老爺冰室 (已結業)

呢間餐廳成日都爆滿架😂平時lunch time 都有食佢既lunch set，強烈推薦蜜餞薯仔牛/豬/雞。 因為佢個薯仔係煎過嘅！個皮好脆！又入味。但今日唔係寫蜜餞牛因為有一日夜晚做完瑜伽之後，覺得肚餓就去咗老爺冰室食晚飯😋大約九點，終於無乜人！一於試下食佢主餐牌上面既野食因為想食奶油豬，就試下奶油豬+芝士大蝦球配濃湯茄通粉真係勁多黃甘甘既芝士😂隻蝦都好大隻🦐 唔似冰鮮蝦個湯底都幾好飲 真係濃濃既番茄味（但可能番茄師兄會更好味😂🍅始終人地係專門店，同埋有肉汁撈埋好味啲）仲有最想食既奶油豬🐷唔係縮水豬 都叫大舊架啦😍仲有好多醬 一啲都唔孤寒食落口仲好脆 不過我果晚食有少少燶值得推介😋😋😋

今天到深水埗鴨寮街及電腦中心買東西，行得很攰，加上下雨，不想四周圍找東西吃了。結果看見這一間懷舊餐廳價錢平民價，於是便入來試一試。我最愛在這些舊餐廳的意粉，所以我點了一個焗牛舌意粉。味道好懷舊。不過意粉太淋了。

今日繼續一枝公，走到深水埗買電腦配件，行行下，不知不覺已經到左晚飯時間，見到嚟間老爺cafe幾特別，牆上掛滿李小龍相及一些60、70年代的電影影片相，黑白色，充滿懷舊色彩。我選擇了焗安格斯牛腩保齡球，保齡球其實是圓形農夫包，內裡放入牛腩及飯等烤焗，邊食邊點芝士醬，又香又惹味，牛腩軟腍夠入味，麵包蓋香脆， 搽上牛油後如同牛油脆豬一樣。

夜晚九點幾嚟到深水埗搵食🤤🤤，好多鋪都差唔多收鋪，係絕望之際咁啱經過呢間新開的老爺冰室，本身只係諗住有得食就食，點知入到先知係以懷舊電影做主題，餐廳掛左好多與電影🎬有關的裝飾。食物方面：試左芝士🧀豬扒撈丁，一上枱就見到炸得金黃香脆的豬扒，下面就鋪上滿滿的芝士🧀🧀🧀🧀，話佢似芝士湯都不為過！芝士味濃郁可口，包住軟硬適中的出前一丁，令人食指大動👍🏻👍🏻👍🏻🤤鐘意芝士的朋友仔一定要試下！飲品方面就叫咗懷舊雲糕紅豆冰🍨🍧，實物同相係一樣，有滿滿的紅豆同三粒雪米滋。奶香同紅豆配合得天衣無縫，啖啖都有紅豆，美中不足係雪米滋雪得太耐，個皮好似膠左的面粉🙁不過整體都好好，下次一定會再試其他😋

炎熱嘅中午跟同事ㄧ起食 lunch，大家都唔知想食咩，剛巧行經這店，見到門面有趣招牌寫「老爺冰室」即日放映，即管入去試下先。室內掛有好多關於電影的佈置，好有懷舊氣息。坐下後我們都點了兩客午餐 share 食。午餐包括有是日例湯、主食和飲品。例湯是南瓜瘦肉湯，清清地冇加味精。主食叫台式肉燥漢堡扒大碗飯，兩片漢堡扒沒什麼特別，肉燥都唔會太咸，用來送飯剛好。另ㄧ主食叫BBQ豬扒配黑松露炒蛋飯，賣相唔錯，豬扒煎得甘香，肉質唔韌。蓋在白飯上的黑松露炒蛋又滑又香噴噴，真係食慾大增。最後飲返杯熱檸水，檸檬好香，冇苦澀味，清清口腔。午餐有咁大份量而只是收四十幾蚊，都算抵食。

呢一日一大早喺深水埗買野，買完諗住嘆返個靚早餐再開工，即刻打開openrice既收藏，將呢間收藏左好耐既“老爺冰室”攞出黎，原來喺附近，一心想去試下個黑松露炒蛋😁黎到呢條街，搵唔到既？以為自己行落路，再返返轉頭搵，原來個門面一啲都唔起眼，所以行過龍😑入到黎，啲位坐得好逼，唔係好舒服。跟住叫左個雪菜肉絲湯米+黑松露炒蛋(我冇要件多士)，熱齊啡個湯米不過不失，正正常常咁，黑松露炒蛋啲蛋炒得唔錯，好嫩滑，值得一讚，啲黑松露係唧出黎既所以一條條？我都唔係咁清楚😅😅熱齊啡一般般，好淡帶少少酸，可能本人飲開好濃既咖啡，所以唔係咁岩我飲。

來到深水埗一間以電影為題的冰室 被復古的氛圍所包圍 餐牌圖文並茂 挺吸引的《黑松露炒蛋多士》看圖以為只能當小吃 想不到 是滿滿的炒蛋 黑松露多到變成一條條的😂完全可以當主食享用 多士脆脆的 炒蛋是喜愛的又濕又滑 黑松露看似很多 但味道不會太濃 很不錯👍🏻又抵食《芝士豬扒撈丁》濃郁的芝士醬 已不是汁 是稠稠的醬汁 很香的芝士味 豬扒亦煎得挺香《原味波波冰鎮奶茶》很愛那冰球 片片的薄冰 不會因為冰的融化 令奶茶味沖淡了 反而更濃郁😍必喝《安格斯牛腩保齡球》雖然外表一般 但想不到牛腩不乾 挺有口感 再加上另上一碗芝士醬 想淋多少便多少 芝士味由自己決定 芝士的香真的可以直接拌飯吃😆性價比高的一餐 份量大 像吃了三個主食一樣 跟餐還附贈是日精選靚湯 材料十足 兩人共吃了$170 滿載而歸

今日我同阿妹都放假, 一大早就去左深水埗買D 野，之後諗住順便食個早餐。附近都有好多選擇，但因為唔熟呢頭，就上Openrice search 下。見<<老爺冰室>> 都幾有特色 同有d 好評就去試下。 室內裝潢設計 以懷舊電影作主題 🎥，牆上亦都有好多經典明星ge照片。📷 有feel，適合打卡。阿妹點的是:  芝士牛肉濃茄湯通粉 配熱阿華田($38)湯底茄味濃郁, 牛肉有咬口, 唯一不足係 味道 偏甜。呢碗算有名 沒驚喜，但味道可接受。我點的是仿)鮑魚絲火腿通粉 配熱奶茶 ($28)太耐無食, 所以想緬懷下。清清淡淡, 仿鮑魚絲有嚼勁。但奶茶偏 酸和澀, 口感不佳。整體不過不失，應該不會再來。

深水埗區處處美食，我雖然不是當區居民，但也愛覓食。此冰室是我bookmark 想試之一。此店在長龍腸粉那邊的深水埗，我不太熟路，花了點時間找。入到去，好有禮貌的女店員即上前招呼，我看中了晚餐，焗牛舌意粉，晚餐包老爺靚湯和熱飲，剛掃完街的我吃不下意粉，問店員可以外帶嗎，她態度有禮回應，可以的，收盒錢1元，好合理呀。跟著，她即送我靚湯，叫我慢慢飲，焗意要十多分鐘，湯真的是靚湯，好味，似老火湯。熱飲原本叫了熱檸檬茶，後來，又想試此店奶茶，於是，我問可以改嗎？ 女店員即走去茶檔幫我看出左未，幸運地，可以改。奶茶到了，好興奮，好攪笑，冇想過用這中國特色杯，於是，我即刻攞電話影影影。。再仔細看，那“福”罐是盛沙糖的。。。有心思。店鋪小小，牆上四周貼了不少懷舊海報，有張國榮， N年前的戲。。可見店東花了不少心思。吃得好開心💖💖💖望此店能保持水準，

之前都有去過堂食。試過佢嗰個肉骨茶午餐，味道唔錯。今次懶得出街，叫外賣。叫咗一個牛腩保齡球。之前叫個ubar 送到黎仲好脆㗎。。今次呢間外賣就認真麻麻。送餐幾單一齊送。保齡球送到嚟個包已經淋晒。不過味道仲好好食。保齡球其實係吸取左嘅豬仔包。裏面仲有成個牛腩飯。免頭仲有好多隻。幻想到如果係新鮮堂食應該更好味👍🏻黑松露海皇炒飯： 松露醬好香，炒飯夠乾身。唔錯！蒜香一字骨。又好好彩，一字骨送到黎仲係脆卜卜。蒜香味香濃仲有個最出名嘅芝士雞扒撈一丁。呢啲真係唔應該叫外賣㗎....其實覺得味道唔錯。只係個麵送到黎已經林晒漿糊咁...非戰之罪！另加$8咖啡，難飲...

以門面裝修黎講，呢間餐廳係深水埗區算係唔錯。同女朋友見到門面有啲特色，就入去食，下午唔算多人唔洗等。一入到去裡面好多懷舊電影嘅裝飾，幾特別👌🏾🍲原隻鮑魚芝士撈一丁 - $68👉🏾無論係香味同味道，芝士味都非常濃郁，麵質唔會太硬，易入口，而麵都吸收哂啲芝士，正！👉🏾鮑魚就有啲細隻，味道都可以接受，但實在太細隻，性價比有點低😅👉🏾不過個多士烘得啱啱好！點芝士一齊食就非常good！🐖芝士豬扒撈一丁 - $46👉🏾感覺上豬扒就抵食好多，而且有三塊，豬扒質感亦控制得好好，唔錯🍨馬卡龍飛女可力 - $16 跟餐👉🏾超重可力味，鐘唔鐘意就見人見至，而且偏甜，個人認為加埋馬卡龍有啲漏😅

第一次試老爺冰室, 一入到就感覺同老鳯冰室咁相似嘅, 係咪有關係呢 🤔 入面同樣都係卦住d懷舊六七十年代嘅海報, 走復古路線門口見套餐價錢真係非常親民抵食, $41 有碗湯有主食有飲品仲要坐得舒舒服服仲想點啊.. 見名物應該係黑松露蛋多士同d特式飲品, 不過午飯時間實在想有飯落肚, 於是點左A餐!台式肉燥芝士烟肉豬扒大碗飯, 份量都好足夠, 豬扒夠淋身咬落彈牙, 而個汁唔會太咸控制得唔錯, 我好少可可以食得哂咁大碗飯, 下次有機會同朋友黎叫多幾樣試下先

呢間老爺冰室一入到去「點解咁似老鳳冰室既？」我最喜愛的黑松露炒蛋多士，黑松露夠哂香，炒蛋又夠滑👍🏻厚多士亦夠脆👍🏻火腿絲鮑魚片公仔麵，雖然普通，但湯底、公仔麵質素絕不hea場！我們還叫了西多士，熱辣辣，配上波波冰鎮奶茶，一流，不過覺得波波奶茶，如果茶味再濃一點會更好。我們二人食，最後仲加了芝士焗肉醬意粉，肉醬汁夠多，唔會怕唔夠汁，除了意粉仲可以轉飯，轉飯未試過，有機會都會一試！整體不錯，價錢比普通茶餐廳貴一點點，值得一試！

行街行到攰攰地見到呢間裝修幾得意嘅茶記，牆上掛畫勁有feel。老爺冰室，試下咩料子先一睇，本menu都算用心製作，有design得黎一啲都唔hea。朋友就要法蘭西多士，我就揀左黑松露炒蛋多士。五點半左右，又唔算太多人，坐得頗舒服，腳仔軟靜靜地休息下係唔錯～西多士炸得穌脆，裡面係花生醬夾心，配上牛油同糖漿，好好食，下午茶邪惡之選之一OH MY GODNESSSSSS!!!!!黑松露炒蛋多士，一黎到俾佢嘅黑松露嚇親仲以為menu嘅相係”圖片只供參考”，但事實係同張相一模一樣，超多黑松露未食已經聞到濃濃黑松露香，炒蛋滑身嫩口，配上黑松露及微焦多士，蛋香松露香吸左係多士表面，冇影響多士鬆脆口感，以後自己食緊高級high tea。性價比超高！行開深水埗，又想食啲輕食，呢間老爺冰店係唔錯嘅選擇

去鴨寮街買完旅行用嘅電話卡，經過呢間老爺冰室（其實之前都經過好多次，可惜未有時間幫襯）於是入去試吓！打著懷舊的門面，裝修設計都像六七十年代的舊電影時代，眼睛都逗留在這些裝飾設計數分鐘😍餐牌上面寫着，帶我們走進時光隧道，餐廳方面也播放着一些懷舊的歌曲，整體都覺得幾得意，好有心思👍🏻黑松露炒蛋多士，黑松露的份量多的驚人，散發着濃烈的黑松露香氣，可惜炒蛋方面個人來說感覺比較濕，如果稍為乾身一點就會更加理想😅多士亦能夠做到外脆內軟，整體感覺不錯👍🏻朋友叫了這個腸烚蛋多士，腸仔有點像台灣街頭的脆皮腸一樣，外皮是脆卜卜的，都幾得意🤗回鍋肉湯麵和沙嗲牛肉公仔麵，也是地地道道的港式文化😍