影片
更多
2017-05-14
155 浏览
好多時行開旺角個附近，都會黎呢間老街食。主要食台灣菜式及小食。整間店都帶點懷舊風，用木紋枱、舊唱片包裝和舊畫構成。其實珍珠奶茶好好飲架，今次冇特別叫到，所以集中講返今次食嘅嘢。講到台灣菜，我個人必食就係肉燥飯。呢間肉燥飯香而不膩，係瘦肉碎加上肉汁製成。如果鍾意食肥膩少少，不妨試下鹵肉飯，肥豬肉不但至有油滲入飯，而且咬落有豬肉皮嘅爽口，真係好香。肥膩得黎冇平時食菜飯個種成口油嘅感覺😎之前我未食過呢間店嘅小食，冇諗過一試難忘☺我首先試嘅係黃金脆薯，驚喜在於炸個層外皮，咬落似食緊粗薯條（有紋個種），口感相當特別。但敗筆就係蕃薯，因為入面個蕃薯唔甜，而且冇咩蕃薯味，影響左呢道小食的分數。 之後到鹽酥雞，其實跟外面的比差不多，但呢度size比較細，畢竟係小食。而調味做到剛好，唔會太鹹，有一陣粉係雞上面。通常係街邊食到的鹽酥雞都會灑上大量雞粉，胡椒粉去調味。而老街做的就不會太超過，但食完都需要飲飲品，又未至於令你好口渴。木魚炸豆腐就很普通，似街邊炸豆腐的縮小版，外加少量木魚碎。🤔小香腸方面，我講唔到個味道有幾唔同，平時我地食小食店嘅台灣腸雖然都津津有味，但我覺得老街做嘅係滋味無窮。細細條香腸，食完
講到台灣菜，我個人必食就係肉燥飯。呢間肉燥飯香而不膩，係瘦肉碎加上肉汁製成。如果鍾意食肥膩少少，不妨試下鹵肉飯，肥豬肉不但至有油滲入飯，而且咬落有豬肉皮嘅爽口，真係好香。肥膩得黎冇平時食菜飯個種成口油嘅感覺😎
之前我未食過呢間店嘅小食，冇諗過一試難忘☺我首先試嘅係黃金脆薯，驚喜在於炸個層外皮，咬落似食緊粗薯條（有紋個種），口感相當特別。但敗筆就係蕃薯，因為入面個蕃薯唔甜，而且冇咩蕃薯味，影響左呢道小食的分數。
之後到鹽酥雞，其實跟外面的比差不多，但呢度size比較細，畢竟係小食。而調味做到剛好，唔會太鹹，有一陣粉係雞上面。通常係街邊食到的鹽酥雞都會灑上大量雞粉，胡椒粉去調味。而老街做的就不會太超過，但食完都需要飲飲品，又未至於令你好口渴。
木魚炸豆腐就很普通，似街邊炸豆腐的縮小版，外加少量木魚碎。🤔
小香腸方面，我講唔到個味道有幾唔同，平時我地食小食店嘅台灣腸雖然都津津有味，但我覺得老街做嘅係滋味無窮。細細條香腸，食完你會有一種衝動想再另叫，好似通俗啲講「食唔夠喉」！
😂😂椒麻牛肚絲好有咬口，但因為個辣汁似食緊5小辣個種，辣到我都食唔出有咩味，只食到辣味。
最後仲有一個豬爽耳，豬耳爽口，用左少許鹵水汁醃，入味但味道唔會太濃。
飲品都要講下，我個杯熱蜂蜜檸檬不得了，入口飲到充滿蜂蜜味之餘，飲左之後口腔有一陣尾後檸檬味，調較味道恰好，唔會被其中一款材料奪去另一款材料味道，而係帶起應有嘅層次感😋😋😋
茉香綠茶，嗯🤔個人黎講，冇咩太特別，而且因為飲品可自選甜度，所以未發現突出之處。但整杯飲品都具有茉茶香，加上綠茶同奶，不過不失。
整體評語：下午茶價錢划算，值得一試。環境乾淨，嘈雜程度視乎用餐時段，但一般尚可接受。上菜速度快，無需等太耐。
雖然食台灣菜，但員工都係用廣東話溝通。落單主要係自己填紙仔。
因地理位置唔近地鐵站，夏天步行到此會比較辛苦。我覺得少少汗水都值得，因為味道不錯，價錢划算，我會推薦比未試過嘅朋友。👍👍
夜市小香腸、豬爽耳、椒麻牛肚絲
16 浏览
0 赞好
0 留言
黃金脆薯、鬆脆鹽酥雞、木魚炸豆腐
12 浏览
0 赞好
0 留言
肉燥飯
9 浏览
0 赞好
0 留言
鹵肉飯
13 浏览
0 赞好
0 留言
冰茉香綠茶、熱檸檬蜂蜜
10 浏览
0 赞好
0 留言
张贴
