加甜味，但係仍然非常咸。

星期6午飯時間，極度多人，間間都等好耐，唯獨係呢間等3張檯，唔怪得咁少人等位啦，原來超級伏！食物超級唔好食，越南餐廳最唔伏一定係生牛肉湯河，河粉未煮熟就比客人食，生牛肉就全熟，熟到咬唔開，牛肉亦都無牛味；豬手飯，豬手好似淨係用滾水煮咁，咩味都無；南洋鮮蝦炒麵，又係無味，亦都唔似炒麵，似用水撈麵；越式春卷都係伏黎，大家幾想食都唔好點；得 d飲品(3色冰同青檸梳打) 係正常。點左野食等左好都唔黎，隔離檯遲過我地，都食緊，應該係根本無落單，午市坐到茶市。。。會唔會太離譜！座位方面，喺4人限聚令之下，佢用1張12人大檯中間放左4塊隔板，所謂既隔板係隨時都會跌落黎，真係唔知算唔算係隔板，1張12人檯坐左4-5檯人，差唔多有16位！其實咁樣係咪已經違反限聚令，拉得呢~我明食肆呢個時期係好艱難，但係都要顧下人命掛，有1位顧客染疫，佢間餐餐都走唔甩架！

未到lunch時間，餐廳有大把位，我地4個人坐低叫咗野食，見其他客人都有杯水，但只有我地冇水；食物真係好普通，唔值得個價錢，海南雞飯真係唔好食；埋單時，個收銀阿姐真係黑口黑面，問佢野，都唔知佢聽唔聽到，佢唔應人，再問時，佢就好惡咁回答，可能佢地大把客人啦，服務咁差，仲要收加一，唔會再食。

越南粉 Pho 對於一個麵痴的我情有獨鍾，自小就喜歡越南撈檬那種酸酸甜甜的汁料。雖然我未到過越南吃真正的越南河粉，但我在巴黎及多倫多吃過當地的越南人烹飪的牛肉湯河後，就被它深深地吸引著。今日介紹這間老趙位於鑽石山荷里活廣場3樓。中午時分人流不算太多，裝修舒適寬乾淨。清澈的湯底是越式牛肉河粉的靈魂所在。我建議大家都先喝一口湯品嚐湯頭的原味，湯頭相當濃郁的鮮甜卻很爽口。生牛肉被熱辣辣的湯底輕輕灼熟，既有濃郁牛肉味又不失嫩滑口感。的確不錯。天氣熱，很多人喜歡用檸檬汁增加開胃，湯頭會更加酸甜。再奉上一盤香料，金不換，苦菜葉，檸檬，魚露豆，芽菜下去。攪拌之後再另喝確一口湯，另一番鮮味。

記得第一次食老趙係喺柯士甸，係專登去食，因為有朋友話好好食，而家好方便，周圍都有分店，今日突然諗起就好快可以食倒，見倒佢擴展其實都幾開心，可惜有分店之後質素控制得麻麻，之前尖東分店食過真係無之前咁好食，最後好快執咗。今日點咗個香茅雞翼飯外賣，58蚊加10可配特飲，我揀咗三色冰，等咗大機15mins，疫市嚟講價錢唔算親民，因為隔離鋪做緊雞扒飯外賣38蚊。一打開盒好香好香，雞翼有三隻，整得好香，雞翼面少少脆，中間又唔會太乾，不過就細隻咗啲，另外略嫌蔥太少，因我係好鍾意蔥送飯，用嘅盒同杯全部都可以再用 or recycle ，讚。

諗住見冇乜人 , 就搏一搏啦. 其實都知道其他餐廳咁多人而呢間冇人嘅話呢, 一定係有問題,但係都姑姐一 試. 叫咗一個炸春捲,一個冬陰功湯, 一個泰式炒檬粉 難食到真係即刻想走. 埋單仲要280蚊. 炸春捲雖然係熱嘅但係有冇肉又唔脆. 輪到個冬陰功湯有冇火爐heat住又冇材料 冇味完全唔合格. 最後到個炒粉 唔使講啦一樣難食到貼地 啲粉絲埋一嚿嚿仲要落埋啲豆卜, 炒分我從來未見過要落嘅.... 整體評分基本上係零

本想跟家人慶祝生日，選擇左呢間餐廳，點知一肚氣。明明訂左枱7位，我家人去到攞枱時，經理俾左兩個選擇我家人，兩個選擇都坐唔到7個人，仲態度好串，意思依家咁繁忙，我地係只可以安排到咁嘅枱，無其他選擇。如果你係一般茶餐廳或大排檔，我明。如果你餐廳本身無大枱，我明。如果你話呢一刻安排唔到，要我家人等，我都明。但通通唔係。。。安排一張坐唔落或坐得好迫嘅枱，明顯係叫我家人個一刻自己諗點坐得哂7個，我媽媽一把年紀當然唔知點算，只覺得受委屈，最後我地叫佢走。咁多餐廳，可以食另一間。。。野食幾好味都無用，咁嘅服務態度，好差。