老街 (彌敦道)

营业中

休息中

老街牛肉拼盤牛腩軟綿入味，只一小件少少柴，應該因為細舊而過左少少火。其餘的都十分軟，只帶少少肥膏。牛筋軟淋，亦十分入味，不太漿口。牛展最正，不是帶有牛筋，直頭是連接牛筋。肥瘦最適中。五味小茄子食得出甜酸鹹，只有微辣。熱度十足，内裡是熱的，不是暖。Lunch時間要等位呢，但仍不少人願等。

難得開咗一間台式店，當然要幫襯啦，今次帶我家人去。睇埋餐牌唔算貴，係彌敦道上嘅都算合理。行上幾級，入面都幾寬敞，多位，亦有卡位。黎嘅時間都一直有人流，油麻地尚算有啲遊客。眼見都唔少街坊都有幫襯，總算油麻地有其他類型嘅食店。有個大花公仔，好似鎮店之寶咁，一入黎鋪頭會搶眼球。講番食物，呢個係魚酥皮蛋豆腐，32元。皮蛋小小咸再加滑滑嘅豆腐，真係幾正。家人叫咗滷水豬手肉燥伴麵，56元，豬手好淋，而且非常入味。伴麵係依家台式料理中幾常見，肉燥伴麵無得輸。紅燒牛肉麵，60元，牛肉非常滑，又係煮到好淋，入口即溶，帶有啲筋位，唔會化開，都係咬先鬆。麵不錯，小小q。飲品就加咗錢飲特色，芋香奶茶，好香芋頭味，飲落舒服。滷水係台式料理常見，裝修亦有懷舊味，老味重。

突然好想食台灣牛肉麵，在油麻地行街經過見到這餐廳就入去試一試。涼拌小黃瓜小黃瓜份量很足，口感爽脆，很適合做前菜。炸豆腐併鹽酥雞炸豆腐皮脆內軟，亦富豆味，配上甜酸醬很開胃。另外鹽酥雞也炸得好香脆，味道都不錯。酥炸花枝丸我最愛食花枝丸，這個炸得不油膩，質感彈牙，上面加上椒鹽很好食。五味小茄子茄子份量也很足，上面鋪上木魚絲蔥花味道特別。滿漢大塊牛肉麵有花枝丸、貢丸、金錢展、牛腩、牛筋，一次可以試足所有餸。牛肉煮得夠腍，湯底夠濃味，喝得出餐廳用心製作。另外$6加了一份酸菜，酸菜搭上牛肉麵感覺才夠完滿。食熱辣辣的牛肉麵當然要配返杯珍珠奶茶啦

老街，齋睇店名可能唔知賣乜，原來又係一間台灣菜餐廳位置非常便利，一出油麻地地鐵站B1出口，就已經見到餐廳就喺對面馬路 入到餐廳，可以見到唔少台式元素嘅陳設裝飾，餐牌亦甚具懷舊風，十分有趣店面面積算大，枱與枱之間有一定空間，坐得都算舒服餐廳內一直播放住各首華語流行曲，貫徹台灣風主題 睇勻全個餐牌，決定點一碗麵一份小食一杯特飲飲品&小食先上桂花酸梅汁，唔覺有桂花味，但酸梅汁就名副其實，唔會過酸，鍾意佢有開胃消滯作用小食係滷水豬耳夠滷水味，肉質爽彃，軟骨脆口，令好耐無食過豬耳嘅我可以一飽口福~ 主菜點咗蕃茄鹽酥雞湯麵欣賞佢鹽酥雞另上第一時間俾個湯底嘅鮮紅色吸引慣例，先飲湯底好濃郁嘅鮮茄味，正！忍唔住飲咗好多湯底麵質爽口，浸湯亦無發漲變淋，但又做到吸收湯底嘅味道，幾好食鹽酥雞亦做得唔錯，份量足，外層酥香，咬開可以見到炸衣夠薄，裡面雞肉完全唔會乾爭爭，再加埋最面頭嘅香料，真係會食唔停口 台灣美食真係食極唔厭而且香港都有唔少台式餐廳，鍾意台灣菜嘅朋友，又多一個選擇啦~

這間台灣菜和其他台菜餐廳的餐牌都差不多，驟眼看價錢都是合理範圍，絕對不會因為裝修和擺設導致過高收費。今次除了主食，還點了幾款小食試一試。先來牛腩牛筋麵，牛腩炆得頗入味，牛筋亦都有應有嘅彈性麵嘅份量亦都好多，不俗鹽酥雞乾撈麵，鹽酥雞是一粒粒炸的，咬落多汁可能不是放湯的關係，乾撈麵比湯麵更有彈性，加上醬汁一齊食十分有驚喜之作。小食有豬耳、炸花枝丸和青菜，特點都是份量大，豬耳做得爽脆，淋上菜的蔥油醬汁非常之惹味整體來說味道有水準，最主要是份量不少，使經濟又實惠的小店。

是日收工約了閨蜜去我頗喜歡的老街晚餐~~~依家我和閨蜜都有九龍區返工，可以得閒約出來油尖旺區晚餐，感覺真好=]在等閨蜜時點了台灣奶茶加胚芽俾自己飲，呢個茶重胚芽味，感覺好好飲，連糖都不用落~~~黃金脆薯（小），中間的黃色蕃有少少甜，感覺好好食~~~紅燒牛腩牛筋麵，呢個係我的至愛，因為牛筋好淋好好食，牛腩也不錯，如果平時陪我周圍食的好友來一定跟我爭住食小香腸拼鹽酥雞，小紅腸感覺不錯，至少唔似平時食的腸仔咁咸，有DD臘腸味，但唔似佢咁硬，而個鹽酥雞都好好以，幾軟熟~~~閨蜜點的香芋奶茶，沒想到我的手機影唔到本身的紫色= ="她還點了鐵路雞扒滷肉飯，她吃過後都大讚這店的食物幾好食，她說怪不得我向她推薦到這店晚餐~~~

👁‍🗨 紅燒牛腩牛筋麵（7/10）💲60呢碗既幾舊牛腩都係帶有薄層肥膏，肉位多得黎肉質亦頗為軟腍，仲有一大條牛筋，有住滿滿既膠質，食落都幾滑腍，麵條不過不失，湯底都有啲牛同藥材味，整體可以一戰😉👁‍🗨 台式滷味拼盤（7/10）💲50拼盤有四樣嘢，全部都滷得入味既🙈牛筋係切細版，大腸既肥膏就會比較多，爽耳帶點爽脆，特別一讚係滷蛋既醬汁幾有蒜香🤓👁‍🗨 小香腸拼鹽酥雞（6.5/10）💲44小香腸係台灣嗰種再切薄片，個皮都保持微脆，帶有些少油香😛而鹽酥雞唔會話油膩，但感覺可以再脆身一點，同埋調味比較輕，如果重手返啲會更正宗同出色👉🏻👈🏻👁‍🗨 涼拌小黃瓜（7/10）💲28平時食涼拌小黃瓜多數都係離唔開醋、蒜、辣椒，但係呢個就唔係行呢條路線，反而係好有芝麻香同埋甜醬汁🥒如果再爽脆啲就更好👁‍🗨 檸檬紅茶（7/10）💲+10（跟餐）跟餐既普通檸檬茶一杯，無咩特別😂👁‍🗨 珍珠奶茶（7/10）💲22珍珠有某幾粒個芯未完全熟透，不過大部分都尚算有咬口，奶茶就係台式既偏重奶味🥤🔛 整體評分（7/10）

行過油麻地，見有台灣料理，立即入去試吓。入到舖頭，見到餐廳用懷舊潢，有老台北照片，有台灣風裝飾，係有一股台灣味嘅~點了鹵肉飯配香酥排骨，鹵肉飯油香，肥而不膩，肥肉目測有最少5層肥瘦相間，香糯汁甜，鹵肉飯掃清。另外點左個香腸鹽酥雞小吃，大約7-8小件，個皮做得相當好，而且不會油膩，幾有台灣夜市的風味。再點了一杯肧芽奶茶，以遍街都係珍珠奶茶舖嘅時代黎講，ok喇~飽到不行，埋單只係$109，坐得舒服，食得滿意，會再黎幫襯!

老街。一聽個名就諗到食台灣野！今晚叫左兩樣野食，紅燒牛腩牛筋麵同埋台灣滷肉飯。紅燒牛腩牛筋麵~湯有牛肉味，麵質好（抵讚)，反而主菜同牛腩就不過不失。滷肉飯~叫唔叫都得，汁唔夠，配菜一般，肉唔柴唔乾，一啲都比唔上台灣既滷肉飯，所以唔好抱太大期望，當普通食晚飯係可以既。

今晚男朋友揀餐廳，佢話之前有朋友介紹老街好食又平，所以放工搭車過嚟試吓。一出地鐵站過馬路就見到間餐廳，位置都幾方便。雖然地有啲滑，但裝修都算有花心思。一睇Menu見啲嘢食嘅價錢都OK，主食平均都係$50-60，加杯特飲都係$12。我嗌咗鐵路雞扒滷肉飯，本來預份量細，點知原來都幾大，差啲食唔晒。雞扒都煎得幾好，啲肉幾滑，個滷肉飯滷肉唔算好多但味道夠，以$58嚟講算幾唔錯啦～ 加$12多杯珍珠奶茶，奶茶味都夠，珍珠偏細。整體都算唔錯啦男朋友嗌左鹽酥雞滷肉拌麵，加香芋珍珠奶茶，都係$67。滷肉拌麵幾爽口，鹽酥雞唔會炸得太老，個酥皮又夠薄，佢都食得幾開心。

呢日去左旺角行街, 見到現時點隔離開左間台式野好搶眼!入去試下先入面既裝修好有台灣風味餐廳都幾闊絡, 位置算多花枝丸牛肉麵黎到緊係要試下牛肉麵! 牛肉認真好夠腍!! 配埋濃濃既湯底一流麻醬乾拌麵平時成日食湯麵, 好少食乾麵,今次一於試下呢度既麻醬乾拌麵一黎到就聞到好香既麻醬味仲有青瓜絲、豆芽麻醬份量好足, 每條麵都可以沾上滿滿既麻醬!台灣滷肉飯(小碗)一D 都唔誇張, 叫左兩個主食, 再叫多個細既滷肉飯不過個份量好驚人, 以為細碗會好似台灣個D 咁細,黎到原來好大碗架!!肥豬肉分量岩岩好! 仲有菜脯添, YUMMY口痕痕要食下D香口野, 叫左幾款小食滷味切大腸朋友係大腸愛好者, 大腸好入味, 必點之一酥炸花枝丸表面好脆既花枝丸, 食過返尋味椒鹽黃金脆薯脆薯配上椒鹽, 好夾好似去左台灣掃夜市咁香芋奶茶好香既香芋奶茶, 我至愛珍珠奶茶Overall 坐得舒服, 野食唔錯, 價錢夠平民, 我地兩個人都可以叫到成枱都係野食性價比高! 值得再食

有一會沒有到台灣。也想念台灣菜，所以今天就去老街吃個台灣菜，看看有沒有台灣老街的味道。首先，當然要點台灣必食的魯肉飯。所以點了一份大牛用飯，雖後是另一必吃之選，台灣牛肉麵。但朋友想食蕃茄湯，因此點了蕃茄湯牛肉湯麵。然後各自也加了一杯手搖，我當然點我台南的冬瓜茶，已我朋友就點了香芋珍珠奶茶。另外再加了兩個小吃，台式滷水拼盤和小香腸拼鹽酥雞。先是魯肉飯的到來，魯肉飯旁跟著三位台式小伴菜, 有滷蛋，玉米和菜甫。真的有誠意，不是隨便給你魯肉飯而已。魯肉飯的魯肉也不只有肉碎，還有有一些比更大的肉粒。令口感更豐富，味道真的和台灣的有過之而無不及，十分欣賞。蕃茄牛肉麵，蕃茄湯很夠味，不會像一些專賣蕃茄湯的那種假濃郁蕃茄味。有蕃茄味而帶有清香的牛肉湯味，牛肉的量有點誇張。牛肉同牛根都是很鬆很淋。而且很入味，不會給蕃茄湯搶了位置。滷水拼盤真的有像到了台灣老街小店吃的感覺和味道。而小香腸和鹽酥雞都有水準。本人覺得只是欠了蒜頭，因台灣小香腸的最佳好友就是蒜頭。要扮台灣人說一句「真的很滿足」。

此老街不是那東門老街😂😂旺角樓上cafe, 食台灣野😀如果係想飽餐一頓，呢間台灣野都係一個不錯的選擇，真係抵呀！鋪頭裝修幾有特色，行懷舊feel，坐得都幾舒服，仲有得邊食邊聽j j d歌💕嗌咗個肉質算嫩滑的台南滷水豬手便當（$60)個汁可以再淡d 既話會更prefect三寶肉燥湯麵（$57)賣相味道唔錯。仲叫左三款小食1️⃣豬耳（$28)2️⃣青瓜（$28)3️⃣魚酥皮蛋豆腐（$32)個人覺得最好豆腐，大大碟洛神花茶（$12)酸酸甜甜，還不錯👍🏻百香果qq綠茶（$12)✔️吾使加一，兩主食，嗌兩杯野飲加三個小食，一人都係100蚊鬆d，慳家之選。其他圖片：

在這個台灣老街之中，有著非常地道的裝潢，很多台式老店都是長這樣子，不過這裡感覺比較光。晚膳的前菜是皮蛋豆腐，最地道的配搭是用滑豆腐，配上溏心皮蛋跟甜肉鬆，軟稔又不太搶味，作為前菜洽到好處。另一個菜色是台南滷水豬手，滷的時間剛好，骨膠原的口感入口即溶又不會太軟稔，不過如果豬毛可以清乾淨點就更好了。必點！：以性價比來說，我點的這個台式牛腩牛筋麵非常高！三大條牛腩跟三大條牛筋，加起來有兩隻手掌大！軟稔度很合港人口味，脂脂比例約7:3，所以完全不會鞋口，份量十足！湯底非常清而且不帶過多的油，喝起來亦不見味精的踪影，可以放心喝！麵底彈牙不過韌，這是一般台式牛肉麵店沒有的東西呢！店員的服務也不錯，不過如果沒有某道菜時通知一下客人就更佳了！

經常到旺角，落車前及上車后都經常見到這間台式餐廳 老街，因為老街就在我到旺角落車前的彌教道附近，見到印有彩色的招牌菜式擺在門口，令愛吃台菜的我感覺甚是吸引，老街位於彌敦道油麻地與旺角交界，地處旺區，平時看入去都見到很多人食。餐廳長長的直入都很深，有裝了屏風的卡位，裝修顯待很雅緻舒適。紅燒牛肉麵$60，加底$6帶啡色的湯底，入口感覺清甜濃厚，紅燒牛肉切得夠厚夠大件，件件有帶半透明的筋位，令紅燒牛肉入口有牛肉味之餘更是腍中帶軟滑。麵條咬口中帶煙軔，與濃湯齊食，很入味。紅燒牛腩牛筋麵S60，轉新竹米粉加$3紅燒牛腩帶㸃肥，但很適中，軟腍有牛肉味，牛筋又軟又滑，食的時候已感覺充滿了骨膠原的感覺。新竹米粉比較腍，吸收了湯汁，比較入味。酥脆鹽酥雞 小$32台灣鹽酥雞非常出名，所以要了個細酥脆鹽酥雞，酥脆鹽酥雞切得大小適中，外脆內酥軟，果然不負酥脆鹽酥雞的盛名。桂花冰梅汁凍$12桂花冰梅汁甜中帶酸，不過我就覺得酸了㸃，但太太最喜歡，還説酸得很惹味。蘋果西打$2我喜愛蘋果西打，酸甜味道適中。