老街 (彌敦道)

营业中

休息中

之前其實都有去過旺角那間覺得不錯，剛巧在油麻地看到，便決定這晚吃台灣菜。餐廳裝潢設計頗特別，座位空間也算足夠。小香腸拼鹽酥雞 $44心多多如我，有雙拼當然最好，小香腸不會太肥太乾太鹹，鹽酥雞還算鬆脆，內裡雞肉也不太乾，但當然還是台灣的更好。蒜香豬軟骨便當 $52伴著上的小碟沒什麼特別，不過豬軟骨很香夠入味，口感夠軟稔好咬，軟骨口感帶脆，味道不錯。滿漢大塊牛肉乾拌麵 $56 轉新竹米粉 $3配菜不少，牛筋好肉入味口感夠軟，丸類都口感爽彈。轉了新竹米粉，盡吸收了湯汁的味道，口感又夠順滑。肉燥青菜 $30份量不少，肉燥很香，菜也夠翠綠新鮮。香芋奶茶(凍) $24 加珍珠 $3甜度冰量可以自己選擇，低甜一樣味道不錯，珍珠也算煙韌好咬。荔枝QQ紅茶 $25很重荔枝味，紅茶也夠茶香，我要了少冰少甜，所以味道不甜，加上有咬感的椰果，很合我口味。台式料理來說，這裡真的不貴，點了一大堆也不過2百多元，而且食物質素也不錯，經過的話也會再去。

之前係舊地址食過一次 覺得抵食 所以今次帶媽媽黎 點知原來搬左 不過新店明顯地方大好多 位與位之間都唔逼啦 卡位都闊落左好多 而且最難得既係仲可以保留到佢既古舊裝修 〰️炸豆腐拼鹽酥雞〰️$44呢個小食簡直可以滿足左眼闊肚窄既我呀 鹽酥雞炸得香口 唔會太油膩 雞肉既肉質唔鞋 炸豆腐既感覺似係臭豆腐咁 不過就當然唔係臭 看似好辣其實唔辣〰️麻辣牛筋牛腩麵〰️$64呢碗麻辣麵都算幾辣 我食既時候都飲左幾次洛神花茶先得呀 牛腩及牛筋都煮得好淋 而且份量十足 吸收晒呢個麻辣湯底既精華 〰️紅燒牛筋牛腩麵〰️$60媽媽唔係好食得辣 但係又好想食牛 所以叫左呢碗比佢 牛肉亦係好入味 唔鐘意食辣既人可以揀呢碗啦〰️洛神花茶〰️$20洛神花茶酸酸地可以減膩 而且仲可以幫我解辣添呀 😬

Imagine Taiwan is right in Hong Kong. What would it be like? Today, this restaurant - Old Street - is exactly that. We tried some of the most authentic Taiwanese food, and here’s a brief review. Taiwanese Beef Noodles - I absolutely love this. Whenever I go to a Taiwanese restaurant, I always order this. The beef is braised long enough to be very tender, whereas the soup complements the noodles and the beef very well. Well done. Braised pork belly rice - this is another favorite dish of mine. I

話說一月去完台北 返到香港總會有點掛念日前就去左一間台灣餐廳 好好回味一下😌—————————————————————1️⃣ 木魚炸豆腐 (小) | $28 (😋3.8/5)有留意我台北之旅的朋友應該知道第一晚我們去了一間非常地道的台式小店呢間餐廳的木魚炸豆腐味道做得很像！很有台灣的風味😛 個人甚至認為做得更貼心更好因為木魚碎已溶入炸粉中 一咬下去 很香木魚味 加上脆口的外皮汁醬也很地道 十分推薦‼️2️⃣ 酥脆鹽酥雞 (小) | $32 (😋3.3/5)外皮薄脆 如果調味粉可以平均撒在雞粒上更佳雞肉結實彈牙 不會太肥膩3️⃣ 滿漢大塊牛肉乾拌麵 | $70 (😋3.5/5)有牛筋、牛腩、金錢𦟌、花枝丸和貢丸 🍢牛筋十分入味 呈軟滑啫喱狀 很香八角味 好好食👍🏻👍🏻牛腩亦十分入味 有香濃的牛酥味 🐂可惜金錢𦟌比較韌 作為箍牙妹的小妹咬不斷🙊拌麵的麵條質地爽滑彈牙 汁醬多 撈匀後碗低仍有不少汁但味道不算濃 若加上滷肉碎相信味道更佳🙈4️⃣ 鐵路雞扒滷肉飯 | $58 (😋3.3/5)一口咬下去 有小意外的感覺想不到雞皮會脆口到”卡”一聲💥雞肉結實又滑 醬料味道不太重滷肉飯油份剛好🤤 滷肉份量不算多 不會太

事緣琴日行過油麻地肚子餓甘啱行過呢間老街就入左去試下呢間台灣食店中午餐結果就試左L餐蕃茄牛筋牛腩麵賣相我就覺得係可以既因為我都幾鍾意食麵同牛腩咁我就講多少少啦我一試但湯底我係唔多唔少救翻呢碗野好多嘅佢好夠蕃茄味係好抵讚既但個麵呢我就覺得硬左點無咬口真係覺個咬字而牛腩都係一般般啦口感好(銀)啦牛筋都相對冧既冇話好似有啲牛筋咁硬到死午餐來講中規中矩,都係果句湯底幫佢呢碗野,搶番唔少分

新年過後又未到復活節，無得去旅行既人就只好留港消費。行過油麻地見有間台灣餐廳，裝潢複古有玩味，門口餐牌價錢都合理就入左去食。主食較為突出搶眼既有滷肉飯、便當系列、牛肉麵等；而小食方面更是包羅萬有！跟你去了台灣夜巿掃街差不多，還不用不用站著吃哈哈！______________________________🔸紅燒牛肉麵 $60紅燒湯底味道濃郁，不會辣。麵條口感紮實，牛肉肉質非常軟腍。份量不少，下午茶黎計十分足夠。🔸鐵路雞扒滷肉飯 $58除了有滷肉飯外，還有雞扒和三款配菜，十分豐富。雞排有足足一整塊，外皮燒至微脆不會乾。
滷肉飯肉汁充足，大大提高了食慾。🔸酥炸花枝丸 $28一客四粒，熱辣辣新鮮炸起。皮薄夠脆，咬落夠彈牙。🔸夜市小香腸 $30擺盤比我預期中來得特別同有心思！將一係香腸片開薄片，更易與朋友分享。味道香，偏向乾身。送麵送飯食都好OK。🔸荔枝QQ紅茶 / 荔枝QQ紅茶 +$12 (跟餐價) 比起一般水果紅茶，它的糖度不算高，還可接受。所謂QQ紅茶，原來已經有珍珠及椰果。2款不同的配料，有著不同口感，尚算特別。．by VIN環境分數: 7/10食物分數: 7/10

成日行彌敦道嘅我都真係唔知有間台灣餐廳，今日唔知食咩好，見到個menu都幾唔錯就走入去。三寶肉燥新竹米粉 $60本身其實唔係配新竹米粉，但因為我都想台灣出名新竹米粉，所以我就+$3試試。我幾鍾意台式米粉嘅口感，佢比香港米粉更幼身，夾起嚟都算易夾，所以都幾鍾意。相信日後食親台灣麵類都會揀返新竹米粉。鹽燒雞肉乾拌麵 $55鹽燒雞鹽的份量相信係剛剛好，食落絕對唔會太鹼，雞肉份量蠻多。乾拌麵唔算十分乾身，加上叫咗杯珍珠奶茶，咁嘅配搭尤如自己係台灣一樣。香芋奶茶(熱) $15對香芋情有獨鍾嘅我每次去台灣餐廳有香芋食品都會點，但今次略厭有D細杯，同埋珍珠量適中。酥炸花枝丸 $28花枝丸都係我係台灣必食item，今次覺得老街嘅花皮丸上枱唔夠熱，加上炸得一般唔算脆口，但味道還可以。夜市小香腸 $30見到menu覺得佢個樣有D似臘腸，切得真係蠻似臘腸，味道非常可以，雖然表面唔覺落咗D咩調味料，但食落真係幾唔錯。🍽8/10🔎 老街 (油麻地)油麻地彌敦道530號永僑大廈地下6號舖

餐廳裝修雅致，由牆上taiwanese裝飾點綴，到天花垂落嘅燈，都富有濃厚藝術色彩，新年後開市，當然唔少得臺灣字油畫等等嘅飾物，到達餐廳時，已經有唔少人光顧，現場有大圓枱又有卡位，無論三五知己，抑或一家老少，都適合光顧餐廳主打taiwan菜，午餐時段更有不同午餐，點餐紙上有嘅食物，都可以任點任食，茹素還是喜歡吃肉人士絕對可以盡情大快朵頤舅父最鍾意佢哋嘅涼拌小黃瓜。小黃瓜好有得食。配上特有的芡汁。出邊食唔到。

同老公行完現時點，就去醫肚，見到招牌係台灣風味，又叫老街，不禁令人想起淡水那一條老街，就咁望入去係台灣的舊風貌，加上老公想食鹵肉飯，於是決定約埋飯腳一齊入去食除有台或懷舊佈置，入口位仲放咗隻玫瑰花熊仔，雖然已經過咗情人節，但用嚟打咭影相呃下like都唔錯好多臺灣風土場景，就如店名，置身老街食物種類都幾多，湯麵丶拌麵丶便當丶小食一應俱全叫咗個細滷肉飯埋小食花枝丸，滷肉的味道同臺灣有九成相似，而花枝丸炸到脆卜卜，入面仲有粒粒墨魚肉，兩個味道都地道，沒有欺場香芋奶茶丶杯芽奶茶同珍珠奶茶，味道👌，不算太甜，但珍珠有D硬。炸豆腐拼鹽酥雞同小香腸拼鹽酥雞，大大粒鹽酥雞，炸得香脆，小香腸就切好一片片，方便食又避免左爆汁嘅情況，而個炸豆腐買相有D似台灣臭豆腐，但無臭味之餘，仲外脆內嫩，仲有木魚放喺面添香酥肉操排骨湯麵，炸排骨係另上，唔會放喺D湯度浸淋晒，排骨炸得香酥，不會乾爭爭，個湯頭就偏甜。滿漢大塊牛肉麵，好多料的一碗麵，有花枝丸丸、貢丸、牛筋丶牛肉同牛腩，而且個湯帶有藥材味，係藥膳湯底紅燒牛肉乾伴麵，顧名思義呢個面係無湯嘅，將D汁撈好後就食得，個紅燒牛肉煮得好淋好入味，但又不會一夾即散

搭車成日經過見到呢間老街～今次去開嗰邊買Figure就順便去埋試吓～入面裝修到十足台灣咁～係影相打卡好地方～打開menu見到滷肉飯，朋友就二話不說咁要一碗～滷肉飯揀咗細碗嘅～我無試到味道～見到有啲肥膏喺度即刻唔敢食～朋友話呢啲先係精髓，所以佢食晒～我諗應該好食嘅～再嚟一碗滿漢大牛肉麵～樣樣都有，湯夠濃，似台灣藥膳湯味，十足台灣嘅牛肉麵～我揀咗有星星推介嘅紅燒牛肉乾拌麵～紅燒牛肉好入味，好林好正～拌麵比較淡，但麵質幾好～另外叫咗啲小食～有酥炸花枝丸～四大粒，熱辣辣食～好香好脆，咬落去仲有一粒粒墨魚～小香腸拼鹽酥雞～最愛台灣小香腸～有埋鹽酥雞一齊食～感覺置身於台灣啊～珍珠奶茶～比較甜，不過台灣珍奶就係甜為主～反而珍珠硬咗啲～整體嚟講都幾好食～掛住台灣可以去試～

2019年2月15日。晴。油麻地。呢日都係喺油麻地做嘢早幾日已經見到呢間餐廳Lunch時段大排長龍呢日早咗食飯，見門口唔係太多人即管試下喇～門口有餐牌，等位嘅時候可以揀定食乜雖然得一丁友，但係都要等成十分鐘先有位仲要係一早入去就見到個位冇人坐即係其實係可以唔洗等位，攞飛嘅時候已經可以即刻坐低根據觀察所得，餐廳要大排長龍完全係因為人手唔夠造成個位喺正門口，侍應會不斷喺你耳邊大叫冧巴而唔係選擇行落去餐廳門口度叫（餐廳要上幾級樓級），等位嘅人就緊係聽唔到喇然後竟然又會話番人冇聽嗌冧巴服務態度惡劣就連落單嘅時候都係，餐廳係填紙仔落單嘅先唔講揮手揮咗幾分鐘都冇人理畫咗飲品，但冇圈到熱定凍，侍應就一手掟番張紙仔落枱，即刻走開圈完又再等幾分鐘等人接番張紙仔（接單嘅仲要係帶住手套嘅廚房姐姐，好明顯人手極度短缺，連廚房姐姐都要做埋樓面）未食已經成肚氣胚芽奶茶，$0跟餐揀咗胚芽奶茶點知一飲除咗甜耶耶之外，發覺仲有陣勁奇怪嘅up味，估計係啲所謂嘅胚芽出事飲咗一啖唔敢再飲鹽酥雞肉燥飯便當，$41成個餐用木托盤上枱，賣相幾靚但細心睇發現個盤好污糟。。。先試肉燥飯，肉燥飯嘅特點應該係個汁鹹得來又帶啲甜，咁先正宗但

識我嘅朋友都知我好鍾意去台灣又好鍾意食台灣菜，其實想試呢間叫老師台灣餐廳好耐，咁啱嗰日約舊同事吃飯，諗唔到食咩不如就試吓佢啦！我至愛嘅滷肉飯😍我黎啦！入到去環境走懷舊路線，餐牌嘅食物唔算多選擇，主要都係湯麵，乾撈麵，小食同埋我至愛嘅滷肉飯。因為一行四人嘅關係就可以帶多啲嘢食，咁我哋就點左唔同嘅食物一齊share！😝😝最先嚟嘅呢就係我至愛的滷肉飯，我地點左兩個大碗($40/碗)嘅一齊分享，佢嘅滷肉飯都算幾好幾正宗，肥瘦均勻，份量同白飯嘅比例又啱啱好，高分之作！😝不過都係果句啦，香港食滷肉飯太貴啦！台灣真係$40台幣食到。跟住就係佢必食嘅紅燒牛肉麵($60)🍜佢一共有四五條牛筋腩條，每條牛筋腩條都炆得入味，唔會覺得好柴，啲麵條做得有咬勁，粗幼均勻，湯底方面牛肉味甚濃，應該用咗好多牛骨熬制👍都做得幾正宗，不錯吃！另外我哋叫咗個麻辣豬軟骨面($58),佢嘅麻辣唔算特別出色，基本上食唔到好麻嘅感覺，辣嘅味道就有少少，豬軟骨比較細塊，正所謂有比較有傷害，比較我就覺得紅燒牛肉麵大件夾抵食啲。主食方面我哋仲點咗香酥排骨肉燥乾拌麵，香酥排骨即係炸豬扒炸得都幾juicy，唔算好厚粉，反而個肉燥拌麵味道淡左

今日忽然想食台灣嘢，行過油麻地，見到依間老街台灣料理，好似幾乾淨企理，立即衝入去試吓。其實我地一家人係台北住過一年，對台灣菜和台灣食材尚算熟悉，好唔好食一試便知，握我唔到。入到舖頭，見到小店係有心機佈置的，有老台北照片，有靚靚台灣風裝飾，便知老闆係有心機之人。先來一個香腸鹽酥雞小吃熱身，用正宗台灣香腸，而且有高粱味，便知厨師絕對有要求。鹽酥雞香酥，個皮做得相當好，而且不會油膩，整個拼盤我認為可比台灣夜市的風味，如果香腸可以配番生蒜片我便給100分。另外加點了酸菜，不咸，很鮮，有台北車站劉山東的水準，好吃。最衰下午冇理由飲啤酒，如果唔係飲兩杯，送吓酸菜都咪話唔過癮。點了一個麻辣豬軟骨面，豬軟骨其實台灣唔流行，但我覺得配麻辣應該會唔錯。來了，先喝湯頭，唔。。。係台灣式的麻辣味，絕對唔係大陸果隻，我覺得個湯好似台北麻膳堂嘅味，麻膳堂的麻辣面非常出名，而且好食。老街的麻辣豬軟骨我俾高分!同枱點了鹵肉飯配香酥排骨，鹵肉飯油香，肥而不膩，肥肉目測有最少5層肥瘦相間，香糯汁甜，白飯掃清。小吃再來一個五味茄子，好食，不過我認為做法可以更甜，這樣會更台灣。兩個人再點兩杯飲品，一杯桂花酸梅，一杯肧芽奶茶，

夜晚經過呢間餐廳見到裝修幾有台灣feel，而且見到幾多人，所以入去試下台灣牛肉麵麵條有口感，湯底都頗濃郁，加6蚊要左碟酸菜，但原來牛肉麵本身已經有滷肉飯30蚊一碗，不算大，但足夠飽肚木魚炸豆腐上有甜酸汁，好開胃肉燥青菜都係30蚊，份量唔算少，但略顯不夠多肉燥呢叫左食物加12蚊可以轉台式特飲，巨峰QQ綠茶葡萄味濃郁，加上底部的椰果一齊食好唔錯另外叫左杯珍珠奶茶，味道非常台灣，奶味比起茶味濃郁許多，珍珠都有咬口

行完現時點想食d野，見到呢間平時好多人食就試下啦，因為難得今日唔使排隊。一入到去見到好多宅男，地方狹窄坐得唔舒服。 明明間舖冇咩人都唔畀我坐卡位，話要同人搭枱，我明明拎住個大袋都唔比我坐闊d，而且一直冇人入嚟，所以覺得很不快。好啦點完嘢食，嚟到啲侍應粗魯放落枱面，完全服務態度惡劣。食物賣相麻麻，好多油，牛肉麵啲牛肉好淡色，食落去冇味又肥膏多。 不過面同湯都叫正常既，但係啲肉太差實在大打折扣。然後滷肉飯啲鹵肉真係好硬 ,呢啲肥膏唔係入口即溶,好似格硬食落口好難食呀。叫咗碟油菜要30蚊碟，細到不得了。另外加咗12蚊特飲飲品，還算可以啦。呢餐之後我終於明白宅男真係對食物冇乜要求。