老掌櫃東北菜館 (已搬遷) 新店位置

剛好行過大角咀，好耐無食過東北菜，諗起對上一次食已經係十年前係北京做野個陣。見裝修幾好，又多人食就打算試下。其實入邊有吉枱，但侍應比左飛我，叫我地等等。等左十分鐘發覺唔係好對路，點解有對情侶walkin即刻有枱既？原來係個侍應唔記得叫我地入座試左個小雞燉磨菇，口味可以，但薯粉較小。最差係北京餡餅，菜唔多又油，仲要細過個包餅鋪既迷你飽，但要賣成$18最差係豆沙鍋餅，無味得黎仲要乾到龜裂只此一次，不會再來

今日男朋友心血來潮想食上海野，其實我想食住家飯，因為唔係好想出街🙈 結果，兩全其美，去咗老掌櫃買外賣返屋企！哈哈！其實不嬲都有食開，知係有咁上下質素。如果我地晚餐時間七點幾去既話，一定爆曬場🤦🏻‍♀️ 有機會等位都等成個鐘～ 外賣返屋企本身期望唔大，因為我地叫咗土豆燒牛肉，如果堂食嘅話係會放係一個好熱嘅瓦煲去保持溫度，但外賣會放入膠盒但係好彩，佢都可以保持質素，返去半個鐘先食都原汁原味✌🏻✌🏻其實睇落好健康，因為蘿蔔同土豆都佔三分之二然後，梗係唔少得雞絲粉皮，老掌櫃其中一個招牌菜唔係每間雞絲粉皮都好好食，呢間味道真係好濃，啲麻醬落得好重手，粉皮又唔會整得太膠，所以超級好食👍🏻👍🏻仲有一道餸係我男朋友鍾意嘅，就係羊肉餃，我本身唔太好羊但係都覺得幾好食。佢嘅樣肉都幾足料，咬一啖已經成口羊肉，如果本身對羊唔係太抗拒，我都覺得可以一試！總之，今次我都幾滿意，全部都係用保溫膠盒，雖然就唔環保，但可以循環再用嘛如果唔想成日食茶餐廳飯盒，老掌櫃外賣都係唔錯㗎🤣🤣🤣

每個月都會約返中學同學聚舊加食好西。今次經同事介紹呢間東北菜，話抵食又好味就一早月頭book定月中去食！建議大家都係早少少訂位，如果大家想食片皮鴨，記得記得記得要同係book位果陣講埋留鴨比你！仲有盡量都唔好walkin 因為真係好多人等。我地4個人訂左位好快就入到去。入到去好肚餓，即刻叫野食！叫左個秋葵好健康同好開胃紅油抄手🤗🤗少少麻少少辣禁最重要o即片皮鴨 我地4個人叫左一隻 有兩盤上面禁排o既鴨🤗🤗🤗差d食唔哂，鴨超香又夠油香又夠鴨味，肥瘦適中。最重要只係298$比起其他地方cp值爆高！d青瓜條蔥絲同餅皮都好新鮮有口感同熱辣辣！之後仲叫左餃子同抄薯絲，都十分抵食。最後食左個豆沙鍋餅，呢個同出面街唔同，薄薄地同脆脆地 好似食豆沙餅乾禁好得意整體黎講絕對會再去食過，因為味道真係唔錯同抵食🤗🤗🤗

識了十年的朋友難得聚餐舉行7月之星生日會由於其中有朋友想吃片皮鴨經過一番搜尋後 這裡的片皮鴨的性價比都很高 所以決定來這裡了訂座只有晚上六點 七點和八點半可以選擇我們八點半到達 門口還有很多人等位幸好一早已訂座樓底比較矮 人也很多 所以可能比較嘈但都還算可以最後我們7個人點了11碟菜和2個甜品 其中4款我覺得不錯東北亂燉有我喜愛的粉條 東北菜比較重口味 而這個菜比較多蔬菜 只有少量的排骨 但肉質淋 入味 所以在東北菜來說比較清紅油抄手不會辣 蒜味足夠乾扁四季豆這是朋友推薦 平平無奇的四季豆 竟有意想不到的惹味感覺 小小麻 小小辣 不會太油片皮鴨這個應算是鎮店之寶 訂座是需要預訂片是脆的 加上鴨肉 不會有外面餐廳只有皮的油 而且加上京蔥 青瓜 包在一起吃 絕對是清新得來帶點肉香

突然朋友好想食片皮鴨，而又有朋友住大角咀所以黎試下，由於六點才開舖，諗住早啲黎等佢開舖就實有位。點知一開舖就入哂所有已訂枱既人，得返一張枱剩而且都係人地訂左但未有人黎，叫我哋等15分鐘冇人黎就俾我哋，真係相當好彩。要黎食記得要訂位呀！地方非常狹窄，洗手間最好不要去。不過食物質素高，而且價錢便宜，我哋六個人食咗以下咁多野，每人只係百零蚊。可惜師傅唔肯整拔絲蘋果，可能星期日人多，話要九點後才做。。。。

朋友推介左老掌櫃好耐，見happy friday就約埋幾個朋友一齊黎試試佢！叫左：片皮鴨京怱羊肉餃醉雞水煮魚怱爆牛肉黃金南瓜蝦蛋炒飯一場嚟到梗係要叫隻片皮鴨，果然係招牌菜，皮脆肉亂，應咬落去肉質必晒出嚟，再加埋烤得好香既皮，完美！羊肉餃有濃濃羊臊味，彈牙嘅皮食得出係自家手制的，肉汁都多，正！水煮魚係驚喜中之驚喜，雖然表面多油，但食落完全不油膩，仲有紅薯粉做底，索晒啲好香嘅辣汁，食到停唔到口！黃金南瓜係將個南瓜沾滿鹹蛋黃炸，十分香口，係送飯送酒之選去之前朋友一直話呢度啲姐姐好惡，但去完之後覺得唔係呀，好Nice！

平時lunch都會同同事去食水煮魚，但之前睇食評話片皮鴨好食，所以約埋班fd試試。早幾日打去book位，佢話full晒要walk in，我問片皮鴨洗唔洗訂，佢話要，所以我留咗半隻。其實我都唔明冇得book位都可以留鴨係咩玩法，不過都留定先。星期五晚7:15去到門口，已經好多人等位，但我哋4人等咗唔洗10分鐘就入坐，真係好彩！一坐低即上片皮鴨，半隻鴨平均每人都食到4-5塊，餅皮超薄，鴨偏瘦，食落啖啖肉又唔油膩，果然係必食！反而碟醉雞比較失色，冇乜酒味。水煮魚比午市套餐大碟得多，但食落竟然冇午市咁辣，應該係個辣汁溝稀咗少少，不過都係一如以往嘅必食推介！最後叫咗個黃金南瓜，用黃金蝦嘅製法炸南瓜真係好有創意，外脆肉軟！可惜始終係油炸食物，淺嚐可以，多吃就會好油膩🤦🏻‍♀️當晚最遺憾嘅係冇拔絲蘋果，睇嚟要再嚟多次😂

朋友帶左我黎大角咀呢間餐廳食晚飯 果晚係平日嘅6點半 但係餐廳已經迫爆人 要等位等左大約10分鐘就可以入去👍🏻我地2個女仔 叫左2個餸 都食唔晒 好大碟！先黎左北京填鴨其實158半隻真係幾抵食 仲要份量都幾多下🤗 夾埋啲配菜包埋個皮點埋個醬 真係好好味👍🏻 但係就咁食個鴨就有小小騷味 我地仲叫左酸菜魚 個魚係龍利柳 好滑😊 而個煲入面仲有薯粉 薯粉索左啲湯嘅酸辣味 好好味！加埋啲酸菜一齊食 簡直係正👍🏻最後我地個煲只係食左一半 隻鴨食剩5-6塊 份量真係好多！

今次朋友生日就約左呢間食東北菜自己好喜歡吃中菜就無意間找到呢一間片皮鴨是要訂位時訂定我們四個人其實半隻都好多😋.一進門環境好中國風位置都算逼所以慶祝生日或想坐耐一點聊天不是一個好選擇，因為外面都有很多人在排隊所以吃完都要趕快清場讓給下一組人.片皮鴨一上來我都覺得多啊4個人叫左5-6樣野食加埋隻半隻片皮鴨都有點多佢既鴨肉係厚身所以吃下去好滿足好好吃😋喜歡吃片皮鴨的人不要錯過.至於酸辣豆絲都好好吃酸味辣味剛剛好牛牛牛麵味道算清淡相對其他送但牛肉麵好厚實都好好味已經想去第2次了🤤🤤🤤

平時同老公二人最愛食東北菜，今日撞正老公舊曆生日，諗住食大佢，無意間比我係openrice揾到呢間唔錯嘅評語嘅小店。門口裝潢老北京感覺紅鐺鐺，入到去更有濃厚中國氣息，我一早打電話book左位加留半隻片皮鴨，當然如果大家無留定鴨佢都有機會比到你，但最好緊係預留定啦，以免一場歡喜一場空，我地7點到達餐廳，都見仲有位剩，不過慢慢好快就爆滿了。佢落單形式係比張紙筆你寫上菜餚名字或者相對號碼，我地一行二人叫左麻辣海哲頭，京蔥羊肉，雞絲粉皮，半隻片皮鴨。比左單後發現原來佢醉雞有拎奬！個餃子都好似好好食咁，好多人叫，仲想食個羊餡餅啊🥙！不過無咁大個胃口，唯有下次食。麻辣海哲頭，有麻香，又有大舊，唔太辣，好鬼惹味！其實本人本身就好鍾意食羊，所以我一定覺得京蔥羊肉好食，有少少似乾炒牛河，不過老公平時一般羊都覺得好味，佢話唔騷，所以唔太好羊嘅朋友仔都可以試下。雞絲粉皮佢溝左花生醬，甜甜地好開胃，又可以解辣，唔係啲一夾就斷哂嘅粉皮，軟硬剛好👍🏻最後，我大愛片皮鴨，半隻粉量剛夠二人食，皮雖然唔夠脆，但夠香，佢嘅鴨係帶有肉，如果你追求超班正宗片皮鴨得浸皮個啲，咁就唔岩你啦，不過我就好鍾意，因為夠鴨味，香甜新鮮。

一行五人，一心來試食片皮鴨，叫了一隻，上檯有兩大碟已經片好的鴨肉，看到賣相，個心已經冷咗一截，試一口，肉多過皮，皮也不脆，與平時食開的北京填鴨仍有一大段距離，感覺上，與我們去買隻燒鴨回家起肉分別不大，老實講，都幾失望。另外叫了羊肉餡餅，家常餅，豆沙鍋餅，幾款餅類的皮都很韌，也許，是我個人口味問題，不喜歡食太韌的東西。(講到餡餅，餅類，我還是覺得馬X莊的餡餅做得較出色。)至於雞絲粉皮，這兒做得不錯，粉皮不會痴埋一嚿，個醬的味道，濕度都掌握得唔錯。香樁炒蛋，賣相唔靚，但味道都唔錯。拔絲蘋果，備有一大碗水一起上檯，侍應提示先浸水拉絲更好，我們聽指示來試後，拉絲很長，但好痴牙，唔識欣賞。每人的口味都有所不同，但對我個人而言，試過一次便夠了。

從熱鬧既大路轉入冷清既小街，依間東北菜館如果唔係朋友介紹我諗都唔會識搵到果到！坐係門口等既人絕對多過成條街其他既人加埋，如果晏左黎真係等30分鍾條隊先郁一郁都唔出奇，但係佢既北京填鴨唔會令你失望！店入面不大，而且位置有d窄；如果兩人來吃的話叫多幾樣餸真係會擺唔哂，食得十分狼狽。首先介紹萬眾期待既北京填鴨，大家千祈唔好等d野上齊影完相先食，如果凍左先食佢個香味同汁都會有影響！皮同肉中間鎖住左好多汁同油，再沾上特製既醬汁同用一塊餑餑皮包住擺落口，d油脂同肉汁就會係口入面爆出來，依道餸絕對停唔到口！另外十分滿意既中有雞絲粉皮，粉皮十分爽滑而且非常晶瑩剔透，醬汁非常濃厚，再同d青瓜撈埋一齊，口感同味覺一流！至於擔擔麵就不太特別，麻多於辣，豬排也就是豬排。羊肉餃的羊肉味十分重！但店鋪出名都是小菜類、擔擔麵同餃子並不是必吃！

之前一直想試老掌櫃東北菜館但係因為唔係好就腳既關係就一路都冇試到, 直至到最近先搵番D收藏過既餐廳出黎試。因為驚要等位, 所以6點鐘已經去到, 點知都係要等...原來咁多人食。等左半個鐘左右就入得, 我地叫左一個醉雞, 半隻片皮鴨, 青椒炒土豆絲同埋孜然京蔥爆牛肉醉雞: 雞好滑, 酒味OK, 但偏甜口味, 但係個人係鐘意酒味濃同埋咸D既口味同埋唔係好鐘意食D仲有血既雞, 所以我覺得醉雞只係一般。土豆絲: 炒得好食, 唔會好油好咸, 可以中和番食咁多肉既油利片皮鴨: 我覺得好食過好多出名食片皮鴨既餐廳, 而且價錢平過出面3分1。佢既鴨肉好香同埋夠哂淋, 皮亦都唔算好肥, 青瓜好甜, 唯一不足之處係個薄餅皮唔夠熱同埋可能擺得耐有D硬左, 不過整體覺得幾好既。孜然京蔥爆牛肉: 炒得好夠獲氣, 孜然好香, D蔥亦都好甜, 冇炒到老哂, 牛肉唔硬,成碟送好濃味, 好好送飯。會再番黎食其他野, 不過一定要早D黎如果唔係晏左會好多人等位。

離奧運站5分鐘路程的東北菜已經是第四次到訪每次來人潮往往絡繹不絕今晚也不例外不到七點外面已經有些許排隊人潮今天專為北京填鴨而來～請看菜單不是烤鴨唷後來發現每桌幾乎都有點一盤北京填鴨到底有多好吃呢登登登登北京填鴨上場囉餅皮熱呼呼配上脆黃瓜和獨門醬汁果真一絕不過肉今天不是熱呼呼的有點可惜啦伴著烤鴨的脆黃瓜 相當順口麻醬是這家店另一個亮點雞絲粉皮上配著一絕的醬實在太美味了順帶一提這間店的麻醬麵也是超級好吃😋整體而言北京填鴨好食麵類東北特色十足是一家值得來試試的餐廳用餐時間排隊是家常便飯的～但是通常都不會等太久喔推薦給想吃東北菜的人

今日為大家介紹東北菜,位於大角嘴,鄰近奧運站同埋奧海城. 有分午市同晚市,晚市時段更是大排長龍. 究竟有咩咁吸引?等小編為大家介紹下.我地2點幾中去到食午市, 都已經冇咩人了,佢既裝潢以木家具為主,油漆低調. 冇特別話有咩地區既特色咁.我地叫左一個排骨擔擔面同京蔥羊肉煎餃. 擔擔面煮得都幾好,算係適當既軟硬度. 湯底唔辣,但出奇地有小小麻既味道, 花生味香而不濃,可以叫左幾清下,比起一般的擔擔面. 排骨就早知唔叫, 又硬又涼又酸, 女小編直頭隊哂比我食@@至於京蔥羊肉餃, 蔥既份量適中,羊肉味道唔明顯,份量亦唔多,皮厚,感覺係太多粉. 佢就一共有十隻,勝在熱辣辣, 有小量肉汁同埋皮味去到粉到痂牙.地址: 老掌櫃東北菜館Lao Zhang Gui Dongbei Restaurant:大角咀大角咀道55-65號牡丹大廈北座地下9-12號舖