老掌櫃東北菜館 (已搬遷) 新店位置

這間位於大角咀嘅東北菜嘅平民又好食。我地8個人食左$1200,有10個餸，份量都大份，味道都算正中。每個餸約$70-85鋪頭比較細，大約可以坐40人到，如果多人嘅話建議book位，同埋最好要早幾日因為都好多人book，好多人食！如果要食片皮鴨嘅話就要book位嘅時候講定，我地點在一隻，$300幾/隻。隻鴨會喺你到咗之後，就叫侍應上菜，隻鴨熱辣辣啲皮都算脆，但係啲肉就比較瘦，有少鞋。塊皮就冇乜特別，有幾塊偏厚左少少，1隻鴨會有24塊皮。值得推介嘅係糖醋魚，酸酸甜甜味道啱啱好，條魚熱辣辣，炸好之後淋上嗰啲汁，好正侍應態度良好有耐性，由其甘多人卜位食都keep住吾燥底，上菜都算快！

主角話要食北京填鴨，經朋友介紹下一試，食肆好旺場，8號風球當日都座無虛席，大家都好似唔趕返屋企咁，9點幾仍然有人等位，呢度地方唔大，要訂位，坐得唔太舒服架，枱與枱之間好貼，不過食物上枱效率奇高，我哋把口食到無停過，好馬拉松式，不過呢度d服務態度又唔錯，阿姐都唔該前唔該後，值得一讚北京填鴨(一隻) $308 ***訂　因為人多所以訂咗一隻，分兩碟上，啖啖肉我至愛，不過鴨皮有少少韌，而餅皮真係拉得好薄，上枱仲好熱辣辣，極力推介！不過鍾意傳統片皮鴨嘅你就唔多啱喇四川擔擔麵 $44x2　一d都唔辣，麵ok滑，不過湯唔夠濃，又無肉碎同花生醬味京蒽羊肉餃(10隻) $46　一d都唔羶，同埋京蒽味唔出，所以羊肉愛好者會嫌棄京燒羊肉 $128　呢個私心推介，因為有肥膏，所以羶味較重，肉嫩皮脆，羊肉控必食口水鷄 $72　呢個汁好辣呀，鷄好滑但我食唔出味道，只知食完會噴火黃金四季豆 $74　咸蛋炒得好香無過火，每條四季豆都沾滿蛋王，好味麻醬蒜泥茄子 $54　目測幾好味，但我唔好所以評唔到肉三鮮餃(10隻) $44　饀料好淡口，食唔出咩叫三鮮，可以不試鷄絲粉皮 $62x2　全晚最差兼食剩最多，粉皮卷埋無咬口

係ICC番工，除左地點偏僻之外，最衰就係Element d野食又無太多選舉之餘，全部都好貴，所以斷唔可以日日都係度食，而奧運、大角嘴就成為左我同同事既飯堂😬今日Happy Friday黎左呢間食東北菜既老掌櫃，貪佢抵食夾大件👍🏻👍🏻一個小菜加一個飯$50都唔使，我地就揀左菜飯，都係(+$2) 姐。講番碟口水雞先，辣度適中，雞肉嫩滑，名符其實既偷飯賊，而且有成十幾件雞，性價比可以話係極高🤩🤩唔好以為呢度淨係得辣野，呢碟醬燒茄子都做得好出色！茄子加埋d肉碎煮得好入味，好林，岩哂我呢d重口味既人呀🤤🤤不過午餐時段係極多人，所以大家想去幫襯最好都早少少去，大約要12點半之前就差不多啦。

用openrice search片皮鴨見到介紹呢間”老掌櫃”同朋友試吓得唔得先，因為冇訂位去到等咗差不多35分鐘先有位，入面都多座但比較迫，上菜速度超快，叫咗個麻辣口水雞，個味道好香麻辣味, 雞又夠嫰滑, 好得!!酸菜餃平時好少聽到見咁特別叫嚟試下先~熱辣辣上枱, 咬落去會噴汁出嚟~大家食個陣要小心D, 酸菜同平時去打邊邊既酸菜鍋差唔多, 當然冇打邊邊咁濃味啦, 都唔錯~ 個酸辣湯好足料但個人覺得唔夠酸, 主角就係"片皮鴨"啦~佢一上場...哇哇哇~由於我地叫左一隻佢分開咗兩碟嚟裝住, 好震撼呀!! 佢有晒平時既配料而且個皮唔算厚, 隻鴨好香皮又夠脆, 唔會覺得好油膩既感覺, 唔怪得之呢到座無虛席啦~同埋呢到俾我想像中還要抵食~今次真係食飽飽唔想走!

完全無法理解點讚的人，是從來冇食過東北菜嗎？沒食過中菜嗎？眾所週知東北菜以燉菜為主，第一個上來土豆四季豆燉排骨我們就震驚了！這清湯寡水的菜我無論如何想像唔到這竟然是燉菜！應該叫清水豉油過水菜吧！四季豆夾生，排骨咬不動，入味？太天真！可能還沒有速食滾水湯燙個菜有味。能將這樣的菜掛羊頭賣狗肉端上檯面，是對食物的極大不尊重其他菜，京醬肉絲甜到暈，清炒萵筍切到比手指還粗，唯有蔥爆牛肉還過得去。一句話，這不是東北菜，這樣的清水菜當東北燉菜賣，太不用心，太不尊重飲食行業了。

呢間老掌櫃東北菜，😝朋友推介左好耐，😌終於食到啦！🤩次次經過都有一大班人係門口排哂隊，😨都知佢應該都唔少野，👍🏻🤩今次有預訂座位就快一點，💪🏻不過一定要過半數才可入座！😏—————————————————我地叫左呢幾樣野食！😋青瓜粉皮😍啲粉皮好煙韌，😋一啲都唔會過腍，😙個醬汁酸may  may，😍好好味！🤩紅油抄手顧名思義就係好多油的，🧐辣油佈滿所有雲吞，😃味道不太辣，😀都是屬於正常菜式🌝👍🏻北京填鴨係呢間舖嘅招牌菜，👍🏻所以見到差不多枱枱都有點！☺️啲包皮做到好薄好薄，🤩一上枱要趁熱分開做一塊塊先，😎可以分比朋友們，👌🏻一齊做包填鴨嘅手工😂啲鴨皮好脆，又唔太肥，😚啲肉又好嫩口，就是剛剛好☺️包下包下，唔覺意食左成十舊🤪首先利申，我係唔食秋葵嘅，😫我唔鍾意秋葵滑潺潺咁😫但我鼓起勇氣試咗一條，🧐呢個出奇地好味喎！🤩完全無滑潺潺，又無青味，☺️我覺得幾好食！😎我開始對臭臭秋葵改觀😜不過應該只會食呢到嘅秋葵😂呢個乾煸四季豆就不過不失啦！🌝啲辣椒乾得個樣，😂啲四季豆唔太辣的，👌🏻都算香口，😛算是正常菜色😌呢個酸菜魚望落以為戰鬥力好低，😫點知......辣到媽媽都唔認得呀🤯好....我認我食辣嘅程度只

禮拜五晚約左好朋友兩個人去食東北菜，點左：片皮鴨半隻 如常好吃大蔥牛肉 馬虎、一大兜水、好咸，好明顯廚房趕時間求其出品紅油抄手 我最愛今次已經記憶中第6➕次幫襯，亦係最後一次！人好多好逼，檯擺到密密麻麻舉起手都撞到隔離位男士，又吵！想賺多d都要錢都要顧及下顧客感受！講話對面都聽唔到！兩個女仔食左一個鐘，有個服務員走埋黎問我地係米叫埋單，我地完全無叫過！又話用餐時間90分鐘？之後又有人走黎問，d嘢係米執得、唔食啦？喂，我仲食緊！之後我地係AA，所以互相計數執定錢，又有人行埋黎係米執好啦，喂！你等等得唔得啊？使唔使係咁催人？所以經過今次，我唔會再去！香港地東北菜何其多，以後都會搵第間去！👋

大角咀人氣食店絕對不是蓋的！晚飯時間，絡繹不絕的人潮堆在店門口，人氣可見一斑！在靜靜的內街顯得十分突出～～～東北皮肉凍 $62色澤晶瑩剔透，咬落口感似果凍！北京填鴨（半份）$168基本上每枱都有點，可見是這裏招牌菜！烤鴨油脂分佈剛好，食落很香口，連京蔥，青瓜及薄餅包在一起十分滋味～～！黃金南瓜 $78蛋黃包住南瓜再炸到金黃酥脆，咬開內裏南瓜十分嫩滑，清甜，與鹹香的蛋黃皮形成強烈的對比！我都陷入矛盾之間，美味與邪惡在較量～～酸菜桂花魚 $228我地揀左小辣，桂花魚魚塊份量算多，魚肉嫩滑，只是嫌魚骨有點多！鍋底有大量酸菜及薯粉，喜歡還可以飲埋湯頭，愈食愈惹味！整體來說，食物大份夾抵食，一點也不貴！上菜效率快，食物色香味俱全！只是餐廳環境狹窄空間不大，食客太多噪音太多，如果帶小朋友來就要認真想想！

這家店在大角咀已經有一點小名氣，它從一個舖子擴闊到兩個舖子，為什麼🤔因為這家店的東西真得好好笑，尤其是在中午吃飯價格非常大衆化，他有很多選擇一定有一款適合，我自己有很多午餐都試過，尤其是餃子和水煮牛真得好好食！另外他的片皮鴨也不錯，因為我曾經晚上食過👍🏻它的環境比較擠了一點，店員服務也挺好！

是次和朋友們吃！本身沒什麼大期望，結果有驚喜！我們一行五人去吃，七樣東西全部大大份，埋單都只是１００多元／人！好抵啊！頭round點了以下東西：紅油抄手，我喜歡吃辣，想吃水餃又想吃辣這個就是不二之選呢！內餡好多，又夠味，好得～片皮鴨我們book時留了半隻，都好夠五個人share！少吃多滋味呢！我覺得比最傳統的北京style還要好！皮和肉的比例好好，皮燒得好香，果然是鎮店之寶呢！現在什麼都有咸蛋的菜式，這裡都不例外！本來覺得咸蛋南瓜奇奇怪，怎知出奇的好吃！又咸又甜，外脆內軟，我真的不停口一口一口地吃呢嘻嘻～麻辣豬耳好好味啊！好入味，豬耳好爽～份量亦好足！後者的雞絲粉皮則一樣好味，是較清新之選～我們之後還點了豆沙餅和豬蹄！不過忘記拍照呢。兩樣都有驚喜！前者是驚，因為鍋餅豆沙份量極少，而且皮不鬆軟，好乾好油。。。是為全晚最差，而豬蹄好味又入味，好多膠原，正～入面環境一般，比較迫，不過氣氛反而一流呢～寫完食評，我現在已經想再吃了，哈哈～

因為我同朋友都想食片皮鴨，所以就搵日夜晚去左食老掌櫃。泥間野平日會好多人去，如果唔想等甘耐既話記得要預先book位。當然都可以直接walk in ，不過夜晚真係好多人架。由於人多既關係，環境會比較擠迫，不過我覺得都可以接受既。片皮鴨比起之前食過既幾間餐廳都好食，強烈推薦!!!  必食之選 而其他餸例如餃子同牛肉麵都好扺食，只係個人覺得牛肉麵有D淡。唯一覺得美中不足既係水煮魚無想像甘好食，可能煮法唔太岩我胃口啦。

首次在香港試東北菜，竟然有驚喜。奧海城行出黎入到一條小街，一去到撞正晚飯時間排長龍。等左大約20-30分鐘左右就有位，下次book定先應該會好d北京填鴨(半隻)($158)片皮鴨好新鮮，口感一流，即使加入其他配料同醬汁都不會蓋過片皮鴨的味道。雖然只係半隻，但都好大份，建議3/4個人要半份再多吃幾種小菜。秘制杭州骨 ($78)肉質不老，亦唔會瘦到得好少肉。酸酸甜甜，能迎合大部分人口味，但有少少咸，建議配以白飯吃。可惜今次蘋果拔絲賣晒，下次再試!

大角咀，一個距離旺角太子大約10分鐘路程嘅地區租金相對平所以有唔少嘅小店都會選擇喺大角咀立足。今日介紹一間老字號係好評如潮的老掌櫃東北菜館，一直聽朋友介紹過大角咀呢間好野，仲話一定要試下個片皮鴨。呢次係我呢一年嚟，第二次黎呢間餐廳用膳，食後感其實同第一次黎果時完全一樣。北京填鴨（跟24塊餑餑皮）$298份量來說，是俾足料，一隻鴨分為兩大碟，每碟大約有20片鴨件。睇相都睇到鴨肉大大嚿絕對飽肚，但係我唔係想黎食飽自己，我係想食好食既野！鴨肉完全唔夠水份，肉質好鞋～講緊食片鴨，梗係個皮好重要啦，但你睇下d相就知，肉勁厚身但咁少鴨皮，而且脆度一般也沒有該有的鴨油香，非常失望！東北醬骨架$78都係果句，份量夠，但質素麻麻，煮得夠淋，但略為過咸。因為餐廳係自己按餸菜的號碼黎點菜，當日朋友錯點左呢一款咁特別嘅菜式，食完佢都唔知去叫咩名不過覺得有驚喜！o係新鮮的菜上面灑上芝麻並倒上黑醋，感覺好醒胃、新鮮！👍🏼另外，d姐姐既態度同語氣認真麻麻，我知你忙，但我地都係好有心黎餐廳，想食餐開心飯，你黑口黑面，又咁差態度，好難令人覺得呢間餐廳好。

係久違了的京菜通常年輕人好少會約埋班同學食中式野，多數係日韓西式比較多。但事關有位朋友好想食鴨，就揀左食片皮鴨冇咁貴既老掌櫃～啲確係唔錯既選擇！叫到一枱都係野食，當然不少得每一枱都幾乎會點到的片皮鴨我地叫左一隻，相中只係半隻，我地以為得咁少，點知之後嚟多一碟🤤薄餅上放一片鴨同青瓜蔥花等，點上醬汁一齊食 正！口水雞既汁冇想像中辣，相反佢好香辣椒味，好惹味，愈食愈上癮！睇相可知一啲都唔細條，肉都幾多幾嫩，唔會炸到老哂😍💗面頭淋上咕嚕肉個隻汁，好開胃！食完濃味野食返會覺得略為單調，只有麻醬味。但我再配上口水雞的辣椒油立即變得超好味蔥頭好香，羊肉切得略為大片，切返幾啲就可以啖啖蔥同肉🤤外面排隊的人不少，食完坐左一陣就叫我地走，不過以咁既京菜質素同價錢係好出色❤️

好茶伴好菜，三位唔該~~值得推介的>>蒜蓉秋葵從來未想過秋葵有這樣的味道~~之後當然有食到好遠近馳名的片皮鴨~~好好食，唔太肥又好有肉汁，好味道!¡!¡食食下，食到半飽又唔知食咩，加個涼拌小菜就岩岩好了~我就揀左千層漿豬耳朵^^口感好爽，又唔辣，唔錯唔錯~~~最後，為食的我叫多左個高力豆沙做甜品，薄薄的一層糖霜，一個金黃色脆脆地的高力豆沙，同行人說，要即時食才好，可惜不能外帶回家給媽媽食><哈哈，唯有下次要再訂位食了^^