老船長東南亞餐廳 (已結業)

個fd 生日想食東南亞概野,前排個porject又係要做有關東南亞概野食不過食左十幾間都係E間餐廳食過最好,於是日尋日去就訂位做多次功課 (食野)順手幫個fd牛一我地成20幾人叫左勁多野食其中1個叫三式蝦球好好食好過引佢有3種味 好似係芝士,沙律 同wasabi個wasabi好過引,真係會攻鼻=.=’’仲有個咖哩豬排, 個咖哩少少辣剛剛好最緊要個豬排真係有肉汁,勁好食。最衰係O個到好難搵,係條小街到…唔係去過一次都唔知仲有個門口位要小心唔好仆到…D野保持到水準…真係唔錯…我地食完1人平均$80左右(應該會再少D,我地比埋壽星仔O個份)

想在尖沙咀搵間靜靜地, 唔係好貴又可坐耐少少的餐廳與2名朋友聚舊，見到Openrice的網友對這間餐廳評語不錯便去試下。我們約7點鐘去到，可能是平日，餐廳內了無一人，真的有點嚇親。坐下後, 我們點了芝麻蝦多士及牛油雞翼，一上菜，已被它們的色香味吸引住。蝦多士一邊白芝麻一邊黑芝麻，外脆內軟; 牛油雞翼陣陣香氣讓我們食指大動。後來我們還點了越式炒粉皮等。朋友開車來無位泊車，老闆娘話可幫忙叫個代客泊車幫手, $20/鐘。餐廳到了8點幾便開始人流漸多。整體來說是一間值得再去的餐廳。唯一比較麻煩係餐廳沒有自己的洗手間，需要出咗門口轉入煥利商業大廈內的商戶洗手間。

心血來潮, 好想去尖沙咀行下, 順便同心愛的共進晚餐...見到呢間餐廳d評語都唔錯, 咁就決定去試下啦.間餐廳個地點,其實唔太就腳, 坐隧巴或者mtr都要行十分鐘度(我估)都ok啦... 唔太熱, 當做下運動~入到d坐位滿哂, 剩返張大枱同收銀機旁既"山卡啦"位個waitress唔肯俾我地坐大枱, 只能位果個"山卡啦"位就係收銀旁本得張枱,冇椅既~咁當然個waitress拿拿臨班兩張椅俾我地啦~好啦~ 點菜我地叫左 越式炒粉皮芝麻蝦多士甜酸醬雞肉 (唔太記得正式個名)呢三樣野都幾好味, 個甜酸醬雞內個醬都幾辣, 事前完全冇唸過佢個醬會辣, 但都幾好味~ 連唔太食得辣既我, 都忍唔住點下d醬...芝麻蝦多士都唔錯, 佢用左黑芝麻同白芝麻黎整~ 唯獨d芝麻冇乜芝麻味,唔夠香~越式炒粉板也好味, 不過一定要趁熱食, 凍左冇咁好食~um... 我會推薦呢間餐廳, 的確唔錯, 不過下次唔該俾返張正式d既枱我丫~

同朋友第一次去呢到食晚飯, 餐廳很少人,以為唔好食, 點知食物出來,出奇地好食, 我成日周圍去食嘢覺得這間餐廳做出來的食物很有心(個人感覺), 原來這間餐廳攞過2-3個奬, 聽到老間娘同朋友講,原來我地食飯當晚老細又去咗攞奬......講番食物: 1. 蒸粉卷- 包得漲漲的,多料(食得出同出面食的唔同) 2. 豬頸肉手卷 - 驚喜, 又是卷得漲漲的, 餡料唔肥膩除了豬頸肉還為有青瓜絲,檬粉,生菜, 用米卷包着, 不是炸的所以食落很清新感覺, 女士們一定歡喜, 食多2舊都唔怕! 3. 蠔士鬆配法包 - 好食(如果那些法包用牛油蒜蓉焗會仲好), 本人覺得那些蠔鬆配飯都會好好食, 我要來放落撈檬,好食 (2個人食這個餸會好飽)4. 香茅雞扒撈檬 - 朋友最喜歡這個, 佢d雞扒炸得來好好食,肉質好滑, 我最怕食好炸既嘢, 但忍唔住食了朋友一舊雞, 正!! 檬粉好食, 點樣好食講唔出, 總之比起我之前去第二度食既唔同,呢間餐廳好食好多5.話梅七喜/梳打 - 本人叫了話梅梳打, 唔會冇味, 好飲, 好解喝(我見後面那枱食芝士龍蝦, 餸名唔知, 嘩d龍蝦好大隻, 個餸都大碟, 還叫了特色甜品(我估係

朋友介紹呢度抵食好味, 今晚黎開tst, 所以同bf黎食!! 地點其實唔係話好難搵, 但平時真係唔會經過, 行過附近都未必留意倒, 所以今晚7點幾入座, 只有兩枱客食緊咋....地方好企理, 侍應都好有禮貌!! 我地兩個人叫左:牛油雞翼: 個個都推介, 果然好味好香口, 不過就比較油膩, 一碟有6隻, 我同bf每人食3食, 但我食到第3隻開始頂唔住d油呀....咖哩海鮮飯: 本來想叫"越式咖哩海鮮", 但問過侍應兩樣d咖哩有咩唔同, 佢話都係差唔多, 所以以我同bf嘅二人份量, 叫"咖哩海鮮飯"會抵d, 同埋自己鍾意食咖哩撈飯嘛, hahah~~個咖哩味道都幾特別, 好似有d d冬蔭公嘅味道, 但只有少少辣, 好味!!蒜蓉包($18): 好味!! 可以點埋d咖哩!芝士蝦球: 呢個蝦球出面係鋪滿芝麻, 入面個心只有dd芝士, 個樣好似煎堆咁, 但就係因為太多芝麻, 搶哂個味, 成口都係芝麻味, 但一d蝦味同芝士都食唔出, 感覺好熱氣, 麻麻地....總括黎講, 以每人80幾蚊嘅價錢食一餐有質素嘅晚飯, 呢度你會有驚喜!!

雖然地方QK, 但食物質素方面真的不俗內部其實地方不大, 但感覺好舒服這裡的鳳爪酸酸辣辣, 非常合做前菜, 最好一叫就叫2碟牛油雞翼: 肉厚味美, 又滑!!而且不算油蒸烏頭: 好普通焗生蠔: 好惹味, 但並不是超級水準之作, 好蠔之士可一試咖喱牛腩煲:份量少, 好普通炒飯: 份量不多, 冇鑊氣炒粉皮: 跟河粉差不多, 但冇咁油同冇咁咸, 質感不錯話梅7喜: 非常match的配搭!!晚飯要加一服務費, 因此日間光顧相對比較抵食唯一不太滿意係食物的份量, 男士一睇就知道不夠4-6人的話, 晚飯$50-100 已經ok

大佬係歐遊返左黎，所以HCL又再聚首一堂!一向負責決定食咩既我就黎左呢度啦我地3個人食左好多野，個職員都話我地勁!我地叫左:越式炸蝦餅"二妹一向鍾意蝦，所以一定會叫個皮淋左D，唔夠脆口所以唔似食緊蝦餅個餡鹹鹹地，有D彈牙，都OK既雜錦拼盤"佢有扎肉，炸雞，雞扒，仲有應該係越式春卷我覺得越式春卷最好味!! 個皮好香好脆口其他就普通姐牛油雞翼"呢個好味呀! 有6 隻都算多架啦唔算好油膩同熱氣有牛油既香氣，而且D肉係好滑架所以好味煙肉焗蠔"呢個反而麻麻地，因為佢有太多野擺埋一齊我食成隻都剩係食到煙肉味完全食唔到蠔既鮮味~而且$66 2 隻都幾貴柚子蟹肉沙律"呢個都係唔好，因為D野食味道唔太夾又酸又甜咁!而且佢係蟹柳唔係蟹肉，所以不算太好，唔推介俾大家蒜蓉炒手撕包菜"實在太多肉....所以我真係忍唔住要叫碟菜佢原本係馬拉盞，但佢話無，所以轉左蒜蓉炒不過佢炒得幾好食，份量都算多令我想夾完再夾黎食越式海鮮炒飯"一黎到覺得佢好多料好多顏色!不過味道嫌佢淡左少少但炒得算乾爽...但真係無咩味食完幾飽下，服務都幾好，個個人幫我地影左幾張相!覺得介乎ok與笑面中間大佬話俾笑面就笑面啦!

當晚女兒於美麗華酒店謝師宴，偕太太驅車送完後便想起同事推介於柯士甸路之食肆，兜了幾個圈才找到，花了數十分鐘泊好車後，有點餓意，希望能有驚喜。未進店內已有待應開門招呼，有很好的印象。坐下細看店內的裝飾有點特色及舒適，還有大電視可滿足客人之要求，老闆真肯下本錢。打開餐牌，看到不少特色美食非常吸引，價錢並不昂貴。點了以下菜式：1) 燒汁煙肉生蠔(醬汁調校適中可口，增添了生蠔及煙肉的野味)2) 牛油雞翼(表面看似肥脷，入口後卻有不同感覺，味道不錯，加多些蔬菜伴碟更皆，以減少肥脷之感覺)3) 上湯時蔬(南瓜湯配時蔬，有益可取，南瓜味濃，可惜份量較少)4) 熟牛肉河粉(每間越南食肆也不錯，這間也不例外，味道適中，牛肉也不錯，缺少了驚喜)5) 話梅梳打(梳打是我喜愛之飲品，加入話梅，更令我愛不惜手)飽餐後，再沒有空位嘗試甜品。總括來說，在尖沙咀區，能以這樣的價錢，食到以上之美食，而味道及質量頗皆，難能可貴，實屬抵食之選；待應招呼很好，另美食錦上添花，吸引食客再次光臨及推介。惟一可惜之處，地點較難找尋。

上周末,與男友挽手尖沙咀金巴利道去睇婚紗，行到街尾見到一東南亞特色的老船長餐聽, 被該店的舒適雅潔裝修吸引我入去試試。地方唔算大, 坐到三十至四十人。我吔揀咗個大LCD TV下面個位坐。 店員推介,叫了幾道菜，1. 煙肉焗蠔 – 意外驚喜,好大隻, 蠔味十足, 如果少啲煙肉鹹味，會更好。2. Wasabi炸雞翼 – wasabi壽司就食得多, 這配搭都係第一次試。味道不錯，好有創意！3. 豬頸肉手卷 -豬頸肉都算爽口彈牙，內裡夾著香葉, 生菜, 口感清新。4. 話梅梳打 – 可以提提醒神。埋單，都不過二百元，好食兼抵食，值得推介！個店好難找，佢就係婚紗街行到尾, 今次偶然遇上的驚喜, 都算得上係緣份。

食越南菜有點像食農家菜般，簡簡單單，又能食到地道風味，食那幾樣地道菜色就成對上幾個星期晚到尖沙咀柯士甸路的一間老船長東南亞餐廳吃晚飯非常油但勝在解凍足，沒有雪藏味的牛油雞翼炸春卷外貌普通, 但食落去好好味服務好食物好衛生好環境好 地方遠左d

就此先向店員Joyce賠個不是, 本來應承妳為你店的美食寫食評, 可惜為新工作忙碌, 一時忘記了吧 不用多說, 就此送上新鮮的食評週末如常地跟女友逛街, 晚上出了尖沙咀, 由於沒有心水選擇, 我倆忽然想起隔了一段時期都沒有去的老船長餐廳, 其實此店我只食過兩次(連今次), 都給我一種既滿足又滋味的感覺第一次去都是偶然在OR上看到此店的新開張宣傳, 其實老船長的所在位置唔多起眼, 不細心留意都不知道會有如斯美味的東南亞食品, 一起看看小弟的推介: 炸蠔卷: 外形有點像我們平時上的茶樓的中式春卷, 但老船長的炸得夠乾身及脆口, 可惜的是, 蠔味是足夠, 但相比起第一次來吃時, 蠔肉少了, 整體感覺差少少, 但仍然係必食推介越式炸春卷: 又來一道即炸美食, 十分熱氣呢 但伴著生菜葉再配上個特制醬汁一同進食, 的確可以去除不少油分感覺, 值得一讚就是生菜新鮮爽脆!!再來一道耳熟能詳的美食---牛油雞翼: 雖然真的是十分不健康...但真的十分美味, 牛油味香濃, 雞翼唔會炸得太乾而無水份, 唯一要彈的是油分還未隔好就上碟, 食完整碟後發現碟底充斥著多餘的牛油呢@@最後是小弟鍾情的豬頸肉手卷, 此

有friend 生日, 唔知食咩好, 係集雜誌見倒有介紹, 好似幾抵食, 所以試下啦!環境:座位, 裝修一般, 不過有勁大電視服務: Good! 我地要求多多, D staff 都無炸型依然好nice。 食物: 今次人多, 所以叫左好多野: 蒜茸飽$18 –正! D蒜茸剛剛鋪滿塊飽, 好香呀~~麻辣海蜇頭$32 - 鹹左D, 都幾辣下。越式炸春卷$32 –好脆, 細細條, 放低十秒清晒!芝土焗/燒汁煙肉焗生蠔$56/2隻 -D蠔好大隻, 好有質感。之前未食過燒汁焗, 反而食倒有鮮味, 幾特別! 鹹青檸蒸烏頭$78 –好似淡左D, 上菜個陣聞倒好香檸檬味, 肉唔似一般噤 “鞋”, 我麻麻地烏頭, 所以只係試左小小。越式扎肉蟹子虾片$35 –樣好靚, 因為幾樣野都係唔駛點整個隻, 味道梗唔會有幾突然啦。芭提雅烤雞$58/半隻 –雞SIZE唔大, 唔係一般去歈食開好多肥羔個種, 但D肉質OK嫩, 皮好脆。 豬頸肉沙律$26 – ok 啦, 無咩特別可以講。加喱大頭蝦$88 –正! D蝦好有份量, 拆開個頭, 嘩! 好多糕呀 質地都幾弹牙! 加喱汁夠香濃, 偏甜, 唔太辣, 最後食左好多汁撈

當日因為要陪朋友去尖沙咀試婚紗….搞左好耐，又累…又肚餓…所以都唔想行太遠，諗住o係附近食左野先….行到差不多到金巴利道尾…見到有間 ，o係佢門口睇左一陣…見佢貼出黎d食物相好幾唔錯咁，就同朋友入左去試下。我地叫左 : 炸春卷，芝士蠔卷，豬頸肉沙律，酸辣海鮮湯，咖喱牛腩煲春卷同芝士蠔卷都炸到好脆，好香口個蠔卷咬入去仲有熱辣辣o既芝士，蠔比我地想像中大隻、肥美…芝士同蠔好match ! 食落唔會覺得好膩~豬頸肉沙律同個湯都唔錯，豬頸肉好香，不過份量就略為少左d咖喱牛腩…咖喱味好香濃，建議配蒜茸包食! (本身唔跟，要另叫)美中不足係個地點唔算好就腳，不過食物質數真係唔錯。朋友都話下次去開尖沙咀會再黎食，試下其他菜式。因為我地睇餐牌時都仲有好多菜想叫，但係又驚食唔哂…所以最後冇叫到)。下次會約多幾個朋友去，咁就可以叫多d野食喇!!

那天約了一班朋友去吃飯，去到尖沙咀...一間裝修唔算太高級的東南亞餐廳，入到去抱着試吓的心態，叫了３款焗蠔，２款蝦，多款小食，炒飯，炒粉皮和甜品等等....誰不知，每款食物也給到我超越預期的好味感覺很好，特別是芝士焗蠔和玫瑰脆蝦 yeah~~還有甜品...椰王燉蛋白...Good !!!! 我們一班朋友也吃得很滿足...特別一提...那間餐廳的服務真係相當唔錯！ Good !!!!是值得再去的好餐廳 !!!!!!!!

同幾個朋友經過門口見有Openrice有網友推介即管入去一試,食左蠔卷咖哩牛腩春卷雞籃蒜茸大頭蝦炒雜菜紅豆冰綠豆冰食物比想像中還要好~我地每人比左80幾元呢個價錢,大排檔炒野都要喇講番正題蠔卷 這個是店員推介,我唔係咁鍾意食蠔都覺得唔錯我Ｄ朋友就話好掂咖哩牛腩 好正,尤其是跟黎個Ｄ蒜蓉包我重叫多兩客,我極力推介春卷同雞籃唔錯,有水準蒜茸大頭蝦正~香口一流紅~綠豆冰鍾意紅豆多Ｄ佢Ｄ豆唔係罐頭貨～正同勁香濃椰子味咁多野埋單每人87元,尖咀响邊到搵所以我極力推薦